سؤال لموظفات البنوك ؟؟

[MagiCal-SeCreT]

السلام عليكم و رحمة الله و بركاته



حدي متوهقة يا بنات


انا قدمت في بيت التمويل و قدمت الاختبار و سويت مقابله

و بعدها مرت الاسابيع و الليالي --> اهم شي

و ما جاني خبر

فشلت السالفة كلها عن بالي و قاعدة انطر الديوان اللي مبين عليه فيه بركه .. لان كل رفيجاتي توظفو على غير رغباتهم الا انا منطريني .. و احس لانهم منطريني يبون يحطوني برغباتي .. و رغباتي وايد حلوة و افضلها على بيت التمويل


المهم

مرت 4 شهور .. و ترتيبي بالديوان كل ماله و يقل و انطر ينزل اسمي بأحد رغباتي

بس امس دقو علي بيت التمويل قالو في اوراق ناقصه .. تعالي قدمي اوراقج الناقصة و سألتي متزوجة و لا لا و انتي لي الحين ترغبين في البنك

.. و انا راح اودي اوراقي الناقصة .. بس اخاف تقولي قريبا راح تبدين معانا او اخاف تقول الاسبوع الجاي


الحين انا متوهقة

اقبل وظيفة البنك ... و اذا قبلت راح ينمسح اسمي من الديوان و راح تروح علي امل الوظايف الحكومية الزينة اللي فيها راحة اكثر من البنك و بدون شفتات و الفرق ما يقل عن 100 دينار


و لا ارفضها و انطر الديوان ...؟


و في سؤال اخير اذا قبلوني بالبنك راح ينمسح اسمي من الديوان ؟؟؟؟


يا ليت تفيدوني :yaaaaaarb:


.. قصة قصة ..

 

[بسكوته اوريوو]

اي اكييد يبين انج توظفتي من التأمينات


انتي مدام موو مقتنعه بالوظيفه بالبنك ليش قدمتي ... اهم شي رايج انتي مالج شغل براي الناس

المكان اللي تحسين نفسج مرتاحه في توظفي في ... وكملي اوراقج بالبنك ما تدرين يمكن خيره

 

[frawlah_83]

رد : سؤال لموظفات البنوك ؟؟

اولا شي محد يقدر يقرر عنج لازم انتي تشوفين شنو تبين شوفي مميزات هذا ووميزات ذاك لج خلق كراف مسوؤليه داوم شغل ولا نوعج مو جذي تبي شي راحه غياب استئذان على كييفج ؟؟

ثاني شي انتي شنو تخصصج ؟؟ وشنو الاماكن الي انتي مقدمه فيها بالديوان . الديوان اكثر شي يوظف بالوزارات ؟

تقدرين تودين اوراقج الناقصه وكل شي وتمشيين بالاجراءات وشوفي متى اردون لج خبر ذيك الساع قرري تبين ماتبين محد راح يجبرج اهم شي صلي استخاره وشوفي ...

وترى اذا قدمتي تقدرين تقدمين على الاماكن الحكوميه الي توظيفها مو تبع الديوان ..

 

[MagiCal-SeCreT]

اي اكييد يبين انج توظفتي من التأمينات


انتي مدام موو مقتنعه بالوظيفه بالبنك ليش قدمتي ... اهم شي رايج انتي مالج شغل براي الناس

المكان اللي تحسين نفسج مرتاحه في توظفي في ... وكملي اوراقج بالبنك ما تدرين يمكن خيره

انا مقتنعة و مو مقتنعة .. وايد ناس يمدحون البنوك و الشغل يونس فيه و جذي .. ما ابي افرط فيه
بس انا افضل رغباتي اللي حاطتها بالديوان اكثر من البنوك .. لانها اماكن حلوة و مو تعب كثر البنوك و المعاش بيفرق 100 او 100 وشي ..!!

عشان جذي متوهقه

 

[MagiCal-SeCreT]

رد: رد : سؤال لموظفات البنوك ؟؟

اولا شي محد يقدر يقرر عنج لازم انتي تشوفين شنو تبين شوفي مميزات هذا ووميزات ذاك لج خلق كراف مسوؤليه داوم شغل ولا نوعج مو جذي تبي شي راحه غياب استئذان على كييفج ؟؟

ثاني شي انتي شنو تخصصج ؟؟ وشنو الاماكن الي انتي مقدمه فيها بالديوان . الديوان اكثر شي يوظف بالوزارات ؟

تقدرين تودين اوراقج الناقصه وكل شي وتمشيين بالاجراءات وشوفي متى اردون لج خبر ذيك الساع قرري تبين ماتبين محد راح يجبرج اهم شي صلي استخاره وشوفي ...

وترى اذا قدمتي تقدرين تقدمين على الاماكن الحكوميه الي توظيفها مو تبع الديوان ..

انا عندي دبلوم محاسبة .. بالديوان قدمت على المالية و النفط و هيئة الاستثمار و بنك المركزي معدلي زين .. ان شاء الله يقبلوني بهالاماكن .. اهما منطريني بالترتيب و ترتيبي كل ماله ينزل .. رفيجاتي اللي سجلو معاي نزلت اساميهم باماكن ما يبونها و مو مسجلينها برغباتهم مع العلم انهم اقل من معدلي ..انا انا منطريني .. عشان جذي ما ابي افرط


حبيبتي فراولة انا هذا اللي بسويه بقدم اوراقي الناقصة بس خوفي يقولون لي قبلناج و يالله وقعي عالوظيفة و التدريب و كيت و تبدين بعد اسبوع او الشهر الجاي .. اهني بيقمط ويهي .. مادري شراح اقولهم

عطوني وقت افكر !!؟؟ ,,

 

[ريماس21]

بس ماتضمنين انج تتوظفين اللي حاطتهااا بالديوووان يعني مو شرط كل واحد حط رغبه تتوظفين فيهااا اساليني انا :_(


يعني الحلو انه بنت التموويل اللي طالبج يعني وافقي والله يسهل امووورج


وانتي شنو تخصصج بنوك ولا تخصص ثاني

 

[frawlah_83]

رد : رد: رد : سؤال لموظفات البنوك ؟؟

انا عندي دبلوم محاسبة .. بالديوان قدمت على المالية و النفط و هيئة الاستثمار و بنك المركزي معدلي زين .. ان شاء الله يقبلوني بهالاماكن .. اهما منطريني بالترتيب و ترتيبي كل ماله ينزل .. رفيجاتي اللي سجلو معاي نزلت اساميهم باماكن ما يبونها و مو مسجلينها برغباتهم مع العلم انهم اقل من معدلي ..انا انا منطريني .. عشان جذي ما ابي افرط


حبيبتي فراولة انا هذا اللي بسويه بقدم اوراقي الناقصة بس خوفي يقولون لي قبلناج و يالله وقعي عالوظيفة و التدريب و كيت و تبدين بعد اسبوع او الشهر الجاي .. اهني بيقمط ويهي .. مادري شراح اقولهم

عطوني وقت افكر !!؟؟ ,,

شوفي النفط اذا قصدج الوزاره !! الي اعرفها مالها مميزات حالها من حال اي وزاره اما اذا قصدج مؤوسسه البتروك فهذول توظيفهم ماله شغل بالديوان هذوا توظيفهم باعلان واخر اعلان نزل شهر 11 وخلصوا مقابلات وناطرين نتايج القبول ...

الهيئه العامه للاستثمار الي اعرفه نفس الشي توظيفهم مو تبع الديوان واذا احتاجوا موظفين انزلوون اعلان بالجرايد وصارلهم سنتين يمكن مو منزلين اعلان وحتى خريجين الدوره مالتهم مو قاعدين يوظفونهم لانه مافي شواغر .. بس مادري ليش حاطينها من ضمن الرغبات بالديوان

البنك المركزي نفس الشي انزل اعلان بالجريده وتووو نازل لهم اعلان شهر 2 واللحين بلشوو امتحانات القبول الانجليزي والتخصص وباقي المقابلات ..

ف الي تسوينه اللحين روحي الديوان وتاكدي الهيئه العامه للاستثمار والبنك المركزي توظيفهم يتبع الديوان ولا ينزلون اعلان انا ولا مره شفت من ضمن اسامي المقبولين ينزلون ترشيحات حق هالمكانين ...

عندج المركزي اذا انتي موظفه في قطاع خاص وشهادتج جنه ماطاف عليها سنه مادري سنتين تقدرين تقدمين على اعلان حديثي التخرج .. رجعي حق اعلان التوظيف الي انا منزلته شوفي شنو الشروط ..

رفيجاتج الي نزلت اساميهم يمكن اكبر منج بالسن او متزوجيين لانه اهما الاوليه بالتوظيف حق الشهادات الاقدم والاكبر سنن والمتزوجيين ...

 

[كيليوبترا]

السلام عليكم بنات ابي منكم مساعدة لو سمحتوا فيه احد عنده فكرة عن البنك الاهلى المتحدة وشنو طريقة امتحاناتهم ياريت تفيدونى

 

[MagiCal-SeCreT]

رد: رد : رد: رد : سؤال لموظفات البنوك ؟؟

شوفي النفط اذا قصدج الوزاره !! الي اعرفها مالها مميزات حالها من حال اي وزاره اما اذا قصدج مؤوسسه البتروك فهذول توظيفهم ماله شغل بالديوان هذوا توظيفهم باعلان واخر اعلان نزل شهر 11 وخلصوا مقابلات وناطرين نتايج القبول ...

الهيئه العامه للاستثمار الي اعرفه نفس الشي توظيفهم مو تبع الديوان واذا احتاجوا موظفين انزلوون اعلان بالجرايد وصارلهم سنتين يمكن مو منزلين اعلان وحتى خريجين الدوره مالتهم مو قاعدين يوظفونهم لانه مافي شواغر .. بس مادري ليش حاطينها من ضمن الرغبات بالديوان

البنك المركزي نفس الشي انزل اعلان بالجريده وتووو نازل لهم اعلان شهر 2 واللحين بلشوو امتحانات القبول الانجليزي والتخصص وباقي المقابلات ..

ف الي تسوينه اللحين روحي الديوان وتاكدي الهيئه العامه للاستثمار والبنك المركزي توظيفهم يتبع الديوان ولا ينزلون اعلان انا ولا مره شفت من ضمن اسامي المقبولين ينزلون ترشيحات حق هالمكانين ...

عندج المركزي اذا انتي موظفه في قطاع خاص وشهادتج جنه ماطاف عليها سنه مادري سنتين تقدرين تقدمين على اعلان حديثي التخرج .. رجعي حق اعلان التوظيف الي انا منزلته شوفي شنو الشروط ..

رفيجاتج الي نزلت اساميهم يمكن اكبر منج بالسن او متزوجيين لانه اهما الاوليه بالتوظيف حق الشهادات الاقدم والاكبر سنن والمتزوجيين ...

عزيزتي فراولة .. انا قدمت عالديوان عن طريق الانترنت

و الموقع حاطين لي كل الجهات اللي توظف فيها الخريجين .. و منهم اللي انا قلتلج عنهم

مادري انتي متأكدة وايد ان البنك المركزي و هيئة الاستثمار يكونون عن طريق اعلان .. لاني انا شفت لما الديوان نزلو اسامي ... في اسامي موظفينهم بهيئة الاستثمار و البنك المركزي

..

اما عن وزارة النفط فانا اقصدها اهي نفسها الوزارة مو مؤسسة البترول .. انا مادري واااايد ناس امدحوها لي و قالولي اهيا نفس المالية و احسن من باجي الوزاراة

..

و بيني بينج فراولة بنفس الوقت انا شهر 4 بسجل بإعادة الهيكلة .. و بحطلي اماكن حلوة .. هيئات و قاع خاص و غيره

,,

انا مو عن ما ابي البنك بالعكس ابيه بس اذا قارنته مع هالهيئات و رغباتي اللي حاطتهم بالديوان و اني ممكن انقبل فيهم .. اهني انا ما ابي البنك :eh_s(2):

..

