كيف تشجعين الطفل على القراءة؟؟

[هوية غريب]

السلام عليكم بنات ،،

حبيت نخصص موضوع نستفيد منه كلنا ونثريه بتجاربنا عن كيفية تشجيع الأطفال على القراءة في عالم التلفزيون والإنترنت ،،

بالنسبة لي .. كانت محاولاتي مع عيال اختي حمود (7 سنين) وفطوم (5 سنين) فاشلة في البداية .. فكنت أعتمد على شراء الكتب وأناديهم تعالوا اقرا لكم ..
لكن طبعاً وحدة تطالع سبيستون والثاني يلعب باللابتوب فمستحيل أحد يعبرني

قمت أييب لهم مجلة توصلني في الدوام مع مجلة وزارة الداخلية ورغم انها بدائية جداً وقصصها ساذجة جداً لكن طريقتها مشجعة نوعاً ما ..
ألا وهي طريقة البالون اللي فيه الحوار لكل شخص .. فكانت الصور مع الحديث المختصر يشجعهم مبدئياً ..

وشوي شوي تطورت
خشيت اللابتوب .. ألعابه خربت تفكيرهم

وقمت أنثر كتبي على فراشي ومكتبي .. وما أقعد معاهم إلا ومعاي كتاب ،، طبعاً التقليد في دمهم قاموا يمسكون الكتب ويقلبون فيها .. صارت بينهم ألفة شوي :ggdw:

ويبت قصة بوليسية للأطفال وقمت أقولهم بدايتها وشوقتهم لها .. وطبعاً مع اللغز ومنو اللي سوى جذي وليش وشحقه ومنو راح يكتشف السر والبيت اللي يخوف شنو سره .... واااااااااااااااو صار عندهم فضول رهيب يعرفون شنو موضوع سر القصة

وبجذي صرت أقعدهم حوالي وأقرا لهم .. وأمثل معاهم أي حركة فيها عراك أو قذف للمخدات مثلاً أو حركة حيوان أو صوت غريب وصارت القعدة قراءة ومرح.. ولما خلصوها كل واحد فيهم قاللي بفرحة (قصة مممممممتعة)

حبايبي تعودوا الحين وشغلوني عندهم مع وييهم كل يوم أقرا لهم وكل واحد يختار قصة غير وكتاب غير .. :eh_s(14):

ولما أخلي حمودي يقرا .. يقوللي (ما أحب القراءة صعبة أقعد أتهجا وأطول على ما أقرا) عور قلبي :eh_s(2):

بس طبعاً الحين قاعدة أشجعهم على حب الكتب .. وليلحين عمرهم ما يساعدهم انهم يقرون بنفسهم إلا بعض كلمات قليلة أخلي حمودي يقراها


نبي طرقكم المختلفة .. سواء المعروفة أو الابتكارية .. خلونا نستفيد ونبني جيل قارئ ..

وشاكرة لكم :eh_s(7):

 

[mishmisha]

عن نفسي .. الوالده حببتنا كلنا (إخواني و أخواتي) بالكتب والقراءه
بصراحه ما اذكر شلون بس كنا نتسابق في القراءه وكانت تناقش معانا كل كتاب نقراه
كنا صغار وكبرنا الحين وما زلنا نتبادل الكتب و نناقشها يعني الكتاب يدور على كل بيت
بالفعل صرنا مجرمين كتب والحمدالله حتى زوجي يحب القراءه جدا
وحتى اولاد العايله كلهم طلعوا يحبون القراءه
صارت وراثه

وافضل وسيله لتعلم الطفل انك تقرأين قدامه وتتركين له المجال يقلدك



هويه غريب
دائما مميزه في اختيار المواضيع

تحياتي

 

[C'est La Vie]

مشالله خوش افكار
انشالله يستفيدون منها البنات

 

[هوية غريب]

رد : رد: كيف تشجعين الطفل على القراءة؟؟

عن نفسي .. الوالده حببتنا كلنا (إخواني و أخواتي) بالكتب والقراءه
بصراحه ما اذكر شلون بس كنا نتسابق في القراءه وكانت تناقش معانا كل كتاب نقراه
كنا صغار وكبرنا الحين وما زلنا نتبادل الكتب و نناقشها يعني الكتاب يدور على كل بيت
بالفعل صرنا مجرمين كتب والحمدالله حتى زوجي يحب القراءه جدا
وحتى اولاد العايله كلهم طلعوا يحبون القراءه
صارت وراثه

