هل هذي مشكلة اوشي عادي

[بقايا ذكريات!]

مرحبا خواتي

من زمان اعاني مشكلة تخص العلااقة الزوجية زوجي تغير من ناحية النوم يمر شهر مايفكر ينام تغير طبعة حيل وكل مالة للاردي ماني عارفة وانا واللة مو مقصرة من ناحية النظافة والللبس والكشخة اتوقع شبعان من برا والاشنو ياليت احد يفيدني بشي

 

[حباااري]

تعوذي من الشيطان لايقعد يوسوسلج عادي الريال اتمر عليه حالة فتور وبعدين اي مشكله اوموضوع يكون يفكر فيه ويشغل باله يأثر عليه انتي شوفي يمكن في مشكله مضايقته بالدوام اومع اهله ماتدرين الريال بير مااتعرفين شنو داخله والله يجمع بينكم ويخليه لج انشالله فديتج لااتفكرين ترا شي عادي..

 

[Gourges]

يمكن يمر بمرحلة برووود .. او ملل وروتين !! ليش تفكرين تفكير سلبي وسوداوي .. شايفه عليه شي لا سمح الله

اذا شايفه عليه شي تعالجين الموضوع

اما اذا كان من تفسيرج فا اقوولج حاولي تغيرين شوي بالروتين عاد انتي وشطارتج

 

[Peony]

رد : رد: هل هذي مشكلة اوشي عادي

الله يسخره لج ويهديه لج يارب ولا يكدر خاطرج بشي
موفقة قلبي

 

[ضايعة بدنيتي]

رد : هل هذي مشكلة اوشي عادي

حبيبتي ليش هالتفكير ترى اان بعض الظن اثم

مااتدرين يمكن عنده مشاكل باااالدوام ومو قااادر يعلمك . اانتي خلللك حنونة وهاادئة مو بس نظيفة وحلوة. خلك انتي االصدر االحنون .. سوي له شي غير عن االمعتااد ليلة مساج مثلا .. مو شرط في ملابس ااالنوم واللوك . حسسيه انك حاسه فيه وانك حنونة عليه وان العالم كله لو كان ضده انتي راح تسندينه وتوقفين معاه . قولي له هاالكلام والاهم اادعي ربك ان يهديه لك .. وحااسبي نفسك وشوفي ااالسلبيات الي فيك وعدليها . وربي يهنيكم ويسخر لك زوجك ويهديه ياارب

 

[ڕۆۆحــي ڣــڍااگ]

الله يسخررررره لج يااااااااارب

 

[عروقي سعودية]

عادي حبيبتي لا تشغلين بالج

 

[* بنت المطر *]

جم صارلج متزوجه ؟؟؟

 

[ديانا سبنسر]

الله يهديه لج ويسخره

 

[ســتارز]

يمكن عنده اسباب خاصة حاولي تعرفين منه اذا في شي يضايقه

اذا قال لا ما فيه

يمكن محتاج وقت ويرد مثل قبل

موفقة

 

[لاتكابر غلطتي]

حبيبتي
اذا توج متزوجه فاعتبري واضمني وثقي ثقه عميه ان هذا برود وفتور
لان اول شهر من الزوااااااج تلقينه شبع من كل شي
ومومتعود ع الوضع توه ..
خلي يتاقلم شوي شوي
وبعدين باذن الله بيرد كل شي مثل قبل واحسن
واياني وياج تفكرين نفكير سلبي وتهدمين بيتج بيدج ..
كل انسان فينا له ظروووفه
وكل شخص ممكن يكون غامش او متحفظ شوي ع مشاكله ..
ف تفائلي بالخير

 

[أنهار الورد]

حبيبتي لا تخلي ابليس يوسوس لج
هذا زوجج وانتي اخبر فيه واكيد عاطيته الثقه مايصير تشكين فيه
يمكن عنده مشاكل بالشغل او شئ مكدر خاطره ولاتنسي ان العلاقات الحميمية محتاجة نفسية مرتاحة
صبري والله يسخره لج

 

[بقايا ذكريات!]

رد : هل هذي مشكلة اوشي عادي

مشكورين للكل خواتي الحبيبات اللي ردو اسعدتوني بالهردود
بس انا صارلي 5 سنين وماعندة اي مشاكل بالعكس وانا فعلن ماسكة علية قبل بس اعتذر وندم

 

[Peony]

رد : هل هذي مشكلة اوشي عادي

مشكورين للكل خواتي الحبيبات اللي ردو اسعدتوني بالهردود
بس انا صارلي 5 سنين وماعندة اي مشاكل بالعكس وانا فعلن ماسكة علية قبل بس اعتذر وندم

لا حول ولا قوة الا بالله
الله يهديه لج يارب ولايطالع غيرج
انا برايي كلميه وقوليله بشنو قصرت معاك وليش متغير
وبنات ابليس ماتفيدك بشي وراك رب شديد العقاب يحاسبك على شبابك الي هدرته
واعراض الناس الي تلعب فيها
وتقصيرك فبيتك وواجباتك الشرعيه تجاه مرتك
وكل هذا ترى ولا شي بالاخره حرام تضيع نفسك اكثر
والي يخون هل يرضى احد يخونه ؟؟؟
واذا عندج عيال قوليله ترضى عيالك يطلعون لعوبيين وتييلهم امراض وتفقدهم
ويكون هذا عقاب لك من رب العالمين
دشي عليه من كريق الديين وكلميه والله يهديه لج يارب ولا يخونج
انا اسامح كل شي الا الخيانه والعياذ بالله
والله يهديه لج يارب

 

[ام شووووق]

رد : هل هذي مشكلة اوشي عادي

ماادري

 

[صمــت_ALsHfaaH]

الله يعينج ويصبرج ويهديه لج

ويهدي الي عندي ماهو بعييد عنه

 

[جـــواهر]

عادي حبيبتي هذي فتره تمر ع كل رجال يجيه فتور من الجنس

والباقي عليج انتي حاولي تثيرينه

 

[الأميرة جوري]

لاتوسوسين اذكر رفيجتي زوجهها مر شهر ما جاسها ...وكله ساكت واخرتها طالع متضايق من مشكله وكله يفكر فيها وقال لها لمن قرب منها وسالته .....يعني نصهم مرض نصهم مشكله نصهم حاله نفسيه وتعدي نصيحتى سكتى عنه وسولفي وضحكى عادي جنج مو منتبه انه متغير بسيطخ راح يقرب ..انتى مو اول وحده واااااااايد قريت وسمعت ..بس مو معناه انها خيانه

 

[بهبهانيه]

رد : هل هذي مشكلة اوشي عادي

عادي كل ارياييل يمروون بهالفتره
لا توسوسين يمكن تعبان من الدوام وعنده روتين
خليج طبيعيه وحاولي انج تسوين جو وتتقربي منه