المقابله حدها قديمه من قبل سنه انا شايفتها
تصدقون تهاوشت مع وحده معاي بالمحاضره بسبب اوبرا:eh_s(4):
كنا بالمحاضره وسألتنا الدكتوره منو مثلكم الاعلى جان هالبنت تقول اوبراااااااااا:rgewrg:
جان اعصب لاشعوريا قلت لها من صجج ماتدرين ان هذي عينها على ديرتنا وتقول كيت وكيت تخيلو جان ترد علي بكل برود بس هي ماقالت شي غلط
جان اقولها شنو؟؟؟
اذا انتي بنت الديره هذا رايج عيل الي برا ماينلامون :eh_s(14):
جان الدكتوره تقول صج احنا كسلانين ومعتمدين على غيرنا جان اقولها رب العالمين يقول: ((واما بنعمة ربك فحدث)) شفايدة الفلوس اذا مانستانس فيها وكافي ان ديرتنا قعد تصررف علينا احنا عيالها بدال ماتصرف على الاسلحه والنووي والجيش الي يذبح عيال الدير الثانية
الحمداللله عينا مترووووووسه والاجانب مادافعوا عنا بالغزوا الا وهم مستلمييييييين فلوسهم قبل مايطبون ديرتنا
واخر من يتكلم عن الكسل هي اوبرا الي عندها واحد يصمم بيتها وواحد يسوي اكلها ووعندها بدال السياره 10 وواحد يسوي شعرها وواحد يسوي ميك ابها وواحد يصبغ اظافرها
وبصراحه مو عيب ان نخم او نصب بانزين بديرتنا بس احنا ديرتنا عازتنا وتبينا احسن الناس والمفروض يابنات ان هالحجي يكون دافع ان احنا نعطي الكويت مثل ماقعد تعطينا
والله تراب ديرتنا بحرها وغبارها ومشاكلها يسوا اوروبا وامريكا والعالم كله:rerrerek:
