بنجلـــــط من بنتــــي :...(

[مرمريتوو]

مرحبا للامهات كلهــم يالله يارب ترزقنا الجنه على تحملنا و صبرنا :yaaaaaarb:
باختصار ..

بنجلـــــــــــــــــــــــــــــــــــــط من بنتي


عمرها شهرين

تبجي
تبجي
مستمـــر ...

فيها غازات .. فريت فيها على 3 استشاريين
غيرت الحليب الى نافوك
عطيتها كل شي تتخيلونه
ماي غريب
ينسون
قطرات
بيبي قاز
تستجيب شوي و ترد تفحط

قمت اشك فيها شي
الدكاتره اجمعوا ما فيها الا الزري
بس ما توقف بجي

ما سويت لها اشعه الحوض و خايفه اسويها مادري ليش !

اللي عندهم بنات افيدوني اذا فيها خلع يعورها ؟؟
و لازم اسوي السونار و الا طلبات الدكاتره وايده ؟

انقذونــــــــــــــــــــــــــــــــــــــــــي تعبت الله يعين :eh_s(16):

 

[Om-Faty]

رد : بنجلـــــط من بنتــــي :...(

حبيبتي انا بنتي مثل بنتج ع طول حنه
ومن بطنها بعد وهم غيرت حليبها كنت اعطيها اللوعه نان١ والحين اعطيها تركيبه نوفالاك ايه سي ١ اشوه شوي صار بطنها
بس ليلحين تتعسر بالليل وايد
قالولي عن قاز بمباي بس ليلحين ما عطيتها
وعطيتها ماي غريب صح اول شي ينفع بس بعد جم يوم لا ما منه فايده
وحده قالتلي سخني زيت زيتون شوي ودهني فيه بطنها ومهديها ع طول راح تنام وترتاح سويتها مره وصج ارتاحت ونامت
بس هذا مؤقت انا بعد ادور ع شي عشان اتخلص من هالغازات نهائيا
تحسين انتي تتعذبين مع الياهل

 

[Om-Faty]

رد : بنجلـــــط من بنتــــي :...(

اي صح ع طاري فحص الحوض
الحين مو المفروض يسوون هالفحص من اول ما تنولد ؟؟!
انا اللي سمعته ان ع طول بعد الولاده وقبل ما تطلعين من المستشفى يسوونه !!

 

[Australia girl]

ماتشوف شر انشالله بس الله يعينج ويعينها ترى الغازات اذيه وتحملي ترى بالرابع انشالله تروح الغازات منهم

 

[lovely jojo]

ماعندي فكرة للاسف ..
الله يشافيها لج ..

 

[Om 3zo0oz_2011]

حرام عليج شنو تفحط وبنجلط
ميخالف تحمليها هذي بنتج عيل شلون الجنه تحت اقدام الامهات

عادي حبيبتي كل ياهل رضيع جذي
انا ولد يبعمر ولدج طوووووووول الليل يبجي صارله 3 ايام جذي الحين الحمداالله صار احسن
هما لهم عرااات بعدين يردون طبيعي

انا جربت كل شي ماي غريب وبمبي غاز ومثلج وديته عند كذا دكتور وكل دكتور يعطيني دوا شكل وحليب شكل
بس ماغيرت لا حليب ولا عطيته من الادويه
حرام العب فيه لعب وهو اساسا شي طبيعي الغاازات

 

[غلاي امي وزوجي]

تعوذي من الشيطان بنتج ما فيها شي لا توسوسين

انا ولدي كان جذيه كنت ابجي كعاها وخايه ان فيه شي وفي النهاه طلع كله من الغازات الين بسم الله عليه عمره 5 شهور وراحت هالغازات الي ذبتنا

تحمليها توها صغيره ولا تودينها عند الدكاتره والله يطلعون الصاحي مريض

وعلى فكره اذا كلن حليبها سيميلاك غيره لانه يجيب الغازااات

 

[دمثة]

1- لا زم فحص الحوض ضروري

2- غيري الحليب ابتاميل يهبل


3- في دوا اسمة بيبي كال يجيبونه من لبنان يهبل يهدي من بطنهااا روعه

 

[خوية الذيب]

ماي غريب عجيب وبيبي قاز

 

[om al ghaleen]

حبيبتي شغلي القرآن يوميا وصدقيني راح تهدا
لاتودينها مستشفيات ولا تغيرين حليبها حرام
الغازات شر لابد منه
بس اذا شاكه بحوضها وديها احسن

 

[مرمريتوو]