وافضل وسيله لتعلم الطفل انك تقرأين قدامه وتتركين له المجال يقلدك



هويه غريب
دائما مميزه في اختيار المواضيع

تحياتي

هلا مشمشة نورتي الموضوع

حبيبتي احنا جيلنا مختلف عن جيل هالأيام ، احنا في زمانا كانت المغريات والملهيات قليلة .. أقصاها تلفزيون ..
بزماني أنا أول .. لا ستلايت بقنوات مختلفة .. لا قنوات خاصة للأطفال نهائياً .. لا كمبيوتر .. لا إنترنت ..
أقصاها تلفزيون وناينتندو اللي ينخش حزة المدارس
عشان جذي الطفل يشوف له كارتون واحد أو اثنين باليوم .. ويلعب شوي ويمل .. شنو الحل؟؟
الحل يمسك له كتاب يستمتع فيه .. وكانت هذي متعتي .. وأذكر الكرسي اللي بالصالة الفخم اللي كنت أخصصه للقراءة وانا ليلحين ما تعدى عمري 7 سنين .. كنت أقرا سوبرمان وباتمان
أما الحين وضع الأطفال مع المغريات المتعددة أصبح يشكل تهديداً لتنمية حب القراءة لديهم ..
عشان جذي لازم نفكر بطريقة غير اللي فكروا فيها أمهاتنا وآباءنا ..
وطريقة التقليد معاج حق فيها 100% .. وانا فكرت فيها متأخرة للأسف

وتسلمين يا قلبي على ردج الحلو .. حافظج الله

 

[هوية غريب]

رد : رد: كيف تشجعين الطفل على القراءة؟؟

مشالله خوش افكار
انشالله يستفيدون منها البنات

حياج الله حبوبة نورتي الموضوع

تسلمين على المرور والرد

 

[ليلو جبريت]

رد : كيف تشجعين الطفل على القراءة؟؟

حاليا انا احاول احبب بنت اخوي على القراءة ونشتريلها كتب فيها صور وتقعد تشوفها

بالنسبه لي سبب حبي للقراءة هو الفضول الي ذابحني وكنت اشبعه بها الطريقة واظن انها اجت بالوراثة لان ابوي الله يرحمه كان يموت فالكتب

وكانت امي تشتري لنا مجلة ماجد بس كنت احب كتب لكبار وامي الله يهداها كانت تشق كتب احسان عبد القدوس لان تقول عنه قذر
وطبعا كل ممنوع مرغوب فكنت اخش النسخ قبل لاتمزقهم امي مع ان حسافه عليهم تخيلي نسخ نادرة جدا وقدرت اخذ جم نسخه واخشها بس الغلاف مزقته امي

ترى الطفل اذا كان عنده حب المطالعه راح يكون قارئ ممتاز مع ان في هالزمن الاطفال مايقرون نفس قبل لان وسائل الترفيه كثيرة
​

 

[mishmisha]

هويه غريب
بالفعل صدقت في كل كلمه
جيلنا كان غير وماكان في مغريات ابدا
انا من جيل اتاري وصخر وغرانديزار ومجله العربي
كانت تسلايتنا الوحيده الكتاب
حال الجيل الحالي جدا مؤسف والام لازم تكون جدا حكيمه حتى تقدر تربي جيل متزن

تذكرون تختخ ولوزه

 

[هوية غريب]

رد : كيف تشجعين الطفل على القراءة؟؟

حاليا انا احاول احبب بنت اخوي على القراءة ونشتريلها كتب فيها صور وتقعد تشوفها ​

بالنسبه لي سبب حبي للقراءة هو الفضول الي ذابحني وكنت اشبعه بها الطريقة واظن انها اجت بالوراثة لان ابوي الله يرحمه كان يموت فالكتب ​

وكانت امي تشتري لنا مجلة ماجد بس كنت احب كتب لكبار وامي الله يهداها كانت تشق كتب احسان عبد القدوس لان تقول عنه قذر
وطبعا كل ممنوع مرغوب فكنت اخش النسخ قبل لاتمزقهم امي مع ان حسافه عليهم تخيلي نسخ نادرة جدا وقدرت اخذ جم نسخه واخشها بس الغلاف مزقته امي ​

ترى الطفل اذا كان عنده حب المطالعه راح يكون قارئ ممتاز مع ان في هالزمن الاطفال مايقرون نفس قبل لان وسائل الترفيه كثيرة ​

هلا لولو .. ضحكتيني على إحسان عبد القدوس .. نفس كلام اختي لما كان عمري 12 تقوللي عيب هذيلي ما يستحون يكتبون قلة أدب هههههه بس للأمانة صاجة البنية ..

