..
السلآم عليكم ورحمه الله وبركآته
نص لـ الشآعر : حمد المسرع العجمي
بـ عنوآن ( بـيـآن ) ,
:eh_s(22):
أتركم مع القصيده
..
يالّلي تركت المنطقه قلّي وش اخبار الحنـان؟
عادك تحب المنطقه والا هويـت العاشـره ؟
فارقتنـا خليتنـا ننـدم علـى ذاك الـزمـان
يـوم ان عـاد قلوبنـا ياصاحبـي متخاشـره
ياليتها مرّت كذا واقـول انـا كبّـوة حصـان
حتى اتحاشا الصدمه اللي في الصميم مباشره
ماكل شخص ٍ تعرفه ترتاح له في ذا الزمـان
والمشكله ماتبخص الانسـان ليـن إتعاشـره
انا اشهد ان الحزن وسط الروح عيّن له مكان
والجرح يسكن في حشا روحي واخاف اقاشره
ياليت ذاك الوقت يرجـع والدقايـق والثـوان
والقا البعيد اللي قطع حبـل الهـوا واباشـره
مرّيت بالبيت القديـم واقـول يابيـت الامـان
جيتك تسع مرّات ثم بكـره تراهـا العاشـره
يابيت احبك من محبة صاحبي صافي الثمـان
اللي غـلاه إمّقطـع ٍ قلبـي وعـاده ناشـره
اهديت لك كل الوفا واحمل عظيـم الإمتنـان
جيتك وانا اشيل المشاعر في الصدر متحاشره
لكن انا بسألك بالله ليـه خليتـوا ( بيـان ) ؟
وخليتوا وجيه الليالـي فـي حياتـي كاشـره
,
