الرواية الأولى بحياتي ... و إنتي شنو روايتج الأولى ... تجديد ذكريات

[كويتية و افتخر]

اول ما بديت اقرا كنت اقرا مجلة ماجد و ميكي و سبيس تون و كنت اموت على السلسة الخضراء و كان في بعد قصة يبيعونها بالمكتبة اسمها مكتشف الوحوش كانت عبارة عن حلقات تنزل كل شهر
من كثر ما اروح المكتبة احفظوني قامو يجهزولي القصة لووووووول
اما بالنسبة حق اول رواية كنت بثالثة متوسط و كانت بالنت اسمها فارس احلامي
قبل جم شهر رديت قريتها مرة رابعة لوووووول

 

[نبض حبيبها]

رد : الرواية الأولى بحياتي ... و إنتي شنو روايتج الأولى ... تجديد ذكريات

أول ما بديت أقرأ قصص السلسلة الخضراء( أليس في بلاد العجائب) كنت في ثانية ابتدائي
ومجلة العربي الصغير وماجد و مجلة دانة تطبع في سويسرا طباعة ورسوم راقية وحلوة أظن صاحبتها من عايلة الزاحم
وبعدها مجلة تحت العشرين

وأول رواية قريتها كانت لنجيب الكيلاني ما أذكر اسمها بالضبط >>>>من زمااان
وكل روايات الكيلاني قريتها تقريبا

وآخر رواية قريتها قبل لا أتخرج من الكلية ( عصر الحب ) لمحفوظ <<<<من6سنوات
وما زلت أقرأ لعلي طنطاوي قصص من التاريخ
واعجبتني قصة ابن الحب جدا مؤثرة وخلتني أبجي بجي:eh_s(2):

حلو موضوعج:eh_s(7):​

 

[هرانية وأفتخر]

رد : رد: الرواية الأولى بحياتي ... و إنتي شنو روايتج الأولى ... تجديد ذكريات

اول ما بديت اقرا كنت اقرا مجلة ماجد و ميكي و سبيس تون و كنت اموت على السلسة الخضراء و كان في بعد قصة يبيعونها بالمكتبة اسمها مكتشف الوحوش كانت عبارة عن حلقات تنزل كل شهر
من كثر ما اروح المكتبة احفظوني قامو يجهزولي القصة لووووووول
اما بالنسبة حق اول رواية كنت بثالثة متوسط و كانت بالنت اسمها فارس احلامي
قبل جم شهر رديت قريتها مرة رابعة لوووووول

لوووووووووووووول عادي أنا ياما روايات قريتهم أكثر من مره خصوصا ذهب مع الريح .. تهبللللل



يسلموا على المشاركة


هرانية وأفتخر​

 

[هرانية وأفتخر]

رد : الرواية الأولى بحياتي ... و إنتي شنو روايتج الأولى ... تجديد ذكريات

أول ما بديت أقرأ قصص السلسلة الخضراء( أليس في بلاد العجائب) كنت في ثانية ابتدائي​

ومجلة العربي الصغير وماجد و مجلة دانة تطبع في سويسرا طباعة ورسوم راقية وحلوة أظن صاحبتها من عايلة الزاحم
وبعدها مجلة تحت العشرين​

وأول رواية قريتها كانت لنجيب الكيلاني ما أذكر اسمها بالضبط >>>>من زمااان
وكل روايات الكيلاني قريتها تقريبا​

وآخر رواية قريتها قبل لا أتخرج من الكلية ( عصر الحب ) لمحفوظ <<<<من6سنوات
وما زلت أقرأ لعلي طنطاوي قصص من التاريخ
واعجبتني قصة ابن الحب جدا مؤثرة وخلتني أبجي بجي:eh_s(2):​

حلو موضوعج:eh_s(7):​

آها انتي الظاهر ما تقرين روايات وايد ... أنا لازم بالشهر روايتين على الأقل و باقي الكتب تكون مواضيع وايد ..