رد: رد : بنجلـــــط من بنتــــي :...(

حبيبتي انا بنتي مثل بنتج ع طول حنه
ومن بطنها بعد وهم غيرت حليبها كنت اعطيها اللوعه نان١ والحين اعطيها تركيبه نوفالاك ايه سي ١ اشوه شوي صار بطنها
بس ليلحين تتعسر بالليل وايد
قالولي عن قاز بمباي بس ليلحين ما عطيتها
وعطيتها ماي غريب صح اول شي ينفع بس بعد جم يوم لا ما منه فايده
وحده قالتلي سخني زيت زيتون شوي ودهني فيه بطنها ومهديها ع طول راح تنام وترتاح سويتها مره وصج ارتاحت ونامت
بس هذا مؤقت انا بعد ادور ع شي عشان اتخلص من هالغازات نهائيا
تحسين انتي تتعذبين مع الياهل

أمـ فاتــي
الله يعيني و يعينج و يعين كل أم
اانا وليدي اسم الله عليه اللي اكبر منها ما صار فيه جذي !
عطيتها قاز بامبي مــاكو فايده للاســـف

:eh_s(2):

 

[مرمريتوو]

رد: رد : بنجلـــــط من بنتــــي :...(

اي صح ع طاري فحص الحوض
الحين مو المفروض يسوون هالفحص من اول ما تنولد ؟؟!
انا اللي سمعته ان ع طول بعد الولاده وقبل ما تطلعين من المستشفى يسوونه !!

لا يسوونه عقــب شهــر من الولاده
بس انا خايـــفه ! مادري ليش يمكن عشان اول تجربه لي مع البنات
بس ما تدرين اذا فيها خلع يعورها او لا ؟

 

[مرمريتوو]

ماتشوف شر انشالله بس الله يعينج ويعينها ترى الغازات اذيه وتحملي ترى بالرابع انشالله تروح الغازات منهم

اتحمــــــــــل العمر كله
بس ما يكــون شي فيها
والله بجيها يقطع القلب
:eh_s(2):
اكــــــــــــــــــــــــــــــــره الغازات

 

[الأميرة جوري]

اقري عليها ...ويمكن فيها امساك ....بس علي فكره جذي المواليد يتعبووووووووووووووووون ليمن يكمل سنه بعدها يتعدل النوم والبجي عندهم.......


الله يطمن قلبج عليها ,,,,,,,

 

[far007a]

في دوا من لندن وبعد موجود بدبي اسمه انفاكول
عجيييييب حق الغازات وانا وريته الدكتور بالكويت وقالي استمري عليه عادي والحمدلله مرتاحة عليه

 

[*الغاليه*]

اول شي ماتشووف شرر فديتها

بالنسبه للخلع مايسبب صياح وعوار وبجي

بنتج والله العلم اللي فيها غازات لانها توها صغيره او احد شايلها بالغلط ومتأذيه لازم تسخنين زيت زيتون وادهنين فيه ضهرها وبطنها مع مساج خفيف

وبعدين لفيها ونوميها

واذا ع المغض افضل دوا بيبي قاز رووعه 10 قطرات بالليل

وعلى طول من تسمعينها تبجي شغلي بدارها قران وقصري ع الصوت ورددي الاستغفار لين تنام

لاتملين استغفري واستغفري وقولي ياارب

هذولي البيبيات ليش قال ربج الجنه تحت اقدام الامهات من التعب والعذاب اللي يشوفونه

يارب لاتضيع لنا اجر ولا لوالدينا​

​

 

[mafio98]

الله يعينج وانا ولدي كان نفس بنتح وازيد بعد وطبعا كله من حليبه سيملاك وسويت له فحص حوض الحمد الله طلع مافيه شي
بس بالنسبه لبنتج زياده اطمانان بما انها صغير سوي لها فحص حوض وفحصوا جتفها ترى اكثر اماكن اتاذي وقت الولاده او يمكن اخد شايلها غلط وممصوعه انتي حاولي اتسكرين التكيف ودهنيها زيت زيتون مع مساج خفيف​

 

[booba]

عطيها بيبي كال انا اسميه العلاج السحري
يهدي الياهل وينومه

 

[بقايا شهد]

مرمريتوا ياقلبي الف مبرووووووووووووووووووك من صج فرحتلك
تتربى بعزك يارب

 

[ام كوشه منكووشه]

رد : بنجلـــــط من بنتــــي :...(

حبيبتي ماعليها شر ان شاءالله

اذا كان بيجها من الغازات فا سوي مثل ماشاروا عليج الخوات

لكن عشان ترتاحين ويطمن قلبج سوي لها فحص للحوض ماتدرين لا قدر الله يكون مخاوع ولا شي لان بنتى اختي الصغيرونه كانت جذي واحنا عبالنا من الغازات لكن سوت اختي لها الفحص طلع فيها خلع بالحوض وكان يعورها اذا بيغرون لها ملابسها او بيبدلون الحفاظ بس ماشاءالله عليها الحين تمشي وتلعب ماعليها شر