- إنضم
- 3 مارس 2011
- المشاركات
- 1,529
- مستوى التفاعل
- 2
- النقاط
- 0
السلام عليكم صديقاتي عضوات المنتدى
الصراحة المنتدى اكثر من رائع وانا صارلي فتره اتردد على مجموعة من الاقسام الي فيه لما قررت اني اشترك واشارك خبراتي وتجاربي :eh_s(22):
اليوم راح اتكلم عن ازالة الشعر لانه شي مهم ولازم يتم بطريقة صحيحة علشان يأدي غرضه وبنفس الوقت نبي تحافظ على صحة وجمال بشترتنا :eh_s(17):
أول شي الحلاوة أو الشمع: أنا كنت وايد مرتاحة معاهم لمنطقة اليد والرجل وحتى الابطين وكان نظافة ونعومة على الرغم من الشعور المؤلم وصعوبته وساعات استحالته في الاماكن الحساسه ويبيلة مزاج وطولة بال.
بس بعدين كنت على ويه زواج وسويت ليزر والليزر ولا اروع بالبداية لكن بعد فتره يطلع الشعر مره ثانية مع اني سويت كذا جلسه و طبعا بين الجلسات مايصير تنظفين الجسم بالحلاوه ولازم الموس وهني دشيت بدوامة الموس :eh_s(2):
أول شي الموس لازم تستخدمينة بالشاور كل ماتتحمين ولازم معاه صابون غير معطر عشان مايسبب التهابات. أنا ادري ان وايد بنات متعودين عليه بس انا جد كرهته اول شي كنت اتضايق من استخدامة بالشور وبعدين وايد قام يجرح بشرتي عن جد ساعات تتشوه وبعدين لاني عايشه بديرة بارده شوي قام يسببلي حكه وجفاف وخصوصا في الاماكن الحساسه وبديت صج اخاف على بشرتي :eh_s(14):
اخيرا لقيت الحل وارتحت نفسيا وجسديا :eh_s(9):
اول شي انتقلت من الموس الين مكينه الحلاقة النسائية انظف ومستحيل تسبب الام وسهل استخدامها للاماكن الحساسه ومريح (طبعا اقصد مكينه الحلاقة وليس مكينه نتف الشعر لانها الم مو طبيعي للاماكن الحساسه). المكينه الي انا استخدمها هي باناسونيك ومرتاحه معاها وايد.
اظن الي موجودة بالخليج اهي هاذي بس ماظن يصير تستخدمينها بالشاور لازم على بشرة جافة بس مو متأكدة
اول شي انتقلت من الموس الين مكينه الحلاقة النسائية انظف ومستحيل تسبب الام وسهل استخدامها للاماكن الحساسه ومريح (طبعا اقصد مكينه الحلاقة وليس مكينه نتف الشعر لانها الم مو طبيعي للاماكن الحساسه). المكينه الي انا استخدمها هي باناسونيك ومرتاحه معاها وايد.
اظن الي موجودة بالخليج اهي هاذي بس ماظن يصير تستخدمينها بالشاور لازم على بشرة جافة بس مو متأكدة
الشغلة الثانية اهي وايد ناس تستخدم المكينه بعد الشاور لانها تحب تقشر البشره بالاول لكن انا استخدمها قبل الشاور احس انظف واهم شي بعدين تغسلين جسمج بصابون مو معطر عشان تتجنبين اي حساسية انا استخدم صابونه دوف المرطبة راح يكون مكتوب عليها un-scented moisturizing
وأهم خطوة بعد الشور انج ترطبين البشره والشي الوحيد الي راح يفكج من الحكة والحبوب ويعطيج احلى بشرة اهو البيبي اويل وانا استخدم جونسون الي كلنا نعرفة ونقدر نلقاه باي مكان
واخر شي ترشين على جسمج اي نوع body mist تحبينه على حسب المزاج او المكان الي رايحته انا احب هالنوعين لان روايحهم ناعمة, انا شوي احاول اوخر عن البودي شوب لان روايحهم قويه وحزات لما ادخل البودي شوب احس اني داخلة ثلاجة من كثر روايج التفاح والليمون والبرتقال
وصدقيتي البيبي اويل راح يعطي بشرتج ملمس مخملي وناعم وراح يساعد عطر الجسم ان يثبت
وأهم خطوة بعد الشور انج ترطبين البشره والشي الوحيد الي راح يفكج من الحكة والحبوب ويعطيج احلى بشرة اهو البيبي اويل وانا استخدم جونسون الي كلنا نعرفة ونقدر نلقاه باي مكان
واخر شي ترشين على جسمج اي نوع body mist تحبينه على حسب المزاج او المكان الي رايحته انا احب هالنوعين لان روايحهم ناعمة, انا شوي احاول اوخر عن البودي شوب لان روايحهم قويه وحزات لما ادخل البودي شوب احس اني داخلة ثلاجة من كثر روايج التفاح والليمون والبرتقال
وصدقيتي البيبي اويل راح يعطي بشرتج ملمس مخملي وناعم وراح يساعد عطر الجسم ان يثبت
اتمنى موضوعي يكون عجبكم وساعد المتوهقات واتمنى تستمتعون ببشرة جميلة
تحياتي
قطرية
قطرية