مشكوره على المشاركة



هرانية وأفتخر ​

 

[3oosh <3 MJ]

رد : الرواية الأولى بحياتي ... و إنتي شنو روايتج الأولى ... تجديد ذكريات

اول رواية ,, هي ماكانت روايه بمعنى الكلمة لكن كان اطول قصه قريتها ذيج الحزة لوول,, لاني كنت اقرا موسوعات علميه على ايام الابتدائي
يمكن كنت 6 او 5 ابتدائي وكان وضوعها عن مغامرات في عالم ثاني
واول ماقريتها ماقريتها بالترتيب كنت اقرا على كيفي اختار الرقم الي يعجبني واقرا لوووول
بس عقب عرفت اني لازم ابدا بالتسلسل
وقريتها كاملة
موجوده لحين عندي وغلافها مبهدل يكسر الخاطر لوووول
واااي ياتني الصيحة
من يصدق ان هالشي يمكن يصير ذكرى نتذكرها يوم من الايام
مشكوورة حبيبتي ع الموضوع :eh_s(17):

 

[الؤلؤة السوداء]

عليكم السلام ورحمة الله وبركاته

يا محاسن الصدف اليوم مخلصة من غادة الكاميليا هههه

هي حلوة لكن حسيتها مملة شوي يمكن لأني ما أحب الرومانسي وايد

أنا من صغري وأنا أقرا بس طبعاً قصص أطفال

أول رواية قريتها كنت بالمتوسطة أخذتها من مكتبة أمي

هي رواية مقتل روجر أكرويد لأغاثا كريستي >> تموووت في الجرايم

الرواية عجبتني وااااااااااااايد وحالياً قريت تقريباً أكثر من 40 رواية حق أغاثا كريستي

بس طبعاً الرواية الأولى هي المفضلة عندي لأنها الحب الأول لوووول


​

 

[هرانية وأفتخر]

رد : الرواية الأولى بحياتي ... و إنتي شنو روايتج الأولى ... تجديد ذكريات

اول رواية ,, هي ماكانت روايه بمعنى الكلمة لكن كان اطول قصه قريتها ذيج الحزة لوول,, لاني كنت اقرا موسوعات علميه على ايام الابتدائي
يمكن كنت 6 او 5 ابتدائي وكان وضوعها عن مغامرات في عالم ثاني
واول ماقريتها ماقريتها بالترتيب كنت اقرا على كيفي اختار الرقم الي يعجبني واقرا لوووول
بس عقب عرفت اني لازم ابدا بالتسلسل
وقريتها كاملة
موجوده لحين عندي وغلافها مبهدل يكسر الخاطر لوووول
واااي ياتني الصيحة
من يصدق ان هالشي يمكن يصير ذكرى نتذكرها يوم من الايام
مشكوورة حبيبتي ع الموضوع :eh_s(17):

وناسة ذكريات حلوة مع بداية القراية ...و حلو انج ذاكرتها

يعطيج العافية على المشاركة

هرانية وأفتخر​

 

[هرانية وأفتخر]

رد : رد: الرواية الأولى بحياتي ... و إنتي شنو روايتج الأولى ... تجديد ذكريات

عليكم السلام ورحمة الله وبركاته​

يا محاسن الصدف اليوم مخلصة من غادة الكاميليا هههه​

هي حلوة لكن حسيتها مملة شوي يمكن لأني ما أحب الرومانسي وايد​

أنا من صغري وأنا أقرا بس طبعاً قصص أطفال​

أول رواية قريتها كنت بالمتوسطة أخذتها من مكتبة أمي ​

هي رواية مقتل روجر أكرويد لأغاثا كريستي >> تموووت في الجرايم​

الرواية عجبتني وااااااااااااايد وحالياً قريت تقريباً أكثر من 40 رواية حق أغاثا كريستي​

بس طبعاً الرواية الأولى هي المفضلة عندي لأنها الحب الأول لوووول​

ههههه صدفة حلوة
انا غادة الكاميليا لما قريتها أول مره وبعمر صغير كان لها طعم ثاني بس لما قريتها بعدين حسيت أنها عادية بس اسلوبها قوي .. بس اكيد بالنسبة لي اهي العزيزه


و اكيد الرواية الاولى غير ..
اجاثا ماقريت لها إلا مره ...حلوة بس احس مليت من الجرايم لأني كنت اقراهم وأنا صغيره و احس تشبعت منهم بس احلى شي انهم ينمون الفكر


شكرا على المشاركة

هرانية وأفتخر​

 

[وهج الحب]

لووووووووووووووووووووووووووووووووووووووووووول


اول رواية بحياتي


الف ليله و ليله الطبعه اللبنانيه 4 اجزاااااااء !!! :d داشه بقوووووووووووووووووه اقراها من ورا امي عشان كان فيها اشياء !!!!! :eh_s(1):

