شلون تنظفين الجدور من السواد

[ياسمينا]

شخباركم خواتي
لاتضحكون علي انا احترت من خدامتي اجيبلها الفيري وسائل لازاله الدهون من المواعين وماكو ماتلمع جدوري اقولها ليش ماتنظفين ترد
مدام هادا مايروووووح قطيعه
عندكم حبايبي طريقه تزيل السواد من المقلى والجدور عفيه ساعدوني:eh_s(3):

 

[* عباية راس *]

شوفي عندي طرق غريبه بس مفعولها عجيب

اذا عندج حديقه خلي الخدامه تاخذ الجدر وتروح للحديقه وتحط شوي ماي عالرمل وتفرك فيه الجدر ويروح السواد واذا ماعندج حديقه خليها تنظفه بالبراحه لووووول

اذا سويتي القهوه وصبيتيها بالمطاره أخذي الحثل اللي يبقى بالغوري ( الحثل = بقايا تفويح القهوه ) ونظفي فيه الجدر فركيه زين ويروح ان شاء الله

 

[so^so]

اخذي طشت والا سطل كبير وحطي فيه خل مع ماي حااااار يغلي وحطي شوي ملح وحطي مواعينج فيه
خليهم يقعدون ساعه والا ساعه ونص وعقب خليها تفركهم والله راح يلمعون وعن تجربه

 

[ياسمينا]

شوفي عندي طرق غريبه بس مفعولها عجيب

اذا عندج حديقه خلي الخدامه تاخذ الجدر وتروح للحديقه وتحط شوي ماي عالرمل وتفرك فيه الجدر ويروح السواد واذا ماعندج حديقه خليها تنظفه بالبراحه لووووول

اذا سويتي القهوه وصبيتيها بالمطاره أخذي الحثل اللي يبقى بالغوري ( الحثل = بقايا تفويح القهوه ) ونظفي فيه الجدر فركيه زين ويروح ان شاء الله

جزاج الله كل خير الحثل متوفر كل يوم عندي مو مدمنين قهوه احنا خخخخخخخخخ مشكوره عالتفاعل الحلو

 

[ياسمينا]

اخذي طشت والا سطل كبير وحطي فيه خل مع ماي حااااار يغلي وحطي شوي ملح وحطي مواعينج فيه
خليهم يقعدون ساعه والا ساعه ونص وعقب خليها تفركهم والله راح يلمعون وعن تجربه

يسلموا سو سو بجيب الطشت واخلي هالخدامه الكسوله تنظف والله مو مصبرني عليها غير ازمة الخدم الحين ماتلقين خدامه سنعه
الله يعين

 

[مخروووشة]

والله خوش طرق


مشكورة وما قصرتي

 

[العود الأزرق]

فيه صابون اسمه sunshine تلقونه في الجمعيات وفي سوق الميرا
أنا أغسل فيه القدور مع الليف طبعا
تطلع قدورج تلمع كأنها جديده

 

[nice smile]

ومنكم نستفيد عندي مقالي شزينهم من مركز سلطان كد ومد بس صارت عليهم طبقه سودا ماتروح ولونهم صار بايخ ..
بقول حق خدامتي تجرب طريقه القهوه او الخل

ويزاكم الله خير

 

[مهاوي البحرين]

في صابون احنا نسميه الصابون اليابس بس بدون ريحه

استخدميه مع الليفه وشوفي اشلون السواد بروح

 

[سحاايب]

فيه صابون حجر اسمه الوزير هذا فضيع للسجاااااد والاوانى المنزليه مع الليفه والماى رهيب