((تجمع الحوامل الي يعانون من السكر ))

[dantella]

رد: رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

حبيبتي اخذي طلق صناعي وتوكلي ع الله
انا عليوي ولدي فديته لمن ولدته كان وزنه ٣ و ٤٠٠ اسم الله علي
يعني طبيعي
ف نصيحتي اخذي طلق صناعي قبل لايزيد وزنه لاسمح الله وتولدين
بعمليه لان السكر بالتاسع يزيد وزن البيبي عساس جذي الي فيها سكر
بعد اسبوعين من التاسع طلق صناعي ما ينطرون عليه مع متابعة لوزنج
ووزن البيبي عساس يولدونج طبيعي
نصيحة اخذي الطلق الصناعي والله يسهل عليج
تصدقون عطوني موعد دخولللولادة من الحين اول خمسة بيبلشون معاي
الطلق الصناعي
بس بحاول امشي واايد يمكن ينفج الرحم بسرعه وما احتاج للطلق الصناعي
تكفون ادعولي
ابي ولادة طبيعية تيي من الله
مابي صناعي لاني ماحب النطرة

مشكوره حبيبتي على الرد
المشكله ان رحمي مو راضي يفتح ولا سانتي
والدكتوره خايفه تعطيني طلق صناعي ويقوم الرحم مايبطل
والي يحر شنو
اليوم حللت السكر وانا صايمه وطلع 4.6
وامس كان 7 وانا صايمه
يعني احس حدي موعارفه شسوي

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ترى السكر مو مرتفع عندج


لا تروحين


خل لين اي الطلق بروحه


بس حاولى تبعدين عن الحلويات والنشويات وخليها على الله بس كل اسبوع رو حى سوى تحليل السكر
ترى سكريج ما يحتاج اصلا ابر انسولين مو عالى وايد

انا وصل 9 وقالتلى بس حميه


بس نصيحه ديري بالج من النفااااااااااااااااس اول اسبوعين سوي حميه لانه اهنيه يمكن يثبت بسبب تغير الهرمونات

ابيتعدى عن النشويات (( العصيده والمرقوق والخبز والحلويات رجعى بعد اسبوع او اسبوعين سوى التحليل ))



انا بنت خالي قالوها ولدج 3.600 يوم يابته 3.200


يعنى لا تخترعين

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

صح
صاجه حرم بدر تر ماتحتاجين انسولين
بس خلج ع الحمية
وديري بالج لاتحربطين
والله يسهل عليج

 

[dantella]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

حرم بدر وليدي بج الله يطمن قلوبكم
انا ماسكه بالدايت الحين ملتزمه وقاعد ينزل السكر قاعد يصير عقب الغدا بساعتين 4
وقلت للدكتوره وقالتلي زين
بس مادري ليش ودها تولدني الاسبوع الياي بطلق صناعي
لمن سئلتها قالت انها خايفه من اللخبطه
انا بصراحه ماودي طلق صناعي خاطري طبيعي اخاف الرحم مايفتح

 

[بيوتي]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يستر من هالسكـر ,,,


بنااات انا الدكتورة تقول وزن البيبي ماشاء الله على الحسبة بالنسبة لشهرج <<< الله يكفينا شرهااا والله ماني ناقصه ( متعقده باللي صار لاختها )


يعني بنهاية السابع ودخول الثامن كم لازم يكون الوزن ؟؟؟؟



والسكر مع اني اسوي حميـة >>>مو راضي ينتظم ياااصاعد يا نااازل .......... وانا ماشيه على نظام المستشفى بالضبط ...

والدكتور زاد لي الجرعات يعني الصبح آخذ 10 بدل 8 ,,, والغدا اخذ 6 بدل ال 4 والعشاء اخذ 8 بدل 6 ....


بشووف الموعد الاحد الجاي ...



حبيبتي دانتيلا .... امشي على البحر كثيـــــــــــــــــرررر ..... وان شاء الله راح ينفتح الرحم عندج وتولدين بالسلامه

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

بيوتي الله يسهل عليج يارب انتي ودانتيلا

 

[dantella]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

بيوتي انا قاعده احاول امشي على جهاز مشي عندي بالبيت والله كريم
ليدي بج الله يسمع منج حبيبتي ماتقصرين وينولج الي فبالج

 

[بيوتي]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

تسلمين حبيبتي ليدي ...


دانتيلا <<< امشي على ترااب البحر الجهاااز ما ينفع واصلا انا سمعت مو زين ...