السلام :
انا اشتريتها من معرض الكتاب وكنت في الصف السادس الابتدائي اللي لونها اصفر ..وصج يوم ابتديت اقراها استحيت وخشيتها في صندوق

 

[وهج الحب]

السلام:
يوم كنت صغيرة استلمني واحد من الاهل كان ما شاء الله عليه غرفته كلها كتب وعلمني القراءة والكتابة قبل دخولي المدرسة لان على قولته كنتي ذكية جدا وعلمني بطريقة غريبة يعني ما في الف باء لا كان يجيب لي مجلة الموعد ويخليني كل يوم صفحة وكان من اخلصها يجيب لي مجلات ثانية ..
وبعدين صار الله يرحمة يجيب لي كتب من عنده كانت اجزاء عن قصة طرزان لكن للاسف ما عطاني اياها ..
وفي المدرسة التهمت كل كتب المكتبة ..
لكن من الروايات الطويلة اللي قرئتها وكنت بالصف الرابع ..بعد سفر اخي قالي اقعد بغرفته وعلى شرط ما امسك كتبة ..
لكن من يسمع وجبت لي كرسي وصعدت عليه واخذت هذا الكتاب ولكم بالتريب ما بدأت قراءته واذكرة



وهذه الرواية انقلتني بعالم ثاني عالم خلاني ما اطلع من الغرفة الا للاكل والمدرسة وفي 4 ايام انتهيت منها ..

ولحقتها بهذه الرواية وهي من جزئين لكني بوقتها لم افهم لابعادها الفلسفية كثيرا ..مما جعلني اعيد قراءتها لفهمها

url=http://www.0zz0.com]

[/url]

ثم هذا الكتاب

url=http://www.0zz0.com]

[/url]

ولهذا الكتاب قصة عندي جعلوني بعدها لا اقرأ علانية فترة لاني اخذت اقرئه واطبقة على الجميع وكل من احد يقولي كلمة جبت الكتاب وفتحته وقمت اقوله انت كذا وكذا وجات على راس زوجة اخي الكبير اللي تكرهني كرة العمى من طفولتي ( كانت وقتها 8 -9 سنين من عمري ) ..فقلت لها انتي انسانه غيورة وحقودة لانك زوجك اخي وانت صغيرة وما تحبينه ..فضربني اخي واشتكيت عند ابي وابي تهجم على اخي وزوجته وصارت قصة وبسبب هذا الكتاب ..

وجميع الكتب التي قرئتها وانا صغيرة وكانت ملك لاخي ليس صاحب الزوجة التي ذكرت قصتها بل الذي اصغر منه والكتب التي اشتريتها ما زلت احتفظ بها ..
من كتب نوال السعداوي ومن كتب مصطفى محمود والمنفلوطي وتولستوي حبيبي سابقا جميعها عندي بس انا احببت عرض 3 الكتب الاوائل..

 

[هرانية وأفتخر]

رد : رد: الرواية الأولى بحياتي ... و إنتي شنو روايتج الأولى ... تجديد ذكريات

السلام:
يوم كنت صغيرة استلمني واحد من الاهل كان ما شاء الله عليه غرفته كلها كتب وعلمني القراءة والكتابة قبل دخولي المدرسة لان على قولته كنتي ذكية جدا وعلمني بطريقة غريبة يعني ما في الف باء لا كان يجيب لي مجلة الموعد ويخليني كل يوم صفحة وكان من اخلصها يجيب لي مجلات ثانية ..
وبعدين صار الله يرحمة يجيب لي كتب من عنده كانت اجزاء عن قصة طرزان لكن للاسف ما عطاني اياها ..
وفي المدرسة التهمت كل كتب المكتبة ..
لكن من الروايات الطويلة اللي قرئتها وكنت بالصف الرابع ..بعد سفر اخي قالي اقعد بغرفته وعلى شرط ما امسك كتبة ..
لكن من يسمع وجبت لي كرسي وصعدت عليه واخذت هذا الكتاب ولكم بالتريب ما بدأت قراءته واذكرة



وهذه الرواية انقلتني بعالم ثاني عالم خلاني ما اطلع من الغرفة الا للاكل والمدرسة وفي 4 ايام انتهيت منها ..

