تقرير مصور عن وجبات مطعم بابك الجديدة المعتمدة من د. بدر النصر الله

[dandermaQ8]

مساء الخير أخواتي العزيزات... من زمان ما نزلت موضوع قلت خل اسير عليكم بخبر مفرح

كلنا جربنا الرجيم و فرحنا فيه أول يوم يومين... لكن من إيينا الوييكند و تبدي العزايم و الطلعات و العشيات و الغديات و الزوارات اتحوشنا حالة الكآبة و الحرمان و اكثر الأحيان الرجيم يخترب من هالويكند... شنسوي يعني ديرتنا اللي ما ياكل فيها ما عنده شيء يسويه و لا مكان يروح له

علشان جذي تخيلوا فرحتي يوم أكتشفت انه مطعم بابك الإيراني بالتعاون مع د. التغذية د. بدر النصر الله نزلوا أربع وجبات لايت جديدة و مناسبة تماما لرجيم د. النصر الله... يعني راح يقل الحرمان و الغلقة و مع انكم مسوين ريجيم إلا انكم تقدرون تطلبون و تاكلون مع الجمعة حالكم حال الناس!!!

المهم خل أوريكم البروشور أول

و هذا البروشور من ورا و فيه صور الأطباق

المهم و انا رادة من الدوام دقيت عليهم قلت لهم أبي الوجبة الصحية الجديدة الكباب لايت مع زرشك و على ما وصلت إلا الوجبة زاهبة استلمتها و رحت البيت

محتويات الوجبة... طبعا تغليفهم وايد ذرب و نازك احبه :eh_s(7):

روب بالخيار قليل الدسم... خفيف و لذيذ

سلطة مع الدريسنج

الوجبة الرئيسية...

كباببتين بدال الثلاث كبابات اللي كل مرة يحطونهم و فوقهم زرشك

عيش بالزعفران و الزرشك

الوجبة راهية و تكفي رجال يوعان مسوي رجيم تشبعه و زيادة و هم تكفي بنتين مسوين رجيم لانه وايد فيها أشياء تنوكل

اما عن الكباب فصج امبين انه مسوينه لايت و بدون دهن زايد... انشف من الكباب العادي بس مو الناشف الخشب اللي ما ينوكل لأ الناشف اللي مافيه دهن بزود بس هم ينوكل و يتونس الواحد و اهو ياكله...

النتيجة انه هالوجبة كانت مثالية... يا ريت باجي مطاعم الكويت يسوون نفس الشيء بما انه كلنا نبي نسوي رجيم...

إي و على اللحم و الدجاج مكتوب عليه انه الدجاج كويتي و سعودي و اللحم استرالي مذبوح بالكويت

 

[-Angel-]

رد : تقرير مصور عن وجبات مطعم بابك الجديدة المعتمدة من د. بدر النصر الله

مشكورة ع التقرير وصج وايييييييييييييييييييييييييييييييييييد مفيد حق الي يسوون رجيم

 

[خوختي دنيتي]

مشكورة ويزاج الله خير خوش خبر

 

[خبيرة اعشاب]

ما احب شي اسمه ريجيم بس مادامج مسويته قووود لاك
و شكل الوجبة يشوووق صراحة
عواافي

و على فكرة توقيعج حلووو عجبتني الفكرة

 

[q8tyah]

عليكم بالعافيه

 

[dandermaQ8]

رد: رد : تقرير مصور عن وجبات مطعم بابك الجديدة المعتمدة من د. بدر النصر الله

مشكورة ع التقرير وصج وايييييييييييييييييييييييييييييييييييد مفيد حق الي يسوون رجيم

العفو انا وايد عجبتني الفكرة انشاء الله كل من يقلدها

 

[dandermaQ8]

مشكورة ويزاج الله خير خوش خبر

العفو حبيبتي تسلمين

 

[dandermaQ8]

ما احب شي اسمه ريجيم بس مادامج مسويته قووود لاك
و شكل الوجبة يشوووق صراحة
عواافي

و على فكرة توقيعج حلووو عجبتني الفكرة

انا اخس منج اكره الرجيم بس شيء مفيد انه الواحد إذا اشتهي ياكل برة حتى لو مو امسوي رجيم إلا انه عنده اطباق خفيفة ما تخليه يحس بالذنب اذا اكلها ولا الكباب عاد دايما ثقيل

لوول عيونج الحلوة حبيبتي تسلمين

 

[dandermaQ8]

عليكم بالعافيه

الله يعافيج حبيبتي

 

[!! Ba6a 7lwa !!]

رد : تقرير مصور عن وجبات مطعم بابك الجديدة المعتمدة من د. بدر النصر الله

اي والله ياليت كل المطاعم جذي
وعوافي ان شاءالله وتسلم إيدج على التقرير الحلو

 

[aDrenaline]

اختي مايجوز تسرقين مواضيع ناس تعبانين فيها وتغيرين بالاسلوب
لا وحاطه النك نيم نفسه

الموضوع من مدونه دندرمه http://www.danderma.co/?p=9370#comments

اتمنى من الاداره سرعة التصرف

 

[رووحي لغاليها]

تسلميييييين

 

[Googleya]

رد : تقرير مصور عن وجبات مطعم بابك الجديدة المعتمدة من د. بدر النصر الله

عليج بالعافيه

 

[هنـــد]

عليج بالعافيه

حبيبتي بغيت اسأل عندهم اشتراك شهري ؟

وعندهم وجبات خاص مرضى السكري للوالده

ومشكوره حبيبتي

 

[eman12]

تسلمين حبيبتى علي التقرير الممتاز

 

[digital]

والله خووووووووووووووش فكره

عليج بألف عافيه و ان شاء الله اجربهه

 

[dandermaQ8]

رد: رد : تقرير مصور عن وجبات مطعم بابك الجديدة المعتمدة من د. بدر النصر الله

اي والله ياليت كل المطاعم جذي
وعوافي ان شاءالله وتسلم إيدج على التقرير الحلو

الله يسلمج حبيبتي و يعافيج اي و الله يا ريت

 

[dandermaQ8]

اختي مايجوز تسرقين مواضيع ناس تعبانين فيها وتغيرين بالاسلوب
لا وحاطه النك نيم نفسه

الموضوع من مدونه دندرمه http://www.danderma.co/?p=9370#comments

اتمنى من الاداره سرعة التصرف

حياتي ترى انا نفس الدندرمة و الله :eh_s(15):

مشكورة على انج حطيتي هالكومنت هذا من حرصج و الله :eh_s(17):

 

[dandermaQ8]

تسلميييييين

الله يسلمج حبيبتي

 

[dandermaQ8]

رد: رد : تقرير مصور عن وجبات مطعم بابك الجديدة المعتمدة من د. بدر النصر الله

عليج بالعافيه

الله يعافيج حبيبتي