تقرير رحلتى المصور الى تايلاند في يناير 2011

[سيده نفسي]

حمدالله على السلامه

 

[اللولو الحلوه]

مشكورة على تقريرج ومشكورة على تفاعلج مع البنات والرد عليهم .

بس حبيت أسألج بوكيت جم يوم كافي عليها إذا كنت أبي أروح رحلاتها

أنا حاطه 6 ليالي بوكيت و6 ليالي بانكوك كافي أو وايد على بوكيت .؟

العفو حبيبتي

وهذا واجبي اني ارد على البنات وارحب فيهم واجاوب على اسئلتهم

وبالنسبه لبوكيت احنا قعدنا فيها 5 ايام بس ما كفتنا وما شبعنا منها ، يعني 6 ايام معقوله ، وبانكوك وايد عليها 6 ليالي ، ترى مافيها شي وسوقها بصراحه ما يسوى .​

بوكت كافي عليها 5 ايام
وبانكوك هم تقريبا 5 ايام


انا رحت لها 5 مرات ومامليت منها وان شاءالله هالصيف بعد بروح لها
وعليكم بالف عافيه صجج حللوه بوكت
على فكره بانكوك مافيها رحلات مثل بوكت
والسووق صج في بوكت مايسوى :eh_s(17):
بس نصيحه اذا شفتي شىء في بوكت ترى ماتشووفينه في بانكوك يعني راح تتحسفين اذا ماخذيتيه -----------بالنسبه للسووق
ايي حبيبتي ليش ماسكنتوا في بوتنق بيتش نفسه ---- انا دايما اسكن في بوتنق بيتش هوتيل روعه

هلا حبوبه

اي والله بوكيت ما ينشبع منها ، وانا وايد حبيتها وودي ارجع لها مره ثانية .

وبالنسبه للسكن ، احنا لازم شقه ، لأن الفندق صعب تلقين غرف جنب بعض ، واخوي يبي عياله يمه ، وبصراحه الشقه اريح ، وما لقينه شقه مناسبه لنا في البوتينق بيتش .​

الحمدالله ع السلامه

الله يسلمج يا قلبي​

الحمدلله على سلامتكم ....وتقريرج نااااااايس حده

الله يسلمج ومشكوره

وجودج النااااااايس والله​

وناااسه خوش تقرير
عليكم بمليون عافيه :eh_s(15):

الله يعافيج يا قلبي

حياااااج الله مع بقية تقريري​

 

[اللولو الحلوه]

ما شاللللللللللللللللللللللله

تبارك الرحمن
خوش تقرير وخوش صور انا استانست معاكم والله ماشاالله جني رحت معاج

عليج بالف عافيه

ربي يحفظج ما قصرتي حبيبتي كلج ذووووق

الله يعافيج​

حمدالله على السلامه

الله يسلمج حبوبه​

 

[MoYoo]

رد : تقرير رحلتى المصور الى تايلاند في يناير 2011

الحمد الله على السلامه

رووووووووووووعه شكله حده ونااساااا

بالعاااافيه عليييييكم حبيبتي :*​

 

[اللولو الحلوه]

اكمل معاكم تقرير سفرتي الى بوكيت وبانكوك .

اليوم الأخير لنا في بوكيت بالنسبه للرحلات

خط سير الرحله كالتالي :

_ تسلق الجبال Climing

_ شاطئ البحر للسباحه وركوب الجيت سكي

_ بوتينق بيتش للغداء


طبعاً خططنا مسبقاً مع قايدتنا ان نختار رحلة التسلق على الجبال بعد ما شفنا البروشور الخاص فيها ، بس بصراحه البروشور شكل وإلي شفناه شكل ثاني ، وانصدمنا بهالرحله .

البروشور محطوط فيه صور 9 مراحل نتخطاها عن طريق التزحلق بالحبل وبس ( الكيبل ) ، يعني ما ذكروا اي شي ثاني .

المهم طلعنا الصبح باتجاه الجبل إلي فيه الرحله ( ماعدا ولدي لأنه بطنه يعوره ونايم وزوجة اخوي لأنها ما تحب المرتفعات والأماكن العاليه ) .

وشرحوا لنا خط سير الرحله ، مشي 20 دقيقه بالغابه وبعدها نركب على الصخر وبعدها نوصل للمراحل التسع وركوب الكيبل .

بس انصدمنا يوم شفنا الصخر إلي راح نركب عليه و
هو الجبل ، يعني نتسلق الجبل بالطريقه إلي راح تشوفونها بالصور .

