عاجل :وقففة للمعلمين والمعلمات لزيادة الرواتب

[yes9977]

رد : عاجل :وقففة للمعلمين والمعلمات لزيادة الرواتب

اعلان على موقعهم فى توتر ان عدد المدرسين الى بروحون الوقفه وصل 3000

ما شاءالله

انا بصراحة بروح
صج انى مو معلمة لكن بآزرهم وخواتى معلمات

 

[(كويتيه عسل)]

ابلااااااااااااااات لا يقصون عليكم

هذي حركه من ربع الوزيره اللي بتويتر لان في استجواب ياي بالطريج لها

يقصون عليكم يضربون بالوتر الحساس علشان يبون يثبتون لمجلس الوزراء ان المعلمات يحبونها

ويايبين لها ورد علشان ترزز عمرها بالاعلام والجرايد علشان لا يشلعونها من الوزارة

ترى زيادة المعاشات موبايدها بايد مجلس الوزراء والشيخ صباح الاحمد ثم مجلس الامه عرفتو

 

[البدر_66]

منو الي راح الوزاره يبلغنا:yaaaaaarb:

 

[ام طلال]

رد : عاجل :وقففة للمعلمين والمعلمات لزيادة الرواتب

بصراحه لاتعلييييق
مرتزين جدام الوزارة من الصبح ومعانا قلم رصاص وورده حمرا!!!!!!!!!!!! القلم الرصاص شحقه عندنا املاء مثلا
اما قصه الورده الحمرا فمو فاهمه الهدف منها للحين:080402ask_prv:

 

[البدر_66]

رحتي ام طلال

 

[البدر_66]

وينكم يا معلماما تردون شنو صار:bbbiu:

 

[ام طلال]

رد : عاجل :وقففة للمعلمين والمعلمات لزيادة الرواتب

لا والله يالبدر لارحت ولامفكره اروح شهالاستخفاف بعقول الناس لا والطلب اللي طالبينه حده سخيف قلم رصاص وورده حمرا !!!!!!!!!!!!!!!!!!!!!

 

[أم*سلمان]

آب


آب


آب

لعيوونكم و ان شالله يزيدون رواتبكم

 

[معلمة_منكوبة]

رد : عاجل :وقففة للمعلمين والمعلمات لزيادة الرواتب

أففففففف شالحسد !!! ماما اللي تقول الطلبة يشترون الوسايل ... حبيبتي

لما تكبرين وتعرفين الفرق بين الوظايف تحجي !! منو يشتغل في البيت

عقب دوامه بعد غير المدرس !! والمصريه اللي تقول معاش الخليجيين

اقل منا !! حدج غلطانه ....


وام دبلوم فني صج قلتيها ياشين اللقافه !! لانج داخله قسم (المعلمات) احنا

عارفين قد تعبنا ولما يكون فيه منتدى حق اللي عندهم (دبلوم) فني بوسنتين

مو احنا خمس سنين ... بنشوفج اشلون تردحين علشان تبين زياده ... بس

اظاهر بغيتي تصيرين مدرسة وسقطتي بالمقابله والحين منقهره وقاعده

تطلعين عقدج !!!

المشكله باللي هني يسوي روحه عنتر وبالمدرسه اييب عشرين واسطه

علشان جم درجه !! وطولة اللسان والحسد ينقلبون حق ورده !!

 

[yes9977]

رد : عاجل :وقففة للمعلمين والمعلمات لزيادة الرواتب

شفتو يا بنات طلعت سالفة الاعتصام غشمرة مو صج ,دخلت التوتر ولا واحد مسوى دقة ككككاااااااك

 

[ام طلال]

رد : عاجل :وقففة للمعلمين والمعلمات لزيادة الرواتب

اختي الكريمه اتمنى قبل ماتنقلين اي خبر انج تتأكدين من مصداقيته هذا اقل شي تسوينه هذا اولا وثانيا:
عندي سؤال شلون دقه وشلون كتبتي بواحد من ردودج ان العدد وصل 3000!!!!!!!!!! ممكن توضحين ؟

 

[*سويسرول*]

شسالفه؟؟؟
توني ادخل الموضوع؟؟:bbbiu:
صج في زياده :yaaaaaarb:

 

[اريج الجوري]

رد : عاجل :وقففة للمعلمين والمعلمات لزيادة الرواتب

بنات شصار طلع صج او غشمره ؟؟؟
في احد راح او لأ ؟؟؟
مع اني ما احب فكرة الاعتصامات لأنها مامنها فايده ,,,:s141:
وسالفة قلم الرصاص اكيد بينفعون تاجر معين وكيل اقلام الرصاص لأنهم من قبل مسوين نصب تذكاري من اقالم الرصاص ,,, شكرا معلمي ,,, والدقه اللي مركبينه هنود ؟؟؟ :flower:
والورده بمناسبة الفلنتاين يعنني نحب الوزيره ,,, مالت بس ,,, :eh_s(13)::eh_s(13):
المهم شصار يوم الاحد في او طلعت فاشوش ؟؟؟

