== زوجي ما يقعد ويسولف معاي؟؟ أنتو مثلي ==

[pink velvet]

مرحبا بنات

بصراحه
من غير مقدمات
انا لاعت جبدي من زوجي
لامباااااااااااااااااااااااااااااااااااااااااااالي

حتى ابوي مره قالي اهو ما يمر بيوم مثلا ومعاه فطاير او حلا ويقعد ياكل معاكم!!

بصراحه ضحكتتتتتتتتتتتتت ابوي يحليله حسباله الرياجيل مثله
اهو يسوي جذي وخواني بعد دايم يشترون سمك ويشتهون ياكلونه ع الغدا
زوجي مو جذي


ابوي يحب اللمه والعائله
زوجي يحب ( ربـــــــــتعه والديوانيه )

لدرجه يابنات يجي من الدوام دايركت يروح الدوانيه ما يمر يسلم حتى

حيل محتقرنا انا وعياله

ياربي ليش جذي

ترا على فكره انا اسوي اجواء كل مغرب شاي وقهوه وحلا مميز انا شاطره بالحلويات
والعشا مالذ وطاب لاني اساسا طباخه ماهره
وغرفتي شموع
ويسموني ام البخور القرشي يخلص منيه ابخر مناك

ومررشات ودنيا

واحط ميك اب خفيف
ومن غير غرور جميله والكل يمدحني
مكتبي بالدوام فاز باجمل مكتب بالمدرسه

يعني انا احاول اطلع بنفسي عيب يابنات مالقيت عيب واحد فيني

ليش زوجي جذي

وبصراحه انا وصلت معاي لدرجه خلااااااااص اانا ماعندي مشاعر تجاهه كارهته او بمعنى اوضح ماطيقه صرت
يمكن يبيني اكره وسوا اللي براسه............؟



بنات تعبت منه
شسوي معاه
دعيت وسويت

شنو اذبح نفسي

ليش الرياجيل يعورون القلب ليش,,,,,,,

 

[ام شووووق]

رد : == زوجي ما يقعد ويسولف معاي؟؟ أنتو مثلي ==

الله يعينج بس هذا حال اغلب شبابنا الديوانيه والربع

الحل انج تعيشين حياتج وهو يعيش حياته ومتى ماالتقيتو اخلقي لحظات حلوة

 

[iLLuMinaTion]

الله يعينج

 

[راعية الطويلة]

لا تقارنين زوجج في ابوج<<شو جاب لجااااب

معظم الرياجيل جذي
بس سولفي معاه بالمواضيع اللي يحبها
مثل السياسة و الكرة
و إن شاء الله
مع الوقت بيتحسن<<حشاااا معطيته دوا
بالتوفيق

 

[ام دليار]

رد : == زوجي ما يقعد ويسولف معاي؟؟ أنتو مثلي ==

الرجال مابحبو حكي النساء غيري مواضيعك اسأليه عن الأخبار الرياضة
السفر خليه هوا يحكي وأنتي أسكتي لانو الرجال بيحبه حدا يسمعلهم
لاتبالغي بتدليله
ولاتسأليه ليش تأخرت قوليله ياريتك جيت بكيرا حابة أقعد معك تحكيلي عن طفولة أسمعي كلامه
الله بعينك
بعدين خذي حبتين بندول ونامي

 

[دلع العتبان]

والله كلهم مثل بعض

 

[الـفـجـر الـبـعـيـد]

اغلب الرياييل جذي قعدتهم وسوالفهم مع ربعهم بالديوانيات

انتي ليش ما تكلمينه واذا عيالج كبار تخلينهم يحنون عليه عشان يقعد معاهم

خليها عزيمه على شاي وقهوة ولا عشا لما شوي شوي يتعود على القعدة معاكم

 

[ونات الخفوق]

حبيبتي

عطي عمرج العافيه

لا تحرين قلبج

سواء عندج فالبيت او عند ربعه

نفس الشي عديمين احساس

 

[مليت عزف الدموع]

رد : == زوجي ما يقعد ويسولف معاي؟؟ أنتو مثلي ==

الله يعينج هذول الريايل الله يهديهم

 

[tt2tt]

رد : == زوجي ما يقعد ويسولف معاي؟؟ أنتو مثلي ==

كلهم خرسان مايتكلمون قطيعه تقطعهم

 

[هنـــــد]

حبيبتي لا تضيقين خلقج
كلهم جذيه مثل بعض ، روووحهم في ربعهم
لاااا ويحبون يسوون في بيتهم مثل بعض


ومبدأهم في الحياة
(( لا تعطي المره وجه ))

كش علييييييييييييييييييييييييييييييييهم

 

[ضايعة بدنيتي]

رد : == زوجي ما يقعد ويسولف معاي؟؟ أنتو مثلي ==

امبيه الردود تموت من الضحك هههههههههههه


حبيبتي .. انتي ذكرتي نقاط كثيرة ايجابية فيك ... بس ما ذكرتي شنهي سلبياتك ؟؟ وخاصة في طريقة تعاملك معاه واسلوبك في الكلام معاه؟؟

ذكرتي امور حلوة فيك .. بس ما قلتي ان لسانك دااايم حلو معاه .. انك حنونة عليه .. ان بالك طويل وصبورة معاه ... الشكل والبيت الحلو مو كل شي . الاحترام المتبادل والحنان والاحترام يجون قبل اي شي وكل شي .

