بغيت رايكم بالزواج

[قمر دسمان]

السلام عليكم شلونكم

اول شئ هذا مو نكي نك رفيجتي و بس اكتب هالموضوع و اشوف ردودكم

انا الحمدلله موظفه عاديه باحد الوزارات و مو متزوجه
تقدم لي واحد شيخ بصراحه سألنا عنه اخلاق و منصب مشاالله
بس انه متزوج و ترددت حيل لما قالوا متزوج
و مرته مو شيخه بس منصب دكتوره و ابوها شيخ دين و عندها عيال من الشيخ

مع ان كان ودي اتزوج واحد منصب و اخلاق و يفتح بيت
بس ترددت لما قالوا متزوج و عنده عيال

شوركم بنات ارفضه و يرزقني ربي باحسن منه و لا اتوكل على الله و اتزوجه

ياليت تعتبروني اختكم و تنصحون من قلب الله لا يهينكم

 

[Queenleo]

رد : بغيت رايكم بالزواج

شالله حادج تاخذين واحد متزوج؟
ليش ماتنطرين نصيب احسن ياما الله يكتبه لج بالدنيا او ان شاء الله بالاخره
الزواج على شريجه مو سهل وخصووصا ان عندها اعيال
لوو كان القرار قراري اكيد برفض ومن غير اي تفكير لان مبدا ابني سعادتي وبيتي على تعاسة غيري رافضته
وتخيلي نفسج مكانها واييلج ويقولج بتزوج عليج شوفي شبيكون موقفج

 

[نونه الزعفرانه]

لا ما أوافق زواج المتزوج

 

[$بنت الأمير$]

رد : بغيت رايكم بالزواج

حبيبتي وحده نزلت نفس موضوعج أتزوج وااحد متزوج وفيه كل المواصفات أغلب بنات المنتدى ما وافقوها الراي لانج ما راح ترتاحين وعمرج ما راح تحسين انه لج بروحج وعنده مسؤليات غيرج وصدقيني اللي تهون عليه عشرة الاولى يبيع عشرتج برخيص فكري بزوجته الاولى شنوو حالها لو خذيتي زوجها لا تفكرين بس بنفسج ولا تصيرين انانيه
ان شالله اذا تركتيه لزوجته وعياله ربي راح يرزقج بواحد احسن منه وشاب يسعدج وانتي الحب الاول والاخيررر في حياته
وموفقه

 

[اتتعبنـي غلاك]

اختي قمر دسمان
استخيري
استخيري
استخيري
لاتختارين لنفسج القرار خلي الله يختارلج
واستخيري مره او مرتين وشوفي شنو يصير معاج
وبعده توكلي على الله وبلقرار الي يطلعلج
استخـــــــــــــــــــــــــــــــــــــــــــــــــــــــــــــــيري​

 

[غــ Q8 ــزلان]

استخري افضل شي وربي يكتب لج الخير ان شاءالله

 

[قمر دسمان]

ما قررت للحين مع ان سكن منفصل مالي شغل في مرته و لا حتى احتك فيها
و اشوف ردودكم و اقرر

 

[FeShinGoOo]

حبيبتي قعدي عزوبيه واشتري راحة راسج ولا تاخذين ريال عنده حرمه وكلساعه مشاكل ومداحر ونجره ماتخلص وهذيج تكيدلج وانتي تكيدين لها وبالاخير اتفر راسه عليج ويطلقج ويرد حق الحب الاولي على قولتهم ترى وايد يتكرر هالسيناريو انا اقول لا توافقين

 

[FeShinGoOo]

بعدين اذا صار ووافقتي ظروري تشوفين معاملته لزوجته وعياله موفرلها احتياجاتها يعطيها مصرفها يعطيها حقوقها كزوجه ولا لا ..

لانه الي مقصر ويا حرمه وحده مستحيل يعدل بين زوجتين ..

وشرط التعدد العدل بين الزوجات

 

[ORKDI]

عن نفسي تقدم لي متزوج ومنصب

ومعاش قوي عندها بيت

حتى بيحط لي سايق وسياره

تحت ايدي


بس رفضت ليش طايح بجبد اهلي


وهالسالفه قبل ست سنين



الحين انا متزوجه الحمد الله

 

[غداً القاك]

استخيري ياقلبي قبل كل شي
وادعي الله الخيره وين
وبعدين على حسب وضعك لو صغيره بالعمر والفرصه قدامك ارفضيه>بعد الاستخاره
وان شاء الله ربي يعوظك خير منه
حنا يالحريم مانصبر على الضره الا بأضيق الحالات وانتِ لو امامك فرصه تتزوجين من شاب مو متزوج فأصبري
على الاقل حياته تكون لك وانتِ المره الوحيده بحياته
وهم اقولك قبل كل شي استخيري فالخيره فيما اختاره الله ياقلبي
والله يوفقك

 

[لوعة الحب]

بنات لاتقسون على البنت وتحيرونها بردودكم عطوها حل مناسب انا اشوف انه الاول تتأكد من سبب زواجه على مرته ممكن اهي مقصره معاه وسامحه له بالزواج ومكتفيه بوظيفتها ويهالها .