 

[yes9977]

رد : عاجل :وقففة للمعلمين والمعلمات لزيادة الرواتب

اختي الكريمه اتمنى قبل ماتنقلين اي خبر انج تتأكدين من مصداقيته هذا اقل شي تسوينه هذا اولا وثانيا:
عندي سؤال شلون دقه وشلون كتبتي بواحد من ردودج ان العدد وصل 3000!!!!!!!!!! ممكن توضحين ؟

هذا مكتوب فى موقعهم بتوتر

 

[تبولةتبولي]

اريج الجوري حبيتج وحبيت توقيعج وبعدين ليش الحسد حرام حرام والله حرام عليكم يالموظفات عالاقل انتوا تقعدون عالكرسي لما تشتغلون مواحنا ممنوع علينا القعدة طول الحصة على الاقل انتي بالدوام مسئولة عن جم ورقة مواحنا مسئولين عن 30طالب على الاقل انتي تدخلين الدوام مالج شغل باي مناسبة عالمية احنا لازم نشارك بكل مناسبة يوم تخضير اطفاء اخر بير بداية السنة الهجرية والا اختموها بعد بالوجبات الغذائية صرنا فراشات رسمي شوفي الطالبة كلت والا لا وديري بالج لا توصخ ملابسها واللي ترجع وتلوع جبدج من الصبح بذمتج مر عليج هالشي بس كوني صادقة مع نفسج000000000وبعدين شكو تقارنونا بالوافدين ليش احنا نصرف مثل صرفهم وبعدين شنو قاعدين نستفيد من معاشاتهم كل دينار محول حق بلدهم على الاقل احنا نشتري من الجمعيات 0بنزين 0مطاعم0سينما0يعني نحرك اقصاد الدولة مو مثل هالوافدين قاعدين بس حسد وفقر عالدولة 0000000واللي قالت انا وزيرتنا تحب الوافدين هذا شي اكيد والا على شنو بتعطيهم بدل سكن ليش ان شاء هم عايشين بادوار ديلوكس اذا الشقة الوحدة يسكنون فيها عايلتين والاعندهم نظام الشقة الرجالي والشقة النسائي طبعا هذي موضوع بحد ذاته بالنسبة للدروس الخصوصية ترى السالفة مكشوفة الموجهين يصعبون المناهج والمدرسين الخصوصين يستفيدون يعني بيفيد ولد ديرته مويحسده والا وزارة الداخلية وينها عنهم موممنوع يزاولون هالمهنة انا لو من وزارة التجارة اطلع لهم اذن عمل ب100 دينار كل كورس عالاقل تستفيد الديرة منهم 0000بس خلاص تعبت نفسيتي

 

[قـ(عيوني)ـرة]

رد : عاجل :وقففة للمعلمين والمعلمات لزيادة الرواتب

شوفوا انا ممكن احضر معاكم بس قلم ماجيب (رصاص ) اي اكيد _03ba:

 

[قـ(عيوني)ـرة]

رد : عاجل :وقففة للمعلمين والمعلمات لزيادة الرواتب

هـديـتـي للأخـوة الـمـعـلـمـيـن . . . :


كـادر الـمـعـلـم فـي وزارة الـتـربيـة = 240 ديـنـار . .

كـادر من يحمل مؤهـل رابع متوسط في المؤسسة العامة للرعاية السكنيتة = 260 ديـنـار . . .


مـشـكـلـتـكـم يـا مـعـلـمـي الأجـيـال . . . مـنـكـم وفيـكـم . . .


جـمـعـيـتـكـم . . رئيـسـهـا ضـعـيـف جـداً . . . اسـتـعـيـروا بطلال القحاني رئيس جمعية المهندسين . . فـهـو يـعـرف من أين تُـؤكـل الـكـتـف . . .

 

[om qamaza]

رد : عاجل :وقففة للمعلمين والمعلمات لزيادة الرواتب

محتاجين اعتصام حقيقي واضراب لنصرة المعلم حتى لو يتم وقف الدراسة يوم كامل حتى ناخذ حقوقنا كاملة وتكون مهنة شاقة

 

[Miss Cherry]

شنو صار على الاعتصام .. فيه ناس راحت ؟

 

[اربعينية وصغيرة]

رد : عاجل :وقففة للمعلمين والمعلمات لزيادة الرواتب

اولا منتها بالتراب هالوزيرة اللي منفعة عجايزها اللي معاها خخخخخخخ ثانيا وين اعضاء اللجنة التعليمية في المجلس عن مطالبنا وتفعيلها بدل هالجمعية اللي طايح حظها ثالثا بالنسبة للاخت اللي تكلمت عن معاشات المصريين وغيرهم هذولا ماكلين الاخضر واليابس من الدروس الخصوصية اللي اهي من جيوبنا خلف الله علينا واذا مو عاجبهم يردون لديارهم علشان يعرفون قيمة الدينار اللي ياخذونه :q8: