تزوجتي وانتي مو مقتنعه بزوجج؟

[رحيل المرافيء]

رد : تزوجتي وانتي مو مقتنعه بزوجج؟

اول شي ليش رديتي اللي قبل شنوو عاديين ؟؟؟؟؟؟؟؟
فيه عادي واوتوماتيك ؟؟؟ المهم يكونون خلوقين وعيال ناس وبس
تبين واحد منصب ومعاشه قوي وشكله حلو وطيب وخلوق
انتي تطلبين المستحيل محد كامل

وانتي توج صغيرة 25 العبرة مو بكثرة الخطاطيب ياما ناس خطبهم واحد وتزوجوا وناس كل يوم واحد ولاتزوجوا
اذا انتي مو مقتنعة فيه رفضيه

ونصيحة مو كل ماتقدم لج واحد هذا عادي وهذا فيه وهذا بلاه ترى مافيه زواج هالايام
المهم طيب وخلوق ويخاف الله وبس

 

[ضحكه طفل]

رد : تزوجتي وانتي مو مقتنعه بزوجج؟

حبيبتي الله يكتب لج اللى فيه خير لج ​

 

[معلمة شيسمونه]

رد: رد : تزوجتي وانتي مو مقتنعه بزوجج؟

اول شي ليش رديتي اللي قبل شنوو عاديين ؟؟؟؟؟؟؟؟
فيه عادي واوتوماتيك ؟؟؟ المهم يكونون خلوقين وعيال ناس وبس
تبين واحد منصب ومعاشه قوي وشكله حلو وطيب وخلوق
انتي تطلبين المستحيل محد كامل

وانتي توج صغيرة 25 العبرة مو بكثرة الخطاطيب ياما ناس خطبهم واحد وتزوجوا وناس كل يوم واحد ولاتزوجوا
اذا انتي مو مقتنعة فيه رفضيه

ونصيحة مو كل ماتقدم لج واحد هذا عادي وهذا فيه وهذا بلاه ترى مافيه زواج هالايام
المهم طيب وخلوق ويخاف الله وبس

انا برد عليج رحيل

اكيد كلنا راضين بانسان خلوق ويخاف الله
صايم مصلي
لكـــــــــــــــــن في مية شغله وشغله غيرها
يعني لو كانت سمنته سمنه مرضيه انتي بتعيشين وياه سعيده !!!
لو كانت حالته الماديه اكثرررررررر من زفت هم تظنين بيعشيج جبنه وزيتون مثلا !!
لو كان مطلق مرتين ثلاث ومسكين خلوق وطيب العيب في منو مثلا !!
لو كان كل شي تمام وعايش ببيت اهله ولج غرفه وحده بسسسسسسسسسسسسسسس
لو عطستي الكل سمعج بترتاحين مثلا !!
لو كان كل شي تمام فيه بس فيه عاهه بجسمه او مريض مرض مزمن جداا
عاااااااااااااااااااادي اتزوجه مثلا !!

يا اختي والله كلهم عيال ناس وخلوقين لكــــــــــــــــــــــــــــــــــــــــن في مية صفه وصفه بالحياه

المطلوب الرضى
والرضى بان تكون حالته متوسطه على الاقل بين كل هالاشياء مو اوفر ولا اقل من المطلوب

وشاكره لج :eh_s(8):

 

[سيماا]

رد : رد: تزوجتي وانتي مو مقتنعه بزوجج؟

حبيبتي انت شوفيه
يمكن اذا شفتيه تحبينه
والله يعينك

 

[اوبراا]

رد : تزوجتي وانتي مو مقتنعه بزوجج؟

الله يوفقج

 

[ماني من الناس]

شصار عليج

"(

 

[ايمان_مشرف]

:3lm1:

خليه ويلي لا تاخذينه !!
يشوف حياته بعيد عنج!!

متين وبطه مايصلـح!!
​

 

[شعطآنيه]

إذا مو مرتآحه له ..منتي ملزومه توآفقين ...
صحيح الشكل مو كل شي ...بس أهم شي يكون الإنسآن شكله مقبول
وإنتي مآ شاء الله توج صغيره ...

وإللي يريّحج سويه ...ولآ تتحسفين على قرآرج ..........

 

[احلى بنت بالدنيا]

لالاتتزوجينه عشان لاتندمين وتنضمي لجماعة البنات التعسا بحياتهم الزوجية وشوفيهم اشكثر بالمنتدى

لاتظلمي نفسج .. مافيها شي نطري نصيب احسن منه

 

[فرقى ولايف ..]