حاسبي نفسك حبيبتي وراجعي حساباتك عدل وادعي ربك ان يهديه لك ولا تيأسين وكوني على يقين ان ربي بيستجيب وتذكري ان هذا ابتلاء ربي يختبر فيه مدى صبرك وتؤجرين عليه ان شاء الله

عسى الله يسخر لك زوجك ويهديه ويجملك بعينه

 

[ana mo ana]

لاتنطرين منه مدح ولا كلام حلوو

وحطي ف بالش ان كل شئ تسوينه لانش تحبين تسوينه مو عشانه

ياختي عيشي لنفسش وعطيه طاااف ولا اتعبين عوومرش

وحاولي تفهمينه اذا كان مروق انش والعيال مشتاقين له.. .. خلي عيالش يكلمونه يمكن يأثرون فيه ويسمع لهم ويكسرون خاطره وفهميه ان لازم يحدد لكم وقت .. في اختراع اسمه
family time

والله يهديه ويسخره لش يارب

 

[حور البحور]

رد : == زوجي ما يقعد ويسولف معاي؟؟ أنتو مثلي ==

الله يعينج حبيبتي

مادري والله شقول لج بس ماحبيت ادخل بدون ماادعي لج

الله يهديه لج ولعياله

 

[أنفاسي دخون]

خليش رفله ووصخه وعوبا وهايته وهلقي بعمرش ويقوم حظش خخخخخ

الله يهداه ويسخره غصبن عنه

 

[ماي الورد]

انا مثلك ياقلبي واخس يمكن انا زوجي ما يروح شي ديوانيات مسوي له ديوانية بالبيت هو واخوانه ويسهر معاهم لين ال1 ولا دخل الغرفه عطاني ظهره ونام اقوله ليش ما كنت سهران قبل اشوي يقولي وراي دوام بكرة حطي راسج ونامي عمر هالرجال ما سالني عسى مو شي مضايقج عسى خاطرج متكدر مني موضوعج جاء على الوتر الحساس

صدقيني مو بروحج بتلقين وايد جذي

الله يكون بعوننا ويصبرنا يارب

 

[غنج بدويـه]

انتي وشطارتج .. مسكيه كلميه صارحيه عن اللي مضايقج لاتسكتين وتحرين عمرج وتنطرينه يحس

ترا السكوت ماينفع .. يمكن ينتبه لنفسه ويعطيكم من وقته ..

بس لاتصيرين طماعه وارضي لو بالقليل والله يفرجها عليج

 

[SOKAR MALE7♥]

خليش رفله ووصخه وعوبا وهايته وهلقي بعمرش ويقوم حظش خخخخخ

الله يهداه ويسخره غصبن عنه

والله العظيم نفس اللي كنت بقوله بالضبط
اشوااا في من يأيدني
دمتي بود .. ♥

 

[sunshine22]

هههههههههههههههههههههههه


بعض الردود تضحك


صج الوسخه واللي بيتها معفن
وداشره 24 ساعه بره شقتها هي (( اللي قايم حظها ))

أسأليني أنــــــــــــــــا

انتي مافيج شي كامله والكامل الله
البـــــــــــــــلا بزوجك

=====================
============
========
====

 

[صمــت_ALsHfaaH]

ياقلبي هذا حال الرياجيل بهالززمن

زين الوحده تشوف زوجها واذا شافته

يا بينام او بيبدل ملابسه او بالمنااااسبات

كله بالديوانييه ولا مع الرربع

مرره عصصبت من صج كنت اسبوع عند اهلي ولما رجعت كانت الساعه 8 جت الساعه 9 جان يلبس بيطلع

قلت سلامات حبيبي وين على الله قال فلان بيمرني وبعدها بروح الديوانيييه قلت انت متزوج فلان؟ مرتك الثانيه هوو؟

واخذها هووووووواش وصراح < تعرفون بدايه نساتي وكنت ملييييغه طبعا حقرني وراح ورد باليل ونااام

وانا صار فيني شبه حاله هسسستيريا

اهم مستحييل يتغيرون عشان جذي لازم نتأقلم ونجي نتحلطم لبعض < هذا حلنا

تقبلي مروري