بأي طريقة تفضلين القراءة ..

[هوية غريب]

قوة يا حبيباتي ،،

عندي لكم سؤال .. وسببه إني محتارة مادري أشتري القارئ الإلكتروني من أمازون ولا لأ؟؟؟ :bbbiu:

شلون تفضلون القراءة .. من الكتب الورقية؟؟ ولا من القارئ الإلكتروني أو الكمبيوتر؟؟؟

انا عن نفسي أحب الكتب .. أحب الورق .. أحب شكلي وانا اقرا من كتاب .. أحب أشوف شكل الكتاب بعد ما ينقرا وهو صفحاته شبه معفسه

وبنفس الوقت جربت القراءة من الكمبيوتر بس لما طولت بالقراءة عيوني قامت تعورني وراسي بعد

شدني كلام البنات عن القارئ الإلكتروني وخاطري أشتري واحد بس حاسة انه ما يفرق عن الكمبيوتر اللي لي تجربة مأساوية معاه في القراءة

أنا حاطة تصويت .. ياريت إذا ما تبون تردون على الأقل تصوتون وأكون لكم شااااااااااكرة

واللي راح ترد جزاها الله ألف خير بس ياريت توضحلي ليش تفضل هالطريقة وشنو أثرها على العين لما تطول بالقراءة ..

ويعطيكم العافية حبيباتي وجزاكم الله خير مرة ثانية :eh_s(7):

 

[دلع السلاطين]

خير جليس للانسان الكتاب


طبعااا افضل الكتاب

 

[ام سعود ديكسون]

هلا غلاتي

تم التصويت~~~ احب الكتاب الورق
يا زينه اذا وصلت لي صفحة و نعست احط كلينكسة ع الصفحة وأنام لووول
واعتز بمكتبتي الصغيرة

بس ما يمنع ان الدنيا تطورت والاي باد جزء من حياتنا أنا اشجعج تشترين واحد

 

[Kadin Cligin]

بالنسبة لي الكتاب له سحره اللي مستحيل يخفت في يوم من الايام ..
بس هالايام لما اكون طالعة ومااقدر اخذ الكتاب معاي .. او اكون ناسيته ..
صايرة أنزل الكتاب من الايفون واقراه .. القراءة فيه مريحة وممتعة ..

اذا القارئ الالكتروني نفس الايفون تكبرين فيه النص عشان تقرين يكون احسن وانصحج فيه اذا لا مااعتقد

 

[ليلو جبريت]

رد : بأي طريقة تفضلين القراءة ..

بالنسبه لي اقراء على الاب واقراء بالطريقة التقليدية

واذا عينج تعورج اشتري الكتب ترى افضل من القراءة الالكترونية

انا نفسج احب امسك لكتاب واشوف ملمسه واقلب فيه

وحاليا انزل من النت واذا مالقيت لكتاب اشتريه من المكتبه واذا عجبني كتاب قرأتيه الكتروني اشتري نسخه واحتفظ فيها

وبث

ما با اصوت لان احب الطريقتين

 

[|~ Be happy ~|]

رد : بأي طريقة تفضلين القراءة ..

ح ـلاته تقريين من الكتاب
عني ماقدر استغني عن هطريقه كلش
..,, تم التصوويت فديتج
.. وويعطيج اأالف ع ـافيه ~|​

 

[~ تريآق]

رد : بأي طريقة تفضلين القراءة ..


وعليكم السلاااام والرحمه ^.^

شخصيا .. أحب الكتب .. أحب اتنقل فيه وأحب أشوفه يعاني معاي وأحب أدلله وأنا اقرأ فيه :d:d

لكن مرات أضطر أحمل الكتب من الانترنت لأنو مو كل شي متوفر بالسوق

القراءه بالجهاز تتعبني نفسيا .. عيني تدمع وتجف ..

والاي فون أقرأ فيه اذا مضطره بس ما اعتبره بديل أبدا أبدا

ممكن بديل مؤقت ..


لو عندج اي فون جربي تحملين فيه وتقرين وشوفي يريحش او لا .. قبل تشترين القارئ الالكتروني ^^

 

[c a t w o m a n]

ما أحس بلذة القراءة إلا وأنا أتصفح الورق

كلش مو صوب القراءة الإلكترونية


يسلموا ع الموضوع

 

[LUXURY]

بالنسبه لي ماااااااا اعرف اقرا الا من كتاب
اصلا عيني تعورني من اللاب
بس وايد افكر اشتري قارئ الكتروني لمتغيرات الزمان ومضطره اطلع او فجاه الاقي وقت فراغ بره واحب اقرا الا هذا معاي خفيف وسهل ينحط بالجنطه
بس الفكره ما تقررت للحين مازلت افكر بالموضوع

 

[فيروزه]

انا كنت قبل احب اقرا من الكتب
و اكره القراءه من الكمبيوتر
بس لما جربت الايباد ...غيييييييييييير
القراءه بالايباد متعه
واريح
من مميزاته
تشيلين فيه مئات الكتب بدون ما تثقل عليج بالوزن والساحه
تحملين كتب مجانا
تقرين بالظلمه وتتحكمين بالاضاءه

 

[م.بابونج]

رد : بأي طريقة تفضلين القراءة ..

طبعا و أكيد القراءة الالكترونية أفضل .. أوفر للوقت و المساحة و الفلوس و أريح للعين و تقدرين تقرئين بكل مكان تبينه و سهل التوزيع لو تبين توزعينه حق رفيجاتج ما يحتاج تعيرين كتاب حق أحد مجرد نسخ الكتاب على فلاش ثاني و بجذي سهل التوزيع , وايد وايد وايد مميزاته أفضل و أحلى أنا وايد أحب القراءة الالكترونية و ممتعة أكثر و تشيلين كتب وايد معاج بوقت واحد

 

[أنت الغرام]

تم التصويت ... الكتاب الورقي ..

الكتاب افضل ...يازين ريحه الورق بس...

 

[هوية غريب]

رد : بأي طريقة تفضلين القراءة ..

الله يعطيكم العافية حبيباتي على ردودكم ،،

تصدقون مع ان أغلبكم صوتوا حق الكتاب الورقي بس أيضاً أغلبكم مدحتوا القارئ الإلكتروني ،،

أبي أسأل سؤال .. ما يعور العين مع كثرة القراءة لفترة طويلة؟؟؟؟

 

[أنثى اليمامة]

رد : بأي طريقة تفضلين القراءة ..

برغم من ان القراءه من الكتاب افضل الا اني افضل اقرا من النت . . لاسباب
اولها توفر الكتب من غير رقابه . .
ثانياً . بالنسبه الي احسن بالشغل بدل من احمل الكتب معي . .

 

[C'est La Vie]

رد: رد : بأي طريقة تفضلين القراءة ..

الله يعطيكم العافية حبيباتي على ردودكم ،،

تصدقون مع ان أغلبكم صوتوا حق الكتاب الورقي بس أيضاً أغلبكم مدحتوا القارئ الإلكتروني ،،

أبي أسأل سؤال .. ما يعور العين مع كثرة القراءة لفترة طويلة؟؟؟؟

انا صوت للكتاب العادي
لأن يتلي فترة اقرا بالكمبيوتر وتعب عيوني :eh_s(2):

 

[هوية غريب]

رد : بأي طريقة تفضلين القراءة ..

تسلمون يا قلبي على الردود ..

 

[ليلو جبريت]

رد : بأي طريقة تفضلين القراءة ..

هوية بسألج
انتي شنو طقوسج للقراءة
مثلا تحبين تشغلين الحان او تشربين شي وانتي تقراين

 

[هوية غريب]

رد : بأي طريقة تفضلين القراءة ..

هوية بسألج
انتي شنو طقوسج للقراءة
مثلا تحبين تشغلين الحان او تشربين شي وانتي تقراين

يحليلج يا ليلى خوش سؤال :eh_s(15):

اي فعلاً ما احب اقرا وانا هادية وساكنة .. بس مرات أضطر

احب أسمع شي وانا اقرا .. وبما اني أسمع أناشيد إسلامية وايد فتلقيني أشغل الأناشيد في موبايلي وأحط السماعات بإذني وأقرا

وأموت على القراءة وانا في النادي ألعب رياضة .. عشان جذي تلقيني بس قاعدة على البايسكل أو أمشي في المضمار عشان أقدر أقرا .. وما أحس لا بتعب ولا أحس بالوقت

عاد تصدقين لما أحط السماعات بإذني واقرا أقول لو أحد يشوفني يقول عني مينونة شلون أقرا وأسمع بنفس الوقت بس طبعاً التركيز في القراءة مو في اللي أسمعه

 

[عهود الحب]

رد : بأي طريقة تفضلين القراءة ..

صوت مع الكتاب
الايفون شريته عشان اقرا الكتروني
و للحين مو عارفة
انزل كتب

و مفكرة بالايباد 2 بس مو الحين
احس تو الناس خل بالعطلة افضل
الحين دوامات و شوي زحمة مو وقته اتلهى بالايباد

بس اذا ببالج اخذيه يمدحونة للقراءة والالعاب

 

[ليلو جبريت]

رد : بأي طريقة تفضلين القراءة ..

يحليلج يا ليلى خوش سؤال :eh_s(15):

اي فعلاً ما احب اقرا وانا هادية وساكنة .. بس مرات أضطر

احب أسمع شي وانا اقرا .. وبما اني أسمع أناشيد إسلامية وايد فتلقيني أشغل الأناشيد في موبايلي وأحط السماعات بإذني وأقرا

وأموت على القراءة وانا في النادي ألعب رياضة .. عشان جذي تلقيني بس قاعدة على البايسكل أو أمشي في المضمار عشان أقدر أقرا .. وما أحس لا بتعب ولا أحس بالوقت

عاد تصدقين لما أحط السماعات بإذني واقرا أقول لو أحد يشوفني يقول عني مينونة شلون أقرا وأسمع بنفس الوقت بس طبعاً التركيز في القراءة مو في اللي أسمعه

انا اسمع ألحان لما اقراء
بس مافهمت انتي تسوين رياضة وتقرأين يعني