خايفه من الوحم

[ترفرف]

هل ممكن احد يفيدني عفيه عليكم بنات كويتيات اناعندي ثلاث اطفال وكان وحمهم يموت لدرجة اكره الحياه واتمنى الموت الحين وبعد اربع سنوات قررت احمل انا في الاسبوع السابع ووحمي شبه خفيف هل يعني ذلك اختلف الجنس او تتوقعون اش الاسباب

 

[NoOoBy]

الله يخلي عيالج لج ويتمم عليج حملج
حبيبتي اللي اعرفه ان النساه تختلف بكل حمل
ولا تخافين انشالله يكون خفيف عليج وماتحسين فيه ونطري شوي شوفي الاسابيع اليايه شنو يصير معاج

 

[أم عبود 2011]

رد : خايفه من الوحم

كل حمل يختلف عن الثاني لا تعممين وربي يسهل عليج

 

[أم حمودي**MALL**]

كلها فترة وتعدي

 

[ترفرف]

تسلمين اختي noooobyالله ينولك ماتتمنين انتي تقصدين بيزود الوحم انا مطمئنه لان الوحم عندي يبدا من الاسبوع الخامس لكن حبيت اعرف هل هذايعني اختلف جنس الجنين

 

[ترفرف]

اختي ام عبودي انا فرحاااااااانه وكل الي بقوله الحمدلله لان في اولادي كرهت الحمل والدنيا وان شاء الله هذا غير كنت ابي تجاربكم الي جربو اولاد وبنات

 

[عبث طفله]

انا بنتين ووحامي بغيت اموووت لوعه وترجيع ..

يقولون الولد ما تحسين بوحام ؟؟؟ صج بنات ؟؟؟


وماعليه هونيها وتهون كلها فتره وتعدي

 

[ScarletteO'Hara]

حبوبة النساة تحتلف من وحدة لوحدة
مو شرط تكون المسألة لها علاقة بجنس الجنين
على شنو مستعيلة؟
ان شاء الله عن قريب يبين بالسونار شنو فيج
و ان شاء الله يرزقج بالياهل صحيح و معافى

 

[om_saleem]

حبوبه انا على ولدي بس ناقص احط فراشي بالحمام عزج الله من كثر ما كل اشوي رجع وما اللحق على عمري اما الحين كله نايمه جنه فيني مرض تسيتسي. لو اقعد ساعتين على بعض اكون متنرفزه وراسي صداااااع ومطفشه ولدي وريلي من نفسيتي و نومي الي يخرع

لاتحاتين حبيبتي وان شالله ماكو الا الخير

 

[ترفرف]

يازين المنتدى ويازين ردودكم تونس صدق انا سعوديه وانصحتني اختي بمنتداكم الحلو واحس بردودكم ونستوني كني مع خواتي يخليكم لي حبايبي بنات الكويت واشكر كل وحده ردت علي اما صور الملابس حقت ام حمودي اتجنن اذا عرفت جنس البيبي بشتري منك قررررررررررريب ان شاء الله

 

[نادره في وجودها]

انا كنت كله اتحوب عند زوجي اخاف من شي اسمه وحااااام وحامي خبيث من الدرجه الاولي اربع شهور وانا بالفراش لا حول لي ولا قوه وكان يهديني بس ما في فايده وفعلا حملت وطلع وحامي خبييييث حده هههههههههه

بس ازمه وتعدي والحمدالله

وكل وحامي بالبنات والصبيان نفس الشي

 

[Diva-Q8]

رد : رد: خايفه من الوحم

تسلمين اختي noooobyالله ينولك ماتتمنين انتي تقصدين بيزود الوحم انا مطمئنه لان الوحم عندي يبدا من الاسبوع الخامس لكن حبيت اعرف هل هذايعني اختلف جنس الجنين

ممكن يكون السبب اختلاف جنس الجنين

بس انا اللي اعرفه انه البنت وحمها صعب والولد اسهل

الله ينولج اللي في بالج ويعدي ايام الوحم على خير

 

[هلا 2010]

رد : خايفه من الوحم

حبيبتي عشان هرموون الحمل نسبته زينه بجسمج عشان جذي والله يسهل عليج انشالله