طلعي وشوفيه يمكن ترتاحين له ويدش قلبج
ما تدرين يمكن يحصل نصيب ويطلع حنون وكريم
وطيب ويدلعج ويحطج بعيونه ذيج الساعة تشوفينه
احسن الرياجيل كلهم ..

و على فكرة 25 يعني بداية عمرج مو كبييرة !!

 

[ماني من الناس]

امممممممممممممممممممم


طمنينا

 

[معلمة شيسمونه]

وين رحتي يا حلوه ناطرتج ترى

 

[طوق البنفسج]

من صجكم !!

الي يسمعكم يقول اعماركم بالخمسينات ,, توج 25 هذا حلات العمر ,, مستعيله عالشقا ليش

و بعدين اذا ما ياج واحد يترس عينج بكل شي مو ملزومه كلام الناس ماراح ينفعج باجر اذا ما حسيتي بالرضا و

على قولتج كل ما احد تكلم بتكتابين و اتضايقين و بتحسين ان اهو سبب تعاستج و ليتني ما وافقت و ليتني و ليتني

ليش ,,

الحياه حلوه بريل ولا بدونه المهم انتي اشلون اتشوفين عمرج و اشلون اتخططين حياتج اذا انتي موقفه حياتج على

ريل اكيد بتحسين العمر بطيئ و ملل بس اذا عايشه حياتج خلاص و ليش تحسبين مرت سنه ولا مر شهر محد

خطبني ,, ليش ماتفكرين كل تاخيره فيها خيره ,, و مافيها شي اذا ما خذيت واحد يستاهلني و مقتنعه فيه ولا مولازم


وايد محطمين عمركم بايدكم يا بنات ترا الدنيا مو بس ريل و زواج الدنيا وايد احلى و اكبر من اني اقعد انطر الريل

ولا ارضى باي واحد بس عشان الناس الناس ماراح اتعيش حياتج حد علمهم فيج بيوم العرس و عقب محد بيدري

عند و سواء تميتي بنت ولا متزوجه الناس ماراح تسكت ,,

و الله يوفقكم و يرزقكم الريال الصالح الي مثل ماتبون و اكثر ,, بس لا ترضون لمجرد ان زواج ,, رفعوا سقف

الطموح عندكم و خلوه اكثر من مجرد ريل و السلام

 

[معلمة شيسمونه]

طوووووووووووووووق حياتي انتي

تعالي قولي هالحجي حق اهلج وناسج وربعج

مهما كنتي مقتنعه بالفكره تلاقينهم ياكلووووووووووووون مخج اكال والله --------- سوري ع التعبير

بس هذا الصج يحرقونج نفسيا

دامج انسانه متعلمه ومثقفه وجامعيه وما شاء الله عليج حلى وزين ورزه وذكيه ليـــــــــــــــــــــــــــش شناقصج

وتعالي فكي روحج

لا وغير هذا اي وحده من اهلج بس تشوفج تقولج
ان شاء ان شاء الله ربي يفرجها عليج -------------------------- تحسين احساس طراره والله شنو اشحذ

شتقولين شتخلين

 

[nora al]

حبيبتي لا تستعيلين بالحكم ولا تاخذين بكلام احد الناس اذواق !


يمكن تشوفينه ويعجبج ؟؟؟


انا رايي استخيري وقعدي معااه وشووفي عقب مرتاحه ولا لاا !


وبعدين الحين العمليات صاارت سهله سهله الكل قام يسويهاا اصلا فيها عمليات تخدير موضعي بس وبالمنظار


الحين مافي شي يشقون بطنه مني لي هناااك وانواع

فيه تكميم اللي يقصون المعده ويخطينوها وهذا بالمنظار بس يصير بالبطن فتحتين او ثلاث وفيه بالوون بالمنظار ولا خياط ولاا شي ولا تاثر !


اهم شي الدين والاخلاق وانج تكونين مرتاحه له وكل انسان ياخذ نصيبه

 

[دمرت كياني]

إصلي إستخاره

 

[♥ ݤليے ﻁﻔووله ♥]

حبيبتي دام تفكيرج كلام الناس والبرستيج عمرج ماراح ترتاحين
واذا انتي مومقتنعه خلالالالاص لاتاخذينه لانج مهما حبيتيه بتحسين بنقص
موووفقه

 

[فوق الثريا محلي]

الله يكتبلج اليه فيه الخير ان شاء الله

 

[نشيج الروح]

ما تقدرين تحكمين إلا ليما تشوفينه ... الوصف ما يغني ....لا شفتيه أخذي قرارج ...

 

[معلمة شيسمونه]

وين رحتي تراني ناطرتج لي ثلاث ايام