و اذا رحت لهم باجر و عطيتهم باجي اوراقي اخاف يقولون يالله ابدي معانا و اهني راح افقد اماكن حلوة و مو وايد متعبة و الراتب مو وايد يفرق !!!




-----> حالتي ميؤوووس منها

 

[MagiCal-SeCreT]

بس ماتضمنين انج تتوظفين اللي حاطتهااا بالديوووان يعني مو شرط كل واحد حط رغبه تتوظفين فيهااا اساليني انا :_(


يعني الحلو انه بنت التموويل اللي طالبج يعني وافقي والله يسهل امووورج


وانتي شنو تخصصج بنوك ولا تخصص ثاني

اي صح ما اضمن .. بس في اشاراة توضح هالشي .. ودي انطر شهرين 3 شهور على البنك عشان اعطي احتمال لقبولي يهالوظيفة ..
بيت التمويل مو طالبني .. انا قدمت و نطروني شهور و ترتيبي بدا ينزل و افكاري و رغباتي بالوظايف الثانيا كبرة بس مو معناته ان مابي البنك .. بس مابي الحين .. عشان اعطي فرصة للوظايف الثانية اللي ممكن انقبل فيها و افضلها على البنك

تخصصي محاسبة

 

[MagiCal-SeCreT]

السلام عليكم بنات ابي منكم مساعدة لو سمحتوا فيه احد عنده فكرة عن البنك الاهلى المتحدة وشنو طريقة امتحاناتهم ياريت تفيدونى

حبيبتي انا رحت اختبار بيت التمويل مو البنك الاهلي

عطوني تقريبا كذا سؤال واايد احلهم بنص ساعة .. بس يمديج ترى لان كله اختياري .. و يكون قواعد انقليزي او رياضيات بالانقليزي .. مو صعب حلووو .. اهم شي تنجحين فيه .. انا يبت 65 %

ترى ما يصير تعيدينه فجهزي نفسج

 

[frawlah_83]

رد : سؤال لموظفات البنوك ؟؟

والله مادري مابي افتي تاكدي احسن لانه الي انا اعرفه ومتاكده منه انهم انزلوون اعلان بالجرايد بس ماعندي فكره عن توظيف الديوان... لانه البنك المركزي توو منزلييين اعلاان من شهر والبنات ناطرين اللحين المقابلات ...

سالي فيها احسن وان شاء الله البنات الباجي افيدوونج اكثر ....

 

[frawlah_83]

رد : سؤال لموظفات البنوك ؟؟

داام لج نيه تسلجين بالهيكله وبتحطيين قطاع خااص اختاري البنك احسن لانه البنوك اامن قطاع خااص حاليا من بعد الازمه

 

[nonosha]

رد : سؤال لموظفات البنوك ؟؟

اختي الكلام اللي قالتلج اياه فراولة اهو الصح
صح بموقع الديوان حاطيلج اختيارات ومن ضمنهم الهيئة العامة للاستثمار والبنك المركزي بس فعليا حتى لو حطيتي ماتنقبلين بهالاماكن
لان مثل ما قالت فراولة اعلانهم يصير برروح

وبالنسبة لي ديوان ماابي احبطج واييد بس ترا ماله شغل بالمعدل انا الحمدلله معدلي عالي وانا بكالريوس وقبلوني الشؤون والتربية والصحة يعني كلش لا تأملين خير

 

[كيليوبترا]

حبيبتي انا رحت اختبار بيت التمويل مو البنك الاهلي

عطوني تقريبا كذا سؤال واايد احلهم بنص ساعة .. بس يمديج ترى لان كله اختياري .. و يكون قواعد انقليزي او رياضيات بالانقليزي .. مو صعب حلووو .. اهم شي تنجحين فيه .. انا يبت 65 %

ترى ما يصير تعيدينه فجهزي نفسج

مشكورة حبيبتي على الرد بس قالولها الاختبار قدرات ما ادرى شنو معناته الوظيفه حق بنتي

 

[frawlah_83]

رد : رد: سؤال لموظفات البنوك ؟؟

مشكورة حبيبتي على الرد بس قالولها الاختبار قدرات ما ادرى شنو معناته الوظيفه حق بنتي

شوفي عموما البنوك امتحاناتهم كله متشابهه انجليزي رياضيات بس مو الرياضيات المعقده لا البسيط والعمليات الحياتيه والقدرات قصدهم في مثل اشياء بحياتج اليوميه اشلون اتصرفين فيها مثلا يمكن ايبون مثلث وداخله مثلثات واايد وتحسب جم مثلث فيه اسئله عامه وبعض الاسئله الي تحدد سرعه البديهه والشخصيه .. يعني جذي اشياء مو صعبه لاتحاتي الامتحانات هذوول مو صعبه .. خل تشد حيلها بالمقابله اهي الاهم .. في تجمع اهني حق البنوك تقدرين تشوفينه يمكن في احد ذاكر عن الاهلي شي

موفقه ان شاءالله

 

[MagiCal-SeCreT]

رد: رد : سؤال لموظفات البنوك ؟؟

اختي الكلام اللي قالتلج اياه فراولة اهو الصح
صح بموقع الديوان حاطيلج اختيارات ومن ضمنهم الهيئة العامة للاستثمار والبنك المركزي بس فعليا حتى لو حطيتي ماتنقبلين بهالاماكن
لان مثل ما قالت فراولة اعلانهم يصير برروح

وبالنسبة لي ديوان ماابي احبطج واييد بس ترا ماله شغل بالمعدل انا الحمدلله معدلي عالي وانا بكالريوس وقبلوني الشؤون والتربية والصحة يعني كلش لا تأملين خير

مادري عاد انا شفت بالديوان ينزلون اسامي من بنك المركزي و هيئة الاستثمار طبعا شفت هالشي بالجريدة

و انا عشان اعرف هالاماكن تبي موظفين اشوف الجريدة يوميا ؟؟؟؟



لا شدعوه ما حبطتيني انا ضد الاحباط و الندم ابتسم الدنيا تبتسم لك .. ماعندي مانع انطر بس الاهم المكان .. و الزميلات

بس انا جذي وازنتها ان رفيجاتي انقبلو بأماكن مو حاطينها برغباتهم و اهما اقل من معدلي و انا ما قبلوني ليلحين و ترتيبي قاعد ينزل ... فقلت اكيد بيحطوني بالمكان اللي انا حاطته ؟؟ :eh_s(1):

 

[q8_84]

تصدقين عطيتيني امل بعد مافقدته

اقدر اعرف متى كانت مقابلتج

لاني نفس حالتج قابلوني وبعدها مادقوا علي والحين صارلي شهور واسابيع وليالي <<< لطشتها منج لوول*

 

[MagiCal-SeCreT]

تصدقين عطيتيني امل بعد مافقدته

اقدر اعرف متى كانت مقابلتج

لاني نفس حالتج قابلوني وبعدها مادقوا علي والحين صارلي شهور واسابيع وليالي <<< لطشتها منج لوول*

مقابلتي كانت شهر 9 اخر شهر 9 او بداية 10

و علا طاري الشهور و الاسابيع و الليالي حتا انا استبعدتها خاصة لما دريت ان واسطتي طلعت با بلاااااش

بالتوفيج يا قلبي و الله مادري عنهم قالولي كملي اوراقج ما قبلوني ليلحين و لا اتوقع يقبلوني الحين يمكن قريب او يمكن لا كلش

 

[q8_84]

مقابلتي كانت شهر 9 اخر شهر 9 او بداية 10

و علا طاري الشهور و الاسابيع و الليالي حتا انا استبعدتها خاصة لما دريت ان واسطتي طلعت با بلاااااش

بالتوفيج يا قلبي و الله مادري عنهم قالولي كملي اوراقج ما قبلوني ليلحين و لا اتوقع يقبلوني الحين يمكن قريب او يمكن لا كلش

الله يوفقج حبيبتي

ويارب يارب اذا فيها خير لي يدقون علي