مع او ضد الخطاااباات

[فرح السبيعي]

يا بناات بهالوقت صاار الزوااج عند بعض البنات الحلم المستحيل اولا بسبب الشروط التعجيزية وثانيا لان شبابنا عااافو الزواج والارتباط في ظل كثرة المغريات والبنات الصايعات
ثاالثا لان رجااالووو قلييييلوووو
لول
وغالبا ما يكون الرفض من البنات لهالوسيلة بسبب الخوف من انتشار طريقة الزواج وتصير علج بحلوج عيايز الفريج
انتو شرايكم ؟/b]

 

[mrs.3wesha]

رد : مع او ضد الخطاااباات

انا بصراحه مع الخطابات كافي انها شرعيه وحلال مافيها اي شي

 

[فرح السبيعي]

ياريت كل الناس متفتحين مثلج

 

[قمر2009]

بصرااااحه ان ضد الخطابات زواج فاشل لا زم يكون فيه عيب لوفيه خير خذوه اهله :eh_s(22):

 

[فرح السبيعي]

قمر حبيبتي يمكن البنت ما عندها اهل عندهم عيال من عمرها او مو من اهل العروس فشتسوي؟
بصراحة شخصيا خالي ماكان يبي من بنات عايلتنا شفناله من خطابة و كاهو متزوج من 6سنين ومرته عسل وعياله يهبلون ماشالله

 

[Tulips]

انا أأيد الخطابه بس حق ظروف معينه

يعني اذا البنت متأذيه ببيت اهلها

او كبرت بالعمر وقلت فرصها

او اذا ماعندهم معارف

 

[طويت صفحة الماضي]

انا مع وضد بنفس الوقت مع ان احيان يكون نصيبها اوكي ويا الخطابه وربج قال اسع ياعبدي وانا اسعي معاك وضد اخاف تعطيج الساقط ولاقط
وعسى ربي يرزقني ويرزقكم الرجل الصالح يارب:yaaaaaarb:

 

[برادة الحساوي]

رد : رد: مع او ضد الخطاااباات

شووووووفي هي عادي تجرب الخطاااااابه بعدها يسؤلون عن الولد بس المشكله اذا الخطاه
قالت لهم العروس من طرف خطااابه هذا اللي ما احبه

 

[لؤلؤية]

رد: رد : رد: مع او ضد الخطاااباات

انا كنت مع الخطابات
بس رحت مرة مع وحدة لخطابة مشهورة بالكويت
طبعا رفيجتي دفعت فلوس عشان تشوف اللي عندها
وقالت لها اذا صار نصيب تآآآخذ 500

والله مالقينا عندها غير المتردية والنطيحة ...وعوير وزوير والمنكسر واللي مافيه خير>>> اقصد الرياييل
اما البنات كسروا خاطري بنات حمايل وعوايل..وكل الاعمار.....وكل المستوياااات...حلوين..وبعضهم منفصلات وصغار
وبعضهم عندها طفل او طفلين ...و......كل شي تحصلين

البنات صج جاديين
الرياييل
اللي متزوج...واللي يبي عقيم...واللي يبيها تكد عليه..يبيها تملك سكن >>وين قاعدين؟؟؟!!!
وشايب يبي وحدة بالعشرينات ..!!!
واللي يبي متحررة وفري حيل ..!!!!
وواحد يبيها طويلة اطول من 170 سم >>> شدعوااااشلون بتدخلها بيتكم ؟؟!!!
واللي يبي شقرا وبيضا وشعرها طويل >>>نعم يا نوح ؟؟!! >>>درس خصوصي
وين قاعدين؟؟؟!!

الرياييل ماكو جديه..الا نااااادر جدا
بس البنات مآآخذين الامر بجدية

فانصح لا تروحون لخطابات...فيه لجان
مثل لجنة العتمان >>> هذي اللي سمعت فيها
هذيلا ناس يخافون الله
اما الخطابات تبي فلووووس وبسسس ولايهمها اي شي ثاني
استغفر الله ياربي

 

[$بنت الأمير$]

رد : رد: رد : رد: مع او ضد الخطاااباات

أنا ضد الخطابه أولا : لانها ماتعرفج فما راح يكون قلبها عليج
وثانيا:مو حلوة بنت عايله أسمها محطوط بكتاب كل من هب ودب يتفرج عليه
ثالثا: وين الأمهات و الخالات والعمات والصديقات والجيران بعد نسيت أحد ههههههه المفروض هم اللي يقومون بالمهمه هذي
رابعا :عسى الله يرزق كل البنات اللي ماتزوجوا بالرجال الطيبين بدون هالخطابات
وشكرررا حبيبتي

 

[kuwait_queen82]

الخطابه اليوم=بزنس
الخطابات الي صج قبل الي ادشون لبيوت وتعرف الشين من الزين
مو خطابات الحين طيح الله حظهم يدورون البيزه اول شي تذكره لفلوس انا اخذ 600 دينار على الراس لعنبو دارج خرفاااااااااااااااااان ؟؟و اذا شافت ريال سنع اتشوف منو من جماعتها مو متزوجه و اتلبسه فيها
و فعلا نفس كلام الي قالت الريايل موجادين قريت قبل جم يوم وحده تقول راحت لخطابه تقولها تبين في واحد يبيج شهر و يطلقج ابذمتج هذي كلام مراه محترمه و تبي توفق راسين بالحلال؟؟
فايعمري لاتعبين نفسج مع الخطابات نفس ماخواتي قالو لجنه العثمان و فعلا يزوجون في وحده يم بيت عمتي عمرها 34 و زوجها لجنه العثمان

