العنصريه والطبقيه

[super model]

" فلانه من العوج دخان "

يعني شنو ؟؟

 

[معلمة شيسمونه]

شوفي

عمرنا ما راح نغير هالشي حتى لو حاولنا تعرفين ليش

كلنااااااااا فاهمين الصح من الغلط
وعارفين انه لا فرق بين عربي واعجمي الا بالتقوى لكــــــــــــن المجتمع مو راضي يتنازل يهاجمج

يعني لو جبتي رجل متزن وعلم وثقافه واصل وفصل واخلاق ومو ناقص شي لكــــــــــــنه من جنسيه غير جنسيتج حتى لو انه اصل وفصل بديرته وناسه معروفين

وجبتي واحد من نفس اهلج لكن شقول شخلي حالته حاله شهادته متوسطه بالجيش ولا كاتب بمستوصف وشايف نفسه عليج ولا فهم ولا عقل هو ريال وانتي مره لا تفاهم ولا حوار طبعـــــــــــــــــا بتلاقين المجتمع


ما راح ستنكر زواجج منه ويدعي لكم اما الاولاني طبعا شوفي بس الحجي اللي راح ينقال عنكم من ذم فيج وفي اهلج وفي عايلتج


لا وبتحرمين خواتج بعد من زواجه سنعه مستقبلااااااااااا


عرفتي ليش ما نقدر نقتنع بالوضع لانه المجتمع حولنا متصلب ما يسمح لنا


يعني مثال انا ناقشت ابوي بسالفه ليش الأب البدوي ما يحضر عرس بنته ليش مو فرحان لها

طبعا انا مو مع او ضد بس فكره للنقاش قالي عيب وقعد سنه يضحك علي ويناقشني

قلت له شفيها بنتك ما تبي تفرح لها حالك حال الناس انت اولى انك تفرح فيها

قال انا فرحان فيها بس عيب احضر عرس بنتي عيب وطبعا فسر لي بكلام وااااااااااااااااااااااايد يطول الشرح فيه

لكني عارفه انه اي واحد لو فكر الناس حوله بيمسخرونه ولا راح يرحمونه بالكلام

وانا بعد لو كبرت بنتي باجر بوقف مع ريلي ولا راح اخليه يحضر عرس بنتي علشان صورته جدام الناس مو علشان رغبتنا الحقيقيه

ومثال ثاني : حاليا تقدم لي شخص ابوي واهلي يبونه لانه شخص ملتزم ومتدين وخووووووش ريال على قولتهم

بس انا حيل متضايقه لانه بصراحه حالته الماديه ضعيفه
ابوي يقول انتي ساعديه بمعاشج
وانا اشوف معاشي بروحه ما يكفي

المساله مو مستوى طبقي لكـــــــــــــــــن ما اقدر اعيش هالعيشه هل اقدر اتحمل اني ما اشتري اي شي لما ابيه

ليش ان شاء الله تعودت اشتري اللي ابيه ما راح اسمح له يقولي لا تشترين وفري

لاني اوفر متى ما ابي

ومن هالتساؤلات ما شفت ابوي رفضه رغم انه حالته الماديه هو مع اهله اقل من حالتنا

يعني يا دوب بيكفيني معاشه حده حده ويمكن اقل وانا ما ابي اعيش جذي

طبعا هذا مثال بالنص وشفت راي الاهل فيه لكني متزعزعه مو لانه اقل من حاااااااااااااااااااالتي الماديه
ابدا والله يعني نظرتي له مو انتقاص منه
لكن اشوف نفسي ما اقدر اتحمل هالشي احس وايد علي اتحمل جذي حاله ما تعودت




هذا اللي صاير وهالموضوع فكرت فيه وايد وناقشته وايد لكـــــــــــــــــــــــــــــــــــــــن صعب صعب صعب حيل نغير افكارهم

رغم اننا فعلا مقتنعين فيها لكننا عايشين بخوف من انتقاد المجتمع والناس لنا وبالتالي نبـــــــــذنا من هالبيئة اللي احنا فيها

 

[معلمة انجليزي]

حبيبتي كل شي بالكويت طبقية روحي شوفي بالدوام او قبل بالمدرسة او بأي مكان فيه كويتيين راح تلقين ناس ياخذون معامله خاصه لانهم من الشريحة الفلانيه او ناس منبوذين لانهم من الشريحة الفلانية و غيره وغيرة لا وبعد ابشرك احنا مقسمين الناس ناس نعتقد انهم شغولين و ناس نعتقد انهم شاطرين و هكذا بس الحين الوضع احسن وباديه الفروق تذوب و ان شاء الله تنتهي بيوم من الايام
اختي معلمة شيسمونه اللي تسوينه مو غلط انتي قاعدة تفكرين بمميزاته و عيوبه
انتي مو عنصرية العنصرية انك تحطين عليه x كبيرة من قبل لاتعرفينه

 

[معلمة شيسمونه]

هلا اختي معلمة انجليزي

انا عارفه بس لما قلت رايي سمعت راي ناس وايد فيني انه انتي ليش تفكيرج بهالطريقه ومن هالكلام


انا عارفه نفسي ليش اكدر على خاطري بعيشه جذي

 

[زمن الآهات]

رد : رد: العنصريه والطبقيه

كلام صحيح العنصرية تمشي بدمنا لكن مو مثل قبل​

يعني الحين بدت المساواة وبدت ناس تتزوج من ناس والمخالطة بين كل الناس و و و و​

واتوقع الجيل الجاي بيكون احسن يعني السالفة مجرد وقت ونتخلص من هالمفهوم​

أتمنى هالعاده تنتهي لكن في حديث للرسول صلى الله عليه وسلم فيما معناه ان هالعاده بتم موجوده الى يوم القيامه ...

قال صلى الله عليه وسلم "أربع في أمتي من أمر الجاهلية لا يتركونهن الطعن في الأنساب، والفخر بالأحساب، والاستسقاء بالنجوم والنياحة"

يعني بتم موجوده الى يوم الدين من 1400 سنه وهالعاده متوارثه فينا ووصفها الرسول بالجاهليه ومع هذا ما زلنا متمسكين فيها انا هني مو بس اتكلم عن العنصريه في الزواج لأ

انا هم اتكلم عن الطعن في انساب الناس لانه الكلمه اللي انقالت على البنت فيها طعن لنسبها

 

[زمن الآهات]

رد : رد: العنصريه والطبقيه

اختي هلاسبوع بذات حاشتها ضيقه و السبه العنصريه خاصه في الزواج و انتي صادقه العنصريه موجوده و بشكل غبي للاسف

الله يهديهم هذا من الابتعاد عن الدين .. الدين ساوى بين الناس حتى في الزواج وجعل مقياس التفاضل التقوى لا غير ..

ولنا في رسول الله قدوه ياليت اللي يتباهى بهالشي يقرأ سيرة الرسول ويشوف منو اختار الرسول في زواجاته وهو من الاعلى والاشرف نسبا منا نحن

 

[زمن الآهات]

رد : رد: رد : العنصريه والطبقيه

صح كلامج وانا نفسج اعامل الكل نفس الشى وماكو اى تفرقه اله بمسالة الزواج لا

رأيج واحترمه .. والدين ما فرق بين الناس حتى في الزواج وخل نخلي الرسول قدوه لنا وهو من اشراف قريش وساداتهم وهو من قال " اظفر بذات الدين " ومقياس التفاضل بينهم كان التقوى لا غير .. وكلنا بالاخير تحت التراب

 

[زمن الآهات]

رد : العنصريه والطبقيه

موضوعج رائع يستحق التقييم​

وياليت كل الناس تفكر مثل تفكيرج ​

التواضع انك ترفع الناس اللي من دون مستواك الى مستواك ​

يعني ليش التكبر والغرور حتى لو كان الشخص اللي جدامك مو من اصل طيب ​

بارك الله فيج اختي ​

جزاج الله خير اختي .. ولا ننسى حديث الرسول صلى الله عليه وسلم " لا يدخل الجنه من كان في قلبه مثقال ذرة من الكبر " ومنو فينا ما يبي الجـنه

 

[زمن الآهات]

رد : العنصريه والطبقيه

ما في شي اسمه طبقية ولا طوائف ولا قبائل» شعاري
كلنا وااااااااااااااااااااااااااااااااااااااااااااحد
وتوقيعي يشهدلي
حلو موضوعج واتمنى الكل يستفيد منه

حياج الله اختي الظاهره موجوده لو مو موجوده ما تكلمت عنها :eh_s(17):

الله يهديهم ويرجعهم لدينهم ويتركون هالعادات اللي نبذها واستقبحها الدين

 

[زمن الآهات]

رد : رد: العنصريه والطبقيه

مافهمت شنو معناه كلام اهلج؟
بس هم في سالفه الزواج الرسول عليه الصلاه والسلام قال حديث بما معناه لان مو حافظته تقصوا عن العرق فان العرق دساس

وفي حديث ثاني
قال فيه عليه الصلاه والسلام
تنكح المرأه لثلاث
لنسبها .. لمالها .. لجمالها

أول شي اشكرج على مرورج وابداء رأيج

وكلامج واستشهاداتج الدينيه مثلها اللي يستشهدون فيها اللي حولي يعني كل ما قلنا شي قالولنا العرق دساس وودي افهم شنو يعني العرق دساس؟ كل ما اسألهم ما احصل الجواب الشافي ممكن توضحين لي شنو يعني العرق دساس ؟

واختي ترا هالحديث منسوب الى الرسول كذب وهذا من الاحاديث الموضوعه يعني غير معتبر و لا يؤخذ فيـه ولازم ناخذ حذرنا وما ننسب عاداتنا للدين ولا نفصل الدين على عاداتنا اللي نسويه مجرد عادات وتقاليد ورثناها مالها علاقه بالدين لو نشوف افعال الرسول ترا عكس اللي قاعدين نقوله مستحيل الرسول يكون متناقض ويقول شي ويسوي عكسه الرسول صلى الله عليه وسلم زوج بلال الحبشي لبنت عمه القرشيه ... وبلال كان عبد مملوك .. فاشلون الرسول ينهى عن شي ويسويه مستحيل اختي عندنا غلط في مفاهيمنا ونفسر الدين على حسب اهوائنا .. الرسول جعل التفاضل بالدين والتقوى مو بالنسب وماكان النسب مقياس في التفاضل ابدا .. والرسول تزوج من زوجات اقل منه نسبا واعتبر الدين الاساس في اختياره .. ماريا القبطيه نصرانيه وكانت أمه مملوكه وأم المؤمنين سوده رضي الله عنها كانت سوداء البشره ..

اما الحديث الثاني : تنكح المرأه لاربع لمالها ولجمالها ولحسبها ولدينها فاظفر بذات الدين تربت يداك " الرسول في هالحديث يذكر الصفات اللي تنكح المرأه عشانها اما لجمالها او لحسبها او لمالها ولكن شدد على ذات الدين يعني الدين اهم من كل الصفات اللي انذكرت ..

وآسفه عالاطاله

 

[زمن الآهات]

رد : رد: العنصريه والطبقيه

شوفي

عمرنا ما راح نغير هالشي حتى لو حاولنا تعرفين ليش

كلنااااااااا فاهمين الصح من الغلط
وعارفين انه لا فرق بين عربي واعجمي الا بالتقوى لكــــــــــــن المجتمع مو راضي يتنازل يهاجمج

يعني لو جبتي رجل متزن وعلم وثقافه واصل وفصل واخلاق ومو ناقص شي لكــــــــــــنه من جنسيه غير جنسيتج حتى لو انه اصل وفصل بديرته وناسه معروفين

وجبتي واحد من نفس اهلج لكن شقول شخلي حالته حاله شهادته متوسطه بالجيش ولا كاتب بمستوصف وشايف نفسه عليج ولا فهم ولا عقل هو ريال وانتي مره لا تفاهم ولا حوار طبعـــــــــــــــــا بتلاقين المجتمع


ما راح ستنكر زواجج منه ويدعي لكم اما الاولاني طبعا شوفي بس الحجي اللي راح ينقال عنكم من ذم فيج وفي اهلج وفي عايلتج


لا وبتحرمين خواتج بعد من زواجه سنعه مستقبلااااااااااا


عرفتي ليش ما نقدر نقتنع بالوضع لانه المجتمع حولنا متصلب ما يسمح لنا


يعني مثال انا ناقشت ابوي بسالفه ليش الأب البدوي ما يحضر عرس بنته ليش مو فرحان لها

طبعا انا مو مع او ضد بس فكره للنقاش قالي عيب وقعد سنه يضحك علي ويناقشني

قلت له شفيها بنتك ما تبي تفرح لها حالك حال الناس انت اولى انك تفرح فيها

قال انا فرحان فيها بس عيب احضر عرس بنتي عيب وطبعا فسر لي بكلام وااااااااااااااااااااااايد يطول الشرح فيه

لكني عارفه انه اي واحد لو فكر الناس حوله بيمسخرونه ولا راح يرحمونه بالكلام

وانا بعد لو كبرت بنتي باجر بوقف مع ريلي ولا راح اخليه يحضر عرس بنتي علشان صورته جدام الناس مو علشان رغبتنا الحقيقيه

ومثال ثاني : حاليا تقدم لي شخص ابوي واهلي يبونه لانه شخص ملتزم ومتدين وخووووووش ريال على قولتهم

بس انا حيل متضايقه لانه بصراحه حالته الماديه ضعيفه
ابوي يقول انتي ساعديه بمعاشج
وانا اشوف معاشي بروحه ما يكفي

المساله مو مستوى طبقي لكـــــــــــــــــن ما اقدر اعيش هالعيشه هل اقدر اتحمل اني ما اشتري اي شي لما ابيه

ليش ان شاء الله تعودت اشتري اللي ابيه ما راح اسمح له يقولي لا تشترين وفري

لاني اوفر متى ما ابي

ومن هالتساؤلات ما شفت ابوي رفضه رغم انه حالته الماديه هو مع اهله اقل من حالتنا

يعني يا دوب بيكفيني معاشه حده حده ويمكن اقل وانا ما ابي اعيش جذي

طبعا هذا مثال بالنص وشفت راي الاهل فيه لكني متزعزعه مو لانه اقل من حاااااااااااااااااااالتي الماديه
ابدا والله يعني نظرتي له مو انتقاص منه
لكن اشوف نفسي ما اقدر اتحمل هالشي احس وايد علي اتحمل جذي حاله ما تعودت




هذا اللي صاير وهالموضوع فكرت فيه وايد وناقشته وايد لكـــــــــــــــــــــــــــــــــــــــن صعب صعب صعب حيل نغير افكارهم

رغم اننا فعلا مقتنعين فيها لكننا عايشين بخوف من انتقاد المجتمع والناس لنا وبالتالي نبـــــــــذنا من هالبيئة اللي احنا فيها

والله ياختي تتعبين من النقاش معاهم وتفكيرهم ما يتغير ودايما الخوف عندنا من كلام الناس

ما همهم رب العالمين ما همهم شنو نظرة ربك لك ؟ صارت نظرة الناس وكلامهم اهم وابدأ من دينا اللي يزعجني انه حنا في مجتمع مسلم ومازلنا نفرق بين الناس ونصنفهم الى طبقات على حسب انسابهم والوانهم يعني هل حنا اخترنا انسابنا ؟ انا لقيت نفسي في أسره ذات حسب ونسب وغيري لقى نفسه غير ذلك فهل نحاسب الناس على شي ما اختاروه ونستصغرهم ونحتقرهم ؟ :bbbiu:

وبالنسبه لج انا ماشوف رفضج له عنصريه لانه هذا الشي متعلق بحياتج ويأثر فيها وانتي ما تنظرين له نظره دونيه عشان هالشي ولا متكبره عليه لكن انتي تدورين عن الحياة الكريمه و هذا شي يحق لج وراح تعيشين معاه باقي حياتج .. استخيري ربج واللي مقسوم لج بالدنيا بتاخذينه

العنصريه يا اختي تكون بالتفريق بين الناس والتمييز بينهم والتقليل من شانهم بسبب لون او عرق او دين يعني نلقي احكامنا عليه ونقلل من قدرهم وكرامتهم قبل لا نعرفهم للاسباب اللي ذكرتها والله الهادي ​

 

[لاتكابر غلطتي]

عوج دخان
تقال لناس مالهم لا اصل ولا فصل ..

.
.

للاسف اكثر يجرح بهالنعصريه بامور الزواج ولا الباااااااااااااقي عااااادي تهون
مره صار موقف بيني وبين ابوي قلت انا رفيجاتي كلهم من ............ " من قبيله معينه مو من قبيلتي "
جان يقول لا يابوووج لازم يكون من رفيجاتج بنات عمج قصده يبي من نفس قبيلتي ..
وبنفس الوقت اكثر ربعه اللي اقرب شي له من مو قبيلتنا

سبحان الله ..

شر البلية مايضحك

 

[زمن الآهات]

رد : رد: العنصريه والطبقيه

حبيبتي كل شي بالكويت طبقية روحي شوفي بالدوام او قبل بالمدرسة او بأي مكان فيه كويتيين راح تلقين ناس ياخذون معامله خاصه لانهم من الشريحة الفلانيه او ناس منبوذين لانهم من الشريحة الفلانية و غيره وغيرة لا وبعد ابشرك احنا مقسمين الناس ناس نعتقد انهم شغولين و ناس نعتقد انهم شاطرين و هكذا بس الحين الوضع احسن وباديه الفروق تذوب و ان شاء الله تنتهي بيوم من الايام
اختي معلمة شيسمونه اللي تسوينه مو غلط انتي قاعدة تفكرين بمميزاته و عيوبه
انتي مو عنصرية العنصرية انك تحطين عليه x كبيرة من قبل لاتعرفينه

صاجه والله ديرتنا صارت اصناف وطبقات بدو وحضر وسنه وشيعه وكل واحد يميل لحزبه

الله يسمع منج وتختفي هالفروقات ونصير على قلب واحد

 

[! هُوْ وِينِه !]

شئ فينآ مآ نقدر نغيره
شوفي آنآ عندي كل آلنآس سوآسية
بس بآلزوآج
آخذ إلي من ثوبي مو آنآ كويتية آتزوج هندي
هذي قنآعتي
مشكورة على آلموضوع

 

[زمن الآهات]

رد : رد: العنصريه والطبقيه

عوج دخان
تقال لناس مالهم لا اصل ولا فصل ..

.
.

للاسف اكثر يجرح بهالنعصريه بامور الزواج ولا الباااااااااااااقي عااااادي تهون
مره صار موقف بيني وبين ابوي قلت انا رفيجاتي كلهم من ............ " من قبيله معينه مو من قبيلتي "
جان يقول لا يابوووج لازم يكون من رفيجاتج بنات عمج قصده يبي من نفس قبيلتي ..
وبنفس الوقت اكثر ربعه اللي اقرب شي له من مو قبيلتنا

سبحان الله ..

شر البلية مايضحك

اشكر توضيحج مع اني وايد متحفظه في توضيح هالكلمه عشان لا ينجرحون اللي يقرون

وهالكلمه مو بس تنقال للي ماعنده اصل ولا فصل تنقال بعد لقبائل معينه :eh_s(4):

الله يصلحهم عايشين بتناقض عجيب

 

[تهاني القمر]

استغفرالله معقوله هالعقليات للحين موجوده !!

صج تخلف الله لا يبلانا الناس وصلت القمر وللحين عايشين على هالافكار

مشكوره اختي عالموضوع وقواج الله ​