ولدي وعيال عمه

[جناوي82]

مشكلتي مع ولدي للكبير 8سنوات ويا عيال عمه انا ساكنه بيت الحموله ولدي مسكين كل يوم يطقه واحد فيهم واحيانا كلهم واهوا اصغر واحد فيهم يعني حتي لو يلعبون مع بعض ويحتك مع واحد فيهم يطقه كف او يبصق بويهه حتي خدامتي لما تكون تحت وتشوف شلون يهينونه تنقهر وتحاول اتساعده وابوه حتي اهوا مقهور من طقهم المتكرر له ويحاول يساعده بس يقول يهال وحاول يساعده يدافع عن نفسه بس مسكين حتي اجسامهم اكبر منه والله حدي مقهوره واتمني اسكن برا عشان الاهانات المتكرره لولدي كل يوم وخايفه تنكسر مهابته وشخصيته اهوا الوحيد الي يتعرض للاهانات وهذا الي شجعهم بالتمادي معاه والي ضيق خلقي زياده انا خدامت عيال عمه انطق ولدي جدامها وبجي وقالت حق خدامتي عشان تقولي يعني هم مسكين ماقالنا انا انطق حبيبي تعود علي الطق ادري هالمشكله موجوده بكثره بس مشكلة ولدي الاهانات اليوميه وخايفه تنكسر هيبته ومابيه ضعيف جدامهم عشان لايتمادون معاه قولولي عادي هالاشياء تاثر علي شخصيته شنو اسويله بصراحه حدي مقهوره انا وابوه

 

[ياهم ربي كبير**]

رد : ولدي وعيال عمه

ياااااااااابعد عمري كسر خاطري ولدج........حاااول تكلمين معاه كل يوم وتقولين له شلوووووون يقدر يدااافع عن نفسه
وزوجج مدام هم عيال اخوووه يقدر يوقفهم عند حدهم يعني يكلم اخوانه .....
وصدقيني عندي اخوي اهو لحين بالثاانوي اسم الله عليه تحسينه شخصيه واسلوبه حلوووو
بصغره ياما انطق من ولد الجيرررااان بس اتذكرر ابوي اهو اللي وقف ولد الجيران عند حده يعني شاف اخوي ينطق قام ابوي طق ولد الجيراان طق جدااام اخووووي وعقبه لما يشوفه اهو بصوب واخوي بصووب

بصرااحه مادري شقووولج بس عسى الله يكون بعونج اختي

 

[أميرة-]

رد : ولدي وعيال عمه

اذا اكبر منه بالعمر يعني فرق كبير لا تخلينه يحتك فيهم واجد

طلعيه نواديه خليه يرافج عيال بعمره


وترا الطق عادي بيتعلم انتي لا تفزعين له بس علميه يعتمد على نفسه ويدافع عن نفسه .. انتي مو معاه اربع وعشرين ساعه واذا عودتيه تدافعين عنه بيصير حتى بالمدرسه مايعرف يدافع عن نفسه


ولا تطقين احد عشان ولدج نصيحه حتى لو تشوفين ولد غلط بحق ولدج لا تطقينه لانه بتصير مشاكل وكلش الحركه بايخه يقولون حطت عقلها عقل جاهل وبتخسرين حتى حريم حموانج ترا محد يرضى ينطق ولده لو انه غلطان.. فيه طرق ثانيه تحلين هالموضوع فيها

 

[جناوي82]

رد: رد : ولدي وعيال عمه

ياااااااااابعد عمري كسر خاطري ولدج........حاااول تكلمين معاه كل يوم وتقولين له شلوووووون يقدر يدااافع عن نفسه
وزوجج مدام هم عيال اخوووه يقدر يوقفهم عند حدهم يعني يكلم اخوانه .....
وصدقيني عندي اخوي اهو لحين بالثاانوي اسم الله عليه تحسينه شخصيه واسلوبه حلوووو
بصغره ياما انطق من ولد الجيرررااان بس اتذكرر ابوي اهو اللي وقف ولد الجيران عند حده يعني شاف اخوي ينطق قام ابوي طق ولد الجيراان طق جدااام اخووووي وعقبه لما يشوفه اهو بصوب واخوي بصووب

بصرااحه مادري شقووولج بس عسى الله يكون بعونج اختي

مشكوره حبيبتي علي المشاركه اهما في بسنه بس عندهم اخوان وفي الي اكبر منه بسنتين ولدي مسكين الي بسنه يوقفهم عند حدهم اما الي اكبر منه بصراحه مالومه اجسامهم اكبر منه وابوه كل يوم يزفهم ويهددهم بس هم ماكو فايده انا الي احاتيه بس شخصيته بهالعمر لاتهتز

