تكملة قصتي عروس وناويه أتطلق

[ندى المطر]

بنات هذا رابط القصه اللي موعارفتها

http://www.q8yat.com/showthread.php?t=811738

قبل يومين فتحت سجل تلفون زوجي ولقيت اللي متعرف عليها وعلى حد كلامه أنهى علاقته فيها
داقه عليه مرتين لكن مارد ولا أستلم المكالمه ولا دق عليها وهو كان رايح بالطريج لدوامه


جايني أحساس أنه يكلمها بالدوام بس الله يخليكم شلون أتأكد
والله لأدعي للي تساعدني


أبعرف بنات أبليس شيبون بالمتزوجين حسبي الله عليكم مومدركين باجر وراهم قبر وموت وعذاب وأنهم مومخلدين بالدنيا

 

[بنت ذآك الأمير!]

رد : تكملة قصتي عروس وناويه أتطلق

يآقلبي عطيه الثقه..
وتأكدي انه الله راح يكشفه لو بيخربط..
الله يهديه لج يآرب

 

[سواحل]

حسبي الله ونعم الوكيل
ربك فوقهم
ربك ما يطق بعصا
اصبري وشوفي

 

[قلبي عبدالله]

مو من النقص مايحلالهم الا المتزوج

لاتهدمي بيتك على خمام

وشنو اللي يخليكي متأكده انه لازال يكلمها يمكن يكون صادق

مو يمكن ويمكن هذي تفتح لك بيبان مسكره

ولو يكلمها كان مسح السجل لان المجرم يخفي كل اثار الجريمه​

 

[الأميرة جوري]

الله يعينج ....وعطيه فرصه يمكن يتوووووووووووب كل الرياييل يخربطون وتاليتهم مرتهم لزوجاتهم اهم ساس والاساس ..

 

[صمــت_ALsHfaaH]

الله يعينج ويصبر قلبج ياقلبي

حاولي كثر ماتقدرين تتناسين الموضوع لان والله نهايتهاا انتي الي بتتعبين وبتكرهين نفسج وزوجج

ادري صعبه تثقيين فيه بس حاولي ماتبشين والله تتعبين اسئليني انا

صايره ماطيق حتى اطالع بوجهه من كثر ماتذكر سوالفه وتلوع جبدي

 

[نفهمها صح]

رد : تكملة قصتي عروس وناويه أتطلق

شوووفي المزووج بلعربي ميقدر يفضحها
لانه بتفضحه عند زوجته
علشان كذا الي ميخفوون الله تشوفينهم معهم
تركيه واذا كلش موو متحمله .. نغز ات بس سنعه
والله يعينج
عندنا خيير

 

[ياليل مااطولك]

اذا كان العلاقه تلفون فقط فلا تكبري الموضوع اكثر من ما يحتمل ---ماذا عليك فعله الان هناء السوال تعاملي بكل هدوى ورويه وهذه مرحله تكون في بدايه الزواج وزوجك قد يكون علاقته لتتعدء المكالمات الهاتفيه اي انه قد يكون وانا اقول قد يكون يكلم بنات قبل الزواج والان ولكن الكوره في يديك انتي ==اعطيه الحب والعاطفه وحسسيه با الامان وكوني معه في كل اوقاته حتا يمل تلك المكالمات بمعني اعطيه كلام حلو كلام حب كلام عاطفه عامليه بلين والعطف يكون لكي نعم الزوج تعلمي كيف فن الانتشال من مكالماته الهاتفيه

 

[يكفيني حنانك..]

الله يفرجها عليك بس على قولة البنات عطييه الثقه

 

[سواحل]

حبيبتي بوضح شغله يمكن تنفهم غلط انا لما تحسبت ترى اللي اقصده
اني ادعي على بنات ابليس اللي يكلمون متزوجين او حتى مو متزوجين
مو اني ادعي على زوجك وعلى اللي يكلمها عشان ما تفهمينها اني اشيشك
لا بالعكس زوجك الله يهديه وانتي اسحبيه بطريقتك ويمكن هذي تدق تحرش
عشان تخرب بينكم وانتي صيري اذكى واهزميها

 

[ندى المطر]

رد : تكملة قصتي عروس وناويه أتطلق

شكرا عالردود اللي تبرد القلب
لكن أبستشيركم
أبدق عليها وأسفل فيها وأهددها أني أبلغ أهلها
شرااااااااااااااااااااايكم

 

[قلبي سلومي]

كلنا مرينا بجذي

خلج معاه على طول

وكثري اهتمام فيه

وبالعقل خليه يترك هالسوالف بدون خبال

والطلاق لا تفكرين فيه

كنت مثلج والحين ولله الحمد عايشين وعندنا بنت والثانية بالطريق

 

[ضايعة بدنيتي]

رد : تكملة قصتي عروس وناويه أتطلق



لاااااااااااا تحملي تكلمين هلحثالة لا تغلطين وتطلعين نفسك غلطانة

اصبري يابنت الحلال لا تغلطين غلطة ما تقدرين تصلحينها بعدين ربج عالم بالكلام الي بتقطه عليج وانتي بنت ناس تكلمين بنت شوارع الله يهديك ؟

تعوذي من ابليس وخلي ثقتج كبييييييييرة برب العالمين ودايم ادعي لزوجج وتأكدي ان كان للحين على خرابيطه ربي بيفضحه ..

الله يهديه

 

[قلبي سلومي]

رد: رد : تكملة قصتي عروس وناويه أتطلق

شكرا عالردود اللي تبرد القلب
لكن أبستشيركم
أبدق عليها وأسفل فيها وأهددها أني أبلغ أهلها
شرااااااااااااااااااااايكم

لا تسوينها نصيحة اول شي زوجج بيتصدالج ويبي يزفج لان ما احد يرضى احد يشهره بنت عند اهلها وهو لها دخل بالسالفة

انا رفيجاتي ثنتين سوووها وماراح اقولج شنو المشاكل اللي حصلوها اول شي من ازواجهم وبعدين اهلهن

خلج العاقل الرزين ودوري حل مقنع ومايضر احد