طلب أسماء الروائيين الأجانب ..

[هوية غريب]

رد : طلب أسماء الروائيين الأجانب ..

http://books.rtarabic.com/author/26/
شوفي هالرابط ادباء روسيين


ودور النشر عندج السورية واللبنانية افضل دور نشر بالترجمة

ثنكيو يا حبيبتي .. الرابط رائع جداً استانست عليه وايد..

ومشكورة :eh_s(17):

 

[هوية غريب]

رد : رد: طلب أسماء الروائيين الأجانب ..

ماشاء الله البنات سبقوني و ما قصروا
أضيف لج
فيكتور هوجو من أشهر الروائيين لا تنسين البؤساء فرنسي
عندح ميشال زيفاكو فرنسي بعد رواياته من أجمل الروايات
تجمع التاريخ بالثقافات بالفن و بالحدث
باولو كويلو الروائي البرازيلي و أكيد سمعتي عن روايته((الخيميائي))
و بث هذول اللي يحضروني مع اللي ذكروهم الخوات قبلي
موفقه حبي

هلا حبيبتي

قريت البؤساء .. كانت رائعة .. بس ما قريت شي ثاني للكاتب.. له كتابات ثانية حلوة؟؟؟

والخيميائي قاعدة أقراها بالإنجليزي .. مترجمة طبعاً من البرازيلية على ما أعتقد

تسلمين يا قلبي .. وراح أدور روايات الفرنسي اللي قلتي عنه :eh_s(7):

 

[ليلو جبريت]

رد : طلب أسماء الروائيين الأجانب ..

ياحليلاته المثقف
ربي يحفظه

 

[هوية غريب]

رد : رد: طلب أسماء الروائيين الأجانب ..

اممم
عندج
Emily Bronte كاتبة رواية Wuthering Hights
Anne Bronte كاتبة رواية Agnes Grey
Charlotte Bronte كاتبة رواية Jane Eyre
Charles Dickens كاتب رواية Great Expectations
F. Scott Fitzgerald كاتب رواية The Great Gatsby
Nathaniel Hawthorne كاتب رواية the Scarlet Letter
Victor Hugo كاتب رواية The Hunchback Of Notre-Dame
Mark Twain كاتب رواية The Adventures Of Tom Sawyer
Jules Verne كاتب رواية Around The World In Eighty Days
Virginia Woolf كاتبة رواية Orlando
Louisa may Alcott كاتبة رواية Little Women

طبعا انا ذكرت لج اهم كتب هذيل الكتاب تقدرين تسوين سيرج على النت تشوفين كتبهم الثانيين
انا نوعي ما احب اقرى الكتب المترجمة اخاف ان الترجمة تكون حرفية اكثر من انها تكون على حسب معنى كل كلمة و سياقها بالنص
فما افضل اقرى المترجم
كل رواية اقراها بلغتها الاصلية
الا طبعا في حالة الكتاب الروس جربت اقرى لهم بالانجليزي و كان الوضع ممتاز بعد مو معقولة بقرى روسي!
و هالكتب الي ذكرتهم ممكن تحصلينهم مترجمين اذا انتي تفضلين العربي
لانه اذا ما كنتي فلتة بالانجليزي ماراح تقدرين تقرينهم لصعوبتهم

أهلاً وسهلاً سكارليت ..

حبيبتي انا نفسج أخاف من الترجمة عقب ما انقرصت من أكثر من كتاب .. الترجمة تعيسة وتصير اللغة العربية لغة طلاسم غير مفهومة ،، وتضيع علي متعة القراءة وبعض الأحيان أتوه في مقصد الكاتب بسبب الترجمة

بس بغيت أسألج على شغلة .. انا بديت من فترة مو بعيدة أقرا كتب إنجليزي عشان أتجنب الترجمات التعيسة وبالمرة أقوي لغتي ..

تقولين مستوى الكتب اللي ذكرتيها صعب .. انزين ومنكم نستفيد .. قريتي رواية Alchemist ؟؟ انا قاعدة اقراها الحين ومستوى لغته متواضع .. يعني حسيته أقل من مستواي بس لأني قريت نبذة عن هالرواية بالأمازون فحابة اقراها .. وقريت كتاب awaken the giant within وكان أسلوبه مناسب لي جداً ..
لكن رواية The black book قريت شوي منها الأسبوع اللي فات وكان مستواها أدبي فيه الكثير من المصطلحات اللي ماقدر أكمل قراءة بدون ما اترجمها لما صارت قراءة الرواية ثقيلة علي من كثر الترجمة ..
قريتي أي كتاب من هذيل؟؟؟ وإذا إي فهل الكتب اللي ذكرتيهم أسلوبهم مقارب لأي منهم ولا أصعب؟؟

وشكراً حبيبة قلبي :eh_s(17):

 

[هوية غريب]

رد : طلب أسماء الروائيين الأجانب ..