والصور راح تتكلم لكم عن الرحله كامله .




عدة الرحله




جاهزييييييييييييييييييييييييييين ؟ إي جاهزيييييييييييييييييييييييييييين




المرحلة الأولى : مشي لمدة 20 دقيقه








لبسنا أدوات التسلق واحنا بقمة الوناسه ، وما ندري شنو إلي ينطرنا خخخخخخخخ





المرحله الثانية : تسلق الجبل
















المرحلة الثالثه : استخدام الكيبل للتنقل من مرحلة الى اخرى











المرحلة الأخيره : النزول بالحبل



بصراحه تجربه فريده من نوعها وممتعه ومخيفه


بعدها رحنا البحر تسبحنا وركبنا الجت سكي ، وطبعاً ما صورت من الأشكال الموجوده على الشاطئ .

وبعدها اتجهنا إلى البوتينج بيتش وتغدينا بنفس مطعم السي فوود لأن وايد حلو ولذيذ .

بعدها اكلنا كريب على الطاير ورحنا الفندق بعد يوم شاق ومتعب .

وجهزنا شنطنا استعداداً للسفر إلى بانكوك .​

 

[اللولو الحلوه]

رد: رد : تقرير رحلتى المصور الى تايلاند في يناير 2011

الحمد الله على السلامه

رووووووووووووعه شكله حده ونااساااا

بالعاااافيه عليييييكم حبيبتي :*​

الله يسلمج حبيبتي مويو

اي والله حده وناااااسه وما شبعنا من بوكيت

الله يعافيج ويحفظج​

 

[شيخة الحلوة]

وناسسه
ما شاالله


كملت الرحله معاج
ايوا ايوا عاشت لولو


اتخيل شكلي انا وكرشتي راكبين الكيبل لووووووووووووووووووووول والله لا ان الغابه كلها تسمع صراخي وحتى العصافير >>>شخباري كلمة عصافير تقعد تبجي معاي من الخوووف لوووووووووول بدعت بدعت ادري ام شيوخه روحي نامي ابرك لج لووووووووووووووووول ترى مليقه لووووول:eh_s(1):


لوووووووول


ماعليج من هذرتي
ودي اسولف


عليكم بالف عافية وناطرة بقية التقرير

 

[سارة ة]

الحمد لله عل السسلامة
كملي حبووبة:eh_s(17):

 

[الجفووول]

ماشاءالله

التقرير يونس

 

[دلع الكون]

لكن أنا سمعت إن في بانكوك رحلات مثل

( سفاري _ دريم وورلد _ رحلة كروز _ السوق المائي )

لأن في ناس إنصحوني إني أمدد في بانكوك لأن فيها سوق وطلعات

 

[mrs.perfect]

يحليلكم رحلتكم اجانب مو خليجيين
هذي المتعه
مو بس تسوق واكل:ch12:

 

[العود الأصلي]

حمدالله علي سلامتكم صج حلوة رحلتكم مغامرات والاحلي
سردك الراقي والمنسق يعطيج العافية
:eh_s(15)::eh_s(15):

 

[سفرجل]

يالله كملي

 

[اللولو الحلوه]

وناسسه
ما شاالله


كملت الرحله معاج
ايوا ايوا عاشت لولو


اتخيل شكلي انا وكرشتي راكبين الكيبل لووووووووووووووووووووول والله لا ان الغابه كلها تسمع صراخي وحتى العصافير >>>شخباري كلمة عصافير تقعد تبجي معاي من الخوووف لوووووووووول بدعت بدعت ادري ام شيوخه روحي نامي ابرك لج لووووووووووووووووول ترى مليقه لووووول:eh_s(1):


لوووووووول


ماعليج من هذرتي
ودي اسولف


عليكم بالف عافية وناطرة بقية التقرير

هلا حبيبتي حيااااج الله

الله يعافيج يا قلبي يا هلا ويا مرحبا فيج​

الحمد لله عل السسلامة
كملي حبووبة:eh_s(17):

الله يسلمج يا قلبي

ان شالله بصلي المغرب واكمل​

ماشاءالله

التقرير يونس

تسلمين حبوبه حياااااج الله​

لكن أنا سمعت إن في بانكوك رحلات مثل

( سفاري _ دريم وورلد _ رحلة كروز _ السوق المائي )

لأن في ناس إنصحوني إني أمدد في بانكوك لأن فيها سوق وطلعات

لا تسبقين الاحداث ، بعد ما كملت تقريري في بانكوك .

