مساء الخير أخواتي العزيزات...
انا عادة احب فندق المنزل في دبي.. السفرة اللي طافت شهر 2 حجزنا بالمنزل اول شيء
بعدين زوجي العزيز سمع من ربعه انه اكو فندق جديد في مول الأمارات فاتح شهر 9 2010 و فجآة تحول الحجز إلى فندق بلمان مع انه صوره في الأنترنت ما عجبتني بس حكم القوي شنسوي بعد :eh_s(22):
عزائي الوحيد كان انه في الصور حاطين مكاين نسبرسو للقهوة في الغرف
المهم وصلنا الفندق بسلام... الفندق له مدخل على مول الأمارات على طول دايركت في الطابق الأول و المدخل فوق كارفور و يم جمبو للإلكترونيات على طول ... و من الأصنصير اللي بالطابق الأول تروحون الطابق الثاني لمواقف السيارات أو الطابق الخامس حق اللوبي
ما طولنا وايد بالجيك إن و عند الجيك ان قلنالهم نبي جيك آوت متآخر حق آخر يوم لأنه طيارتنا الساعة 11 ليلا فقالوا أوكي نعطيكم حتى 2 بدال 12 الظهر قلنا خير و بركة... من اللوبي بالدور الخامس تصعدون الغرف و لازم تستخدمون كرت الغرفة عشان يشتغل الأصنصير... عند الريسبشن قلنالهم لو سمحتم فضوا الميني بار من الأشياء اللي فيه و هم قالوا زين
الغرفة كانت وسيعة و رحبة و مودرن... و الفيو على برج العرب و جميرا هوتيل و وايد حلو...
بس للأسف ماكان في مكاين نسبرو!!! وين المكينة؟!!!! حاطين لي كيتلي ماي أسود و جم كيس نسكافيه!!!! و الميني بار مو امفضينه قطع :rgewrg:
الحمام اعزكم الله مو بنص الغرفة معزول و له درايش زجاج و باب خشب... بس اكو ستاير تنزل على الزجاج و تغطيه بالكامل بحيث ما يبين اللي داخل أبدا... يعني وايد استر من المنزل
و اهم شيء انه الحمام مزود بشطاف و انتوا بكرامة لانه الفندق بدون شطاف ما ينبغى
هل بلمان نظيف؟ هممم يعني مو وايد... المخاد فيهم ريحة عتونة كأنه راشين عليهم ماي و مو ناشفين عدل... و يوم وصلت الدار إلا السجادة وصخة و الشراشف فيها شعر و بقع سود و صفر... حطيت أغراضي و نزلت حالا تحت و قلت لهم بروح المول و برجع ألاقيكم مفضين الميني بار و مبدلين الشراشف و خامين الأرض... الله خير رحنا تعشينا و ردينا لقيناهم مسوين اللي ابيه...
المنزل وايد انظف وااايد :eh_s(16):
الشيء اللي صج خلاني أغفر حق الأوتيل و اقرر انه يستاهل من يرجع له بصراحة اهو... الريوق!
المطعم مال الريوق موجود على البلكونة مالت الأوتيل و المنظر حزة الريوق آسر بصراحة :eh_s(15)::eh_s(15):
و هالجو البديع شهر 2 و من الصبح... و الأكل لذيييييييييذ
شوفوا سلطة الفواكة
و هالكرواسون الزين
و الفول
و الصاج اللي على الطلب.. هم الوافلز على الطلب
و الجويهة الراهية من صباح الله خير
و البوفيه فيه ما لذ و طاب من اطايب الطعام حتى نودلز خضار حق الريوق فيه! اتحيرون إشتاخذون شتخلون... و عصير المانجاااا يا عصير المانجا
ابصراحة؟ من كثر ما الريوق حلو غفرت لهم وصخهم ! و هغرم سامحتهم على انه مكينة النسبرسو تنحط في السويت بس مو في الغرف
سعر الإقامة لخمس أيام و أربع ليالي تقريبا 2600 درهم إماراتي يعني ما يعادل 216 دينار كويتي يعني الليلة 54 دينار كويتي تقريبا
هل راح اقعد فيه مرة ثانية؟ عشان الريوق ايي.. اقعد فيه اذا رحت دبي من شهر 12 - 2 ... باجي اشهر السنة بما انه حر و ما ينقعد بالبلكونة برة حق الريوق أقعد بالمنزل إنشاء الله
الخلاصة انه الفندق موقعه ممتاز و بنص دبي... كونه داخل المول مفيد جدا... جديد و مودرن... اسعاره جدا ملائمة... غرفه وسيعة و شرحة... ريوقه خيالي و يروش كويتيين كأنه قاعدين بالأفنيو... و فيه سبا فوق بالسطح حق الحريم يمدحونه وايد وايد
لكن مو نظيف وايد... و لمن تحجزون بالأنترنت يحجزون على مبلغ الإقامة بالفيزا -وهقة- و يندفع بالفيزا عقب.. و الوضع فيه اصنصيرين على ما توصلون الدار يعني مرات تملون من النطرة
إذا تبون تقعدون فيه ودوا شراشفكم وياكم و طلبوا دار بالدور التاسع فما فوق لأنه الأدوار الثامن و نازل الغرف تفتح على بلكونة مفتوحة على اللوبي فإزعاج اللوبي كله يوصلكم مو شيء
انا عادة احب فندق المنزل في دبي.. السفرة اللي طافت شهر 2 حجزنا بالمنزل اول شيء
بعدين زوجي العزيز سمع من ربعه انه اكو فندق جديد في مول الأمارات فاتح شهر 9 2010 و فجآة تحول الحجز إلى فندق بلمان مع انه صوره في الأنترنت ما عجبتني بس حكم القوي شنسوي بعد :eh_s(22):
عزائي الوحيد كان انه في الصور حاطين مكاين نسبرسو للقهوة في الغرف
المهم وصلنا الفندق بسلام... الفندق له مدخل على مول الأمارات على طول دايركت في الطابق الأول و المدخل فوق كارفور و يم جمبو للإلكترونيات على طول ... و من الأصنصير اللي بالطابق الأول تروحون الطابق الثاني لمواقف السيارات أو الطابق الخامس حق اللوبي
ما طولنا وايد بالجيك إن و عند الجيك ان قلنالهم نبي جيك آوت متآخر حق آخر يوم لأنه طيارتنا الساعة 11 ليلا فقالوا أوكي نعطيكم حتى 2 بدال 12 الظهر قلنا خير و بركة... من اللوبي بالدور الخامس تصعدون الغرف و لازم تستخدمون كرت الغرفة عشان يشتغل الأصنصير... عند الريسبشن قلنالهم لو سمحتم فضوا الميني بار من الأشياء اللي فيه و هم قالوا زين
الغرفة كانت وسيعة و رحبة و مودرن... و الفيو على برج العرب و جميرا هوتيل و وايد حلو...
بس للأسف ماكان في مكاين نسبرو!!! وين المكينة؟!!!! حاطين لي كيتلي ماي أسود و جم كيس نسكافيه!!!! و الميني بار مو امفضينه قطع :rgewrg:
الحمام اعزكم الله مو بنص الغرفة معزول و له درايش زجاج و باب خشب... بس اكو ستاير تنزل على الزجاج و تغطيه بالكامل بحيث ما يبين اللي داخل أبدا... يعني وايد استر من المنزل
و اهم شيء انه الحمام مزود بشطاف و انتوا بكرامة لانه الفندق بدون شطاف ما ينبغى
هل بلمان نظيف؟ هممم يعني مو وايد... المخاد فيهم ريحة عتونة كأنه راشين عليهم ماي و مو ناشفين عدل... و يوم وصلت الدار إلا السجادة وصخة و الشراشف فيها شعر و بقع سود و صفر... حطيت أغراضي و نزلت حالا تحت و قلت لهم بروح المول و برجع ألاقيكم مفضين الميني بار و مبدلين الشراشف و خامين الأرض... الله خير رحنا تعشينا و ردينا لقيناهم مسوين اللي ابيه...
المنزل وايد انظف وااايد :eh_s(16):
الشيء اللي صج خلاني أغفر حق الأوتيل و اقرر انه يستاهل من يرجع له بصراحة اهو... الريوق!
المطعم مال الريوق موجود على البلكونة مالت الأوتيل و المنظر حزة الريوق آسر بصراحة :eh_s(15)::eh_s(15):
و هالجو البديع شهر 2 و من الصبح... و الأكل لذيييييييييذ
شوفوا سلطة الفواكة
و هالكرواسون الزين
و الفول
و الصاج اللي على الطلب.. هم الوافلز على الطلب
و الجويهة الراهية من صباح الله خير
و البوفيه فيه ما لذ و طاب من اطايب الطعام حتى نودلز خضار حق الريوق فيه! اتحيرون إشتاخذون شتخلون... و عصير المانجاااا يا عصير المانجا
ابصراحة؟ من كثر ما الريوق حلو غفرت لهم وصخهم ! و هغرم سامحتهم على انه مكينة النسبرسو تنحط في السويت بس مو في الغرف
سعر الإقامة لخمس أيام و أربع ليالي تقريبا 2600 درهم إماراتي يعني ما يعادل 216 دينار كويتي يعني الليلة 54 دينار كويتي تقريبا
هل راح اقعد فيه مرة ثانية؟ عشان الريوق ايي.. اقعد فيه اذا رحت دبي من شهر 12 - 2 ... باجي اشهر السنة بما انه حر و ما ينقعد بالبلكونة برة حق الريوق أقعد بالمنزل إنشاء الله
الخلاصة انه الفندق موقعه ممتاز و بنص دبي... كونه داخل المول مفيد جدا... جديد و مودرن... اسعاره جدا ملائمة... غرفه وسيعة و شرحة... ريوقه خيالي و يروش كويتيين كأنه قاعدين بالأفنيو... و فيه سبا فوق بالسطح حق الحريم يمدحونه وايد وايد
لكن مو نظيف وايد... و لمن تحجزون بالأنترنت يحجزون على مبلغ الإقامة بالفيزا -وهقة- و يندفع بالفيزا عقب.. و الوضع فيه اصنصيرين على ما توصلون الدار يعني مرات تملون من النطرة
إذا تبون تقعدون فيه ودوا شراشفكم وياكم و طلبوا دار بالدور التاسع فما فوق لأنه الأدوار الثامن و نازل الغرف تفتح على بلكونة مفتوحة على اللوبي فإزعاج اللوبي كله يوصلكم مو شيء
التعديل الأخير:
