الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

[احمد البرماوى]

دكتور ابليز عندي بنتي حساسه جدا وهي الان عمرها 7 سنوات ولكن من صغرها وهي تفهم سوالف الكبار وتحس بالمشاكل الي تسير بالبيت واحناتعرضنا لضروف ماتسر بالبيت من مشاكل نفسيه متعبه جدا وبنتي من صغرها تعاني من مشاكل التبول الااردي يليت واهي نايمه بس لاوهي قاعده بعد ممايسبس لها الاحراج الاجتماعي وشكرا

السلام عليكم اختي الكريمة

بخصوص الحساسية الزائدة فحضرتك ذكرتي انها تعرضت لظروف بالبيت صعبة اثرت عليها فقد يكون هذا فعلا احد الاسباب وقد يكون التبول الا ارادي اشعرها بالخوف وعدم الثقة بالذات وعدم الامان لما قد يحد ث لها فساهم في ظهور تلك الحساسية وبخصوص التبول الاارادي فلا استطيع ان احدد لكي خطة معينة الا اذا تأكدتي انتة لا يوجد سبب فسيولوجي لذلك يجعلها غير قادرة علي التحكم في هذا الامر وايضا نرجع لنفس النقطة وهو الظروف المحيطة بالبنت والجو الاسري داخل البيت لان من اسباب التبول الاارادي استخدام القسوة والضرب من قبل الوالدين.
التفكك الأسرى مثل الطلاق والانفصال فحاولي ان يكون الجو داخل البيت اكثر هدوءا وحاولي ان تدعمني ثقتها بذاتها ولا تنهريها او تسببي لها احراج امام احد عندما يكون هناك تبول لا ارادي
تاكدي من انة لا يوجد سبب فسيولوجي لذلك وساعطيكي برنامجا لظبط الاخراج عندها

شكرا

 

[احمد البرماوى]

الســلام عليكم أستاذ
انا طالبه بجامعه الكويت وعندي سؤال يتعلق بالارشاد النفسي ..

شـنو يعنـي الارشاد التأهيلي وتـابع لأي نظريه ؟ وهل هو مناسب لفئه ذوي الاحتياجات الخاصه ؟وهل تعرف مراجع ارجع لها بخصوص هالسؤال يعطيك العافيه دورت بالمكتبه العامه ومافيها معلومات عن الارشاد التأهيلي ...

السلام عليكم اختي الكريمة


الارشاد النفسي احد مناهج علم النفس وينقسم الي ثلاث مجالات الوقائي والنمائي والعلاجي واضيف لهم حديثا المنهج الرابع وهو الذي تقصدينة التاهيلي
وهو يختص اكثر بتاهيل ذوي الاحتياجات الخاصة وخاصة الاعاقات البصرية والسمعية والحركية
فهم يقوم علي تاهيلهم بشكل نفسي من اجلا تنمية مهاراتهم وتوجيههم الي كيفية التعايش والتوافق بشكل جيد مع العالم المحيط بهم

ايضا يختص بكل انواع الاعاقات العقلية والحركية وايضا كبار السن والاشخاص المبتورين اعضائهم وكذلك مرضي الصرع والتشنجات
بصراحة لا اعرف كتبا بالكويت عن هذا الامر ولكن يمكني البحث في ذلك

شكرا

 

[احمد البرماوى]

السلام عليكم



اول شي المشكله تخص ولدي عمره 10 سنين انا نقلت ولدي من مدرسته القديمه علشان اسلوب الصبيان اللي معاه قليلين الادب بالكلام

ويحبون الهواش

ونقلته مدرسه جديده اول الايام يقولي كل اللي معاه بالصف زينين وارتحت وبعد جم اسبوع اربعه من اللي معاه بالصف قامو يقطون عليه كلام مثال ياالله اذلف او من الكلام البايخ بعدين ماسكينه بحصة الالعاب وطاقينه اهم الاربعه ولا قدر يرد طقته لهم ولي معاه بالصف محد ساعده كل واحد بحاله قاعد يتفرجون

بصراحه انقهرة لان اهوا مايعرف حتى يسب احد لاني دايم اقوله عيب ولا حتى يقدر يطق مع ان بنية جسمه ماشاء الله قويه بس المشكله ان انا عمري ماخليته يمد ايده على احد ولا عنده ربع ربعه انا وابوه بس واخوه عمره 3 اسنين