في عندي جم ملاحظه حق اللي بتروح حق خطابه تخطب لخوها او ولدها وهذي كلامي من خبره
اذا قاللتلج الخطابه التالي:_
متروسه +امتينه = امكرشه
حنطاويه= يعني اغمج من اوبرا وينفري
ترى البنت سنعه وباره بهلها= ترى البنت من جماعتها و يقولون مداحين العروس اهلها( و محد يقول لبني حامض)
ترى شايفين خير= راح تصدمج انه البنت تطلع مو اكويتيه
شعرها كيريلي=فلافل
:eh_s(7):

 

[ترانيم القصيم]

رد: رد : رد: رد : رد: مع او ضد الخطاااباات

أنا مع الخطّابة آللي تشتغل بضمير و يكون عملها خالصًا لوجه الله

ما تقدم المادة على مصالح البنات أو الشباب ,,

^_^

 

[بطوطة @]

طبعا انا ضد الخطابات

:eh_s(14): :eh_s(14): :eh_s(14): :eh_s(14): :eh_s(14): :eh_s(14): :eh_s(14):

ماادري اكبد باجر بعايرني انه خذاني من خطابه او العكس

 

[جوانا2010]

رد : رد: مع او ضد الخطاااباات

انا ضد الخطابات لاني احس اهم شي عندها الماده ومابيكون قلبها عليك

واحس الرجال اللي يروح لخطابه لازم يكون فيه عله وما يكون صادق......

البنات ممكن يكونو صادقات ويبون الستر بس اش الفايده راح يعايرها بعدين بهاالشي......

صاحبة الموضوع يسلمو موضوع حلو بس ياليت حطيتي تصويت كان طلع احلى.........

 

[ياليل مااطولك]

اذا كان الناس متقاربين والمجتمع متكاتف لاحاجةلخطابة -----الخطابة لناس الغير اجتماعين في نظري

 

[مرمووور]

رد : رد: مع او ضد الخطاااباات

انا مع ضـد آلخطـآبه

 

[نور مغليها]

رد : رد: مع او ضد الخطاااباات

لآ‘ ضِـد الخطآبه لأسبآب كثير ...
أول شي يمكن البنت فيها شي ما نعرفه لو كانت البنت مننا وفينا او مثلا كانت خطبه عاديه كان ممكن اننا نعرف عنها بس ليما تكون خطابه لاء ...
ثاني شي في سوالف الخطابات وما خطابات مو من عوايدنا ولا من تقاليدنا صَح انها عاديه وحلال وما فيها شي بس ما تعودنا على هالششي ...

مرا قريت لـ وحده تشكي من زوجها اهيا متزوجه من خطابه ‘ تهاوشت ويا زوجهاا فـ قال لها لو إنتي بنت أصل وفصل ما حطيتي اسمج بالخطابه ( خصوصا ان مجتمعنا ما يعيب الرجال ) !؟
وواحد متهاوش ويا زوجته قايل لها أنا جبتج من مكتب مثل الخدآمه !؟

يعني لها عيوب و مميزات ... وانا شخصيا ضدها بس النصيب يصيب ...
يعطيج العافيه ‘’,

 

[كراميلا مرة]

انا بصراحه ضد الخطابه احس اصلا فشله بعدين بيقعد يعايرها انها ماخذها عن طريق خطابه
وثاني شيء افضل اذا كانوا عارفينها وعارفين الرجال اما الخطابه اكيد بيكون فيه غش

 

[! بــدويه وآآيــد !]

أنا ضد الخطابه أولا : لانها ماتعرفج فما راح يكون قلبها عليج
وثانيا:مو حلوة بنت عايله أسمها محطوط بكتاب كل من هب ودب يتفرج عليه
ثالثا: وين الأمهات و الخالات والعمات والصديقات والجيران بعد نسيت أحد ههههههه المفروض هم اللي يقومون بالمهمه هذي
رابعا :عسى الله يرزق كل البنات اللي ماتزوجوا بالرجال الطيبين بدون هالخطابات
وشكرررا حبيبتي

الخطابه اليوم=بزنس
الخطابات الي صج قبل الي ادشون لبيوت وتعرف الشين من الزين
مو خطابات الحين طيح الله حظهم يدورون البيزه اول شي تذكره لفلوس انا اخذ 600 دينار على الراس لعنبو دارج خرفاااااااااااااااااان ؟؟و اذا شافت ريال سنع اتشوف منو من جماعتها مو متزوجه و اتلبسه فيها

:eh_s(7):

،



عدل كلآمهـُم :eh_s(15):

 

[FeShinGoOo]

مع الخطابه شرط انها تكون ثقه ومره تخاف ربها وماتكون استغلاليه