انتو ما شاء الله لأن الكتاب والورق كل بيدينكم فبنت اخوج إن شاء الله ما في خوف عليها.. بس ترا لا بد من طرق تحببها بالقراءة أكثر لا ياخذها عالم الإنترنت ويغريها والمغريات كل مالها وتزيد لابتوب وموبايل وآيفون وآيباد والله يستر من المغريات القادمة

 

[هوية غريب]

رد : رد: كيف تشجعين الطفل على القراءة؟؟

هويه غريب
بالفعل صدقت في كل كلمه
جيلنا كان غير وماكان في مغريات ابدا
انا من جيل اتاري وصخر وغرانديزار ومجله العربي
كانت تسلايتنا الوحيده الكتاب
حال الجيل الحالي جدا مؤسف والام لازم تكون جدا حكيمه حتى تقدر تربي جيل متزن

تذكرون تختخ ولوزه

هلا حبيبتي .. وي طلعت فاصلة حدي .. شنو ناينتندو .. هذا ما عرفته إلا عقب الغزو

انا مثلج من جيل أتاري وصخر وغرندايزر :ggdw: اول الثمانينات

ضحكتيني على تختخ ولولو الصغيرة ههههههههه .. تختخ على ما اذكر اسمه طبوش .. صح؟؟؟

ذكريات حلوة والله .. والأحلى منها ان التلفزيون كان له وقت والقراءة كان لها وقت ..

المتع القليلة تعلم التنظيم والإبداع .. سبحان الله

شاكرة مرورج حبيبتي .. :eh_s(7):

 

[هوية غريب]

رد : كيف تشجعين الطفل على القراءة؟؟

وينكم بنوتات؟؟؟

نبي أفكاركم وتجاربكم في تشجيع الأطفال

 

[ازرع وهم]

رد : كيف تشجعين الطفل على القراءة؟؟

بصراحة موضوع حلو وانا بكتب لكم عن تجربتي

بالنسبة لولدي كان يحب الديناصورات وكل ما طلعت سنتر بوينت كان لازم يشتري لعبة على شكل ديناصور فاستغليت هالشغلة واشتريت له كتاب مصور عن الديناصورات ولمن حسيته متعلق بالكتاب بديت اتدرج اشتري له كتب مصورة عن الحيوانات ولمن كبر شوي وصارت عنده هواية تربية الحمام اشتريت له كتاب اسمة طيور الكويت ومنها بديت اتدرج مثلا لو ابي اسافر اشتري كتاب عن الدولة اللي بسافر لها وعن معالمها واهم شي بالنسبة لي ان الكتاب يكون مصور وبصراحة صحيح صار عنده خلفية بالكتب والبحث والفهرس لكن صعب اني اجذبة وخاصة مع مغريات الاي بود والاي باد والبلاي ستيشن بس يكفيني انه يملك كتب
ولدي عمره 13


بالنسبة للبنت اشتريت لها كتاب عن عمل اشكال الكيك للاطفال وكان كتاب بافكار خيالية بصراحة ومنها صرت اتدرج لكتب تعليم الرسم وبعدها صرت اخذها للمكتبة كل 6 اشهر تقريبا تختار كتاب وبصراحة مع انها تشتري كتب وقصص مالها داعي وتخزنها ولاتفتحها بس يكفيني انها تطلع على اقسام المكتبات وانواع الكتب وحاليا صارت تحب المجلات والفن والممثلات وهالشغلات فوفرت لها المجلات رغم معارضتي لهالفكرة لكن احب اعطيها حرية الاختيار
عمر بنتي 11

 

[وهج الحب]

السلام:
من 3سنوات لميت عيال العايلة كلهم من عيال اختي وعيال خوات زوجي تصوروا سيارة جي مليانه يهال ووديتهم معرض الكتاب وقلت لهم اشتروا كل اللي تريدون واشتروا وخسروني مبلغ كبير جدا وبالسيارة بدال شكرا قاموا عيال خوات زوجي يسبون ويقولون بنقول لامهاتنا انج ما اشتريتي لنا ماي وانا ساكته عنهم ويوم وصلت البيت ونزلتهم من السيارة وهاوشتهم كلهم جدام اهلهم وقلت لهم يعني تخوفوني من امهاتكم .وما صرت اوديهم ابدا ..
والسنه اللي عقبها سويت مسابقة من لاطفال العيلة كلهم "500ريال " للقارئ الافضل اللي خلص كتب وايد ولخصها مع اي سورة من القران الكريم يختارها الممتحن وكنت اوفر لهم الكتب انا مش اهلهم ..
وكانت الجائزة الاول 500 والثاني 300 والثالث 200 وبعد ما نجحت الخطة لان قاموا امهاتهم هم يلخصون لهم وتهاوشت مع الجميع ..
السنه اللي قبل هذي بس سويت مسابقة لعيال اخواني والجائزة" اي شئ تريدة اجيبة لك " وفازوا ولد اختي وبنت اختي الثانية اللي اشتري لها دائما كتب وهم بعمر واحد والمسابقة انهم يجيبون الكتب اللي قروها واسألهم اساله فيها وما شاء الله انجحوا وكانت هديتهم اللي اطلبوها اي باد واشتريته لهم عندي بنت اختي الصغيرة هذه ما تقرا بس نقرا لها سالتها كم سوال عن سيندريلا وربعها تشجيع الاي باد الصغير اللي يحطون فيه الالعاب بس ..
وبس خسروني والسنه بالصيف جوني قالوا نبي مسابقة قلت لهم خلاص ما فيه لانهم مجهزين طلبات الله يا كافي وقلت اللي يبي يقرا باجيب له الكتب اللي يريدها واللي ما يبي يقرا يعله ما قرا ..وانا ايش باستفيد ..
هذه طريقتي مع تشجيع الاطفال للقراءة وطريقة فاشلة جدا جدا ما قدرت اجذبهم للقراءة لان امهات البعض منهم ما همهم عيالهم يتعلمون لا همهم عيالهم يفزون بس .
وامس جاتني بنت اخت زوجي قالت لي خالتي ممكن ادخل مع البنات المسابقة وقلت لها خلاص حبيبتي ما اسوي مسابقات وقالت لي لان بخاطري كتب ووديتها من شوي جرير وقلت لها اشتري كل اللي بخاطرك واشترت يا حليلها 7 كتب مالوت التين ايجر الاجنبية ويا حليلها طوال السيارة شكرا ليتني بنتك ..

 

[ليلو جبريت]

اب اب اب

وينج يانور القسم

 

[شمع تحترق]

انا عيالي يقرون الكنب بس عشان يحطون فواصل ملوتي

يعني مو القرايه مهمه و لا الكتاب عاجبهم بس الفواصل اهي اللي عاجبتهم لي درجة وصلت فيهم بحطون من الفواصل بالقران على المكان اللي واصلين له بالحفظ


يا ربي شسوي فيهم بالله هذي حاله

 

[راعية الطويلة]

يعطيج العافية حبيبتي
موضوع ممتع
أحب أشجع عيالي ع القراءة الحرة
و كلهم يحبون مجلة ماجد<<حبيبتي
و من صغرهم اجيب كتب مع أصوات
يكون الخط حلو وواضح و قليل جدا بالنسبة للصورة
شوي شوي اخليهم يختارون اللي يبون و أنصحهم
و لما يقرون شي أسألهم و أناقشهم
و بالنسبة لعيال العايلة
معظمهم يحبون القراءة و نتبادل كتب و قصص و روايات

 

[Mazyoona]

رد: رد : كيف تشجعين الطفل على القراءة؟؟

حاليا انا احاول احبب بنت اخوي على القراءة ونشتريلها كتب فيها صور وتقعد تشوفها

بالنسبه لي سبب حبي للقراءة هو الفضول الي ذابحني وكنت اشبعه بها الطريقة واظن انها اجت بالوراثة لان ابوي الله يرحمه كان يموت فالكتب

وكانت امي تشتري لنا مجلة ماجد بس كنت احب كتب لكبار وامي الله يهداها كانت تشق كتب احسان عبد القدوس لان تقول عنه قذر
وطبعا كل ممنوع مرغوب فكنت اخش النسخ قبل لاتمزقهم امي مع ان حسافه عليهم تخيلي نسخ نادرة جدا وقدرت اخذ جم نسخه واخشها بس الغلاف مزقته امي

ترى الطفل اذا كان عنده حب المطالعه راح يكون قارئ ممتاز مع ان في هالزمن الاطفال مايقرون نفس قبل لان وسائل الترفيه كثيرة
​

*
..... *​

طلعت هالحركااات مو بس عند اممممي :krkrkr:!!
​

* .....
*​

 

[still_waiting]

موضوع راااااائع

 

[barcelona]

ان شالله نستفيد منكم ..
مشكووورة ...
....

 

[3oosh <3 MJ]

انا احاول بعد مع اخواني الصغار
وصرت نفسج دايما امسك كتب جدامهم
لكن للحين يفضلون الايفون والابتوب على الكتب
الحين قمت اشتري حق اخوي جابر (4 سنين ) مجلة ماجد كل اسبوع وانا راجعه من الجامعه
وصار ينتظرها
هالشكل امي كانت اتسوي لي يوم كنت صغيرة
بس هو لحين مايعرف يقرى بس يطالع الصور
وانشالله مع الوقت يحب القراءة

 

[3oosh <3 MJ]

رد: رد : كيف تشجعين الطفل على القراءة؟؟

*​

..... *​

طلعت هالحركااات مو بس عند اممممي :krkrkr:!! ​

* .....
*​

​

لووووول
حتى امي مع اني الحين عديت الـ19 ولحين تشقق خخخخ