الله يوفقك حبيبتي ^_^ << ما أسووي رجيم .. و إلا كنت اشتركت معك ,,
بس عندي نصايح يا الغلا ,,
فطورك كثير بصراحة .. يعني برآيي توست واحد يكفي مع شاي أخضر بالنعناع ( و السكر يكون قليل جدًا ) بحيث إنوهـ
يخفف المرورة بس ..
الضحى ما لوهـ داعي .. الغيـه ..
الغداء خليه شي خفيف :
سلطة خيار بالروب ( علبة وحدة روب خالي الدسم) أو سلطة خضراء
ممتاز جدًا , أهم شي السلطة خالية من الملح
الكولا و ما الكولا و هالخرابيط ترى هي آللي تنفخ حتى لو كانت دايت !!
عليك بالعصاير ( الحمضية ) يعني عصير الليمون ممتاز و ينحف , أو عصير برتقال طبيعي فيه حموضة تعصرينه بالبيت بدون سكر
العصر لا تآكليـن شي , المغرب : كولي سلطة مثل الغداء بدون ملح ..
العشاء لا تآكلين شي ,, تأكدي إن بطنك يكون فاضي تمامًا من الأكل ,, لأن النوم مباشرةً بعد الأكل هو آللي ينفخ !
يعني تسووين رجيم بالنهار ,, بالليل يخرب كله بسبب العشا .. فـ انتبهي لا تتعشين ..
يمكن الوصفة آللي أعطيتك إياها قاسية ,, الله أعلم .. بس نظامك الحالي مهوب ممتاز محتاج تخففيـن ..
طيب نصايح للنحف :
1) أول ما تصحين من النوم و تفرشين أسنانك ( على الريق ) اشربي كاسة مويـــــــــا ,,
كل يوم ,, تراها ممتازة للي يسوون رجيم و تنزل الدهون ,, استمري علها كل يوم ..
2) لا تآكلين و تشربين بنفس الوقت !! أي مشروب عندك ( خليه قبل الأكل بنص ساعة ) .. بعدهـ كولي آللي تبغين
ما يجيب الكرش إلا الشرب مع الأكل و بعد الأكل ..
3) كل ما حسيتِ نفسك جيعانة ,, اشربي مويــا ,, كثري من السوايل تراها تسد الشهية
و عليك بالشاي الأخضر بالنعناع ,, تراهـ ممتــــــــــــاااااز جدًا للرجيم .. اشغلي نفسك به ,,
4) ابتعدي عن العلك ,, تراهـ أكبر فاتح للشهية ,, من اليوم قاطعيه ,, ما يفتح الشهية و يحسسك بالجوع إلا العلوك
فـ ابعدي عنها ,,
5 ) رجيم من دون رياضة ( يرهل الجسم ) , رياضة من دون رجيم ( تثبت الوزن ) ,
فعليك بالرجيم مع الرياضة عشان تنحفيـن ( و ينشد جسمك ) , ما فيه أحلى من رياضة المشي ^_^
ممتازة و تنحف جسمك كلللللللللله و توزع الشحوم في كل مكان ..
6) بالبداية لا تقسين على نفسك ,, ادخلي النظام الجديد بالتدريج ,
يعني ابتدي خففي أكلك بالتدريج , حتى ما تفاجئين جسمك بالتغيرات و حتى تعتاد عليها المعدة
نفس الشي بالنسبة للرياضة , لا ترهيقن نفسك من أول يوم ,, أحيانًا نكون متحمسيـن للرجيم فنضغط على أنفسنا
أول يومين مرة و نتعب ( و هذا يولد الملل ) و يصعّب الموضوع علينا ,,
يعني أول يوميـن ,, امشي لمدة ربع ساعة ,, بعدها ضاعفي المدة و خليها نصف ساعة ,, و هكذا ,,
حتى يتعود الجسم و تصير في قابلية للتغيرات الجديدة
7 ) إذا كانت عندك وجبة , قسمي أكلها على مدار اليوم ,, يعني نآخذ مثال ,, الفطور أيش هو :
توست جبنة ,, خوذيها و تصفحي النت ,, كولي لقمة واحدة و طولي بعملية المضغ , لا تبلعينها بسرعة همن وقفي شووي و كملي تصفح للنت
همن كولي لقمة ثانية ,, و تصفحي النت ,, يعني كولي لقمة و اتركي كم دقيقة , همن واصلي .. و تأكدي من مضغك لكل لقمة بشكل جيد
هذي الطريقة أيش فايدتها ؟
( تشبعيـن بسرعة ) ^_^ , مع الوقت تقل شهيتك للأكل بشكل ملحووووظ ,, يصير تآكلين كم لقمة و تقومين لأنك شبعتِ
الله يوفقك يا رب و ييسر لك أمورك و تنحفين بالعافية يا رب ..
احترامي و تقديري
ترانيم القصيم
