إللي عندها أي استفسار بخصوص الديكورات والبناء تتفضل ( للفائده فقط )

[عبير-الشرق]

وينج يالغاليه مارذيتي على استفسارى:krkrkr:

 

[صادقة النية]

رد : إللي عندها أي استفسار بخصوص الديكورات والبناء تتفضل ( للفائده فقط )

اختي الله يعطيج العافيه مارديتي
الله يجعله في ميزان حسناتج

 

[tattoma]

حبيباتي أعتذر من الكل عن التأخير في الرد
والله اني ولهت عليكم وعلى اسئلتكم واستفساراتكم

إن شالله اليوم راح ارد عليكم، لأني انشغلت وايد بالفترة الأخيرة

 

[الاميرة النا]

عزيزتي :
هذا نموذج لوضع الصالة وموضع المصعد فيه واللذي تم بناءه موخرا للضروف الصحية لزوجي وكنت مررررررررة زعلانة لانه ضيع عليه منطقة الصالة واللي كنت احب اعمل تحت الدرج اوفيس صغير على الصالة لان المطبخ والقعدة حقتنا في الدور الثاني لكن قدر الله وما شاء فعل
حبيتي الان عندي المنطقة رقم واحد فيديني ايش ممكن استغلها فيه 0 والمنطقة رقم 2 حابه اعمل فيها مدخل ودولاب للعبايات لاني من السعودية فايش رأيك وذا عندك صور ياليت تفيديني . المنطقة رقم 3 افكر اضع فيها كرسيين وطاولة صغيرة بينهم وياليت تفيديني بالاصباغ او ورق الحائط ( ونظرتك للمصعد مرة ثانية ) جزاك الله خير واصلح الله لك نيتك وذريتك يارب

[/url][/IMG]

 

[بشاير الخير]

السلام عليكم.. انا سويت لج تصميم للغرفة اللي بالقبو.. طبعا تصميم بدائي ومو بالضرورة اختيار الألوان نفسها مجر تصميم لتوزيع الأثاث.. أما الصورة الأولى فأعتقد انج وزعتي الأثاث صح.. بس اذا حابة تصميمي ان شالله احاول اسويها بأقرب فرصة بس ابي شرح للخطوط عشان أفهمها..

هذي الخرطة:


وهذي الزوايا من داخل:

الله يحفظك والزاويه فيها شباك وودي اعرف منطقة تحت الدرج وش اسوي فيها وعلى فكرة المنطقة يمين الدرج ماهي مضلعة بل المنطقة دائريه اوهي مفتوحه بدون سقف ابغى لها فكرة حلوة وغريبة

 

[E- buy.]

:q8::q8::q8:

 

[tattoma]

رد: رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم
اذا بقيت أخصص غرفه خاصه حق الأولاد فيها التلفزيونات و السوني و ألعابهم
شنو أحسن أفرشها جلسه أرضيه والا قنفات عاليه
ما أدري شنو الصحي أكثر و عمليه في نفس الوقت ؟
و شكرا

السلام عليكم

حبيبتي بالنسبة بغرف الأطفال أكو أرضيات مخصصة لصالات الألعاب موجودة عند ميداس.. يستعملونها في الحضانات وغرف الألعاب في المدارس..

أما بالنسبة للجلسة فماكو فرق بين الأرضية أو المرتفعة إلا إذا كان عمر الأطفال صغير (مثلا أقل من 4 سنوات) في هالحالة الجلسة الأرضية أفضل منعا للإصابا لا سمح الله بعيد الشر

 

[tattoma]

عزيزتي ...
شنو رايج بالكنسول هذا لغرفه النوم؟؟
وشنو المقاسات حقته لو ابي اسوي عمله منه ؟ يعني الطول والارتفاع والعرض ؟؟ فيه شئ ستاندرد بالمقاسات ؟ لاني مااعرف اختار المقاسات وعندي مساحه كبيره لها ...

الكوكنسول هذا بسيط جدا.. وبالنسبة للمقاسات ما فيه Standard معيّن بس ما يزين العرض عن المترين أو 180 سم

ونصيحة لا تسوين الأشياء البسيطة عملة لأن ما يسوى.. دايما النجارة أغلى من الجاهز وبالسوق تلقين كل انواع الطاولات والكونسولات.. جربي تروحين River بالشويخ وهذا رقمهم 24714646

المحل عادي (صيني) ومو كل شي فيه حلو بس ممكن تطلعين منه بجم طاولة

 

[سحر الشرق2008]

انا ودي تساعديني ضروري انا وضعت قياسات الشقة في الصفحة اللي قبل

 

[tattoma]

السلام عليكم عزيزتي
لو ممكن مساعده بخصوص توزيع و شكل الكنب للصاله
هذا المخطط
و هنا الصور
السلم مفتوح علي الصاله
المطبخ الداخلي مفتوح علي السفره
هنا يظهر العمود و تظهر الصبه في السقف
اقصي الشمال باب الحمام و السفره مفتوحه بآرش علي الصاله و علي اليمين شباك المطبخ ايضا علي الصاله

وعليكم السلام حبيبتي

أولا ماشالله بيتج ممكن يطلع قصر حسب الإمكانيات اللي شفتها، إذا عرفتي شلون تستغلين هالشي صح

الصور هذي توزيع الأثاث.. أما الألوان والتصاميم فهي بالكمبيوتر لا تمشين على هالذوق بس هذا الموجود بالبرنامج واخذي الترتيب فقط

 

[tattoma]

شرأايكم اي لون اسبغ غرفتي أبي لون ذرب

الألوان الفخمة درجات البيج والذهبي والزيتي وابتعدي عن البرتقالي والأحمر والأصفر

 

[tattoma]

قياسات الشقة
المجلس 3,70×4
المطبخ 3,65×2,60
الصالة 2,65×3,75×2,65
غرفة الألعاب 3,75×3,65
غرفة الأطفال 5,20×3,65
غرفة النوم 5,40×3,75
الممر 1,15

أعتذر عالتأخير.. بس اختي هذا مخطط وراح أحط الصور من داخل المكان اذا عرفت بالضبط القياسات الباجية.. لأن الحمامات عندي قياساتهم غير موجودة وما قدرت أكمل الصالة والمغاسل..

