مشورتكم ... بقص شعري

[قطوة@@]

هاااي بنات


من اسبوعين قصيت شعري و ما عجبتني وايد

الحين ناويه اقصه مرة ثانية شنو موضه الشعر الحين

وودي اسوي لي قذله بعرف شنو موووضه القذله

و ابي صالون زين للقص يفضل بالجابريه و لا حولي او بالديرة و عند منو تقصوون .. اهم سؤال عندي

شعري تقريبا لجتفي و التدريجه صايرة تحت بس ودي اغير لوكي عندنا حفله هاليومين


ناطرتكم :eh_s(17):

 

[قطوة@@]

شدعواا

عطونا ويه

 

[أحب أمي]

والله مادري : \\ آآب لعيوون قطوتنا

 

[الحــــياة]

هلا والله قطوتنآآآ

الموضه الحين لامدرجآآت ولاغيرة سيده الشعر او تدريج بسيط..

اما القذلة راحت موضة السبعه ومشرشر ..


انآآ اقص دايمآآ عند سعاد بكونتنتاال

او سلمى المصريه بالشركه الكويتيه للتجميل((جاك))..

ان شاءالله افدتج

 

[noody a&a]

رد : رد: مشورتكم ... بقص شعري

أورينتل برينسس السالمية توني موديه اختي قصت شعرها حدهم عجييييييييييييييييييييبيييييييييييييييييين

 

[عواار قلب]

حبيبتي في صالون بقرطبه يم البنك الوطني
اسم صالونهم رومانت ستايل

25345218

والله والله عن تجربه اختي تقص عندهم يمااا رؤعه
يهبل انتي وريها صورة القصه تقصها رايت لج عند وحده اسمها ربيعه ممتاز شغلها..

 

[al_sadeem]

للرفع

 

[-FjR-]

رد : مشورتكم ... بقص شعري

الي بقرطبه رومانس ستايل قصهم حلو بس مو فنتق
كنت اقص ابلامود قرطبه بس ماكنت اقص شي مميز كله ستريت

بس امي قاصه عند جاك ديسانج اينن صراحه وحده لايقلها
قصت مثل هالقصه بس على احلى عليها تبارك الرحمن

وهالقصات عاجبتني دام شعرج اساسا قصير

ودي اقص هالقصه


ان شاءالله اكو نفعتج حبيبتي

 

[واثقة بجمالها]

البناات ما قصرواا

 

[منار البربرية]

رد : مشورتكم ... بقص شعري

الا بنات شخبار صالون شاتوفيب
اللي هبو فيه قبل ؟؟
اول يوم قصو قصة نوال الكويتية
وعلى يام مسلسل باروكة البوي
لمياء طارق رغد خخخخ
​

 

[الضيم ذبحني يمه]

رد : مشورتكم ... بقص شعري

الا بنات شخبار صالون شاتوفيب
اللي هبو فيه قبل ؟؟
اول يوم قصو قصة نوال الكويتية
وعلى يام مسلسل باروكة البوي
لمياء طارق رغد خخخخ
​

ههههههههههههههههه الله يغربل بليسج
ش اخباري شاتوفيت قلبوه مطعم الحين ههههههه
فديتج والله ظحكتيني >>اذكر قصيت شعري عندهم :rerrerek::rerrerek::eh_s(7):
اما خيتو بخصوص الموضه كل شي هابين فيه اكثر شي قصات انمي