طبعا الاستخاره هم مطلوبه بالامور اللي فيها تردد

الله يوفق الكل الى مافيه الخير​

 

[$بنت الأمير$]

رد : بغيت رايكم بالزواج

على فكره الاستخااااره مره وحده >>>>> مو ثنتين ولا ثلاااث
ثاني شي اذا انتي تبين الرجال هذا وتحسينه ما يتعوض ولا ينطوف>>>> مع اني اتحداج اذا كان ما يتعوض
فنصيحه لوجه الله تطلبين رقم زوجته الاولانيه وتستاذنينها عشان تتاكدين اذا هي موافقه ولا لأ
وبعد شوفي أمه لا يكون اللي متقدملج نظام جاااي بروحه ومحد وياااه شوفي أمه لاااا يكون بعد رافضه دخولج للعايله
تحياتي

 

[mona q8]

رد : بغيت رايكم بالزواج

ياقلبي لا تخلين الكلام يلعب فيج
صدقيني مافي احسن من استخارة رب العالمين فهو سبحانه ادرى
وبعدين في وايد متزوجين وعندهم عيال أحسن من العزابيه
واذا استخرتي الله ما راح يخيب ظنج لانج ما استخرتي ببشر
استخرتي برب الخلق اللي يعلم بكل شي
واذا كل وحده رفضت واحد متزوج ترى راح تزيد العنوسه
لان الحريم اكثر عدد من الرياييل
وانا اعرف وايد رياييل متزوجين وتزوجوا ع حريمهم واعدلوا بينهم وما ظلموا اي وحده فيهم
وكل شي الله كاتبه ومقدره اذا بتتزوجينه راح تتزوجينه

 

[ترانيم القصيم]

بنات لاتقسون على البنت وتحيرونها بردودكم عطوها حل مناسب انا اشوف انه الاول تتأكد من سبب زواجه على مرته ممكن اهي مقصره معاه وسامحه له بالزواج ومكتفيه بوظيفتها ويهالها .

طبعا الاستخاره هم مطلوبه بالامور اللي فيها تردد

الله يوفق الكل الى مافيه الخير​

والله إنك صادقة بكلامك و قلتِ آللي بخاطري ,, الكلمة الحلوة ما تطلع بالساهل من بعض البنات !!

و إذا يعني متزوج وش فيها ؟ يعني العزابية هالحين ما يجي منهم مشاكل ؟

يا ما بنت متزوجة واحدن معدّد و عايشة بسعادة و هنــا ,,, و يا ما وحدة متزوجة واحد عزابي و عايشة بنكد و قهر

لا تحكمن على مصير البنت و تعرقلن فرحتها ,, يمكن هذا الوحيد آللي يتقدم لها ,,

حبيبة قلبة صلي استخارة ,, و مثل ما قالت الأخت حاولي تعرفين وش سبب تفكيرهـ بالزواج للمرة الثانية

و الله ييسر لك آللي فيه الخيـر ,,

احترامي و تقديري

ترانيم القصيم

 

[ترانيم القصيم]

رد: رد : بغيت رايكم بالزواج

على فكره الاستخااااره مره وحده >>>>> مو ثنتين ولا ثلاااث
ثاني شي اذا انتي تبين الرجال هذا وتحسينه ما يتعوض ولا ينطوف>>>> مع اني اتحداج اذا كان ما يتعوض
فنصيحه لوجه الله تطلبين رقم زوجته الاولانيه وتستاذنينها عشان تتاكدين اذا هي موافقه ولا لأ
وبعد شوفي أمه لا يكون اللي متقدملج نظام جاااي بروحه ومحد وياااه شوفي أمه لاااا يكون بعد رافضه دخولج للعايله
تحياتي

أهم شي تستأذن !!

ليـه الشرع شرط إن الحرمة تستأذن من ضرتها لا جت تتزوج زوجها ؟

وين مكان كلامك في الشرع على أي أساس نصحتيتها بكذا ؟

لا تآخذنا العاطفة يا بنات ,, خلن البنت تشوف نصيبها , حرام عليكن !!

و يمكن صدق ما يتعوض الخاطب ,, و ليه نتفائل بالشر ع البنت و نقول لها يمكن أمه ماهيب متقبلة وجودك بهالعايلة

وش هالأسلوب ؟ هل هذا أسلوب في النصيحة ؟ هل هذا أسلوب في التوجيه ؟

,,

صاحبة الموضوع أرجو إنك ما تلتفتين لردود البنات ,, بعضها ينم عن أنانية مستميــتة ,, ما أحد يفكر إلا بنفسه

يوم يشوفونك تبي تتزوّحيـن معدّد كل وحدة تفكّر إن هالزّوج هو زوجها و ناوي يعرس عليـها !!

الله المستعان بس ..

احترامي و تقديري

ترانيم القصيم

 

[الليدي ديانا]

رد: رد : بغيت رايكم بالزواج

لا حرام عليج لا تاخذين متزوج

ترضين باجر ريلج ياخذ وحده عليج ؟

 

[بسمه الم]

الله يوفقج انشاءالله

 

[ạ7ạśêś ~]

حبيبتي انتي اكثر وحده عرفه لـ عمرح

يعني شوفي جم عمرج اول وقد ـِآحد تقدم لج ومن هل سولف

وبع ـِدين من رايي شوفي راي اهلج بصرراح اهم اريهم احسن منا

ماحد من البنات هني بتحس فيج وبالي انتي فيه

مالج لإ صلآِـِآهِـ الاسختاره وعسى ربي يوفقج

 

[غداً القاك]

رد: رد : بغيت رايكم بالزواج

,,

صاحبة الموضوع أرجو إنك ما تلتفتين لردود البنات ,, بعضها ينم عن أنانية مستميــتة ,, ما أحد يفكر إلا بنفسه

يوم يشوفونك تبي تتزوّحيـن معدّد كل وحدة تفكّر إن هالزّوج هو زوجها و ناوي يعرس عليـها !!

الله المستعان بس ..

احترامي و تقديري

ترانيم القصيم

حسن الظن مقدم بارك الله فيك على سوء الظن
يمكن هي ترى انه من الصواب ان تستاذن زوجته الأولى علشان ماتدخل بمشاكل معها
فمثلك عارفه يتزوج وهذيك راضيه او عارفه عكس انه يتزوج وهي مو داريه