 

[جمارة قلبي]

رد : إللي عندها أي استفسار بخصوص الديكورات والبناء تتفضل ( للفائده فقط )

اهلين اختي ..

الله يعطيك الف عافية على الي قاعدة تسوينه ..

بس شكلك ماانتبهتي لمشاركتي .. انا نزلت لك لون الغرفة وتصميمها بصفحة 11 .. واشوفك رادة على ناس بصفحة 12 ..

 

[سحر الشرق2008]

الله يعطيك العافيه عزيزتي
الحمامات اكرمك الله عزيزتي صغيرحمام المجلس متر وشوي في متر
حمام غرفة النوم مترين في متر ونص
حمام ما بين الغرفتين متر وشوي في متر 80
في اختي غرفة بسويها غرفة للغسيل في ممر اللي بجانب الصاله انا كنت حاطنته في كروكي
اختي وين اضع تلفزيون lcd الصاله محتارة وين احطها
تعبتش اختي وياي وين احط الأثاث والأكسسورات

 

[S K Y]

الكوكنسول هذا بسيط جدا.. وبالنسبة للمقاسات ما فيه Standard معيّن بس ما يزين العرض عن المترين أو 180 سم

ونصيحة لا تسوين الأشياء البسيطة عملة لأن ما يسوى.. دايما النجارة أغلى من الجاهز وبالسوق تلقين كل انواع الطاولات والكونسولات.. جربي تروحين River بالشويخ وهذا رقمهم 24714646

المحل عادي (صيني) ومو كل شي فيه حلو بس ممكن تطلعين منه بجم طاولة

مشكووره ماقصرتي حبيبتي ...

شنو رايج بالكنسول هذا يسوى اسويه عمله ؟ وهل ينفع لغرفه النوم !











عندي كنب للصاله لون رصاصي على سلفر وحطيت زوليه لون بنفسجي .... شنو الالون الاكسسوراات واللوح اللي تناسب مع هاللونين ؟ الكنب والزوليه (مودرن) !!
ولون الابجورات .. ؟؟ والابجوره الواقفه الطويله تنفع للصاله ؟؟

 

[العطاء 11]

رد : إللي عندها أي استفسار بخصوص الديكورات والبناء تتفضل ( للفائده فقط )

مرحبا اختي.........
حبيت تعطيني فكره لجدار صامت عندي بصالتي
وياريت تزوديني بصور
وشكرا

 

[عششق القهوه]

رد : إللي عندها أي استفسار بخصوص الديكورات والبناء تتفضل ( للفائده فقط )

ليه مارديتي ع استفساري

 

[عبير-الشرق]

:eh_s(16):شفيج حيلتي ليش مارديتي علي عسى موزعلانه علي رديتى على البنات وانا لا استفساري بصفحه 12

 

[نيناا]

رد : إللي عندها أي استفسار بخصوص الديكورات والبناء تتفضل ( للفائده فقط )

السلام عليكم اختي
اشكرك كثييير على هذي الفكره الرائعه واللي فعلا استفدت منها ولكن للاسف متاخر بعد ماتوهقت واشتريت الكنب وللاسف مااقدر اغيره الحين
الكنب حقي اخضر واصفر وبرتقالي والله مااعرف كيف اوصفه راح اوصفه وانشاء الله تفهميني
سويت الكنب اخضر وفي الوسط اصفر يعني من فوق اخضر وخط عريض في الوسط اصفر وتحته اخضر والمخدات كبير اللي استند عليها سويتها اخضر واصفر وبرتقالي
البرتقالي مشجر باسود قلت اكسر الالوان الفاتحه بلون اسود والله مااعرف ايش رايك الحين انا محتاره بورق الجدران قلت اسوي جدار مشجر بهالالوان بس يكون الوانه هاديه وارضيته تقريبا بيضا او اوف وايت وجدارين اوف وايت مشجر بس كله اوف وايت او ابيض وجدار الرابع اللي هو مقابل للجدار المشجر الملون اسوي برتقالي لانه بعيد شوي عن الجدران الباقيه اعرف اني لخبطتك شوي بس والله محتاره ومااعرف ايش اسوي ومالقيت احد يساعدني وماصدقت لقيتك متعاونه ومتفاهمه الله يجزاك كل خير انشاء الله

 

[نيناا]

رد : إللي عندها أي استفسار بخصوص الديكورات والبناء تتفضل ( للفائده فقط )

اختي اسفه ماقلتلك ان الكنب على شكل حرف ال وسويت بعد اثنين بوف واحد اصفر وفيه بالوسط حزام عريض برتقالي والثاني عكسه برتقالي وبالوسط حزام عريض اصفر والسجاد اخضر نفس لون الكنب وعليه طاولة قهوه اسود وطاولة التي في اسود والستاره اخضر نفس قماش ولون الكنب يعني اللون الاكثر هو الاخضر وكسرته بالبرتقالي والاصفر ايش رايك اختي وبالله تقوليلي رايك بورق الجدران المهم عندي يكون مشجر ضروري جدا الله يرحم والديك
واسفه جدا جدا جدا علاطاله