ولحقتها بهذه الرواية وهي من جزئين لكني بوقتها لم افهم لابعادها الفلسفية كثيرا ..مما جعلني اعيد قراءتها لفهمها

url=http://www.0zz0.com]

[/url]

ثم هذا الكتاب

url=http://www.0zz0.com]

[/url]

ولهذا الكتاب قصة عندي جعلوني بعدها لا اقرأ علانية فترة لاني اخذت اقرئه واطبقة على الجميع وكل من احد يقولي كلمة جبت الكتاب وفتحته وقمت اقوله انت كذا وكذا وجات على راس زوجة اخي الكبير اللي تكرهني كرة العمى من طفولتي ( كانت وقتها 8 -9 سنين من عمري ) ..فقلت لها انتي انسانه غيورة وحقودة لانك زوجك اخي وانت صغيرة وما تحبينه ..فضربني اخي واشتكيت عند ابي وابي تهجم على اخي وزوجته وصارت قصة وبسبب هذا الكتاب ..

وجميع الكتب التي قرئتها وانا صغيرة وكانت ملك لاخي ليس صاحب الزوجة التي ذكرت قصتها بل الذي اصغر منه والكتب التي اشتريتها ما زلت احتفظ بها ..
من كتب نوال السعداوي ومن كتب مصطفى محمود والمنفلوطي وتولستوي حبيبي سابقا جميعها عندي بس انا احببت عرض 3 الكتب الاوائل..

ماشاءالله عليج .. الله يوفقج ويارب نشوفج مو بس قارئ .. يارب نشوفج كاتبة كبيره ..\

يعطيج العافية على المشاركة


هرانية وأفتخر​

 

[دلع السلاطين]

اناا اول روايه قرييتها روايه من روايات عبير بس موذاكره لاسم لانه ماقريتها عدل عدل ولاا كملتها

لكن اول روايه قريتها وخلصتها كامله كانت روايه بنات الرياض

 

[راعية الطويلة]

رفع لعيون هرانيـــــــــــــــــــــــه

 

[وهج الحب]

رد: رد : رد: الرواية الأولى بحياتي ... و إنتي شنو روايتج الأولى ... تجديد ذكريات

ماشاءالله عليج .. الله يوفقج ويارب نشوفج مو بس قارئ .. يارب نشوفج كاتبة كبيره ..\

يعطيج العافية على المشاركة


هرانية وأفتخر​

السلام:
انا اكتب من الصف السادس وكتاباتي فقط للمقربين ولا انوي نشرها ولا اريد والان طبعت نسخ للجيل الجديد من المراهقين من العائلة ..

 

[بدمي لكويــت]

رد : الرواية الأولى بحياتي ... و إنتي شنو روايتج الأولى ... تجديد ذكريات

اول كتاب قريته كان لعبدالله المضف عاشق مهزوم وكتها كان عمري 14 او 13 ماذكر عدل بفضل وحده الله يذكرها بالخير و الحين عندي كتب شكثرهها بس اول روايه كانت على النت هاذي وحده قالتلي اقريها حلوه اسمها اتوقع انت لي جنه كان اسمها جذي او وليد انت لي المهم البدايه كانت نت و عقبها دايركت عاشق مهزوم

 

[~ تريآق]

رد : الرواية الأولى بحياتي ... و إنتي شنو روايتج الأولى ... تجديد ذكريات



وهج الحب ههههههههههههههههههههههههههههههههههههه موتيني ضحك الله يسعدج دنيا وآخره

صرآحه .. حركتج رهيبه مع مرت اخوج

الله يحفظج وكل أهلج واخوج راعي الكتب ^^ .. والله يرحم الرجال اللي ذكرتيه حبيته حسيته قريب من القلب <~ معليش مدري شدخلها بس هي حسته قريب ولازم تترحم عليه

:
.

.

بالنسبىة لي كانت أول رواية أقراها هي رواية عندما يفكر الرجل لخوله القزويني .. وقتها كنت بأول متوسط تقريبا

حبيتها مآآآرة وجلست اصيح على نهايتها فترة من الزمن .. شهرين كاملين وانا كل ما اتذكر النهاية تخنقني العبرة واخلاقي تقلب هههههه

رجعتينا لورى هرانيه ..

