الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

[أنا الثريا]

رد : رد: الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

السلام عليكم
مجهود كبير تشكر عليه


عندي بنت اختي عمرها تقريبا 4ونص سنوات,,وهي بالمدرسة الباكستانية بس بمستوى الصف الثاني للروضة
وهي لم تدخل للصف الاول,,على طول للصف الثاني

دراستها ماشاء الله زينة وتحفظ وتسمع جيدا

قبل فترة كان عندها امتحان ولم تحل شي مع العلم انها حافظة
فاخذتها اختي للمدرسة باليوم الثاني وجعلتها تحل الامتحان جدام المدرسة,,وانها حافظة دروسها ومر الموضوع على خير

بس امس كان عندها امتحان وسوت نفس الشي,,,وكانت وقت الامتحان تلعب ببراية جديدة امها عطتها لها
حتى لما المدرسة نبهتها,,,كتبت حرف a فقط

الحين اختي محبطة حدها وماتعرف ليش تسوي جذي؟؟واهي بالبيت تحل الامتحان كامل,,وبالمدرسة لاتحل الامتحان
مع العلم,,,البنت واثقة من نفسها وشخصيتها متزنة
ومافي شي غريب بتصرفاتها

شنو الحل؟؟​

 

[sharshora80]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

السلام عليكم
يعطيك العافيه دكتور
انا عندي ولدي 3 سنوات وبنتي 2 سنوات وايد وايد متعلقين فيني لدرجه اني كل يوم اروح بيت ابوي وهم معاي ويوميا هذولا لاصقين فيني ما يتحركون ولا يسلمون ولا شئ بس لاصقين فيني ولا يتحجون ولا شئ ودي يصيرون مثل اعيال الناس يسلمون والا يتحجون بس بالبيت معاي ماكو احلا منهم
وشغله ثانيه ولدي 3 سنوات ما يسمع ولا كلمه انا اقوله له كل معاندني يعني اذا طلبت منه شئ يقولي انزين بعدين اسوي والا يقولي مابي وفي كلتا الحالتين ما يسوي طلبي يعني مثلا الغاء الوصخ على الارض ما يرضى يشيله واخته تشوف جذي هي بعد تسوي نفسه

وشغله ثالثه انا صاير لي يومين خدامتي اللي بنتي متعوده عليا انها تكون عندها مسافرة ودي انسيها بنتي اشلون

وسامحني على الطواله

 

[شيخة الحلوة]

دكتور وينك

 

[HearT ChocolaTe]

السلام عليكم ورحمة الله وبركاته

طفلي الاصغر سنتين وعشر شهور الاخير من بين اربع اولاد
واخوه اللي قبله من الاحتياجات الخاصه

مشكلتي معاه العصبيه اذا ما يبي شي يصرخ ويبجي واحيانا على اشياء تافه
لو اقول له لا قام يبجي على العلم اني ما انفذ رغباته ولا مدلعته على العكس
لكن مشكلته بس معاي انا !!

لو اوديه بيت اهلي ما يسوي معاهم نفس اللي يسوي معاي ,, وحتى اختي احيانا يزور عندها بالبيت
تقولي ان ما يسوي اللي يسويه معاج ؟؟ يعني بإختصار مع الكل شخصيته رووعه الا معاي انا !!
والاسلوب اللي اتبعته مع اخوانه في التربيه اتبعته معاه ! وين العيب يا دكتور ؟
من فضلك انا وااايد تعبت وبالاخص ان عندي طفل محتاج اهتمام مضاعف مني

مدخلته حضانه صاحبه طارق سويدان لتعليم القاده ~ وكل مدرساته يقولون عنه في الكورس الاول
كثير البكاء ولكنه طفل ذكي وممتاز ~ والكورس الثاني لم يشتكي منه احدا وانه في تحسن مستمر

ملاحظه : لما يبكي ~ يبكي بصوت مرتفع وقوي من الحنجره .. لدرجة اني اخاف يوقف قلبه
لان شفايفه تصير زرق
وكثر ما اقدر اتجاهله لكن يستمر بالبكاء الا ان نلفت انتباه في شي ثاني غير اللي بكى بسببه ؟

 

[اسيل82]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

السلام عليكم انا عندي ولدين واحد 10 شهور والثاتي 3 سنين ولدي العود غريب حيل من بدى يتكلم وهو يسبني ويعاندني بكل شي ومايحب اليهال كلش ولا يحب يلعب وياهم مفشلني لمن ازور كله لاصق فيني ومايحب الخدم نهائيا وماني عارفه السبب كلش ومايخاف يسبني واطقه وهمن يسبني وماني عارفه اتعامل وياه وقاعده اهيئه حق المدرسه اقوله تروح المدرسه يقولي لا انا مااحب المدرسه انا بروح الدوام معنه اهوا للحين ما دش الروضه ويعصب ويطقني جني قايلتها بطقك وكل لعبه بلمسدسات اوديه محل العاب مايختار الا المسدسات وحيل عصبي يليت تشوفولي حل ومشكور

 

[ام وهابي]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

السلام عليكم
انا ولدي عمره خمس سنين واعاني من رفضه للذهاب للروضه وهو اصغر عيالي وحيل متعلق فيني لدرجه غير طبيعيه
يعني لما يروح الروضه دايما يبكي اول مره طول اليوم وبعدين صار اقل والحين صار ما يبكي بس تقول مدرسته انه طول اليوم يسال
متي امي تجي وتاخذني يقضي طول اليوم ينطر متي اجي وما يشارك مع الاطفال باللعب وما يرد على المدرسه لما تناديه كانه ما يسمعها المدرسه تقول ان الولد تصرفاته مو طبيعيه يعني ما يقعد بالصف دايما في حركه حتى لو مكانه دايما يتحرك ما يثبت وقليل الانتباه والتركيز وما يتكلم مع الطفال بالصف ولا يشاركهم باللعب ومرات يطق راسه بالطوفه بدون سبب وفجاه بالصف يقوم ويبكي ويسال عني
ولا يكتب مع الصف الا لما المدرسه تمسكه وتمسك ايده علشان يكتب
بالبيت ما يقعد كله حركه ولعب على طول ما يتعب ودايما يلعب بروحه وما يحب يطلع من البيت واذا احد غيري ناداه ما يرد عليه ولايسلم على اقربائه ولا يرد عليهم كان ما يسمعهم
والاطفال اللي بعمره ما يشاركهم اللعب دايما يلعب بروحه وخاصه لما احد يجينا من اقاربنا اتفشل من تصرفاته احسن انه مو طبيعي ولا اجتماعي بالمره حتى ابوه علاقته معاه مو حلوه ما يحبه مع ان ابوه عمره ما هاوشه او طقه ودايما يحاول يتقرب منه وهو يتهرب منه
يحبني انا وبس
ادري طولت عليك بس شسوي احس بالقهر لما الناس تسال عنه شفيه ولدج اهو طبيعى
انا اعرف ولدي ان عقله ما شاء الله ذكي جدا لدرجهه انا يحل مسائل بالرياضيات اكبر من عمره ويعد الاعداد الاكثر من 100
ويتكلم طبيعي وبذكاء ما اشك فيه لحظه انو مو طبيعي
سالي هل ولدي يعاني من التوحد او من زياده النشاط وقله التركيز ارجوك رد عليه بسرعه لان نفسيتي للاسف تعبانه حيل وخاصه بعد ما سمعت كلام مدرسته اليوم

ارجو الرد

 

[قعروطة]

السلام عليكم انا عندي ابني عمره 4سنوات سريع الغضب وعنيدجدا لايستمع لكلامي فما هي طريقة التعامل معه انا لااحب اتباع اسلوب الضرب مع اطفالي لاني اشعر ان هذا الاسلوب يقتل الشعور بالاحترام والانسانيه بداخل الطفل فارجو منك افادتي ولك جزيل الشكر

 

[Ashjaan]