انا رحت اشتكي عند الخصائيه ماقدرة اتكلم قعدة ابجي لانا ولدي كان وده يحصله ربع بالمدرسه بس طلعوا حقودين لانا المدرسات كله يمدحون ادبه وشطارته اسم الله عليه واذا الابله اشرحة شغله حق صبي مو فاهم يساعد الابله علشان يفهم الاصبي

اليوم اللي طقوه فيه الصبيان صك على نفسه باب غرفته وقاعد يبجي يقول لو عندي اخو اكبير جان محد قربلي

انا ابي ادخله نادي يعلمه شلون يقدر يدافع عن نفسه اللي تعرف تفيدني الله يجزاها خير

انا ولدي اذا قتله شلون اطق يقول انا مااطق اخاف يصير فيه شيء اللي جدامي يعني بس يدز هذا اللي يقدر عليه

انا حيل تعبة نفسيتي احس ولدي مو على عمره يعني الحين ليم علمت ولدي الادب صار ماينفع بهزمن

السلام عليكم اختي الكريمة

من الخطأ كما سبق وان ذكرت ان نطلب من ابنائنا ان يكونوا مثاليين تماما ولا يعملوا اخطاء وان يكونوا اقرب للملائكة فيجب ان نقتنع تماما انة لاتوجد ملائكة علي الارض وان وجدت فلن تستطيع ان تتعامل مع بقية البشر

عموما انتي ادخلتي في ذهن ابنك وثبتي فيهمفاهبم معبنة بخصوص التعامل مع الاخرين وبخصوص انة يجب ان يكون سلوكة بشكل ما مع زملائة وهذا ليس بالشيئ الخطا ولكني اري انكم بالغتم في ذلك جدا واصبح ابنك محاطا دائما بتعليمناتك انتي ووالدة وبمعني اخر اصبحت شخصيتة معدومة نتيجة محاصرتك لة دائما
حاولي ان تجعلية ذو شخصية مستقلة وان يكون قادرا علي اكتساب صداقات وشجعية في ذلك وان كان هناك اربعة اطفال طقوة بالمدرسة فبالتالكيد هناك اطفال مؤدبين ومهذبين نفس ابنك يمكنهم ان يكونوا اصدقائة وربعة فلا تجعلية يقف عند هذا الموقف كثيرا وساعدية في ان يكون صداقات ويكلمهم ببالتليفون ويخرج معهم احيانا واحرصي علي اكسابةهواية معينة يبزغ ويمتع فيها حتي تكون لدية خبرات نجاح جيدة يلجا لتكراراها ويحاول ان يوصل اليها دائما
اذكري امامة امثلة من اسرتكم او من اشخاص يعرفهم ناجحين في اعمالهعم ويمتازون بالادب والتهذيب في تعامالاتهم
اجعلية يفخر بكونة كذلك ولا يستاء او يندم انة مهذب
بالنهاية حاولي ان تجعلية ذو شخصية مستقلة بكل شيئ وقابل للخطا بل يجب ان يخطي حتي يعرف ان الحياة بها الوجهين الصح والخطا

شكرا وبالتوفيق

 

[احمد البرماوى]

السلام عليكم

شلونكم دكتور

انا بنتي عمرها سنه و8 اشهر انا مستغربه من تصرفاتها يعني تحط ايدها تحت بمكان التناسليه او تحط اي شي ثاني

ممكن اعرف شلون العلاج مع العلم كم مره وعصبت عليها وضربتها علي ايدها وزعلت عليها

؟؟؟؟؟؟؟؟؟

السلام عليكم

اختي الكريمة قد يكون هناك التهاب او شيئ ما في هذة المنطقة يجحعلها تفعل ذلك فان لم يكن هناك التهاب لا تصرخي عليها او تتعصبي او تضربيها فقط تجاهلي الامر واشغلي يديها ان قامت بفعل ذلك ولا تعطي انتباها لم تقوم بة اما ان ضربتيها او عصبتي عليها فهذا سيكون دافعا لتكرار ذلك

شكرا

 

[احمد البرماوى]

