اللي سافرت مع ياهل عمره اقل من سنتين،تكفين فيدينا(خصوصا اللي راحت فيه امريكا)

[خزامى]

السلام عليكم والرحمة. شلونكم حبايبي. انا بكتب هالموضوع وادري غيري يعانون مثلي. الله يسلمكم عندي ولد عمره سنة وودي اسافر امريكا ومطره اخذه فيدوني شتسون بالطيارة وهل ممكن يقلب سفرتي جحيم وهل في حضانات امنه في امريكا في الاماكن الترفيه مثل دزني لاند واهم سؤال هل بيصدقوني اذا حجزت كهوني مونر(؛. تكفون تكفون النجدة عفية ضروري والله بتفيدوني انا وكل ام مستجدة

 

[q8tiaa81]

والله انا سافرت لندن مع ولدي كان عمره تسع شهور مااذاني حبيبي يقعد بالعربانة ومايبجي الا اذا يبي يرضع وعادي وحبيبتي يفرق من ياهل لي الثاني في يهال عسرين وفي يهال هادين وانا الحين بسافر امريكا وولدي عمره بيكون سنة وشهر ومايندرى شراح يسوي فيني يمكن اتبهدل عاديحاطة الموضوع في بالي بس شسوي مالي مكان ثاني احطه فيه اسفة عالاطالة

 

[:: Diva ::]

ولدي كان عمره 6 شهور و سفرته اول مره
ينني
ذبحني
و اكتشفت عقب ان اذنه ملتهبه



الحين ما سافرت هالاجازه علشانه
و بالصيف مادري


ودي اسافر سفره مع ريلي بروحنا
لو اسبوع بس شلون ؟
بيكون عمره جريب السنتين


و ودي اسافر و اخذه معاي شهر 7
بس هم اخاف عليه من الامراض
حالج مثل حالتي

 

[q8tiaa81]

وديه الطبيب واستشيره قبل لاتسافرين وشوفي شنو يقولج

 

[خزامى]

اهو الحمدلله صحيا مافيه شي (مرض ليما قال بس قبل لا يكمل السنة )واذنه كانت ملتهبة بس الحين احسن. صج تذكرت ذكرتوني بافلونزا الخنازيز>>>>بدينا نوسوس

 

[S E K A R *]

رد : اللي سافرت مع ياهل عمره اقل من سنتين،تكفين فيدينا(خصوصا اللي راحت فيه امريكا)



إحنا رحنا دبي معانا ياهل حزتهآ توه يكمل سنه ..

بالطيـآره .. حجزوا أول سطره عشآن سرير البيبي ..
و يفضل يكون ما نام أو فيه نوم .. عشان سيدا ينام وما يأذيج ..

وخصوصاً أمريكا 13 ساعه وأكثر مو هينه يعني بيأذيييج بالطياره

 

[q8tiaa81]

والله لو مضطرة روحي ولاتحرمين نفسج سواء هني او هناك راح ايننج على الاقل تغيرين جو ومكان

 

[q8 83]

انا السنه الي طافت اخذت و لدي معاي امريكا و كان عمره سنه و نص

الشغلات الي اذاني فيها اهي الاكل و القعده بالمطعم

يعني لي قعدنا بالمطعم اين و يقعد فأحلى وكت تاكلين فيه لما يكون نايم مع ان كل مطاعمهم اول ماتدخلين يعطونج دفتر تلوين و الوان شمعيه عشان يلهى بس شبع من التلوين شهر كامل و هو يلون لووووووول

بالنسبة للطيارة راح يأذيج بس على ما ينام و خصوصا اذا كنتي مسويه مثل حلاتي كنت رايحه حق دكتور اطفال استشاري معروف و قلت له اني بسافر امريكا 12 ساعه و بعدها بيوم عندي رحله حق كالفورنيا 7 ساعات و ابي شي ينومه عشان ما يتعب بالرحله

و الله ما قصر عطاني شراب اعشاب كله فيتامينات ماينوم الياهل بس اذا نام نام و نصيحه من تركبين الطياره لبسيه بجامه عشان يخدر و مع الدوا ما يأذيج

بس المشكله ان الكويتية ما يعطون كرسي حق ابو سنه و نص بس الطيران الداخلي بامريكا يعطون و نصيحه حجزي له كرسي انتي ترتاحين و اهو يرتاح

موضوع الهني مونر غسلي ايدج لووووووووول

و بالنسبة للاكل ودي معاج شغلات يحبها من اهني حق الفترة الاولى على ما يتعود على المكان مثل البسكوت الي يحبه او حليب كي دي دي كاكاو يعني الشغلات الي تقدرين تاخذينها معاج

قرقت عليج واايد بس لاني عانيت السنه الي طافت بس الحمدلله هم استانست

و اذا عندج اي سؤال لاتستحين عادي احنا خوات

 

[q8tiaa81]

اشوا انشالله انا ولدي بيكون عمره سنة والله كريم

 

[خزامى]

حبايبي والله ماقصرتوا

q8 83ما قصرتي بعد قلبي وبالعكس فدتيني وااااايد انزين شنو الاشياء اللي انحرمتي منها بسبته؟؟؟ وهل رحتي دزني لاند؟؟صج في حضانة بدزني؟؟جربتي تخلينه بحضانه اصلا؟؟ اشلون عالمميات والتعقيم؟؟وشلون شحنتي العربانة

ادري قثيتج بس شسوي باخذ احتياطاتي وعفية بنات شوروا علي اكثر

 

[خزامى]

اشدعوة بنات فيدونا مثلا شنو نحتاج بالسفر للياهل وشلون بالنسبة للعربانة والتعامل معاه في الطيارة:eh_s(7):

 

[Om_Ksha]

انشالله بنتي تكمل سنه واوديها ..

بس ماودي اوديها واهيا ماتمشي !! هههه متى الياهل يمشي !!

 

[خزامى]

لا والله ام كشة خل تقعد بعربانتها ابرك


انزين بنات عفية لاتطنشون سؤالي عن البيبي واحتياجاته في السفر

 

[الدلال]

دووم عيالي معاي بالسفر

واسافر فيهم وماكملوا حتى 6 شهور

وبعد عمري بهالعربانه ينامون ويقعدون

ولابد من الحنه شويه

بس ماعليه اتحمل علشان ما احاتيهم واهم بالديره مع ان امي ماتقصر وتحن علي اخليهم عندها بس انا ما استانس الا معاهم حتى لو اذووني

اتكلي على الله واخذي ولدج معاج علشان يتطمن قلبج اكثر

:eh_s(17):

 

[العود الأصلي]

دووم عيالي معاي بالسفر

واسافر فيهم وماكملوا حتى 6 شهور

وبعد عمري بهالعربانه ينامون ويقعدون

ولابد من الحنه شويه

بس ماعليه اتحمل علشان ما احاتيهم واهم بالديره مع ان امي ماتقصر وتحن علي اخليهم عندها بس انا ما استانس الا معاهم حتى لو اذووني

اتكلي على الله واخذي ولدج معاج علشان يتطمن قلبج اكثر

:eh_s(17):

نفس وضعي ما اسافر الا وعيالي معاي والله رحت اوربا رحلة 5دول ومن قطار الي قطار وهم معاي اصغرهم 7شهووووووووووووور
شوفي حبيبتي اهم شي امني حليبه والله اذكر ماخذه جنطة بس خاصة حق حليبه القواطي سميلاك كنت حاسيبته عدل ههههههههههههههههههه اذكر 8او 9علب مع السيريلاك 4علب شسوي اهم شي صحته ومااذاني بالعربانه
اخذي بعد علب الكورن فليكس الصغير والاكل اللي يحبه وخلي معاج بالطيارة جنطة خاصه له كلها العاب له روحي باميه وحمليله عشان لا يحن عليج مهما كان الطفل هادي بس قعدة الطيارة بهالوقت ممله ولاتنسين بالطياره جنطة فيها كم تبديله له وبطاط وعصير كي دي دي الصغار
ايه ذكرت خلي معاج جنطة صغيره صيدلية متنقله سبحان الله حطي فيها ادول شراب ودواء للاسهال مع تحاميل ومقياس حرارة احيانا التكيف بالطيارة يكون بارد علي الاطفال
وسلامتج وتعيشين قرقت صح :eh_s(8):

 

[q8tiaa81]

والله جنكم انا )) ماعرف اسافر الا مع عيالي مابي اكون بعيدة وقلبي متعلق مادري شصار عليهم كلوا ماكلوا مرضوا طاحوا باليمعه في بيت ابوي كلمن مع اهله الا عيالي يمه شعور خايس باجر لي طقوا اليهال ولدي يشكي حق منو انا سافرت لندن مع ولدي 9 شهور ولله ماتعبني وايد بس يحن لي ياع او يبيله تبديل حفاظة بس وبالطيارة ماقدر ينام الا قصب وبس نام ارتحت وانتي حرة فكري وشوفي وضعج في حريم مايتحملون حنة الياهل بالسفر

 

[أمانيQ8]

السلام عليكم
شوفي حبيبتي انا بكل سفراتي بقلعة وادرين بعيده واليهال كلهم معاي ما اخليهم وسافرت واهو بكل الاعمار بعطيج مثال رحت استراليا اشكثر مو مره بس معاي بنتي الصغيره وقتها عمرها9شهور استخفيت طبعا بالطياره بغيت اموت الدرب اشطوله وحالتي حاله والسنه اللي وراها هم رحت استراليا بس التعب اخف كان عمرها سنه ويمكن 8شهور خفت العساره وعقبها سافرت وايد والحمدلله اكبروا شالوا روحهم ارتحت وقبل سنه الله رزقني بولد والحمدلله زسافرت وعمره8شهور ورحت امريكا بس عاد صار عندي خبره مو مثل قبل يعني انا كانت طيارتي الساعه1بالليل مانيمته المغرب مثل ماهو متعود لا مسكناه غصب عشان لا ينام وبالطياره شربته ادول ونام صج ينني اشوي بس عقبها طخ ...عاد لما وصلنا اهناك واستقرينا عاد خلاص اهو تأقلم عالحكره بالعربانه خصوصا بالالعاب والاسواق وما انصحج اتخلينه باي حضانه اهناك واوصيج اتكونين حريصه عليه ولاتنسين شراب البندول الورد وياج اخذي جم علبه معاج انا استهلكتهم كلهم لان كان يسنن ولي الحين يسنن
وما ادري استفدتي من قرقتي ولا لا لووووووووووووووول لان اكتب لج وتفكيري مشتت من ولدي مناشبني عالكيبورد اي استفسار حاضره عالخاص اخاف ما اشوف استفسارج

 

[خزامى]

واااااي بعد قلبي كلكم وشكر خاص لاحلى ثلاث تمنيتهم يقرقون اكثر لان قرقتهم عسل وحيييييييل استفدت العضوة كويت٨٣ والعضوة:yaaaaaarb:العود الاصلي والعضوة اماني. يارب تسافرون كلكم هالسنة احلى سفرة. وعفية نحتاج بعد خبرات ومواقف للعظة والعبرة(؛

 

[خزامى]

واااااي بعد قلبي كلكم وشكر خاص لاحلى ثلاث تمنيتهم يقرقون اكثر لان قرقتهم عسل وحيييييييل استفدت العضوة كويت83 والعضوة:yaaaaaarb:العود الاصلي والعضوة اماني. يارب تسافرون كلكم هالسنة احلى سفرة. وعفية نحتاج بعد خبرات ومواقف للعظة والعبرة(؛