تراب البحر احسن اذا ودج تمشين وينفتح الرحم عندج


وان شاء الله تبشريناااا

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

دانتيلا مشكووورة ع الدعوة الحلوة
وبيوتي صاجه تر الجهاز مامه فايدة
روحي عالبحر احسن
الجهاز دقيقتين والا تعبتي وقعدتي
واما اذا طلعتي ومشيتي عالبحر او ممشى
ماراح تحسين بالتعب بتمشين وااايد

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

السلام عليكم


انا من الاحد بديت امشى على الحميه


وخففت النشويات كلها


بس العيش مرتين بالاسبوع وخبز اسمر خبزتين باليوم

اما الحلويات بس اكل تمره وحده وشوية بطاط نايس عشان لا ادوووخ لانه هم الجسم محتاج سكريات

والله يستر

بنات اذا سويت الحميه اسبوعين ينزل السكرى يعنى اسبوعين ماشيتهم صح مو خرابيط

موعدى 28-3

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

دكتورتي ضيقت خلقي تقولي ما انصحج طلق صناعي مع السكر وانتي مسويه قيصريه اول!! مع اني والده من 3 سنين ونص يعني جرحي قدييييم تقول مو زين للبيبي راح يتعب قلتلها حاولي ولو شوي قالت اذا كنتي مفتوحه نحاول فيج
انتوا شرايكم؟؟؟
سويت سيرج في قوقل وشفت انه فيه بعض مستشفيات بالسعوديه مايعطون اللي والده من قبل قيصري طلق صناعي لانه يقولون مو زين!! وفي ناس عادي مادري شسوي ماودي قيصريه جربت عذابها ماودي اجربه مره ثانيه

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

ليمونه انتي وين تراجعيين
انا والده بطبق صناعي بس ماذكر اذا كان متبطل او لا
بس اخذت٣ايام لين تبطل وتوسع وولدت
كانو كل يوم تحميله يكسرها كل ٦ساعات يحطلي
يقول مابي استعجل واحط تحميله كامله خل يتبطل
ع الراحه
والحمدلله
بلشت السبت وولدت علاوي الاربعاء و لله الحمد
وكنت تحت الملاحظه واهتمام والله اهتموا
انصحج بالحكومه يصبرون معاج ويطولون بالهم معاج
اما الخاص مايصدقون ع الله وحدة فيها سكر تيي
تولد عندهم عساس يولدونها عمليه واهما الي رابحين

 

[Laymo0ona]

رد: رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

ليمونه انتي وين تراجعيين
انا والده بطبق صناعي بس ماذكر اذا كان متبطل او لا
بس اخذت٣ايام لين تبطل وتوسع وولدت
كانو كل يوم تحميله يكسرها كل ٦ساعات يحطلي
يقول مابي استعجل واحط تحميله كامله خل يتبطل
ع الراحه
والحمدلله
بلشت السبت وولدت علاوي الاربعاء و لله الحمد
وكنت تحت الملاحظه واهتمام والله اهتموا
انصحج بالحكومه يصبرون معاج ويطولون بالهم معاج
اما الخاص مايصدقون ع الله وحدة فيها سكر تيي
تولد عندهم عساس يولدونها عمليه واهما الي رابحين

انا بولدي بلشوا معاي طلق صناعي يومين بس مافاد كان راسه مرتفع وسولي قيصريه وكنت والده بالحكومه بس الحين الدكتوره تقولي مو زين الطلق الصناعي وانتي والده قيصري من قبل وانا اراجع الحين بالسلام وبالولاده ووايد قالولي نفس كلامها وانه يسبب تهتك بالرحم او الجرح القديم مايستحمل ماحس انها ماديه وقالتلي احاول فيج بس يمكن يتعب البيبي عشان جذي افضللج قيصري
مادري شسوي :eh_s(2):

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

توكلي ع الله وروحي الحكومه احسن من الخاص
وشوفي شنو يقولون منتي خسرانه شي
والله والله الحكومة ابرك من الخاص
روحي وشرحي لهم انج تبين طبيعي ماتبين
عمليه وتر ميزة الحكومة يطولون بالهم
اما الخاص بيفتكون منج اذا ماولدتي بسرعه
ع طول عمليه
لاتقولين احس انها مو ماديه لا تر ماديه
شخسرانه يعني اذا رحتي سالتي الحكومه
روحي وطمنينا
ماخاب من سال
جنة غلط المثل

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

انا اراجع بالصويبين
الحكومه قاللي ان شاءالله بس المراجعه اليايه بسأله عدل عن الطلق الصناعي والقيصريه ابيه يشرحلي وبقوله اللي سمعته وبشوف شيقوول عشان اعرف عدل واقرر

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

توكلي ع الله والله يسهل امورج
وطمنيني عليج

 

[Laymo0ona]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

ان شاءالله ليدي اجمعين
موعدي الياي مع الحكومه 4/5 بشوف شيقولي بعصره بالاسئله

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يسهل امورج

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

شخباركم بنات
وشخبار السكر معاكم

 

[حرم بدر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

هلا والله بنات

انا الحمد لله مبلشه حميه صارلي اشبوع تعبت اول يومين تالى تعودت المعده على الاكل الخفيف


والله يسترى موعد الثلاثا من الاسبوع الياي