بس ما يسوى الواحد يقعد فيها وايد​

يحليلكم رحلتكم اجانب مو خليجيين
هذي المتعه
مو بس تسوق واكل:ch12:

اي والله بوكيت ما تصلح إلا برحلاتها ومغامراتها

سوقها كلش ما يونس .​

حمدالله علي سلامتكم صج حلوة رحلتكم مغامرات والاحلي
سردك الراقي والمنسق يعطيج العافية
:eh_s(15)::eh_s(15):

الله يسلمج حبوبه ويعافيج

كلج ذوق يا قلبي ما قصرتي​

يالله كملي

ان شالله حبيبتي بروح اصلي المغرب واكمل لكم باجي رحلتي الممتعه​

 

[اللولو الحلوه]

ودعنا بوكيت الجميله





وانتقلنا إلى بانكوك عن طريق طيران Asiaareline طيران آسيا . ومدة الطيران كانت ساعه تقريباً .

وصلنا الفندق وبعدها تعشينا في مطعم لوناتر وكان مقابل فندقنا ( ماريوت للشقق الفندقيه )











اليوم الأول في بانكوك :

بعد ما اكلنا وجبة الافطار في الفندق اتجهنا إلى ام بي كي مول M B K Mall والمول شعبي نوعاً ما وشرينا منه اغراض وايده ، ( بس اهم شي المكاسر بالاسعار ) .

وبعدها رحنا إلى براغون مول ، والمول وايد حلو ومتروووووووووس مطاعم في الدور الأرضي ، وجمعيتهم وايد حلوه ، وفي داخل المول محل كبير اسمه براغون أبارت منت وايد حلو .

ورحنا براغون مول عن طريق التكتك





والكروكس شفتها وصورتها





تغدينا في مطعم هندي وبعدها تمشينا بالسوبر ماركت العجيب ورجعنا الفندق .


اليوم الثاني رحنا سنترال مول ، بصراحه المول عادي ما عجبني مع انه كبير كثير .

وبعدها رحنا الى مول مقابله كله ماركات عالميه ( بصراحه نسيت اسمه ) الي تعرف الاسم يفيدنا .


هذا الجسر ركبناه عشان نروح مول الماركات








وبعدها رجعنا الفندق وارحتنا ، استعداداً لليوم الأخير لنا في بانكوك .​

 

[اللولو الحلوه]

اليوم الأخير لنا في بانكوك

الصراحه عيالنا ملوا من الشوبينج والسوق ، اخترنا رحله من الفندق الى سفاري بانكوك ، وهي عباره عن حديقة حيوانات مع حديقه ملحقه بها ويكون بها عروض منوعه للدلافين والكابوي وكلب البحر وعروض مختلفه .































صديكااااااااااااااااااااا




وبهالصوره نكون انتهينا من رحلتنا الى سفاري بانكوك


وبعد ما رجعنا للفندق وخذينا شاور وارتحنا ، قلنا نروح للسوق ( ماكو فايده ورانا ورانا هالسوق ) وكانت الساعه 8 مساء .

قررنا نروح بلاتينيوم مول ، ويوم رحنا لقيناه مصكر ( للاسف يصكر الساعه 8 ) ، ولاحظت ان اسواقهم اتصكر الساعه 9 مساء .

قعدنا في ستار بوكس كافيه الي عند فندقنا ورجعنا الفندق استعداداً للسفر .

تركنا الفندق الساعه الخامسه فجراً واتجهنا للمطار وسافرنا بالسلامه ووصلنا ديرتنا الحبيبه الكويت الساعه 3 العصر .


ان شالله اكون قد وفقت في سرد رحلتي وسفرتي المتواضعه

ويكون تقريري مرجع مفيد لكل من يسأل عن تايلاند ويرغب بالسفر لها .

تقبلوا تحياتي ...​

 

[سفرجل]

بالعاااااااااااااااافيه عليكم
وحمدالله على السلامه
وتقريرج واايد حلو:eh_s(7):

 

[اللولو الحلوه]

بالعاااااااااااااااافيه عليكم
وحمدالله على السلامه
وتقريرج واايد حلو:eh_s(7):

يعافيج يا قلبي

والله يسلمج

حضورج الاحلى​

 

[.]

الحمدالله ع السلامه..

ومشكوره..

 

[Impt Engineera]

رد : تقرير رحلتى المصور الى تايلاند في يناير 2011

ما شاء الله خووش تقرير ..:eh_s(15):

الحمدلله على السلامه ياقلبي ..:eh_s(17):