قواج الف ومليون ^^

ماقصرتي والله

 

[|~ Be happy ~|]

رد : الرواية الأولى بحياتي ... و إنتي شنو روايتج الأولى ... تجديد ذكريات

اأاول رواية قريتها
مو متذكره عنوانها بضبط بس جنه شوووق ووليلى
لــ عليا الكاظمي
.. يسلمو قلبي ويعطيج العافيه~|​

 

[جوري الزبير]

رووووووووووووعه موضوعج حبوبه

اقولج الحين اول كتاب لي وشلون قريته ..
اول كتاب لي اهو مجموعة روايات حق ليو تولستوي الاديب الروسي ..كان عمري 11 سنه ماشاء الله

الكتاب كان ضمن مكتبت عمي بالدور الثاني فبيت جدي وكنا كل ما نروح لهم اختفي عن الانظار وادل وين مفتاح المكتبه بحكم ان عمي يدرس بلندن ومكتبته مسكرتها جدتي لوووول

وكنت اخذ معاي صحن تمر ولبن لوووووووووووول لزوم الجوع بحكم اني ماحب الحلاو ولا الككاو خخخخ
ومره نسيت عمري واكلت وقريت من الصبح لين صار وقت العشا وطلعوا الاهل كلها مستنفره ويدورون على المختفيه وانا ماكله التمر واللبن وقريت لين نمت ههههههههههههه
بعدها انزفيت ولما شافوني قمت ابجي اتصلوا على عمي قال لهم المكتبه كلها لها ولا تضايقونها بس قولو لها شكو تمر ولبن داشه مكتبه وله رايحه البر ههههههه

طولة عليكم بس صج ذكريااااااااااااات دمعت عيني

 

[دنااو90]

طبعا أنا من وانا صغيره إدمان علا كونان فكنت احب الشي اللي فيه تفكير وجرائم تنحل
فبدايتي مع أغاثا كرستي اختي الكبيرة عطتني فكره عنها ورحت دورتها واشتريتهااا والروايه من زمان ودي اذكر
اسمها وما قدرت فيها 11ولد وجزيرة المهم هذي كانت بدايتي وطبعااا
خلصتها باسبوووع لأني ماتعودت اقرأ من قبل عشت جوو الروايه وانا اقرها كانت مشوقه
وليلحين أنا إدمان هالنوووع من الروايات*

 

[وهج الحب]

رد: رد : الرواية الأولى بحياتي ... و إنتي شنو روايتج الأولى ... تجديد ذكريات

وهج الحب ههههههههههههههههههههههههههههههههههههه موتيني ضحك الله يسعدج دنيا وآخره

صرآحه .. حركتج رهيبه مع مرت اخوج

الله يحفظج وكل أهلج واخوج راعي الكتب ^^ .. والله يرحم الرجال اللي ذكرتيه حبيته حسيته قريب من القلب <~ معليش مدري شدخلها بس هي حسته قريب ولازم تترحم عليه

:
.

.

بالنسبىة لي كانت أول رواية أقراها هي رواية عندما يفكر الرجل لخوله القزويني .. وقتها كنت بأول متوسط تقريبا

حبيتها مآآآرة وجلست اصيح على نهايتها فترة من الزمن .. شهرين كاملين وانا كل ما اتذكر النهاية تخنقني العبرة واخلاقي تقلب هههههه

رجعتينا لورى هرانيه ..

قواج الف ومليون ^^

ماقصرتي والله

السلام:
والله يرحمة اخوي توفى بالسرطان من عمر 30 ..
والله بعد ما جبت الكتاب اصوره عشان واحطة هنية رويته مرت ابوي قامت تصارخ الى اليوم عندك وديه من وجهي لو كرهتج بحياتي كرهتج بسبه هالكتاب ..بعد هي مسكينه فيها الوسواس القهري وطبعا ادلوت بدلوي في حالتاه كانت كلا اذا ما سوى لها ابوي شئ تقوله بانتحر ..وجلست ابوي مرة وفتحت له كتابي وقلت له ولا عليك منها اكيه حالتها بالكتاب ان اللي فيهم الوسواس يحبون نفسهم وما يقتلون نفسها ..راح ابوي وجاب لها سكين وحطها عند راسها وراح ينام بغرفة ثانية وقال لها اذا بغيتي تذبحين نفسك اكيه السكين ...زين انها ما سوتها والا حملت ذنبها طوال عمري ..العيب مش من العيب من اللي يصدقون ياهل ...
اسفة طلعت عن الموضوع خلاص بس لانك ذكرتيني بقصة هالكتاب بحياتي