المجتمع يفرض جذي

[Stay alive]

السلام عليكم

خواتي عندي موضوع واحترت وين انزله

يهمني رايكم لاني اثق فيكم


الموضوع وما فيه كالعاده نقاش عن المكياج


تعبت من نفس التعليق .. مكياجج اسمر ..!

انا ماحب الابيض المبالغ فيه ... يعني يعجبني لما يكون الاساس افتح من البشره بدرجه او درجتين

بس اللي حاصل انه البنات بالعروس صايرين بيض الطوفه ..!!

وامي تبيني نفسهم او ترى الناس بيقولون عنج سمرا ..!!

انا بشرتي حنطاويه .. ومابي جذي اوفر .. ايام اول ماكنا جذي ليش الزمن تغير ولازم الوحده تصبغ بعمرها :eh_s(2):

تناقشت مع اختي وقالتلي المجتمع يفرض جذي .. قلت انتي ماكنتي كل عرس تروحين للصالون .. قالت انا كريمي ابيض هذا اولا .. وثانيا : انا اركب رموش ..

وانا لو منج وبصراحه على كريمج اللي حاطته جان قعدت بالبيت مارحت للعرس .. قعدي احسنلج ..

حطي بصالون جواهر بالاس شحلااااااته
( اكيد اغلبكم عارف مكياج جواهر بالاس ما يحتاج جنه صابغين الوحده بصبغ طوفه وطالعه نفس هالصوره )

شرايكم ؟ فيه بنات نفسي ؟؟

وللعلم ترى لو الود ودي ماحط كريم على جسمي .. ودي اكون طبيعيه .. بدون بياض زائف .. بس قمت اجاريهم وهذي اخرتها يعني ؟ يبون ابيض من جذي بعد !!

اسوي اللي براسي وماحط مره ثانيه على جسمي دامه مو معجبهم العجب بكل الحالات ؟ واطنش بالناس اللي بتعلق ولا شسوي

شوروا علي

ناطره تعليقاتكم

 

[المرتاحة]

والله حطي اللي انتي مرتاحة له و يلوق عليج ولا تصيرين مزيفه

حلوه مقولة دكتور جلديه اجنبي يقول " Less is more"

يعني الشي القليل معناه كثير .. مثل كريم الاساس حطي شي بسيط و يمشي مع بشرتك بتصيرين طبيعيه و نعومه اكثر من اللي ملطخه بعمرها و بالعكس شكلها ينفر و مزعج

 

[NaYoob]

رد : المجتمع يفرض جذي

يا حياتي اذا انتي مقتنعه جذي ما لج شغل بأحد ولا تعليقاتهم
سووي اللي يعجبج
بالعكس أحله شي المكياج الناعم وانا وحده ما احب الاوفر احب اللبناني الناعم وحتى كريم الاساس اذا مو
نفس لوني اخليهم يغيرونه بالصالون لانا انا حنطاويه فمستحيل احط افتح ومرات بالعكس اسوي برونز اغمج
من لوني وشحلاته واكون واثقة من نفسي
وبالعكس قلبي اذا سويتي جذي رح تكونين متميزه انج مو مثل غيرج تقليد اعمى
ولا تتأثرين بكلام أحد

 

[Stay alive]

تسلمين اختي المرتاحه وعساج دووم مرتاحه

 

[احساس قباني]

رد : المجتمع يفرض جذي

اهم شي قناعتج انتي بنفسج ...{~

بعد قناعتج بنفسج رااي الناس ..}~

 

[Stay alive]

رد: رد : المجتمع يفرض جذي

يا حياتي اذا انتي مقتنعه جذي ما لج شغل بأحد ولا تعليقاتهم
سووي اللي يعجبج
بالعكس أحله شي المكياج الناعم وانا وحده ما احب الاوفر احب اللبناني الناعم وحتى كريم الاساس اذا مو
نفس لوني اخليهم يغيرونه بالصالون لانا انا حنطاويه فمستحيل احط افتح ومرات بالعكس اسوي برونز اغمج
من لوني وشحلاته واكون واثقة من نفسي
وبالعكس قلبي اذا سويتي جذي رح تكونين متميزه انج مو مثل غيرج تقليد اعمى
ولا تتأثرين بكلام أحد

اشكرج والله على الكلام اللي يريح

انا حز بخاطري كلام اختي يعني يا تحطين ابيض وتركبين رموش او شكلج مايطلع حلو ..!