ياحليلاته المثقف
ربي يحفظه

هههههه هذا ولد اختي محمد ..
اختي صادت له هاللقطة يوم عيد ميلاده لما كان عمره سنة ..
والحين اهوا بأولى ابتدائي وقاعدة أشتريله كتب وأقنعه يقرا .. يقوللي (القراءة صعبة اقعد أتهجى وأطول على ما اقرا كلمة) كسر خاطري :eh_s(2):
عاد توني اقول له تعال اقرالك قصة .. :ggdw:
تسلمين يا حبي

 

[ليلو جبريت]

رد : طلب أسماء الروائيين الأجانب ..

احسن شي تسوين
حببوه فالقراءة

 

[راعية الطويلة]

رد: رد : رد: طلب أسماء الروائيين الأجانب ..

هلا حبيبتي

قريت البؤساء .. كانت رائعة .. بس ما قريت شي ثاني للكاتب.. له كتابات ثانية حلوة؟؟؟
أحدب نوتردام / الرجل الضاحك هذلن اللي أعرفهن


والخيميائي قاعدة أقراها بالإنجليزي .. مترجمة طبعاً من البرازيلية على ما أعتقد

تسلمين يا قلبي .. وراح أدور روايات الفرنسي اللي قلتي عنه :eh_s(7):

و تذكرت الكساندر دوماس
وااايد حلو قريت له ((الفرسان الثلاثة))<<كانت ترجمة رووعه
((عقد الملكة))<<هيييلواااا عن جزء من حياة ماري انتوانيت بس مو سيرتها لا رواية اقريها و عقب عطيني رايش:d
بعد عندج ((الزنبقة السوداء))<<هيلوا

و الله يختج كل ما تذكرت شي<<الأخت فاقدة الذاكرة شوي
أبسدحه إن شاء هنيااا

 

[هوية غريب]

رد : طلب أسماء الروائيين الأجانب ..

احسن شي تسوين
حببوه فالقراءة

والله قاعدة احاول يا ليلى والله كريم
شكراً حبيبتي

 

[هوية غريب]

رد : رد: رد : رد: طلب أسماء الروائيين الأجانب ..

و تذكرت الكساندر دوماس
وااايد حلو قريت له ((الفرسان الثلاثة))<<كانت ترجمة رووعه
((عقد الملكة))<<هيييلواااا عن جزء من حياة ماري انتوانيت بس مو سيرتها لا رواية اقريها و عقب عطيني رايش:d
بعد عندج ((الزنبقة السوداء))<<هيلوا

و الله يختج كل ما تذكرت شي<<الأخت فاقدة الذاكرة شوي
أبسدحه إن شاء هنيااا

تسلمين حياتي حياج الله ومشكورة على الأسماء والروايات :eh_s(7):
وناطرة تسدحين لي الباجي :ggdw:

 

[أنثى اليمامة]

رد : طلب أسماء الروائيين الأجانب ..

يمامتي .. ردج كافي ووافي .. تسلمين حبيبة قلبي

بس بسألج سؤال .. انتي تقرين لكل روائي إصدار واحد ولا عادة إذا حبيتي كتاباته تشترين باقي كتبه؟؟

انا مشكلتي ما أركز على الكاتب بقراءاتي وحاسة إني قاعدة أضيع فرصة فهم أسلوب الكاتب اللي يسهل الاسترسال في القراءة وفهم ما بين السطور للقارئ المعتاد عليه ،،

بالنسبة لي اهتم بالاعمال اكثر . . يعني مثلاً انا احاول الآن أقرأ لروائيين عديدين حتى آكون فكره عنهم . .
بعدها راح احاول أٌقرأ الكتب الكامله للكاتب . . بالنسبة للكُتاب انا احب اعرف عنهم قبل ان ابدا بالقراءه لهم حتى اعرف مقاصده . . ودايما احب اقرا عن الكتب الي راح اقراها . . مثلاً انا من قراءتي عن ديسستوفسكي قررت ان اقرا اعماله لانها تستحق وهذه السنه دخلت الجريمه والعقاب . . لانها عمل كبير وضخم . . وبالباقي بالتدريج ان شاء الله​

 

[ليلو جبريت]

رد : طلب أسماء الروائيين الأجانب ..

بالنسبة لي اهتم بالاعمال اكثر . . يعني مثلاً انا احاول الآن أقرأ لروائيين عديدين حتى آكون فكره عنهم . .


بعدها راح احاول أٌقرأ الكتب الكامله للكاتب . . بالنسبة للكُتاب انا احب اعرف عنهم قبل ان ابدا بالقراءه لهم حتى اعرف مقاصده . . ودايما احب اقرا عن الكتب الي راح اقراها . . مثلاً انا من قراءتي عن ديسستوفسكي قررت ان اقرا اعماله لانها تستحق وهذه السنه دخلت الجريمه والعقاب . . لانها عمل كبير وضخم . . وبالباقي بالتدريج ان شاء الله​

تعرفين ان الجريمة والعقاب تحولت لفلم مصري وحتى الاخوة الاعداء
هالعرب فشلونا وهم يسرقون من الغرب

 

[mishmisha]

ما شاءالله البنات ذكروا اغلب الكتاب والروائيين العالميين
اذكر لك كم كاتب لم يتم ذكرهم

ميلان كونديرا ....Milan Kundera
كاتب تشيكي عاش في فرنسا
يعتبر ملحد ولكن يحترم كل الديانات
كتاباته فيها الكثير من الفلسفه
من اشهر مؤلفته
The Book of Laughter and Forgetting
Identity
The Joke
----------
إيفو اندريتش.... Ivo Andric
روائي يوغسلافي
عاش في البوسنه فتره الاستعمار العثماني
اروع ما قرأت له The Bridge on the Drina
----------
ويليم هوفر .... William Hoffer
روائي امريكي من أوهايو
قرأت له روايه واحده فقط Not Without My Daughter
وهي قصه واقعيه عن مواطنه امريكيه تتزوج من إيراني ...
ما راح اكمل حتى لا احرق الروايه على اللي حابه تقراها
وانا للحين ما خلصتها
-------------

واذا تذكرت بعد راح ارجع للموضوع

تحياتي

 

[ليلو جبريت]

رد : طلب أسماء الروائيين الأجانب ..

رواية ويليم في منها نسخه عربية

 

[mishmisha]

عزيزتي ليلى
اذا قصدك وليم هوفر...
للاسف الروايه مو متوفره بالكويت لا انجليش ولا عربي
انا من فتره يبتها من بيروت بالانجليش
بس متوفره اون لاين بامازون


تحياتي

 

[ليلو جبريت]

رد : طلب أسماء الروائيين الأجانب ..

حسافه

 

[mishmisha]

ليلى

اذا تبينها بالانجليش عزيزتي بس اخلصها ابعثها لج
ولا تتحسفين يا غاليه


تحياتي

 

[ليلو جبريت]

رد : طلب أسماء الروائيين الأجانب ..

مشكورة وماتقصرين بس احب اقراء باللغه العربيه
احس اعيشها اكثر

ان شاء الله يترجمونها

بابحث عن روايات إيفو

تنصحيني برواية له

​

 

[mishmisha]

ايفو اندريتش انا اقرا له اكثر شي اشعار
واغلبها مو مترجمه ... بس لاني اعرف serbo-croatian language فما عندي مشكله
بس له روايه مترجمه لاكثر من لغه ومنها العربيه وهي " جسر على نهر درينا"
جدا ممتعه وتتكلم عن فتره الاستعمار العثماني ومعاناه الشعب
والاحداث الدراميه التي تقع على جسر درينا ( درينا اسم نهر)

للاسف الروايه عندي باللغه الصربيه ولا كنت ارسلتها لج عزيزتي

 

[ليلو جبريت]

رد : طلب أسماء الروائيين الأجانب ..

مشكورة حبوبه وماتقصرين

راح ابحث عن الرواية الي قلتيلي عنها

 

[هوية غريب]

رد : طلب أسماء الروائيين الأجانب ..

بالنسبة لي اهتم بالاعمال اكثر . . يعني مثلاً انا احاول الآن أقرأ لروائيين عديدين حتى آكون فكره عنهم . .


بعدها راح احاول أٌقرأ الكتب الكامله للكاتب . . بالنسبة للكُتاب انا احب اعرف عنهم قبل ان ابدا بالقراءه لهم حتى اعرف مقاصده . . ودايما احب اقرا عن الكتب الي راح اقراها . . مثلاً انا من قراءتي عن ديسستوفسكي قررت ان اقرا اعماله لانها تستحق وهذه السنه دخلت الجريمه والعقاب . . لانها عمل كبير وضخم . . وبالباقي بالتدريج ان شاء الله​

طريقتج حلوة في اختيار الكاتب والإصدارات بشكل عام
راح أحذو حذوج بإذن الله