السلام عليكم .. انا ولدي بيكمل سنتين بعد اقل من شهر .. كان الحمدلله ينام بغرفته مع اخوه اللي اكبر منه من غير ليت .. بس يوم من الايام كان يبجي وانا رحت له وفتحت له الليت فصار ظل على الطوفه وااااااخترررع حيييييييل ..ومن يومها قام يخاف ينااااااام والغرفه ظلمه .. وللاسف ابوه معلمه كلمه اتخرعه " جني " من يصير الليل يقولي ولدي انا اخف من الجني مابي انااااااام ابي الليت مفتوح !!!
ابي حل انسي ولدي السالفه .. وولدي الكبير مايحب ينام بالليت شسوي بالله ؟؟

السلام عليكم اختي الكريمة

من الخطا ان نقوم بتخويف الطفل باشياء والفاظ مثل جني وعفريت فهذا امر غير مقبول
وبخصوص خوفةمن الظل علي الحيطة فيمكنك ان تحوليها الي لعبة بينك وبينة بان تقفي اولا اما المراية وترفعي يدك وتنزليها ويشاركك في ذلك وتفهمية اننا نري انفسنا في المراية واعملي حركات مضحكة بوجهك او بجسمك واحعلية ايضا يعمل حركات من نفسة ثم بعد ذلك اعملبي تلك الحركات امام الطوفة بشكل ايضا مضحك واجعلية يقوم بالحركات حتي يعرف ويفهم انة وظل وليش جني ويمكنك ايضا فعل ذلك مع حكي قصص بسيطة لة عن الظل بشكل مضحط وممتع لة

بعدها ستجدينة ان الامر بالنسبة له عادي بل اصبح كاللعبة الممتعة ولا تقولوا بالبيت كلمة جني او عفريت او اشياء من هخذا القبيل

شكرا

 

[احمد البرماوى]

دكتور انا عندي ولد عمره 3 سنوات و بنت عمرها شهرين و من ولدت و ولدي متغير صاير عنيد و ما ياخذ كلام احد و لا يسمع كلامنا انا و ابوه مع ان مو محسسينه انه اهملناه بعد ما ولدت .. واذا شاف اخته تلعب لازم يخليها تبجي مع ان نحس انه يحبها بس يمكن من الغيره .. و عنده حركه وايد يسويها ان يمسك ايدها و يضغط عليها حيل او يمسك ريولها حيل و هم مرات راسه .. بس ولا مره طقها بس يسوي هالحركه ان يضغط عليها واحنا نخاف ان يعورها او يأذيها و حاولنا معاه بالكلام و حاولنا نفهمه و نقوله قصص عن الاخوان و هم اضطرينا ان نخانقه و نعاقبه بس ماكو فايده .. و احنا مو مقصرين معاه بشي مغرقينه العاب و هدايا عشان لا يحس بالنقص بس ماكو فايده .. وصاير يحب ياكل اكلها يعني البسكوت مالها و يحن يبي يشرب الحليب مالها و احنا نعطيه عشان لا يحس انها احسن منه مع ان نفهمه ان انت كبير احسن منها و اهيا بيبي ما تعرف تسوي شي و انت شاطر و انت حلو و من هالكلمات اللي تشجعه و ترفع معنوياته بس هم ماكو فايده
مع العلم ان ولدي ما شاء الله ذكي و فطين و اهوا البجر يعني مافي احد قبله
ابي اعرف شلون اتصرف معاه و اخليه ايجابي مع اخته ؟ و شنو الطريقه اللي تخليه يتقرب من اخته ؟
و شكرا

السلام عليكم اختي الكريمة

مشاعر الغيرة مشاعر طبيعة جدا بين كل البشر كبيرا كان او صغيرا ولكن الكبير يستطيع ان يخفي مابداخلة من مشاعر اما الصغير فلا يستطيع ذلك وبالتالي تظهر سلوكياتة وهذا شيئ جيد حتي نستطيع ان نتعامل معه
الموضوع اختي الكريمة هو ليس بانكم مغرقينة هدايا او غرفتة مليانة العاب وهدايا الموضوع هو وجود اخت صغري بالبيت استحوذت علي اهتمامكم وعلي انتباهكم واخذت مكانة هو الذي كان يستمتع بة بصفتة ملك متوج بالبيت ولكن الان جاءتمن اخذت كل شيئ
هذا هو تفكيرة وبالتالي جاءت كل هذة التصرفات من الخطا ان تعاقبية او تصرخي علية او تضربية فهذا سيجعلة يكرة اخحتةاكثر وسيجعلة يفكر كيف يؤذيها وتزداد عندة المشاعر السلبية
اذا مسك يديها بقوة لا تنهرية ولا تتعصبي علية فقط امسكي يدة وعلمية كيف يمسكها برفق وبهدوء حتي وان كرر الفعل وفهمية انها صغيرة وتحبة وهي التي تاتي لهةى بالهدايا واحذري من ملاعبتها او الاهتمام منها امامة واجعلية مسؤلا عنها بمعني اجعلية يحضر ملابسها ويعطيها الاكل بيدة واسالية هل اكلت اختك هل اختك تبكي او علم اختك كيف تلعي
اشياء من هذ القبيل حتي يعرف انة مسؤلا عنها وانة قريب منها وليس بعيد عنها

الامر ليس خطيرا وسيخف مع الوقت ولكن الاتهم هو كيفيةالتعامل الجيد مع هذة الامور ولو راجعتي اجاباتي السابقة ستجدين فيها افكارا جيدة لهذا الامر


شكرا

 

[باونتى]

السلام عليكم .. يعطيك العافيه .. أنا أعانى من بنتى وهى عمرها 3 سنوات و5 شهور .. بنتى كثيرة البكاء والصراخ على أتفه الاسباب وحاولت كثيرا ان أخفف من بكاؤها وأنا أتحدث معها ولكن دوون فائدة استخدمت اسلوب التهديد والحرمان وحتى الضرب ولكن دون فائدة من كثرة بكاؤها وصراخها أصبحت طفلة منبوذة والاطفال لا يحبون اللعب معها لكثرة بكاؤها .. تعبت نفسيا وأعصابى انهارت وحتى زوجى انهارت أعصابه .. دكتور انا محتاجة الى جلسات علاجية لابنتى فاذا كانت لديك عيادة أتمنى أن تذكر عنوان العيادة ورقم الهاتف .

 

[محرومة من الحب]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

عندي مشكلة انا اصغر اخواني واتعرض منهم للشعور بالغيرة وهم اكبر مني سناا بسبب تفرقة ابي لنا في المعاملة
ماهو سبب تلك الغييرة وكيف اتعامل معاها خصوصا انها قد تؤدي في بعض الاحيان الى الحسد والكره منهم اتجاهي
مما ادى الى ضعف العلاقة فيما بيننا وترقب الزلات والتنافس على المكانة الاجتماعية في البيت للحصول على ثقة وتاييد الاب

 

[omsaja]

بانتظار الرد ولك مني جزيل الشكر يادكتور ويعطيك العافيه

 

[استايل العربية]

السلا م عليكم دكتور اشكرك علا الجهود انا سألتك سؤالان مسبفا بالنسبه لولدي وبنتي فسألتني فيهم جميعا وأجبت بنسبة لولدي وهاأنا أجيب بنسبه لبنتي واتمنا أن تجيب بنتي عملت لها فحوصات بالنسبة للتبول الاارادي والحمد الله مافيها شي اتمنا أتجيب جواب ينفع بنتي وادعوا لك وشكرا

 

[شيخة الحلوة]

يعطيك العافيه دكتور
انا راده ردك يزاك الله خير

 

