ولدي عمره شهرين امانة ساعدوني

[ابياركو]

ولدي عمره شهرين وله شهر بعاني من نشله وكحة ما خليت طبيب وصراحة راجعت الدكتور سهيل خمار خبروني انه قديموخبرة بالاطفال اعطاني ادوية ومضاد ودوا كحة وبخاخ للانف ما في فايدة مسكين مهو قادر يتنفس ولا يشرب حليب وراجعت الطبيب صرفلي المضاد مرة ثانية وما تحسن الولد ماخليت زيت ولا حلبة ما تعرفون طبيب زين والله ولدي كاسر خاطري

 

[دانة بعين بحاري]

رد : ولدي عمره شهرين امانة ساعدوني

مايشوف شر
بس ترا مو زين المضاد ورا بعض خصوصا انه صغير
نصيحه الدكتور خالد السعيد بالجابريه دارد البراء
دكتور فاهم وعارف شغله ودي ولدج وان شالله يصيير زين

 

[النورة]

حبيبتي
حطي جهاز بخار في غرفة البيبي بوقت الليل
ورفعي شوي فراشة نسبة 30 درجة علشان يقدر يتنفس والبخار يوسع مجرى الهوى

لاتحوشة تيارات هوا بارده او دفا زيادة عن اللزوم

عطيه فيتامينات تزيد من مناعته
في غيتامينات خاصه للمواليد

روحي حق دكتورة نسرين شاطرة في رويال حياة او عفاف الرومي

اذا مافي سخونة وقفي المضاد اعتقد عطيتيه بما فيه الكفاية

ربي يطمنك عليه ويحفظه من الامراض

 

[*ماي الورد*]

رد : ولدي عمره شهرين امانة ساعدوني

المخيزيم بالجابرية
خالد بوحيمد
محمد سعيد
سلفا شحيبر
سعاد البصيري
اسيل الخطيب
كلهم شطار

 

[كتكوته22]

حبيبتي ننصيحه حطي 7 حبات حلبه بمطارة الماي كل ما خلص الماي شيلي القدم وحطي يدد
والله تشوفين شلون الكحه تروح ويرتاح عن تجربه وان شالله ما فيه الا العافيه

 

[iLLuMinaTion]

:082502bye_prv:

 

[الباسمه]

الله يشفيه شفاءا لا يغادر سقما
حبيبتي استمري عالحلبه 7 حبات بمطاره الماي ويكون حجمها وسط مو كبيره
وشربيه مره باليوم مغلي اليانسون ممتاز
وحاولي ترفعينه شوي يعني لا ينام باستقامه كامله
ولا تطلعينه هالفتره
لان احنا الكبار نمرض من تقلب الجو شلون هالصغار
انا ولدي قبل فتره كان نفس ولدج بلغم ونشله بس وديته الطبيب عطوه كمام فانتولين 3 ايام وتحاميل بروسبان والحمدلله اشوا صج ما تعافى 100% بس اشوا
ولا تنسين الرقيا اهم شي

 

[من بنات الريح]

انا اقولك الحلبة واليانسون لاتقطعينة عنة تراها مضاد حيوي طبيعي
ومنقوع التمر
ودهني صدرة بزيت زيتون ومسمار ودفية زين
ولبان الشحري شربية شوووووي ينزل البلغم بالحفاظ
والاستمرار والحرص لاززززززززززززم

 

[Miss-_-Fl0wer]

اختي
انا ولد اخي مثل ولدج بالضبط
ودته دار الشفا
وما بقا دوا ما عطوه
وبعدين ودته مستوصفنا جان الدكتورة تقط كل الادوية بالزبالة
وقالت لها البخار ثم البخار ثم البخار من بعد الله
وسبوع خفت النشلة وصدرة وصار يرتاح بالنومة
والحين عمره 4 شهور ماشاء الله شزينه
والله اشافي ضناج

 

[أم حمد =)]

رد : ولدي عمره شهرين امانة ساعدوني

[bماقصروا البنات

الله يشافيه ويخليه لج [/b]

 

[كلمة وفا]

رد : ولدي عمره شهرين امانة ساعدوني

الله يشافيه ويخليه لج

اخف دوا للاطفال اللي بعمره ادوية المستوصف صج انهم موشي بس عندهم قطرة ماي وملح عجيبه ثلاث مرات باليوم تمشي خشمه والكحه عطيه من الصيدليه دوا ابو عشبه خضرا فيه منه شراب وفيه تحاميل بس قوليله عمر ولدج اول

 

[ديانا سبنسر]

الله يشافيه

 

[ابياركو]

رد: رد : ولدي عمره شهرين امانة ساعدوني

مايشوف شر
بس ترا مو زين المضاد ورا بعض خصوصا انه صغير
نصيحه الدكتور خالد السعيد بالجابريه دارد البراء
دكتور فاهم وعارف شغله ودي ولدج وان شالله يصيير زين

مشكورة ما قصرتي

 

[ابياركو]

مشكورين ما قصرتو صج الينسون وزيت الزيتون عجيبين وقطرة المستوصف وتبخيرة البابونج فدت ولدي الحمدالله صار احسن

 

[مدام فاشن]

ماقصرو البنات


بس حبيت ادعيله ربي يشافيه

 

[om deaj]

حبيبتي ننصيحه حطي 7 حبات حلبه بمطارة الماي كل ما خلص الماي شيلي القدم وحطي يدد
والله تشوفين شلون الكحه تروح ويرتاح عن تجربه وان شالله ما فيه الا العافيه

حبيبتي
حطي جهاز بخار في غرفة البيبي بوقت الليل
ورفعي شوي فراشة نسبة 30 درجة علشان يقدر يتنفس والبخار يوسع مجرى الهوى

لاتحوشة تيارات هوا بارده او دفا زيادة عن اللزوم

عطيه فيتامينات تزيد من مناعته
في غيتامينات خاصه للمواليد

روحي حق دكتورة نسرين شاطرة في رويال حياة او عفاف الرومي

اذا مافي سخونة وقفي المضاد اعتقد عطيتيه بما فيه الكفاية

ربي يطمنك عليه ويحفظه من الامراض

اختي
انا ولد اخي مثل ولدج بالضبط
ودته دار الشفا
وما بقا دوا ما عطوه
وبعدين ودته مستوصفنا جان الدكتورة تقط كل الادوية بالزبالة
وقالت لها البخار ثم البخار ثم البخار من بعد الله
وسبوع خفت النشلة وصدرة وصار يرتاح بالنومة
والحين عمره 4 شهور ماشاء الله شزينه
والله اشافي ضناج

الله يشافيه ويخليه لج

اخف دوا للاطفال اللي بعمره ادوية المستوصف صج انهم موشي بس عندهم قطرة ماي وملح عجيبه ثلاث مرات باليوم تمشي خشمه والكحه عطيه من الصيدليه دوا ابو عشبه خضرا فيه منه شراب وفيه تحاميل بس قوليله عمر ولدج اول

تجربتي فاشلة مع دار الشفا د.مصدق هواش الي الكل يمدحه
صرت على الحديدية ومافادوني
الي كتبوه البنات من الحلبة والبخار والبخاخ ماي وملح واكو شفاط السنانسيل>>> سوري بس ماعرف شنو اسمه

واااااااااااااااي مو صج محد فادني غيرهم ونصيحة لا تطلعينه برة وايد ولا تخلين اليهال يقربون يمه

وان شاء الله مافيه غير العافية

 

[om deaj]

عقب البخاخ الماي والملح
اكو طريقة تنومين الياهل على فخذج وتنزلين راسه بدرجة اقل من جسمه وتضربين بالمنطقة مابين جتوفه ضرب خفيف وخلج فترة وشوفي شلون البلغم بينزل من خشمه

مو تايسين ترا مو كل شي فاد احد يمشي مع ولدج
انا الي سويته حق ولدي هذا مافاد اخوه من قبل يوم كان بعمره

 

[arnoba15]

الله يشافيه انشالله روحي حق دكتور اسمه سيد جاسم شمساه اذا ماخاب ظني بمستشفى الالماني يالسالميه ورا سينما السالميه القديمه وانشالله يفيدج واااايد يمدحونه ريال عود وخبره​

 

[نسيانك صعب]

بصراحه دكتور محمد سعيد اللي في بوشهري كلينك شاااااااااااااطر
ولدي وديته كل الدكاتره محد عرفله الا محمد سعيد اكتشف انه ولدي في لحمييه ولوز كبار
لدرجه انه قبل كلا ينومونه بالمستشفي من رحت للدكتور محمد سعيد صار ولدي واااااايد احسن
خووووووووش دكتور

 

[kuwatiya]

نفس ولدي يووم كان عمره 6 شهوووور مايرضع وكله كحه ونشله ويشرق لما يرضع مابقى طبيب ماوديته

اخر شي ربي سبحانه وتعالي سخرلي اضعف خلقه الله يجزاه خير الدكتور محمد سعيد بوشهري كلينك

سواله اشعه لقى الحليب يسرب لي الرئه واهي سبب الشرقه والكحه والنشله وقاعد اراجع معااه لي يومج هذا

بس الولد ماينام الا على بطنه ومايرضع الا وهو قااااعد روحي له وشوفي وادعيلي​