حبيبتي
كل الكتب في الدنيا
تفيدج
تعطيج خبره و تعطيج علم و افق جديد على اشياء ما كنتي تعرفينها
مو شرط بس مجال التنمية الذاتيه و اداره الوقت و العلاقات الاجتماعيه
اقري في كل شي
كونج معلمة لازم يكون عندج خبره و ثقافه في كل شي .. تاريخ ، لغات ، فلسفه ، علوم ، حكمه ، دين ،
من كل بستان زهره عشان تفيدين طالباتج مو بس بالمنهج
حتى بدروس الحياه و دروس الفكر و الثقافه اللي اهي الاهم من المنهج الدراسي
و عشان يكون عندج ارضيه ثقافيه جيده تقدرين حتى انتي تزيدين البنات من معلوماتج الخاصه مو بس المعلومات الوارده في المناهج
اقري الجريده كل يوم .. تصفحي اخبار الكويت و اخبار العالم
انا انصح بصراحة اكثر تدخلين كل يوم على موقع البي بي سي العربيه و تقرين اخبارهم ، اخبارهم يكتبونها بشكل يونس و أول بأول اخبار من كل دول العالم والموقع وايد مرتب و حلو .. دشي بقووقل كتبي bbc arabia
هذا اول شي ..
ثاني شي اقري في كل شي .
شعر ، قصة ، رواية ، تاريخ ، تنميه ذاتيه ، كتب اداره ، كتب سياسه ، سير ذاتيه للمشاهير و العظماء
مممممممممم مالي خبره بصراحة بكتب التنمية الذاتيه فما أقدر اقترح عليج شي .. بس اعتقد جرير عندهم تشكيله واسعه من هذه الكتب
تقريبا شبه متخصصين في كتب التنمية الذاتيه
حوسي بالمكتبه و تصفحي الكتب شوفي انتي نفسج شنو تحب و شنو تهوا ، تصفحي الكتب اقري الفهارس و اقري جم صفحه من الكتاب
دوري عن موسوعات العلماء العرب ، موسوعات الشخصيات اللامعه ، نساء لهم بصمة في التاريخ ، سير و قصص الانبياء
حووووووووووسي بالمكتبه
و خصصي دايما لج وقت للقراءه
الابله اللي الطلبه يحسونها ذكية دايما تكون محبوبه ، و اللي يحسونها مثقفه يرتاحون معاها و يسألونها
كان عندنا أبله علوم مثقفه وتقرا وايد كتب علميه خصوصا وايد وايد مع انها ابله متوسط و مو مطالبه انها تعرف كل شي
كانت تقولنا تجارب من بره المنهج تقولنا جربو تسوونها بالبيت ، و تكلمنا عن اشياء بره المنهج و ظواهر غريبه و معلومات حلوة
كنا نروحلها وايد بالفرصه نسألها ...
و كل يوم كانت تعطينا معلومه علميه جديده
- صوت البطة ماله صدى !
- السائل الموجود داخل البيضه عكس السوائل .. يتجمد بالحراره !
هالمعلومتين اهما اكثر معلومتين شدوني و لي يومج اذكرهم
فانا اشجعج وايد انج تقرين و تتثقفين
و اذا عرفت اسم اي كتاب ممكن يفيدج رح أقولج
