تعبت راح اموت وانتحر او اسوي بنفسي شى ساعدوني

[المرتاحة]

الله يكون بعونج

مالج الا الصبر و الدعاء

 

[يكفيني حنانك..]

الله يسخره لك هذا اللي اقدر اقوله

 

[* بنت المطر *]

الهي عنه ترا الريال مو كل شي بالدنيا دشي نادي شغلي وقتج بالانترنت زوري
لا هو اول واحد تزوج ولا اخر واحد لا تحاولين تنكدين علي نفسج علشانه ترا اذا حس انج متضايقه منه صدقيني الريال ماراح يتعب نفسه علي شانج راح يروح حق الثانيه بس علشان يتونس عندها الريال وين وناسته يركض وراها

نفس كلامها



بس غريبه يتزوج وحده عمرها 40 وانتي صغيره !! اهوا جم عمره ؟؟ وشنو كان عذره يوم تزوج ؟؟

اتمنى تردين على اسالتي ور اح ارد مره ثانيه واقولج كلام ثاني


والله يعينج ويصبر قلبج والله لو ماتحبينه جان تعلق فيج وطبقي كلام نودا تراها صاجه 100%

 

[سيماا]

رد : تعبت راح اموت وانتحر او اسوي بنفسي شى ساعدوني

الله يعينك ويثبتك بس
نصيحه اشغلي نفسك لاتفكرين فيه انسييييييييييييييييييييييييييييييييييه

 

[طوق اللولو]

نفس كلامها



بس غريبه يتزوج وحده عمرها 40 وانتي صغيره !! اهوا جم عمره ؟؟ وشنو كان عذره يوم تزوج ؟؟

اتمنى تردين على اسالتي ور اح ارد مره ثانيه واقولج كلام ثاني


والله يعينج ويصبر قلبج والله لو ماتحبينه جان تعلق فيج وطبقي كلام نودا تراها صاجه 100%

هلا حبيبتي هو عمره 40 سنه
عذره ان الشرع حلل اربع وزواجه هذا مو كره فيني او اني قصرت في حقه
واذا تبين اقولك صج من امه اخواته كرهوني وعادوني

 

[q8tyah]

حاولى تلهين نفسج باى شي وخليه اهوا اخر اهتماماتج


يعنى اهتمى بنفسج بييتج بعيالج


اقلمى نفسج على انج عايشه بدون ريال مثل المطلقه


واذا يا البيت اهتمى فيه ولاتقصرين معاه بشى وخففي دمج عشان ينجذبلج اكثر


يعنى جامليه واعتبريه مثل الضيف

 

[نور العاشره]

رد : تعبت راح اموت وانتحر او اسوي بنفسي شى ساعدوني

هلا حبوبه شوفي بنت خالتي اقوى من سالفتج هذي الله يسلمج ملكه جماااااااال يعني بلاعربي خيال جمالها لاوجه لاجسم لاشعر مووو طبيعيه وعليها 4 عيال كلهم صبيان وجك بك قالها زوجها طالق يلا روحي لاهلج وتزوج غيرها تخيلي قطها وكنها ولاشئ والله انها كسرت خاطرنا معقوله احد يقط هالجمال وعنده عيال منها عالاقل انتي عنده مكرمه معززه اشتري راحتج وراحه عيالج وعلى قولتهم خلي الدراعا تراعا :eh_s(4):< لاتساليني شنو معناتها خخخخ المهم ادري ان الغيره شئ طبيعي ولازم انج تحسينه والله يعينج على هالحياه بس بعد لازم ماتستسلمين وتفكرين انج اهون من غيرج وان حياتج احسن واجد من حياه غيررج واشغلي نفسج مع عيالج وخواتج ودوامج صدقيني راح يخف الضغط النفسي انشالله :ggdw:

 

[نفهمها صح]

رد : تعبت راح اموت وانتحر او اسوي بنفسي شى ساعدوني

شوفي ياعمري لا تحطيين بالج انه فيج نقص ولا عيب
العيب فيهم وهم مو مخلصين معروفيين
وبردي علي عمرج ولا تحرقيين اعصابج
ترا الهم يكبر 10 سنيين
عيشي حياتج
شوفي توقيعي وسوي مثله

 

[ايمان_مشرف]

رد : تعبت راح اموت وانتحر او اسوي بنفسي شى ساعدوني

:3lm1:
غريبه انتي 29 .... والثانية ... 40 معقووووله ؟؟؟؟؟؟؟؟؟

تدرين ليش ما تغييير وياااج .. وتعامله وياااج ما تغييير ؟

لانه انصدم بالزوجه الثانية .. .. ومتحسف على الخساير ...

صبري ....وراااح يرجع لـــــــــــج ... لكن اهو بالمرحله هذي .. ""يقارن بينكم ""..

فخليج وياه زينه .. بكل شي !

 

[اكاسيا]

لو انا منك ماعندي اعيال اتطلق واخذ احسن منه بدال وجع الراس اما اذا عندك عيال مالك الا الصبر

 

[اسرار الغلا]

الله يعينج وما يحس بالنار الا واطيها. ادعي ربج يصبرج ويربط على قلبج ]

 

[seedo]

لا تحرين قلبج وانا اختج


اننتي توج صغيرة واكيد زوجج حاس بالغلطه ..


انتي اللي عليج تعيشين حياتج طبيعي ولا كأن شي صار... وعاملي زوجج بما يرضي الله و اكسبيه بصفج وما اوصيج بالتكشخ والكلام الحلو صدقيني بيقعد يقارن بينكم وان صرتي ذكيه و سويتي اللي قلتلج عنه راح يطلقها ...... بس ها الصبر ثم الصبر ثم الصبر

 

[لباس التقوىk]

دايما لما تجيج الضيقه
تذكري امهات المومنيين كانوا نفسج منتي واحنا احسن منهم ؟؟
انتي احسن من السيده عايشة ؟؟؟ طبعا لا صارفيها مثل ظروفج
ولا بعد ترملت وهي ام 18 سنة بعز شبابها لا ولد ولا خلف
انقهرت لا طبعا كرست حياتها للاخره والدنيا
ثانيا

القهر الي تحسين فيه هذا باب يبين لج انه الدنيا كلها مو ملكج بلحظه تفدينها بقبرج
شفتي الكلام مو ملك زوجج حتى هو يفقده بيوم موته
يعني بالمختصر لا تبجين على شيء يحرج وباجر انتي مفارقته

 

[ام الدرر]

حبوبة شاللي غير حالج
قبل يومين كنت متقبلة الوضع
ارقي نفسج اخاف عين ياقلبي عقب الموضوع اللي فات
عسى الله يشرح قلبج ويسخره لج ويرده ردا جميلا



​

 

[حورية الجنه]

الله يعينك

 

[دلوعة أبوهآ]

الله يعينك ويصبر قلبك ..

 

[حسنة المندسمة]

الله يثبت قلبج وحاولى تشغلين نفسج ترى مو كل شى بهدنيا الرياجيل والله ترى ما يهمهم إلا وناستهم شوفى راح تزوج ولا فكر فيج بس أحمدى الله ما تغير شى عليج من ناحيته وإن شالله إيهديه لج ويصلح الحال

 

[وطن عمري]

الله يكون بعونج
ويصبرج ويسخره لج

ومدام ماتغير عليج الحمدالله
واذا اهيا كبيره بالعمر
هذي نزوه وتروح وبطلقها
اهيا بتكبر وانتي تظلين شباب

لا تحاتين لج يوم وترتاحين منها

 

[ام جبولي]

كل واحد يتزوج على زوجته انا اعتبرهاا خااااااين والله يكون بعونج حبيبتي

 

[classicyah]

رد : تعبت راح اموت وانتحر او اسوي بنفسي شى ساعدوني

لآ حول ولآ قوة الآ بالله ،

و الله أنآ مقدره غيرتج و حآسه فيج ،

بس قيسيهآ بعقل ،

الدنيـآ عمرهآ مآ وقفت على ريـآل ،

شو يعني اتزوج عليج ؟ !!

ليش اتسووين بعمرج شي أو تنتحرين ؟؟

بالنهآيه هو عنده وحده غيرج . .

لآ تخسرين آخرتج و دينــج عشآن بني آدم مخلوق من ترآب . .

و صدقيني ، هذآ ابتلآء من رب العآلميـن ، ،

مآ عليه ، حآولي تشغلين نفسج بالدين و بالنت و بالدورآت التثقيفيه ،

أي شي يلهيج و يصرفج عن التفكير ،

و ترى الشيطآن يزين لج و يوسوس لج و يصور لج زوجج لمآ يكون مع زوجته ،

اتعوذي من الشيطـآآن ،

و الله الدنيـآ زوآله ، و مآ تسوى الوآحد يضيج نفسه عليهآ . .

و كلنآ بنموت يآ اختيه ، شو مآخذين من الدنيـآ نحن ؟

غير العمل الصآلح و السمعه الطيبه ،

،

الله يهديج و ايسر أمورج و يمسح على قلبج . .