سؤال يالسنعات شلون تنظفون الديكور ؟

[*سوليتير*]

ابي انظف ديكور البيت مغبر واللي يشوفه يقول هذا بيت محد سكن فيه
السقف عالي اشوي واخاف انظفه بام ريشه هذي اللي تنفظ الغبار يطير الغبار بكل مكان
وما سويت شي ..
علموني شسوي ؟؟ اشلون انظف الديكور الشريط اللي يكون على حواف السقف عرفتوه
ان شاء الله يكون شرحي ووصفي واضح ..

انتظر الردود

 

[* عباية راس *]

أول شي خلي الخدامه بالمخمه الطويله تمسح الغبار اللي عالحواف وبعدين تاخذ فوطه تبللها وتربطها على المخمه وتمسح الديكور لازم تخم التراب اول لان اذا مسحته على طول بالفوطه والماي يلزق التراب

 

[روزه]

انااستخدم المكنسه الكهربائيه:ggdw:

 

[*سوليتير*]

مشكوره ياعباية راس بس ما راح يطير الغبار بكل مكان جذي ؟
لان انا ابي انظف الغرف وفيها سراير وكبتات وحوسه وايد

مشكوره ياقلبي على المساعده

 

[*سوليتير*]

ظبيه شنو المكنسه الكهربائيه اللي تستخدمينها
انتي تدرين سقف عالي اشلون بطولها المكنسه ؟؟
وضحيلي الله يجزاج خير

 

[* عباية راس *]

اي قصدج غرف النوم على بالي الصاله

صعب بالمكنسه الكهربائه ماتوصل لفوق

أخذي شراشف وغطي فيهم الكبتات وأما الفراش والكنابل طلعيهم من الغرفه وغطي السراير بشراشف ونظفي نفس ماقلت لج بالطريقه الاولى

 

[السنعة2]

بالسلم
وخلي احد يمج يمسك لج المكنسه الكهربائيه
ونظفي بكل سهوله

 

[زخارف]

انا عن نفسي كل شهر اسوي هالطريقة خصوصا بالصيف والغبار صحيح متعبة بس نظافة 0000000اجيب السلم واخلي الخدامة تصعد واظل طول الوقت رافعه المكنسة الكهربائية معاها:cxxxp: 00000000لان المكنسة ما طول 0000000بس في فكرة _03BA:اذا عندج مكنسة خربانه لا تقطين العصاية البلاستك 0000يعني خليها قطعة سبير لما تبين تنظفين السقف ركبي وحدة مع الثانية اللى تشتغل راح تصير عصاية طويلة جدا تقدرين اتنظفين بدون سلم

 

[supermarket]

شفتي الممسحة الخيوط مالت السيراميك

حطي فيها ماي س عصريها عدل وبجذي راح تمسك الغبار وماراح يطيح

على الاثاث

 

[*سوليتير*]

اي قصدج غرف النوم على بالي الصاله

صعب بالمكنسه الكهربائه ماتوصل لفوق

أخذي شراشف وغطي فيهم الكبتات وأما الفراش والكنابل طلعيهم من الغرفه وغطي السراير بشراشف ونظفي نفس ماقلت لج بالطريقه الاولى

اي والله راحت عن بالي سالفت الشراشف
بدورلي شراشف اغطي فيهم الكبتات والسراير
مشكوره ياقلبي ياعباية راس الله يجزاج الجنه

 

[*سوليتير*]

بالسلم
وخلي احد يمج يمسك لج المكنسه الكهربائيه
ونظفي بكل سهوله

هلا بالسنعه عندي سلم وبيب الخدامه تنظف معاي
بس احس المكنسه الكهربائيه بتعبني وايد
ماقصرتي على المساعده يالسنعه اسم على مسمى

 

[الغاليه نونو]

طريقة سوبر ماركت انا اسويها صاجه ياقلبي
الممسحه ام كشه حطيها بالماي وعصريها زيييييييييييين مازين وتالي مسحي فيها الديكور واذا عندج سلم طوويل خليها تصعد عليه وعطيها الكودري الاصفر تمسح فيه وبس

بس في بعض الاسقف يكون صبغها مو ضد الماي لازم تصبغينه بحمايه علشان مايتأثر بالفوط المبلله بالماي غلاتي

 

[*سوليتير*]

انا عن نفسي كل شهر اسوي هالطريقة خصوصا بالصيف والغبار صحيح متعبة بس نظافة 0000000اجيب السلم واخلي الخدامة تصعد واظل طول الوقت رافعه المكنسة الكهربائية معاها:cxxxp: 00000000لان المكنسة ما طول 0000000بس في فكرة _03BA:اذا عندج مكنسة خربانه لا تقطين العصاية البلاستك 0000يعني خليها قطعة سبير لما تبين تنظفين السقف ركبي وحدة مع الثانية اللى تشتغل راح تصير عصاية طويلة جدا تقدرين اتنظفين بدون سلم

خوش فكره اني احتفظ بالعصي القديمه ملوت المكانس تنفع حق الازمات
بشوف المكانس اللي بالبيت اذا اكو مكانس مقطوطه وخربانه بحتفظ فيهم
ماقصرتي يازخارف مشكوره ياقلبي انتي

 

[*سوليتير*]

شفتي الممسحة الخيوط مالت السيراميك

حطي فيها ماي س عصريها عدل وبجذي راح تمسك الغبار وماراح يطيح

على الاثاث

فكرت اخمها بالمكنسه الكهربائيه تشفط الغبار
وايب الممسحه ام خيوط وامسح الديكور فيها
بجربها ان شاء الله

 

[*سوليتير*]

طريقة سوبر ماركت انا اسويها صاجه ياقلبي
الممسحه ام كشه حطيها بالماي وعصريها زيييييييييييين مازين وتالي مسحي فيها الديكور واذا عندج سلم طوويل خليها تصعد عليه وعطيها الكودري الاصفر تمسح فيه وبس

بس في بعض الاسقف يكون صبغها مو ضد الماي لازم تصبغينه بحمايه علشان مايتأثر بالفوط المبلله بالماي غلاتي

هههههههههه اعجبتني المكنسه ام كشه ان شاء الله بروح اشتريها باجر
انا فكرت فيها بجرب طريقة سوبر ماركت مع المكنسه الكهربائيه
وبشوف الديكور ضد الماي والا لا اهني بتوهق اذا صار مو ضد الماي

تسلمين ياغلاتي انتي وعساني ما انحرم منكم
والله ساعدوني وفدتوني وايد وايد فديتكم