رد : تجمع جديد لمرضى الوهن العضلي myasthenia gravis: قصة ابتلائي ودوائي وشفائي بإذن ا
رجعتلكم ويا رب تكونو بأتم الصحة والعافية اخواتي الحبيبات والغاليات
الحمد لله وبفضله عملت العملية وعدت الأمور على خير
يوم الجمعة دخلت المستشفى تنويم وكان معي زوجي وابني وماما الحمد لله حبايب قلبي والنفسية كان عال العال والروح المعنوية مرتفعة جداااا الحمد لله وما كنت خايفة أبدا
طبعا انا في غربة واجت ماما عشان تساعدني على ابني وتكون معي وقت العملية
عمر ابني 5 أشهر ونص تقريبا
المهم بعد ما خلصنا اجراءات الدخول ودخلت عملولي فحوصات الدم وخلص بقيت بالغرفة انا واهلي لحتى خلص موعد الزيارة رجعو على البيت وانا بقيت لوحدي وممنوع الاكل من الساعة 12 ليلا
الساعة 5 الصبح يوم العملية اجت الممرضة صحتني :eh_s(4): عشان اخد الشور قبل العملية واحضر نفسي وللأسف الشور كااان باااارد لأنو مافي ماء ساخن :bbbiu:
المهم الساعة 7 الصبح اجى زوجي وماما وابني لعندي وكتييير انبسطت بشوفتهم اخدت ابني بحضني واعطيته الحليب وهو بحضني وضميته وودعته بصراحة وقتها نزلت دمعتي بس حاولت اكتم وابقى مبسوطة عشان ما ازعل ماما وزوجي
طول الوقت الابتسامة على وجهي واضحك بس بداخلي كنت خايفة شوي قبل العملية
7 ونص صار وقت النزول الى غرفة العمليات ودعت ابني وماما وانا اضحك واقوللها ما تزعلي راح ارجعلك احسن من الاول وهلا انا بس ادخل الغرفة ماراح احس بشي لانو في بنج وانا بحب البنج

لانو بنسينا الدنيا
نزل زوجي معي وكان طاقم التخدير روووووعة بكل معنى الكلمة كلهم اجو وعرفوني على نفسهم والجراح كمان اجا وتكلم معي وقلي اذا عندي اسئلة وسألتو عن العملية واذا في خطورة وصار يضحك وطمني وتطمنت
حتى طبيب البنج يضحك معي وينكت وبس اعطاني ابرة البنج كان زوجي موجود كمان وقال للطاقم يالا احكو معها قبل ما تروح فيها

هههههه وانا قلتلو والله يعني هلا خلص

قلي ايه راح يبدأ البنج
ودعت زوجي
بعد شوي دخلت غرفة العمليات وعند الباب حسيت بدوووخة وخلص نمت وماشفت غرفة العمليات ابدا بس شفت الباب