تضايقت صراحه .. هذا وانا مجاريتهم وحاطه فاتح شوي

لو حاطه نفس لون بشتري او افتح بدرجه شلون ؟

يعني بكل الحالات مو عاجبهم

لازم ابيض ابيض

وانا بصراحه ماااااااااااااحب جذي

 

[Stay alive]

رد: رد : المجتمع يفرض جذي

اهم شي قناعتج انتي بنفسج ...{~

بعد قناعتج بنفسج رااي الناس ..}~

المشكله انا ماهموني الناس

بس توصل انه تعليقات اهلي ؟

عالطالعه والداخله مكياجج اسمر .. مكياجج اسمر .. مكياجج اسمر .. والله مليت من هالاسطوانه

 

[ShWaR]

بصراحه انا اكره المكياج الابيض حيل لكن غصب عني وعشان ارضي امي وخواتي وهمن عشان مايتحجون عني اني عاديه لازم احط مثلهم واجاريهم بس بشرط يكون اللون مو ابيض مثل الصور اللي حطيتيهم لا
يكون حلو وطبيعي يعني بصالون بس مو ابيض حيل
جاريهم وسوي مثلهم وفكي عمرج من القيل والقال

 

[Stay alive]

جاريتهم وحطيت مثل ماقلتي وقالوا مكياجج اسمر

من جذي انا كتبت هالموضوع يعني لازم نفس اللي بالصور ابيض حيل ولا مو حلو

يعني لو ماحطيت كلش احسن لان بكل الحالتين ماعجبهم

 

[sweet.sanfoora]

انتي راقية وسمبل لا تغيريين هالشي !

وبثثثثثثثثث

سوي اللي تبينه

 

[Cander]

مرة بعرس سلمت علي وحدة عادي بيضة ومكياج صج انة اوفر بس عادي

وبعد اسبوع شفتها بعزيمة ويات سلمت علي وسولفت معاي لين قلت لها ترى ما عرفتج

جان تقول لي انا فلانة جان انصدم ، بالعرس بيييييضة بس بالطبيعة سمرة حيييل

مو حلو جذي ، انا نفسج ما احب البياض وايد ولما اسوي تان الكل ينقد

بس مالي شغل

 

[Stay alive]

انتي راقية وسمبل لا تغيريين هالشي !

وبثثثثثثثثث

سوي اللي تبينه

فديتج والله بعد عمري رفعتي معنوياتي

 

[Stay alive]

مرة بعرس سلمت علي وحدة عادي بيضة ومكياج صج انة اوفر بس عادي

وبعد اسبوع شفتها بعزيمة ويات سلمت علي وسولفت معاي لين قلت لها ترى ما عرفتج

جان تقول لي انا فلانة جان انصدم ، بالعرس بيييييضة بس بالطبيعة سمرة حيييل

مو حلو جذي ، انا نفسج ما احب البياض وايد ولما اسوي تان الكل ينقد

بس مالي شغل

اي والله تحسين تزييف يعني مادري ليش الكل يبي البياض

اوكي حلو البياض بس مو حلو التزييف:bbbiu:


اشكرج بعد عمري على الرد الطيب

 

[۞ F A N T A S Y ۞]

رد : المجتمع يفرض جذي

انتي نفس حالتي بالضبط ياحلو لون البشرة الطبيعي خصوصا اذا كانت صافية و ناعمة و اذا بنحط كريم نحط افتح بدرجة و لا درجتين هذي الطريقة الصحيحة بس منو يسمع و يقتنع

 

[۞ F A N T A S Y ۞]

رد : المجتمع يفرض جذي

انتي نفس حالتي بالضبط ياحلو لون البشرة الطبيعي خصوصا اذا كانت صافية و ناعمة و اذا بنحط كريم نحط افتح بدرجة و لا درجتين هذي الطريقة الصحيحة بس منو يسمع و يقتنع

 

[الورود الذهبية]

رد : المجتمع يفرض جذي

حبيبتي مالج شغل بالناس والمجتمع حطي اللي انتي عاجبج اهم شي ذوقج مو ذوقهم
شوفي حطي كريم افتح من لون بشرتج بدرجة يعني لا تصيرين سمرة ​

 

[ابي قطوة]

عليج من نفسج من من اللي يريحج

و اهما كيفهم يقولون اللي يقولونه

و شعلي انا من الناس و شعلى الناس مني :$

 

[Stay alive]

رد: رد : المجتمع يفرض جذي

انتي نفس حالتي بالضبط ياحلو لون البشرة الطبيعي خصوصا اذا كانت صافية و ناعمة و اذا بنحط كريم نحط افتح بدرجة و لا درجتين هذي الطريقة الصحيحة بس منو يسمع و يقتنع

وشسويتي هل ظليتي تحطين ابيض وتجارينهم ولا حطيتي اللي يعجبج




اشكرلج هالمرور الراقي

 

[FeShinGoOo]

بالعكس اشحلات البرونز والطبيعي مو حلو ويهج جنه يص .. بسم الله الرحمن الرحيم في حريم جنهم كاسبر يخرعون :/ والله حلاة الوحده طبيعيه وناعمه ليش اخش لوني الصجي واقص عالناس بلله اخطبوني بالعرس ..؟؟ يقولون حق الولد خطبالك وحده لون اللبن وعقب الزواج يشوفني سميره ولا حنطاويه ويقعد يعايرني قالولي بيضه ولا ورديه ولا برتقاليه ..؟؟

 

[Stay alive]

عليج من نفسج من من اللي يريحج

و اهما كيفهم يقولون اللي يقولونه

و شعلي انا من الناس و شعلى الناس مني :$

فديتج :ggdw: