تجمع اللي بيتركون التدريس باذن الله سواء يالتحويل او الاستقاله

[ام الوردة]

اب اب اب

 

[الشعله]

انا بعد وياكم،،

 

[Turquoiseya]

قلم احمر is my sister

 

[قلم احمر]

قلم احمر is my sister

أهلين


:eh_s(9)::eh_s(9):


//


/​

 

[Turquoiseya]

رد: رد : رد: تجمع اللي بيتركون التدريس باذن الله سواء يالتحويل او الاستقاله

اختي انا قدمت استقالتي وتالي تابعتها بالمنطقه ودزوها الوزاره وقالولي داومي ليما يجي قرار استقالتج مر شهر وانا اداوم وتالي رحت الوزاره الا استقالتي مقطوطه بالدرج
وعلى ما خلصت اجراءاتها بنفسي الا شهر ثاني خلص وطبعا اخذوا معاشات شهر 11 و12 لان استقالتي كانت 72 عشره وقلت بالله ليش مخليني اداوم قالوا ليش مداومه انتي مستقيله قاصين علي


مالت عليهم كرهوني حياتي
الحمدلله الحين ماكو قريشات بس راحت بال بصراحه وقعدت اجابل بيتي واعيالي وريلي اللي حس بالفرق

بقدم باذن الله على الديوان
مع ان ما احس عندي طاقه كلش
تخيلوا لما استقلت انام نوووم مو طبيعي تقولين فيني فقر نوم

حسبي الله عليهم
يعصرون الواحد حتى واهو مستقيل
انزين ليش ماعطوج معاشات الايام اللي داومتيها ؟ حسبي الله عليهم صج

قدمي على الدفاع او الكهرباء او الشؤون
انا بخاطري الاشغال لان بس اتبصمين وتردين البيت اتكملينها نومة

 

[Turquoiseya]

قلم احمر

كتبت اربع كتب
لوزارة الكهرباء والشؤون والدفاع والاشغال
وافكر اكتب كتاب للبقالة اللي عند شارعنا
كل شئ ارحم من وزارة التربية

 

[CrystalQ8]

صاجه سلفر بكل كلمه

قطيعه ليش مخلينج اداومين من غير معاش صج حركه بايخه بنات الحنجره عندي انعدمت بس اشرق بالحصه مليت مو طمعانه بالزياده بس الله يعين ونفتك*

 

[3w!Shni]

لووووووووووووووول حلوة البقالة

والله تبيعين بكرامتج ..

اااااااااااااخ على وزارة التربية

 

[CrystalQ8]

يوز قيرل شنو تخصصج

 

[أم*سلمان]

آب


آب

آب

لعيووونكم

وعسى الله يكتب لكم اللي في الخير و الصالح

 

[digital]

انا ودي ولكن ما حصلي

 

[zqertya]

وانا بعد معااااااااااكم صارلي سنتين ولا يعه جبدي ابي انحاش باي طريقه ياريت احد يفيدني ؟؟ شنو ناطر 10 سنين مينونه

 

[كااات]

رد : تجمع اللي بيتركون التدريس باذن الله سواء يالتحويل او الاستقاله

قال زياده قال عووووع مانبيها لو انها 1000 ماتسوى علينا اتلفت اعصابنا وحناجرنا وذاكرتنا حتى الايد ماسلمت جفاف وتشقق ، انا صارلي 6 سنوات كراف قصدي تدريس لغة عربيا ابتدائي صبيان :krkrkr:، واللي يقهر ان معاشنا واحد مافي تميز، ومن اول سنه لي وانا احاول احول وماقدر ومرت السنين وانا على هالحاله الحين خلاص بستقيل والرزق على الله ، بس بنات خلونا نستفيد بدال هالتحلطم :friends:، سمعت اللي تغيب سنتين ورى بعض يحولونها اداريه صحيح هالكلام ؟

 

[كااات]

رد : تجمع اللي بيتركون التدريس باذن الله سواء يالتحويل او الاستقاله

نصيحة للي لايعه جبدها من التدريس من اول سنه تنحاش لا تنطر:cxxxp:، أنا ندمانه على زهرة شبابي قضيتها بين اسوار المدرسه

 

[أميرة-]

رد : تجمع اللي بيتركون التدريس باذن الله سواء يالتحويل او الاستقاله

امبيه ليش جذي يا مدرسات عورتوا قلبي

انا مدرسه بس مو تربويه وقبل كنت موظفه بوزارة وجبت واسطة حولت للتربية حنيت حنيت ليما صرت مدرسه مع انه معاشي بالوزارة اقوى بس كنت ابي الراحه دوام مو مختلط واجازة صيف ولا الشغل والكرف هني وهناك

اكثر ناس يتحلطمون هم المدرسات مادري ليش .. يعني تبون معاش بدون شغل

بنات انا مدرسه ترا والله العظيم وماانكر انه ضغط مو طبيعي بس انا احب وظيفتي كافي لما اعطي طلبتي واحس انهم استفادوا مابي شي من الادارة ولا افكر بالترقيات والاعمال الممتازة والله اخر همي .. بس احلل معاشي واسوي اللي علي

بس تبون معاشات بدون شغل ترا الله مايرضى وانا مافكر بالراحة كثر الانتاج

بسكم تحلطم يا أبلات ادري الردود بتكون من العيار الثقيل بس انا مدرسه وحاسه بمعاناتكم وتمر علي أيام ضغط مو طبيعي بس هم أحب وظيفتي

 

[Watch GirL]

يقول ديوان الخدمه إن خريجين كلية التربية مالهم إلا التربية بس إلا اذا عندج واسطة قوية تطلعج منها (وع وع)

بس خريجين الكليات الثانية يقدرون يزرقون و ينحاشون و يشمون شوية هوا نظيف !!!

 

[ليتني مـآ كبرت]

والله لو يعطوني مليون دينار .. ما أبي الا كرامتي اللي تمرغت بالتراب في هذه الوزارة .. كراف وتعب .. لا وبعد ظلم ماله حدود .. وياليت فيه نتيجه الطلاب والطالبات أكثرهم ما يعرفون يقرأون ولا يكتبون ... والدولة تخسر ملايين والأهالي على الدروس الخصوصية ، أما نحن يا معشر المدرسات خسرناكل شئ صحتنا فلوسنا وقتنا وأهم شئ الكرامة .. الموجهة الله لا يحط بطريقكم حريم قشره نسره .. ترافقها رئيسة القسم ام الدواهي الحيزبونه بالشر تلاقها وبالخير ما تعرف مكانها يتسلطون عليناسلطة كأنه القذافي وهو يطارد شعبه من زنقا لزنقا واحنا كل يوم من زنطه لزنطه .. زنطة رئيسة القسم اللي أوامرها ما تخلص وتساندها الموجههة الزنطة الثانية وهذا غير المديرة المساعدة والمديرة يا كافي ساعتها فعلا .. تتمنى الهروب خارج أسوار المدرسة .. والله لو يقولون الزيادة مليون دينار لو أقول خذوها بس عطوني كرامتي وراحة بالي .... استغفر الله اذا المعلمة أرادت الحياة فلا بد أن يستجيب القدر اما تتزوج .. وذا كانت تزوجه خلها تحمل علشان تفتك من هالوزارة .. واذا مالقت لها حل تصبر وتنتظر لعل يستجيب القدر اما يتعدل قانون التقاعد أو تنتقل لوزارة ثانية .. يارب اجل لي من أمري فرجا ومخرجا مهنة التدريس حلوة بس خربنها الحريم .. المسئولا ت بالوزارة بس حسبي الله ونعم الوكيل عليهن .:eh_s(22):

يمة يابطني مت مت ضحك

تعالي ببوسج على راسج و الله وسعتي خاطري

أبشري بعزج بدعي لج احلى دعوة بظهر الغيب تستاهلينها

و الله كسرتي خاطري :eh_s(2):

 

[ليتني مـآ كبرت]

بنات آنا ماباقي لي شي إن شاء الله و أتخرج من جامعة الكويت .. كلية التربية .. تخصص أجتماع ..

أحتمال كبير ماقدم على التربية .. بس قولولي أي وزارة تقبلني ؟؟

آنا سمعت فبرنامج إذاعي خريجين كليه التربية ما تقبلهم إلا التربية

ريحوني ...................

 

[ام هزاع]

يابنات والله فز قلبي يوم قريت عنوان هالتجمع


انا قبل فتره حولتني الناظره شؤؤن قانونية بسبة غياباتي لاني كنت حامل وتعبانه

المهم

قالولي عقب التحقيق احتمال يحولوني ادارية

عاد انا تشققت

بس ماصار شي بس اخصموا علي



تعالو بنشدكم

انا خريجة آداب اقدر احول ادارية وزارة ثانية؟؟؟؟؟؟؟؟؟

وبصراحه المعاش يكون قوي يعني ماينقص منه حيل

وين؟؟؟؟

 

[الماسة]

آه والف آه من التدريس و وزارة التربية ....... من صغري وانا اتخيل اكون ابلة و اقعد ادرس بنات جيرانا ... احب التدريس واحب الاطفال..... بس حسبي الله عليهم ماخلوا لنا مجال نتهنا بوظيفتنا..


آه والف آه من هالوزارة ... كل يوم قرار جديد .. اهمه على مكاتبهم يفكروون شلون يطورون التعليم .. ويصدرووون قرارات تخبطية وبدال مايطورون التعليم حاسووووا .. التعليم ..

طفل عمره 6 سنين يداوم 6 ساعات متواصلة ... ليش؟ مايدروووون انه الحصة السابعة مخه يقفل مرة وحدة .. كل همه انه ماينسى جنطته وراه من الفرحة اذا طق الجرس..... مسكين

لما اوصل المدرسة الصبح اطالع باب المدرسة احس انه على قلبي صخرة كبيرة احبست انفاسي
هذا انا دخلت السجن .. والله سجن .. ماتطلعين الابتصريح وورقة مختوم عليها تعطين الحارس

ختى الاستئذان خلوه زقووووم .. اقولها عندي شغل تقول شنو شغلج ... انزين انتي شكووو..
مالها خلق تبدل الجدول ... وااااقردي .... وااااقردي ....

والله احس اكسجين ماكو بالمدرسة خلص منو اشفطه وكيلتنا ... اقسم بالله انه ضغطي يوصل حده بس اشوف رئيسة القسم........... اووووووووووووووووووووووف

انا وياكم باستقيل ... مادري احول .... المهم مااقعد بالمدرسة ... والله اللي تكمل بالتدريس تدفن عمرها وهي حية ............... اللي تبي تعيش حياتها تطلع من التدرييييييييييييييييييييييييييييييس

لا للتدريس
نعم للحرية والعيشة الهنية
لا للتدريس
والله العظيم اني صرت استحي اقول للناس انا مدرسة
واحس انه اللي قاعدة في بيتها وزوجها يصرف عليها ملكة .. جنها تقولي روحي اكرفي وريحي زوجج بالمصرف ,, شوفي انا مرتاحة وزوجي مو مخلي علي قاصر .. والله لما اشوف وحدة معاها اي فووون ( قبل المنحة طبعا) اقول شنو لهالدرجة زوجها يحبها ومدلعها وشاريلها ايفون .. انا مدرسة وزوجي مو راضي يخليني اشتريه انزين على حسابي انته شكووووووو....يقول اسراف وتبذير وبعدين ربعي مايمدحووووووووووووووووووونه .. يابووووووووووي عالتخلف

نصيحة للي توهم على البر .... لا تدشووون كلية التربية اصلا ...... انحاااااااااشوووووووووووو

لاااااااااااااااااااااااااااااااااا للتدريس
نعم للاستقالة والتحوييييييييييييييييييييييل
ادعوووووووووووووولي