السلام عليكم دكتور والله يعطيك العافيه ويزاك الله خير على الجهد اللي تبذلة مع الأخوات
مشكلتي يادكتور ولدي البكر ، وعمره 3 سنين واربع شهور ، راح اجرني لنهيار عصبي ، عنيد لأقصى درجه من ولدته بصراحه ، عسر لأبعد الحدود ، دايما يبجي ويعاند وزادت الحاله من ولت اخوه الثاني وعمره الصغير سنه ونص ، دايما يطق ويهاجم ولا ياكل ، ولا عنده مرحله يعني لوما القصب ماياكل ، ومو اجتماعي ، وماعنده مشكله في سبيل اللي يبيه يبجي يوم كامل شي عادي ، وكله يطق اخوه الصغير بشكل مو طبيعي ، يدزه ويعضه ويرفسه ، هامله اخوه الصغير عشان اصب اهتمامي فيه وهم مو فايد ، وديته الحضانه ، وهم وديته للدكتور جاسم حاجيه ، وعطاني اسلوب عقاب استخدمه وياه وهم مافاد ، الخدم كلهم يشتكون منه ولا احد قادر يستحمله وكل يوم لي وحده والسبه انه يطفهم ويتفل عليهم ، ، والمشكله الثانيه الحمام ، ومو قادره اخليه يبطل الحفاظ مع اني كنت احفزه دايما وارغبه باشياء ، ولا اكو فايده ، وكنت اشيل عنه الحفاظ ويسويها في هدومه عادي ولا يقول ، ذكي جدا ، ولكن قادر علينا بشكل مو طبيعي وياخذ اللي يبيه ، والله يادكتور مارتاح منه إلا اذا نام اسم الله عليه وصلنا لهذي الدرجه ، لا فايد وياه لا طق ولا تهديد ولا ترغيب ، بصراحه يادكتور وصلت اني انا رحت لدكتوره نفسيه من الأكتئاب اللي فيني ، لاني يوميا اصارع في البيت ، بالحظانه هادي جدا ولا فيه شطانه ، وعندنا بالبيت يسوي سوالف ينون ، الكل يقولي من يشوفكم انتي وابوه غير ، لدرجه اني حطيت كامرات في بيتي عشان اشوفه ، مع الخدم يهدا بس من يشوفني انا والا ابوه يصير مثل المينون يطق اخوه ويعاند وماياكل ، وكله صراخ وصياح ، تخيل يادكتور اني من ادخل اي مجمع او اي مكان يبجي وينسدح بالقاع بالمجمع على الشي اللي يبيه ولو مايبته عادي يبجي من اول المكان لي اخر الطلعه شي عادي ، انا وزوجي وصلت فينا انه مانرتاح الا اذا سافرنا وخليته عند امي ، ودي ارتاح وياه واتكلم واخذ واعطي ويصير مثل الأولاد العاديين والله صار يفشلني واي مكان اروح مالهم سالفه الا ولدي فيدني يزاك الله خير شنو اسوي وياه واذا فيه اي حل والا دكتور اقدر اوديله اياه يساعدني ويزاك الله خير

 

[Ashjaan]

وياليت اعرف رقم الدكتور

 

[معزوفة البيانو]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

السلام عليكم دكتور .... يسعدنا وجودك معانا في المنتدى وجزاك الله ألف خير
مشكلتي مع اثنين من أولادي العمر (5.5 - 3.5 ) ..... يعاندوني كثيرا ولا ينفذون ما أطلبه رغم أني لا أستخدم الشدة معهم إلا في النهاية ولما يجي وقت النوم يتحدثون معي كثيرا وهم في السرير ولا ينامون يعني ندخل غرفة النوم الساعة 7.5 ويظلون يتحدثون معي ( دون مبالغة ) إلى الساعة عشر ولا يشعرون بالنوم ... رغم أنهم يرجعون من المدرسة وهم يحسون بالتعب ولا ينامون الظهر ويومهم يقضونه بين الدراسة واللعب ... ملاحظة ( أتعمد أحيانا أن أدخل الخادمة معهم غرفة النوم فينامون خلال عشر دقائق وما يتكلمون معها)( وأيضا هم ما يتكلمون عن أبوهم أبدا رغم أنه كان عايش معانا ثم ترك البيت من منذ كم شهر ولا يسألون عنه )

 

[~Ms. elegant~]

السلام عليكم ورحمة الله وبركاته
دكتور انا عندي ولدي عمره 5 سنوات بثانية روضة ( خاصة ) يعرف يقرأ ويكتب عربي وعارف جميع الحيوانات والالوان والفواكه بالانجليزي وانا حيل مجتهده معاه من ناحية التعليم بس المشكله اذا رحت لمعلماته يشتكون انه ماعنده تركيز كلش ولا ينتبه بالحصه نهائيا ومايمسع الكلام اهو عنيد شويه بس يخاف مني اذا هاوشته.. وصيت معلماته يشدون عليه ويخوفونه عشان يركز معاهم بس مافي فايدة لدرجة انهم قالوا احتمال السنه الجايه مانقبله عندنا
مع العلم انه شاطر حيل وذكي وفطين
ولم اجتمعت مع معلماته وخليته يقرأ ويكتب ويجاوب على أسئلتي استغربوا شطارته وهو بالحصه ماقاعد ينتبه وياهم ومايرد عليهم ( وهو شيطان وكثير حركه )
شالحل معاه ؟؟
اشلون اقدر اخليه يركز بالمدرسة ويقعد بمكانه وينتبه لمعلماته؟؟؟؟
فعلا قاعده اعاني من هالمشكله لان ماودي يطلع من مدرسته ومابي ادخله حكومي واهو حيل شاطر ويجي منه اكثر.​

 

[بيتي بوب بس كويتيه]

السلام عليكم
انا ولدي عمره سنتان ونصف
اسمله عليه حركي ومشاغب وعنيد
كل مره ادخله الحمام اكرمك الله يصرخ ويبكي نادر جدا يدخل الحمام واهوا ساكت
ودائما يحرجني واذا يبي شي حتى لو بمجمع يصرخ كاني خاطفته او ضاربته
ودائما يضرب أطفال عمامه الي بعمره واحس انه يغار منهم وما يحب انه احد يمسك العابه
ولا يحب ينظف اسنانه
الصراحه وايد متعبني مرات اصرخ عليه ومرات اضربه عالخفيف بس ما يفيد
وشكرا

 

[عنابة4ذ]

السلام دكتور ممكن ادز رساله خاصه تتعلق ببنتي عمرها سنه وكنت الاحظها من كان عمرها ست شهور بس مستحيه اقولها باااالعام

 

[بــدوية]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

يعطيك الف عافيه يااستاذ احمد البرماوي
بغيت استفسر اناعندي ولدي عمره اربع سنوات كله مقابل التلفزيون تقريبايقعد عنده 8ساعات واخاف ائثر على عقله
واهلي ايلومون عشانه يقولون خربته وهو طبعه هادي ماشاءالله ويقولون هذا كله من تاثير التلفزيون
والمشكله الثانيه ماينطق عدل ولايجمع الجمل صحيحه بس انا افهمه واخته اصغر من سنه ماشاءالله عليها تنطق احسن منه وتفهم احسن منه

 

[om webas]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

للرفع ..........................

 

[farasha83]

''''''''''''''''''السلام عليكم ''''''''''

انا ولدي عمره 3 سنوات وعنيد جدا وغيور ومااعرف اتصرف معاه متعبني

 

[احمد البرماوى]

السلام عليكم
اعتذر عن التاخير بالرد وذلك لظروف سفري لمصر للعلاج لمدة شهر ... علي وعد بالتواصل المستمر كلما تيسر الوقت لذلك

شكرا وكل عام والجميع بخير

 

[ZajiL]

سلامتك دكتور وماتشوف شر ان شاء الله

 

[شيخة الحلوة]

السلام عليكم دكتور الف الحمدلله على السلامة وماتشوف شر

وانا ودي القا حل حق مشكلة بنتي

انها اذا كانت تبي شي وماعطيتها او تبي تطلع وماخليتهاتطلع من الشقة تطق (تضرب ) راسها بالارض حيل :eh_s(11): وتبجي احيانا اقول خليني اسوي نفسي مااشوفها بس مااقدر اقوم اشيلها بسرعه اخاف على راسها يصير فيه شي
مو عارفه شلون اتصرف معاها

واهيا اصلا حركية >>>>امي تقول انها مثلي حركية لما كنت صغيره ولكن مافي احد يطق راسه بالارض ولا عندها احد من الاطفال يسوي مثل الحركة عشان تقلده

وشي ثاني ادري غريب وراح تضحك علي وتقوللي دلع بنات عادي
بس بنتي ما تحب الحريم تحب الرجال يعني مثال اذا كانت مريضه ووديتها حق المستشفى اذا دكتور عادي تبتسم بويه وتقعد تضحك معاه وتحسب سماعته لما يفحص صدرها والامور طيبة ولا احيانا ماترضا تطلع من العيادة تبي تقعد تلعب
ولللللللللللللكن اذا كانت دكتورة تبجي تبجي حييييييل ماتبيها وتبجي بشكل هستيري احيانا واحيانا لا مجرد بجي عادي بس حتى الدكتورة تستغرب منها

ماادري شنو توصف حالة بنتي ؟؟؟؟
وادري حالتها غريبه

للعلم بنتي عمرها سنة ونص

والحين انا حامل بالسابع ودي تعلمني شلون اذا ولدت انشالله اخليهاتحب البيبي اليديد وما تغار منه؟؟؟؟

انا الحين دااايم اشتريلها لعبه على بيبي واهيا كله تبي تعطيه حليب ومصاصه وتقوله دادا دادا يعن تحب الالعاب
بس بالواقع بعدين شلون وشنو افضل طريقه انني اعملها تحب البيبي؟
ومشكور دكتور ويعطيك الف عافيه


مع تحياتي ام شيخه

:eh_s(7):

 

[lovely jojo]

السلام عليكم ...
دكتور بأخذ رأيك بخصوص بنتي .. عمرها سنتين وألاحظ ان الكلمات اللي تقولها قليلة والباقي غير مفهوم
يعني تقول ماما بابا واسامي الكرتون اللي تحبه ماتقول جمله كاملة .. احس وده تتكلم بس مو عارفة شتسوي مع ان دائما نتكلم معاها واهي ماشاءالله تحب الحركة واللعب واجتماعية جدا ..
هالشي طبيعي بعمرها او لأ .. ؟؟