لندن .. عيد الأضحى 2009

[<miss botamba>]

سناك وغدا بالطياره






وإلى اللقـــاء يا لـــندن

 

[.]

خوش تقرير ماشاءالله.

الله يعطيج العافيه يارب..

 

[<miss botamba>]

نطروني بحط شغلات وايد ان شاء الله بروح لها بالمرات اليايه ومطاعم بجربها

 

[$$ ام فهد $$]

بوتمبه مشكووووووووووووورة وايد حبيبتي الله يعطيج العافية

واكيد ناطرينج لاطولين علينا

 

[Ms.Warda]

يعطييج العافييه والله حرام لازم يتثـــبــت

وإن شاء الله يثبتونه وميغسي بوكو

 

[ام بنتها]

يعطييج العافيه خوووووش تقرير و عليكم بالعافيه بس شفت اول صفحه باجر وراي امتحان لي خلصت دراسه بتفرغله ان شاءالله
بس الريووووق عجيييييييب عوافي بس بسألج كنتوا بالدرجه الأولى ؟ الكويتيه الدرجه الأولى و مايوصل اكلهم هالمستوى

 

[مس اموله]

ماشاءالله خوش تقرير ماقدرت اشوفه كله ان شاءالله بعدين اكمل

عليكم بالعافيه السفره


والحمدلله على سلامتكم وان شاءالله ربي يكتب لكم سفره يديده وممتعه

 

[janoona]

ماشاء الله خوش تقرير مرتب وسنع ويني عنه قبل لا اروح لها

بش ملحوقه ادا رحت هالمره لازم ارد حق موضوعج لانه صج مرجع ماشاء الله

بس بسالج بالكرسمس التنزيلات مو تكون على الشتوي ؟

انا كنت رايحه شهر 10 وكان السوق كله شتوي وخبرج اشتانا يومين فامايسوى شقلته

 

[my home]

رد : لندن .. عيد الأضحى 2009

مرحبا اختي ... :eh_s(7):
انا قريت لج تقرير عن لندن وبصراحه استانست حييل لان انا ناويه اروح بالصيف لندن وبحياتي ما رحت اوروبا وحدي عليميه و بثقل عليج وبسالج جم سؤال لاني والله العالم اني حدي ارتحت لج من تقريرج خصوصا ان من علامات محبة الرب لعبده لجوء الناس للعبد........ بسالج عن :
-لندن نفسها شوارعها و مناطقها ابي اعرف اسمائها وجذي وهل هي حلوه حق ناس نفسنا اول زياره يعني ما راح انضيع ؟

-وين تنصحيني اخذ سكن مايكون غالي لان على قدنا احنا اربع اشخاص ؟

- التكاسي ناخذ اي تاكسي يمر ولا لازم اكون حذره اخذ من شركه معينه وهل تكاسيهم غاليه ؟و هل هي متوفره بسرعه ولا لا ؟

- المجمعات التجاريه يم بعض ولا بعيده عن بعض ؟ ؟

- طريقة مطاعمهم اشلون ؟

- طريقة الفيزا اشلون ؟؟

-شنو الاجراءات اللي بيسوونها لنا لما ننزل المطار ؟

- وشنو الاشياء اللي تحذريني منها لازم ما اسويها ؟؟

- وشنو الجدول اللي تنصحيني فيه ابي سوقه ومتاحف و اشياء طبيعيه حلوه ؟

-و متى اوقاتهم المناسبه اللي اطلع واتمشى فيها لان سمعت ان 6 المغرب انا لازم اكون بالفندق ؟؟؟؟؟؟؟؟
- واخر شي ادري اذيتج جم الميزانيه تقترحين علي احطها احنا اربع اشخاص وناوين نقعد 6 ايام او 5 ؟؟وهل راح تكفينه انتمشى بلندن ؟؟؟
- و شنو تقترحين علي اي طيران اروح عليه ؟؟
جزاج الله الف خير واسسسسسسسسسسسسفه على الازعاج

 

[my home]

رد : لندن .. عيد الأضحى 2009

upppppppppp

 

[ALTaf.m]

النوضوع شفته من الصفحه الاولى ليي نهايته


ماشالله تبارك الرحمن احلى تقرير بالمنتدى لاهانو البنات
بس ماشالله انتي شامل

مبدعه تبارك الرحمن


الموضوع حفظته بال bookmark ولي سفره الى لندن قريب ان شا الله

فباخذ بكل نصايحج


حياتي بسالج

بخصص مبلغ ٥٠٠ دينار للماركات اشيا بسيطه مو جناط او ملابس

يعني فلاتات كعب اساور خاتم من هالسوالف

تكفيني ولالا ؟؟

الاوت ليت الي جنه بيوت صغار

هذول ينزلون كوليكشن الموسم ؟؟ ولا الموسم الي طاف ؟؟

وبسس ياقلبي هذوول استفساراتي لانج كفيتي ووفيتي :**

 

[نادين العتيبي]

انشالله أزورها

 

[قطورتي]

ما شاء الله

الله يعطيج العافيه على التقرير الروعه

 

[LuLiTa]

تقرير حلووو ,,, اخيـــــــــــهـ على لندن ,,,ما ينمل منها ,,, عسى الله يكتبلي اروح لها هـ الصيف ,, و نصيحه بالنسبة للفندق جان حاجزين في Raddison edwardion Sas يكون ظهر الفندق عـ الاكسفورد فـ view الغرفة يكون عـ الاكسفور عدل و يصير الفندق بظهر next ,,, اهو احلى فندق بـ لندن بعد الكامبرلاند ,,, المهم انه غرفه وسيعه و الـ bed حيل كبار يعني السنغل رووم يحطون فيها سرير نفر و نص و فيه living space

 

[<miss botamba>]

مشكورين كل الي رفعوا الموضوع و الي سألوني ان شاء الله ارد على استفساراتكم اليوم بليل

وسوري عالتأخير

ونطروني قريبا بنزل موضوع بس مو عن لندن

عن اسطنبول والتسوق فيها ب 5 ايام :d

 

[<miss botamba>]

رد: رد : لندن .. عيد الأضحى 2009

يعطييج العافيه خوووووش تقرير و عليكم بالعافيه بس شفت اول صفحه باجر وراي امتحان لي خلصت دراسه بتفرغله ان شاءالله
بس الريووووق عجيييييييب عوافي بس بسألج كنتوا بالدرجه الأولى ؟ الكويتيه الدرجه الأولى و مايوصل اكلهم هالمستوى

الله يعافيج

الطيران على الاماراتيه مو الكويتيه وكنا على السياحيه

ماشاء الله خوش تقرير مرتب وسنع ويني عنه قبل لا اروح لها

بش ملحوقه ادا رحت هالمره لازم ارد حق موضوعج لانه صج مرجع ماشاء الله

بس بسالج بالكرسمس التنزيلات مو تكون على الشتوي ؟

انا كنت رايحه شهر 10 وكان السوق كله شتوي وخبرج اشتانا يومين فامايسوى شقلته

لا مو شرط

اوقات تلاقين

السيل القوي القوي اوكي على الكوتات و جذي بس هم يعني فرصه تاخذينهم

يعني اذكر شريت كوتات على 7 دنانير و 10 دنانير


وفي ربيعي يكون توه نازل عليه 20% جذي


هالكلام اذا رحتي اخر 11 اول 12


بعدين من نص 12 وخصوصا يوم 26 الي اهوا ال boxing day

كل شي يوصل لي 90%


بالاوتليت بعد تلقين

مرحبا اختي ... :eh_s(7):
انا قريت لج تقرير عن لندن وبصراحه استانست حييل لان انا ناويه اروح بالصيف لندن وبحياتي ما رحت اوروبا وحدي عليميه و بثقل عليج وبسالج جم سؤال لاني والله العالم اني حدي ارتحت لج من تقريرج خصوصا ان من علامات محبة الرب لعبده لجوء الناس للعبد........ بسالج عن :
-لندن نفسها شوارعها و مناطقها ابي اعرف اسمائها وجذي وهل هي حلوه حق ناس نفسنا اول زياره يعني ما راح انضيع ؟

اول شي عليميه شنو تقصدين فيها هل انتي مثلا ماتعرفين انجليزي او ان مثلا بس حطوني ودوني ماتعرفين تتصرفين مادري ححدي اكثر

لندن كمنطقه وسيعه وكبيره بس ان في مناطق ان صح الكلام اغلب العرب يترددون عليها من ناحيه الاسواق او المطاعم فانا الي ذكرته اهوا الي اعرفه واهوا الي زرته غيره ما اقدر على قولتهم افتيلج فيها وان شاء الله اذا رتبتي امورج قبل شهر على الاقل انتي بالسليم

وبعدين عليمي عن عليمي يفرق هل مثلا تحتاجين مرشد سياحي والا عادي تعتمدين على نفسج هل تبين مترجم

لندن مو سياحيه 100% لان اغلب السياح يقعدون اسبوع مثلا وبعد يتوزعون في بريطانيا

والاماكن الي ذكرهم ان شاء الله تستانسون فيها بس اذا بتطولون انصحكم بمانشستر او برايتون او ممكن تروحون سكوتلندا

-وين تنصحيني اخذ سكن مايكون غالي لان على قدنا احنا اربع اشخاص ؟

السكن بالصيف عموما اغلى من الشتا وانا اخر مره رايحه بالصيف 1998 فمراح افيدج اهم شي خليكم قريبين من الاوكسفورد مادري اتوقع اهوا الانسب لوضعكم

- التكاسي ناخذ اي تاكسي يمر ولا لازم اكون حذره اخذ من شركه معينه وهل تكاسيهم غاليه ؟و هل هي متوفره بسرعه ولا لا ؟

ما انصح بالتكاسي لانها غاليه الا بحالات الضروره يعني بليل متأخر اخذوا تاكسي متأخرين على موعد اخذوا تاكسي بس غيره اعتمدوا على الباص و الاندرقراوند وااااااااايد اوفر و اسهل


- المجمعات التجاريه يم بعض ولا بعيده عن بعض ؟ ؟

المجمعات بعيده نوعا ما عن بعض بس الي موجود هناك موجود بالاوكسفورد و الريجنت والماركات بالبوند وفي شارع ثاني يم هارودز نسيت اسمه

- طريقة مطاعمهم اشلون ؟


شنو تقصدين من هالسؤال اممم عادي نفس مطاعمنا عندهم الشرقي الايراني الهندي الامريكي الفرنسي الايطالي كل شي موجود

اما اذا تقصدين من ناحيه الحلال في مطاعم تذكر انها حلال بس ترا اكل اليهود و النصاري جايز بالشرع

وبالعكس المطاعم العربيه انصب شي ويبوقون بفلوسج واكلهم الله يزيد النعمه

- طريقة الفيزا اشلون ؟؟

ما اقدر اجاوب على هالسؤال لان انا ما استخدم فيزا اودي معاي كاش و الكي نت العادي حق اذا بشتري شي غالي

-شنو الاجراءات اللي بيسوونها لنا لما ننزل المطار ؟

الي اذكره اول ماوصلنا ما كان في شي بس لما رجعنا الكويت فصخونا جواتينا و كوتاتنا بس تقدرين اذا انتي متحجبه تقولين لهم ما اقدر افصخ بس الجوتي

ورفيجتي توها رايحه مو متحجبه خلوها تفصخ

بس ان مثل ماقلت لج بس اذا كوت وجاكيت والجوتي غيره لاا

واذا معاج لاب توب تخليه بسله ما يفتحونه بس يمر عالجهاز

وطبعا ماتودين سوائل و اذا معاج عطر او غيره لازم بس الحجم الصغير و تخلينه بجنطه شفافه او جيس شفاف

- وشنو الاشياء اللي تحذريني منها لازم ما اسويها ؟؟

ما احذرج بس نصايح

ابعدي كثر ماتقدرين عن الاجوارد روود لا تروحين مكان كله عرب

لان ثقي 100000000% ناصبين عليج ولا وانتي ضاحكه ههههه

اذا بتأجرين سايق من احد او بتحجزين رحلات حجزي بشركات بريطانيه لا تروحين للعرب

اذا بتحجزين تذاكر سينما حجزي من المسرح نفسه او محل عليه علامه ستار غيره ينصبون عليج

يقولون بالصيف لا تطبين البيكادلي بليل متأخر لان كله سكارى ونصهم عرب

شنو بعد اممم


اي اي شي فيه جيلاتين هناك انتبهي لان الجيلاتين مالهم خنزير

يعني حلاو جيلي او مارشميلو لا تاكلين

بالمطاعم نبهي عليهم اذا بقر والا غنم والا خنزير

كله سألي

واذا ماتعرفين

beef - بقر
pork - خنزير
lamb - غنم

وبمطاعم الوجبات السريعه اوقات مع البيرغر حتى لو كان بقر اوقات يحطون بيكون الي اهوا اللحم المقدد او الشحم

انتبهي عندهم هالشحم يكون من خنزير عكسنا احنا يكون بقر او اوقات ديج رومي


بالمطاعم الايطاليه اوقات الباستا تنطبخ مع كحول انتبهي وانتي تقرين المينيو

وسأليهم

لان مره بس مو بلندن كنت بطلب باستا و قالي معاها كحول فقلت له اوكي خل يسوي الصوص بدون كحول فقالي لا الباستا نفسها معجونه عجينتها بالكحول

فانتبهي من الشغله هذا


عندج بعد التيراميسو اذا انتي تحبينه بالدول الاجنبيه يسوونه مع كحول

هم انتبهي

دايما قوليلهم او سأليهم او طلبي منهم اكل alcohol free

اي حتى بالجمعيات او اذا بتشترين كاكاو انتبهي يحطون فيه اوقات كحول بعد

حتى بعد شفتي سوالف نفس دانيت البودينغ مال الكاكاو الي بالجمعيه عندنا

اوقات عندهم يسوونه بجيلاتين خنزير

فالافضل يعني تجنبي هالاشياء



- وشنو الجدول اللي تنصحيني فيه ابي سوقه ومتاحف و اشياء طبيعيه حلوه ؟

جدول ماعندي الي كاتبته انا انتي شوفي شنو يعجبج و درجيه بجدولج ومتاحف ما رحت انا الا واحد فما اقدر انصح

تبين اقولج شنو فيه بس ما اقدر اقولج تروحين والا ماتروحين

اشياء طبيعيه ماكو بلندن طبيعه

بس مثلا تبين حديقه حيوان او اكواريوم موجود

-و متى اوقاتهم المناسبه اللي اطلع واتمشى فيها لان سمعت ان 6 المغرب انا لازم اكون بالفندق ؟؟؟؟؟؟؟؟

مثل ماقلت لج بالصيف انا ما اعرف شنو الوضع

بس سالفه 6 المغرب وايد قويه

احنا كنا نرجع 11 خرشه بره

عموما السوق يسكر 8 - 9 بليل والمطاعم تفتح اتوقع لل 10 او 11


الي انصحج فيه خلي الضحى اماكن سياحيه عن الزحمه و من بعدها قضوه سوق لين بليل

بس هم في اماكن سياحيه حلوه تنشاف بالليل تكون كلها زينه و ليتات

- واخر شي ادري اذيتج جم الميزانيه تقترحين علي احطها احنا اربع اشخاص وناوين نقعد 6 ايام او 5 ؟؟وهل راح تكفينه انتمشى بلندن ؟؟؟

الميزانيه الشي الوحيد الي ما اقدر اتكلم فيه

يعتمد عليج انتي

من الكويت حسبي اسعار تذاكر الاماكن السياحيه الي تبينها والاسعار بالشتا مختلفه عن الصيف

في اماكن تذكره الصبح غير عن تذكره الظهر غير عن الويكند غير عن العطل

فانتي دخلي مواقعهم وشوفي وعلى اساسه حسبي


المطاعم هل تبين مطاعم فاست فوود هل تبين بس سوالف ساندويشات بكافيهات هل تبين مطاعم غاليه يفرق

- و شنو تقترحين علي اي طيران اروح عليه ؟؟

البريطانيه او الاماراتيه او القطريه

هذول لايعلى عليهم

بس القطريه بطول عليكم الدرب شوي

جزاج الله الف خير واسسسسسسسسسسسسفه على الازعاج

حياج الله :eh_s(7):

 

[<miss botamba>]

النوضوع شفته من الصفحه الاولى ليي نهايته


ماشالله تبارك الرحمن احلى تقرير بالمنتدى لاهانو البنات
بس ماشالله انتي شامل

مبدعه تبارك الرحمن


الموضوع حفظته بال bookmark ولي سفره الى لندن قريب ان شا الله

فباخذ بكل نصايحج


حياتي بسالج

بخصص مبلغ ٥٠٠ دينار للماركات اشيا بسيطه مو جناط او ملابس

يعني فلاتات كعب اساور خاتم من هالسوالف

تكفيني ولالا ؟؟

الاوت ليت الي جنه بيوت صغار

هذول ينزلون كوليكشن الموسم ؟؟ ولا الموسم الي طاف ؟؟

وبسس ياقلبي هذوول استفساراتي لانج كفيتي ووفيتي :**

مشكوره و ماقصرتي

500 اتوقع تكفيج للماركات العاديه مو الماركات الغاليه مثل شانيل و الا لوي فيتون والا سالوران

يعني هذول جواتيهم واكسسواراتهم قريب ال 100 و طالع

500 ممكن تشترين من الماركه الرخيصه من الماركه الغاليه او الماركات العاديه او تروحين الاوتليت

يعني عندج

Marc by Marc Jacobs
Love Moschino
DKNY
See By Chloé
Vivienne Westwood
Sonia by Sonia Rykiel
Melissa
Ted Baker

وغيرهم هذول اسعارهم مناسبه

يعني جناط تحصلينهم على 70 و 80 و 100 - اكسسوارات عل 20 - 30 دينار - توبات او كارديغانز على 20 او 30 او 40 دينار

الاوتليت ينزل فيه موضه الموسم الي طاف

يعني عندج كل ماركه بالسنه تنزل تشكيلتين و في ماركات تنزل ثلاث تشكيلات

يعني انتي مثلا رحتي وكانت نازله تشكيله الشتا 2011 تشكيله صيف 2011 تلقين عليها 50% و 70%

واوقات تلاقين تشكيله الشتا 2011 نفسها الي وقتها بس يكون عليها 20%

 

[<miss botamba>]

تقرير حلووو ,,, اخيـــــــــــهـ على لندن ,,,ما ينمل منها ,,, عسى الله يكتبلي اروح لها هـ الصيف ,, و نصيحه بالنسبة للفندق جان حاجزين في raddison edwardion sas يكون ظهر الفندق عـ الاكسفورد فـ view الغرفة يكون عـ الاكسفور عدل و يصير الفندق بظهر next ,,, اهو احلى فندق بـ لندن بعد الكامبرلاند ,,, المهم انه غرفه وسيعه و الـ bed حيل كبار يعني السنغل رووم يحطون فيها سرير نفر و نص و فيه living space

شكرا على الفندق ان شاء الله نجربه مره ثانيه

بس عموما احنا مانهتم للفندق وايد من ناحيه الشكل

اهم شي الغرفه نظيفه و الحمام اكرمج الله راهي وزين

والا غيره مايهم

انتي شبتسوين بالفندق الا تسبح و نوم

والماربل ارتش ما شاء الله صج قديم بس الغرف راهيه والموقع لا يعلى عليه

 

[ALTaf.m]

بعد روحي تسلمين حبيبتي


ان شا الله باخذ بنصايحج


توه قبل شوي كلمنا ولد خالي يدرس اهناك ضيق خلقي

يقول لندن شبت اسعارها بالعلاااالي

كل شي زاد سعره خصوصا التاكسس

حتا الاوت ليت
ماكو شي اسمه 70 او 80 او 90 بالاميه

يقول الزياده توها صايره من اسبوع

 

[<miss botamba>]

اختي توها راده ما يابت طاري الاسعار بس تقول ماكو شي حلو

بس مادري حسب الذوق واهيا ذوقها صعب