[Strawberry Flower]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

السلام عليكم
دكتور احمد جزاك الله كل خير والله يعطيك العافيه
دكتور انا مشكلتي بنتي والحين اسم الله عليها عمرها 10 سنوات
طبعا منفصلين انا وابوها من عمرها اشهر والحين اهي عايشه بيني وبين امي وخالها ( طبعا انا تزوجت وعندي بنت وولد من زوج ثاني واهي اتحب اخوانها عادي بالبدايه كانت في غيره بس الحين عادي )
بنتي وايد اتعاند وكله مضايقه وما يعجبها اذا قلت لها درسي ولا رتبي غرفتج وما اتحافظ على اغراضها ومهمله جدا جدا وكله امطنقره ودايما تبي اتمشي رايها ولا تزعل وتبجي وكله اطقطق باصابعها واحاول اعاقبها بس ما اقدر اشوي واسامحها بالبدايه كنت اعاقبها ويتدخل اخوي ولا امي ولا خالتي واسامح بعدين بديت اشد اشوي بس بصراحه صرت وايد وايد عصبيه( هم منها واسلوبها وهم من تدخل امي وغيرها لما اكلم بنتي ) يعني حتى طق كانت كل يوم اطقها وخصوصا بالدراسه( كانت متفوقه وبعدين مستواها نزل وايد والحين انشالله اشوي اشوي قاعده احاول واتابع معاها وتتحسن ) اما اعصب وازعل منها صارت اتروح اشوي واتييب لي ورقه كاتبه فيها " ماما انا اسفه سامحيني وهذي بتكون اخر مره " بس كل مره يتكرر هالحجي وهالورقه وماكو فايده وبالفتره الاخيره وقفت هالعاده
وطبعا ما اتحب تروح بيت ابوها ودايما اتقول انا ما احبه اهو كله يقولي ماما مو زينه وتعالي قعدي عندي وغيره حجي ومرات احسها اتالف صراحه ومادري عاد صج والا لا وهم بعد زوجة ابوها ما اتعاملها معامله جيده وكله اتقط عليها كلمات مثل انت قليلة ادب وافتينيه وغيره واهي اتتيي تشكيلي واقولها ما يخالف الله يسامحهم واذا لج حق بياخذه لج بس انتي لازم اتروحين عند ابوج واهو اذا ما يحبج ما ياخذج
احسها بعد انطوائيه مو اجتماعيه وكله تستحي من الناس ودايما احسها تحس ان فيها نقص واحاول اعزز ثقتها بنفسها وامدحها بس هم ما يصير اتنرفزني باسلوبها وحركاتها او ردها
اي بعد الاهل عندي كله يلوموني انتي عقدتي بنتج انا الحين صرت احسها اتخاف مني اذا عصبت طبعا اتخاف تنطق بس لمن اكلمها عادي اتكون مالها خلق حتى تكلمني او ترد علي
انا ادري ان العقاب ما كان تطبيقه عدل بس شسوي في وايد امور وتدخلات اتاثر وانا بعد ما اتحمل كلش اخليها زعلانه اخاف عليها يصير فيها شي
طبعا انا ما حرمتها من شي وكل شي تبيه اوفره لها واقول شدي حيلج وخلج مرتبه وشاطره واللي تبينه اييبه لج ( بس اهي بعد شاده الظهر باخوي وخالتي يعني اذا انا ما اييب شي او احرمها منه اهم يوفرونه لها )
شسوي والله محتاره عطني حل

ناطره ردك دكتور واللي يعافيك

 

[لمسة انثي]

السلام عليكم....

الله يجزاك خير يالاستاذ احمد البرماوي.... انا مشكلتي بنتي انا لحضت عليها من عمرها تقريبا من سنه وشهر واهي تسوي حركه مو عاجبتني... لما تجي تروح للفراش تجي فو البطانيه وتحط خلفيتها وتحكها عليها.؟؟؟؟؟؟؟؟؟؟؟؟:ssssso:
احول اعدلها بس تعبت الحين عمرها سنتين شاسوي.. واايد تكررها واهي نايمه او اذا راحت لفراشها تجي فوق البطانيه .؟؟ شاسوي والله تعبت حتي طق اطقها شاسوي...مع العلم انا ارقبها.. بس مدري وين تعلمت هالحركه.؟؟؟؟ تكفي ساعدني يمكن ماقدر اشبك فتكفي انك تراسلني بالخااص تحياتي..... في امور ماقدر اكتبها.. اسفه

 

[جوري 2005]

مرحبا دكتور انا عندي 3 بنات الولى عمرها 4 سنوات وايد عدوانيه تعض وايد تعض خواتها واي ياهل اتشوفه اول شي تلعب معاه بعدين اتعضه وعصبيه وتحب تمتلك كل شي وعنيده اما الثانيه عمرها 3 سنوات حنانه ماتسكت الا اذا خذت اللي تبيه ولازقه فيني وين ما اروح حتى الحمام عزك الله تبجي وراي تبيني والثانيه كله تبجي بليل نومها مقطع ماتنام متواصل وكله تصارخ بصوت عالي شسوي وياهم وايد تعبت وريلي بعد تعب البيت كله ازعاج كل شي متوفر لهم العاب وسي دي كرتون بس ماكو فايده

لو سمحت دكتور رد علي وايد طولت علي انا تعبانه من بناتي ماادري شسوي وياهم

 

[شيخة الحلوة]

السلام عليكم

دكتور احمد يعطيك العافيه
بنتي عمرها سنة الله يحفظها ووحديدتي والحين انا حامل الحمد لله
واهيا اول بنت ولد عندنا بالبيت فا الكل مدلعها ومدللها ومحبوبة من الكل الحمدلله

ولكننننننننننننننننننننننننن


بنتي اذا منعت عنها شي مثلا اذا كانت تبي تطلع تنزل تحت او تبي تاخذ شي ومنعتها تبجي حيل وتضرب رأسها بالارض او الطوفه و احيانا تحاول ان ترمي نفسها اذا كانت بحضني

حيل متعبتني من هالحركة انها تطق(تضرب) راسها بالارض او الطوفه

وفي شي ثاني ماادري هل هالشي طبيعي والا لا
احيانا اذا قعدت الصبح تنادي دادا دادا اروح ابي اخذها تبجي تقول بابا بابا ما تبيني تبي ابوها

انا والله مدللتها ومدلعتها
وين الخطأ والخلل

وشنو اسوي معاها اذا بجت

ويعطيك العافية

ارجو الرد سريعا لان بنتي مستمرة على الحال نفسه

 

[sofiaa]

رد : الأستاذ أحمد البرماوي ( اخصائي تعديل السلوك ) يجيب على استفساراتكم.. حياكم

[FONT=Papyrus, cursive]:s141:l: [/FONT]
السلام عليكم ورحمة الله وبركاته بنتي عمرها [FONT=Papyrus, cursive]8 [/FONT]سنوات ونصف أخاف أن تكون معقدة [FONT=Papyrus, cursive]-[/FONT]تخاف جدا جدا من الهزيمة أمام اللأخرين حتى في اللعب مثلا إذا سجل أخوها الاصغر هدف وهي لا [FONT=Papyrus, cursive]-[/FONT]أحس أنها مدمرة بالداخل وتفقد الرغبة في إكمال اللعب [FONT=Papyrus, cursive]-[/FONT]وهذا الأسلوب عندها دائما حتى وإن لم يكن أخوها معها[FONT=Papyrus, cursive]-[/FONT]تريد دائما أن تكون محط الأنضار[FONT=Papyrus, cursive]-[/FONT]أسلوبها لا يتركها تتمتع في كثير من الأحيان باللعب كباقي الأطفال خصوصا إذا كان معنا شخص جديد[FONT=Papyrus, cursive]-[/FONT]زيادة على أنها غيورة جدا فرغم أنني اعطيها الحب كثيرا ويوميا اقول لها انها أميرتي ووو[FONT=Papyrus, cursive]-[/FONT]إذا رأتني مرة افعل كذلك مع أخيها [FONT=Papyrus, cursive]5[/FONT]س ونصف تقول لي هل تحبيه اكثر مني[FONT=Papyrus, cursive]?[/FONT]أحس بشصيتها مهزوزة وعندها عقد [FONT=Papyrus, cursive]-[/FONT]أكره ماعندها أن يعاتبها أحد مثلا استادتها[FONT=Papyrus, cursive]-[/FONT]أما هي فيعجبها احيانا الضحك على الأخرين[FONT=Papyrus, cursive]-[/FONT]خطئي ربما أنني أعطيتها الحنان الزائد على اللزوم واحست بنفسها هيااميرةالدنيا وصدمها الواقع لا[FONT=Papyrus, cursive]*[/FONT]أدري مااالعمل عندي تانيب ضمير مع إحساس بالفشل [FONT=Papyrus, cursive]--- [/FONT]انتظر الرد السلام عليكم ورحمة الله وبركاته:yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb:

 

[noonaa-thn]

السلام عليكم
اول شي انا اشكر الدكتور واشكر اداره الموقع انها سوت هذا الموضوع لان فعلا الانسان محتاج احد يساعده في وايد امور ما يقدر يتصرف فيها ومساعدت اهل الخبره تهون المشاكل

مشكلتي مع بنتي عمرها 8 سنوات تخاف من الابواب المغلقه او ان احد يصكر عليها الباب فتصرخ كانها مجنونه وتبكي بكي شديد اذا احد صكر باب غرفتها حتى لو على لعب
تكرم حتى الحمام ما ترضى تصكر على نفسها وانا حاولت معاها اني اعرف شنو سبب خوفها بس تردد انا ما احب انا ما ابي الباب يتصكر
يعني احسها كانها معقده وعندها خوف دائم من انها تضيع حتى وحنا بالجمعيه مع انها صارت كبيره يعني تفهم ما ترضى تتحرك وتروح تجيب شي بعيد عني كله لاحقتني ما في مسافه بيني وبينها واذا خليتها تمشي جدامي كل ثانيه تتلفت تشوفني وراها ولا لاء

عيال اختي اصغر منها ولاكن مو نفس تصرفاتها يروحون ويلعبون وعادي امهم تغيب عن عينهم
ياريت تكون مشكلتي هينه لاني احسها مو هينه واحس ان الموضوع كل مادى ويزيد
اسفه طولت عليكم بس ياريت تساعدوني
وشكرا​

 

[برميت]

السلام عليكم و رحمه الله و بركاته

كل الشكر للمشرفه و الاداره على هذي الاستضافه المهمه جدا للامهات و خاصه الامهات الجدد
و كل الشكر لك يا استاذ لتفرغك للرد على استفساراتنا و جعله في ميزان حسناتك ياارب



سؤال او استفساري :

عندي بنت عمرها 4 اشهر تقريبا ..كانت هاديه و كل من يشيلها و اقدر احطها عند الخدامه و كل الامور طيبه
بس من شهر تغيرت ..صارت تبجي على مدار الساعه ..و خاصه اذا كنت مو موجوده او حتى مرات اكون موجوده و اختي او امي تشيلها ماتبيهم و لا تبي خدامتها ..اذا شافتها من بعيد تبجي بجي مو طبيعي ..والله شكيت بخدامتي مسويتلها شي ..بس حتى مرات تبجي جذي اذا امي شالتها ..حتى ابوها مرات تبجي عنده ..بس اشيلها تسكت و تضحك و لا جنها كانت تبجي ؟؟؟؟؟؟
ماادري ليش تغيرت جذي
و اهي الحين بفتره تسنين ..ووايد تبجي من لثتها و تحط ايدها بحلجها و ماتبي العضاضه لانها ما تقدر تتحكم فيها و الجل ما يسوي شي

كل من يقولي هالامور طبيعيه و ازمه و تعدي ...هل هذا صحيح ؟؟

سؤالي متى تبدأ شخصيه الطفل بتكون ؟؟ و متى يبدأ دوري بالتربيه ؟


و لا حظت انها تحب الرسوم المتحركه و تحب شخصيه بارني حيييل ..و تقدر تميزه عن اي برنامج

و شريت دي في دي بارني و اكثر من باباي ..ماتتنتبه ولا يشدها الا بارني
و مرات تبجي و احط لها بارني تسكت و حتى لو اغني اغاني بارني ..تسمعني و تناغي و تضحك و احس بتفاعلها

و علشان جذي شريت لها دي في دي بلاير و اخذه معاي كل مكان ..و كل ما بجت شغلت هالبارني علشان تسكت

هل هذا التصرف صحيح او لا ؟؟

و اسفه جدا على الاطاله
و اكرر شكري لك يا استاذي

 

[ام خلوووودm]

يعطيك العافية دكتور

ولدي عمرة 4 سنوات مجنني يبجي على اتفة الاسباب ويضاقني بكاة ومع هذا عنيد وحرك زيادة يحب يخرب كل شي حوالية بس الي مضايقني البجي على اسباب تافهة يقولون لي هذا كلة من دلعكم لة وانا بصراحة احترت معاه مااعرف اتصرف معاه بهدوء اعصب واطقة ابي حل اللة يخليك

 

[ام شريفه]

السلام عليكم دكتور انا بنتي عمرها سنتين كلا تبجي ما تسكت 24 كلا تبجي مع سبب و بدون سبب ما فيها شي بس تبجي اختها صغير و بالأشهر 6 شهور بس حتى من قبل لا أييب الثانيه هم كلا تبجي و لما نطلع برا مجمع معاها ما تسمع الكلام و هم كلا تبجي و تنحاش و تفصخ تكرم جوتيها و تنحاش

شسوي والله انا مليت من طبعها وايد متأذيه..معنه أبلاتها بالحضانه يقولون زينه ما تبجي بس تتحرك وايد