احلى تجمع (( كروشات ديسمبر )) حياكم الله بنات

[أمواج^الكويت]

اهى شنو جنسيتها قلتى؟؟

أندنوسية خايسة الله يقطعهم عاد أنا كلش ما أواطنهم هذوله اللي من شرق آسيا ومساع واصلني على الواتس أب فيديو قطع قلبي شوفوه بنات والله إن شعر جسمي كش الله ياخذها إنشالله ويبلاها باللي قاعده تسويه بالياهل ..

شلون جذي الأهل يخلون عيالهم عند هالأشكال الوصخة :eh_s(2):


شوفوا المقطع

http://66.160.159.98/0b/7d/0b7d6af04034dedfecd8617f4cd89885/ba124807/kejamflv_0b7d_w_2.3gp?c=24704


وواحد معلق وكاتب

" أخ عليها الحيوانة وحريمنا بس فالحين يلعبون بالآي فون والبلاك بيري ومالهم خلق حتى يغيرون بامبرز الياهل " ..

طبعاً مو إحنا هههههه ​

 

[أمواج^الكويت]

جوجو زين هالحمام المغربي ولا لا انا استخدم التاج الاسود

هالووووووووووو أم غلاوي :eh_s(7):

أنا جربت التاج المغربي هم حليوي وأثنينهم أحسهم زينين نفس الشي مافي فرق

جوجو هذي صابونه المر والكركم حق شنو ؟؟

توحد لون البشرة وتبيضها وتفتحها وتشدها وتنشف الحبوب وتزيل البقع السوداء والنمش والكلف مع الاستمرار

وايد حبيتها بس عيبها شوي إن تخلي جسمج ناشف لازم بعدها تحطين كريمات وزيوت ​

 

[أمواج^الكويت]

كوكو أوريو القبعات شكله يشوق ودي أسويه بس مافهمت فكرة ككاو المارس وين أحطه ! وهل لازم أسيحه ولا شنو !

خالتي أم ريلي باجر إنشالله بترد من أمريكا كانت رايحه مع حماتي حق العلاج ويوم اليمعة بنروح غدى بيت عمي فودي أسوي طبق حلو .. عجبني هذا بس ككاو المارس ماعرفت وين ينحط وشلون !​

 

[Zen&7ala]

وااي فقوووووووووده عمى بعيينها الي ما عندها قلب حرااام


جوجو شلون الصابونه زينه؟

 

[أمواج^الكويت]

إي والله زيوووون وايد زينة أنصحج فيها تنشف الحبوب اللي بجسمج لين تتقشر وتصفيه ​

 

[Zen&7ala]

بنات اقروا هالموضوع يعور القلب والله http://www.q8yat.com/showthread.php?p=22690544&posted=1#post22690544


بجيت ما تحملت..

 

[kunooz]

انا باك
بنات بجيتونى ليش جذي

جوجو
ماقدرت اكمل الفيديو قمت ابجى ماتحملت
حسبي الله عليها !! مادريي شلون في اوادم بهالقسوه لو هذه خدامتى جان قطعتهااااااااااااااااااا الحقيره

زيونه
الموضوع حده يعور القلب و هم ماقدرت اكمل الصراحه

 

[أمواج^الكويت]

إي والله يازيون بجيتيني :eh_s(11)::eh_s(11)::eh_s(11):

ماقدرت أكمل الموضوع الردود تعور القلب :eh_s(16):

 

[غرووووور]

رد : رد: احلى تجمع (( كروشات ديسمبر )) حياكم الله بنات

هاااااااااااااااااي بناااااااااااااات


شخبااااااااركم؟؟؟؟؟





كنوووزه لا حبيبتي خففيه بجاي وعطيه ولدج مره وحده بس

 

[غرووووور]

رد : رد: احلى تجمع (( كروشات ديسمبر )) حياكم الله بنات

زيوووووووووون الله يسامحج وربي قعدت أبجي





سفووووووووووره أنا بخير حبيبتي و لولو تسلم عليج





جوجو بنتي مثل بنتج حيل عسره وتبجي على طول تبي أفتر فيها البيت كله وإذا مسكتها إدزني يمه منها
حدهااااااا عيااااااااااااااااره
وتخيلي أمي الله يهداها خربت بنتي وخلتها تتعود على صدري وألحين ماتبي المميه كلش وتبي تنام على صدري
وظهري يعورني طول الليل وهي تمص ع الفاضي






بنات والله الأمومه صعبه وربي للحين مو متأقلمه ع الوضع
قبل كله أطلع وأتمشى وأغير جو وألحين ما أقدر كلشششششششش
أخاف على بنتي من الأمراض
وربي طفشت وأمس قعدت أبجي عند أمي
حاااااسه بكآبه مو طبيعيه

وكل مابي أطلع مكان أحاتي بنتي تسوي إستنفار وتفضحني جدام الناس

بنات والله طفشت
صارلي فتره مو نايمه نومه سنعه
كل شوي أقعد وأسهر معاها طول الليل
والمشكله قبل أختي كان إتساعدني شوي بس ألحين عندها دوام بالجامعه
وماترد إلا الساعه 5 الله يعينها
ومشكلتي ما أحب الخدم يشيلون أو يمسكون بنتي فيني وسواس من كثر ما أسمع عن بلاويهم الله ياخذهم
أدري طولت عليكم بس شسوي مالي غيركم من بعد الله أشكيله

 

[احب السفر]

رد: رد : رد: احلى تجمع (( كروشات ديسمبر )) حياكم الله بنات

مرحبا بنات وينكم من الظهر مافي أحد

 

[فاقده حنان ابوه]

رد: رد : رد: احلى تجمع (( كروشات ديسمبر )) حياكم الله بنات

واااي زيون امبيه بجيتيني بالرابط الي حطيتيه

لاني انا صج اعيش بمعاناه

انا كنت وايد متعلقه باباتي وكان كله يقولي يله يا بابا متى تحملين انا وريلي كنه نقوله تو الناس ويوم حملت ويبت غلاتي باباتي ما شافها ولا لعب معاها ولا شالهااا ولا حطها على صدره




بجيت بجي يوم شفت غلا تدرون انها من صوب عيونها قصت وي باباتي


الله يرحمه ويغمد روحه الجنه هالسنه يصيرله سنتين شهر 9 وتدرون بعد شنو

ان ابوي توفه تاريخ 27/9

وانا ولدت غلا 27/ 11

سبحان الله



الله يرحمك يا حبيبي مثواك الجنه ان شاءالله

 

[حنوووونهـ]

أندنوسية خايسة الله يقطعهم عاد أنا كلش ما أواطنهم هذوله اللي من شرق آسيا ومساع واصلني على الواتس أب فيديو قطع قلبي شوفوه بنات والله إن شعر جسمي كش الله ياخذها إنشالله ويبلاها باللي قاعده تسويه بالياهل ..

شلون جذي الأهل يخلون عيالهم عند هالأشكال الوصخة :eh_s(2):


شوفوا المقطع

http://66.160.159.98/0b/7d/0b7d6af04034dedfecd8617f4cd89885/ba124807/kejamflv_0b7d_w_2.3gp?c=24704


وواحد معلق وكاتب

" أخ عليها الحيوانة وحريمنا بس فالحين يلعبون بالآي فون والبلاك بيري ومالهم خلق حتى يغيرون بامبرز الياهل " ..

طبعاً مو إحنا هههههه ​

لاحول ولاقوة الا بالله عسى الله يورينا عجائب قدرته بهالحقيره استغفر الله العلي العظيم
عسى حوبه هالياهل تحرولها وتسلط واحد يسويلها مثل ماتسوي ليهاهل المسكين
شلونكم بنات شخباركم عساكم بخير
سامحوني ع الغيبه الطويله يمكن نسيتوني بس كنت جوله سفر
الله يذكر ايام تجمع حوامل شهر ديسمبر بالخير

 

[باربي للابد]

قوة بنات شلونكم؟

صايره ما عندي وقت ارد ساعات اقرى عالسريع واطلع

خل اقول لكم اخر اخباري

اخييييييرا شرفت الدورة وااااي مايغيت بس صايره وايد غزيره مو ملحقه

وولدي طعمته واااااي حياتي عور قلبي لا مو صج 3 ابر مره وحده حراااااام

فخوذه مورمه حيييل ومسخن يومين حياااااتي يبجي بجي مو طبيعي

اول مره اشوف دموعه :eh_s(2):

الحين خف الحمدلله عاد الله يعينا التطعيم الياي الدرن انا خابرته حق دخلة الروضه

بنات منو طعمته حق بيبيها ؟ شلون يترك اثر ويأذي نفس الكبار؟؟؟؟


فقووووده حيااااتي ولهت عليج

بعد قلبي عسى الله يرحمه برحمته وييوسع منازله وكل ما تذكرتيه ادعيله وتصدقي عنه

وقبل جم يوم قريت بالواتس اب ان تقدرين تصلين حق المتوفي عاد مادري اذا صح تأكدي احسن




غروووووور

انتي نفسي بالضبط وايد نفسيتي تعبانه وحاكرة روحي بالبيت حتى بيت اهلي ماروح

كله خايفه على ولدي من الجو اخاف يستمرض ولا يلقط شي من الجو ولا الناس

احس نفسي انانيه اني استانست على حساب صحته بس صج ضايق خلقي وايد

وانا متعوده عالطلعه واقضي مشاويري بنفسي والحين كله بالبيت

ونفس الشي عالنوم ابي انام ساعه متواصله مو قادره والسهر متعبني

خاصه عندي عيالي مدارس يعني ماكو هذا ينام هني وهذول يقعدون

وقلبي ما يطاوعني اخلي الخادمه تمسكه مادري شلون بداوم :bbbiu:​

 

[غرووووور]

رد : رد: احلى تجمع (( كروشات ديسمبر )) حياكم الله بنات

فقووووووووووده

الله يرحم الوالد ويغفر له ويسكنه فسيح جنااااااته





باربي الله يعينا

أمي تقول أنتي مو أول ولا آخر وحده جايبه جاهل
وغيرج عندها 3 أو 4 ورا بعض
والوضع عادي والحريم عايشين حياتهم
بس قلبي مايطاوعني على لولو

ولما شفت المقطع اللي حطته جوجو وربي قعدت أبجي
يمه ما أتخيل إشلون تسوي بالجاهل جذي
قلبها من حجر
حسبي الله عليهاااااااااااا
وعساها الشلل اللي يفقدها حياتها

 

[عشيقه زوجي]

ياربي كتبت رد شطوله وانمسح


مرحبا بنات شلونكم شخباركم وحده وحده
انا قاعده اقرى ردودكم وكل مابغيت ارد لازم وحده تستنفر من بناتى وما اقدر ارد
طبعا انا مو جايبه ثنتين جايبه 3 توائم بنتى الكبيره صايره اقوى من بناتى 24 ساعه تبجى اذا شافتنى ارضع وحده من خوو اتها تبجى وتجيب رضاعتها يعنى رضعينى بحضنج او تطق خواتها او تعضهم جننتنى طبعا مااقدر احاجيها او افهمها لانها صغيره ماتفهم وصايره متعلقه برقبتى حتى الحمام تكرمون ماادخله الا توقف عند الباب وتبجى احس انجنيت والتطعيم بعد اسبوع ثنتينهم مع بعض متاخره لان ماطعموهم الابعد ماطلعوا من الحضانه الله يهونها وخدامتى حنونه وطيبه بس وصلت حدها وتبي المكتب كل يوم تبجى ماتتحمل خلاص ياربي انا معاها 24 ساعه بس يادوب اذا جا الصبح عطيتها بناتى ورحت انام ساعتين او 3 ما اقوم الا اسمع نفس الاسطوانه ودينى مكتب وتبجى ياربي عجزت وانا ادور خدامه مالقيت كل يوم ادق على المكاتب بنات تعبت تكفون ادعولى الله يهونها على ويصبرني احس مخنوقه وبناتى ماراضين يسكتون كله بجى ودى اقعد نص ساعه هدوء مو قادره والمشكله بجيهم مع بعض بنفس اللحضه وباليل بروحى معاهم وهذا اللى يتعبنى وحده احطها بحضنى ووحده اسندها على رجلى وارضعهم بيدينى الثنتين احس تعبانه حيييييييل ادري قاعده اشتكى مالى غيركم تحملوني

 

[احب السفر]

مرحبا بنات شخباركم وكل عام والكويت بخير

 

[احب السفر]

وينكم اكيد رايحين المسيره

 

[حرم سي السيد]

شلونكم بنات ادري لهيت عنكم وايد بس ان شاءالله من اليوم بتواصل لان خلص عرس اخوي امس على خير ولله الحمد

طبعا اشتقت لكم وايد واكيد سوالفكم الحلوه

 

[Almas_q8]

صباح الخير بنات شلونكم وشخباركم

والف الف مبروك على المنحه صج فرحة قلوبنا و عسى ربي يحفظ لنا الشيخ صباح ويحميه و يحمي ديرتنا من الحاسدين

وكل عام وانتوا بخير و وعسى ايامنا كله فرح و اعياد عسى ربي يديمها علينا بالخير والصحه

وبنات نصيحه دفعوا صدقه من فلوس المنحه اللي يطلع منكم لو دينار او اقل او اكثر كيفكم بس عشان تبعد عنا الحين والله الكل حاسدنا ترى ما تسوى علينا يصير فينا شي ربي يحفظنا من كل شر و قولوا اميييييييييييييين


وحشتوني وايد كنت لاهيه مع عيالي وديت ولدي الروضه وكان عندهم حفله مسوينها حق عيد الوطني صج صج وناسه هالمره غير
حاطيلنا اعلام على كراسيني و وزعو علينا بروشات عن الكويت و سوينها اكبر علم بمنطقتنا صج يوم حلو كان
واول ما طلعت مريت عيالي بالابتدائي ولا ماكو احد قلت باخذ عيالي قالت لي الاخائيه اخذيهم جنها ما صدقة ههههه


ولمن انزلت المنحه بغيت اروح الافنيوز ولا زحمه هونت و قلت حق ريلي ودني لينوتر اللي عالبحر كان صخه الناس كلهارايحه السوق هههه وانا ما احب الزحمه كلش ملش وريلي مثلي و صفطنا سيارتنا صوب مواقف ابل بيس ومشينا لي المطعم الجو كان حده عجيب بس حر شوي انا كنت مصيفه
وخلصنا من العشا طلعنا ورحنا المطار ما شاءالله شنو زحمه الناس كلها رايحه تشتري هههه اي من قدنا بعد عندنا 1000 وما نشتري ما يصير لووووول
شريت لي بس عطرين و دوا حقي و حق روابي من بوتس وطلعنا بسرعه لانه كان وايد زحمه وانا وريلي صدعنا ما نحب الزحمه وردينا البيت

ويوم الاربعا طلعنا انا وريلي وعيالي انا قعد عند امي وريلي اخذ الصبيان و راحوا شروا ايبود وحتى ريلي اخذ بس حده يونس العابه عجيبه وعلاوي ولدي يقولي ماما تبين اشتريلج واحد هههه كاسره خاطره عشان ما عندي فديته هالحنونه يقولي اخذي فلوس ما بيهم
بس بشتري جم لعبه والباجي كله حقج اما فضول وحيدور لا ما يبون يعطوني اطفرهم لووووووول
وفضول ولدي يقول ماما نطري عيد الام لوووول يعني نطري بشتريلج بس بعيد الام
وقلت حق عيالي فلوسكم بالبنك بس تشترون اللي بخاطركم والباجر كله بالبنك باجرلي كبرتوا تبون سياره او تبون اي شي ثاني عندكم فلوس واشوه كلهم متفقين بس حيدور يقول ما يصير اشتري سياره من الحين لوووووووووووووووووول موتني من الضحك
قلت ما يصير ونخليها صافط عن البيت لين انت تكبر يعني بعدين تصير قديمه ههههههه والله اليهال عليهم سوالف تضحك


بنات اعذروني على البدليات ترى سهرانه من امس ولي الحين مو نايمه كله من روابي ما ادري اشفيها اليوم ثلاث ايام اشحلاتهم و لازم يمر يوم او يومين تستنفر و حنه و لويه معاها بس حرام بطنها و مسخنه شوي ما ادري ليش بنات ليش جذيه عيالنا وايد يمرضون عسى ربي يحفظ عيالنا من كل شر