 

[جناوي82]

رد: رد : ولدي وعيال عمه

اذا اكبر منه بالعمر يعني فرق كبير لا تخلينه يحتك فيهم واجد

طلعيه نواديه خليه يرافج عيال بعمره


وترا الطق عادي بيتعلم انتي لا تفزعين له بس علميه يعتمد على نفسه ويدافع عن نفسه .. انتي مو معاه اربع وعشرين ساعه واذا عودتيه تدافعين عنه بيصير حتى بالمدرسه مايعرف يدافع عن نفسه


ولا تطقين احد عشان ولدج نصيحه حتى لو تشوفين ولد غلط بحق ولدج لا تطقينه لانه بتصير مشاكل وكلش الحركه بايخه يقولون حطت عقلها عقل جاهل وبتخسرين حتى حريم حموانج ترا محد يرضى ينطق ولده لو انه غلطان.. فيه طرق ثانيه تحلين هالموضوع فيها

ويييه من صجج من شطانتهم انا يطقوني يمكن المشكله بصراحه الحين ماعتقد يقدر يدافع عن نفسه بصراحه اجسامهم اكبر من جسمه بوايد يعني لو يتهاوش مع واحد منهم يمكن يذبحه اهوا جسمه صغير بس الاهانات اليوميه هذي يعني كف او بصغه بالويه مادري احس تهين الانسان وخصوصا اذا كان طفل مرات ايني ويقول فلان تفل علي اقوله شسويتله عشان سوا جذي يقول نلعب كوره وحشته والله انا تعبت نفسيا واتمني اسكن بروحي

 

[غلاي عزوزي]

ليش من الاساس يحتك فيهم

لهيه بشي ثاني دخليه نادي شغلي وقته
مو معقوله بطقين عيال الاوادم

 

[انوثة من حرير]

رد : ولدي وعيال عمه

اختي جذية السكن عند الحمولة متعب مع اليهال انا اعاني اكثر منج علمي ولدج انة يصير عندة عزت نفس مايلعب مع الي يهينة لين يعتذر لة علمية بطريقة توصلة سهلة وخلي ابوة يكلم اعيال عمة انهم مايطقونة بدون سبب

 

[قمره قمرررروه]

ماشالله كافو ووفو

 

[noynoy]

شركيه بنادي كراتيه

 

[ام بوحنة]

الله يعينج
بصراحة صج ياثر على نفسية الطفل
من تجربتي بعدته عن عيال عمته يا عندي بالشقة يا اطلعه برة ومنعتهم انهم يدخلون عندي
وصج تحسنت شخصيتي ولدي وخف عن العنف اللي كان فيه

الحين اخليه يروح عندهم بس مرات امنعه يعني مو على طول مثل قبل

انتي ولدج كل يوم طلعية
دخليه نادي
ودي عند اهلج
ودي العاب
ودي عند ربعه
يبيله محفظ قران بالبيت
فيه طرق وايد علشان يبعد عنهم

 

[bint_looda]

خل على يوم ابوه يروح يزف اليهال جدام ولهدج عشان تردله كرامته اشوي وثقته بنفسه ويوقفهم عند حدهم .. لان اذا استمر على هالحال وخصوصا مسكين ان يحط بقلبه ومايقولكم بيأثر على شخصيته سلبي وماتدرين يقصون عليه ولا شيخلونه يسوي بعد الله يحفظه ويخليلج اياه من كل شر ان شالله

 

[ضايعة بدنيتي]

البنات ما قصروا بي انتي بعديه كثر ما تقدرين ولا تخلينه يختلط معاهم تراهم يهال وماينوخذ عليهم

الله يحفظه لج

 

[هيبة الطاووس]

نفس حالة عيال اخواني الكبير مسوي روحه زعيم وطايحلج طق
باخوه وولد عمهم مساكين متوليهم صبح وليل واذا أحد عصب عليه
بجى وفال ليش فلان من شالني ورضني بالأرض على هذا الورد الأحمر محدد الموقع حضرته أشوف محد قاله شيء ههه

 

[om al ghaleen]

ماانصح الكبار يتدخلون الا بالسياسه يعني اخذيهم على يوم وطلعيهم كلهم
وكلميهم بهدووء انه ولدج يكون مثل اخوهم وانهم مايرضون عليه بالغلط
اشتريلهم هدايا يعني كسبيهم علشان لايطقون ولدج وهم بعد ولدج يستانس
لانه مهما يكون اهو ولد ويحب يلعب مع الصبيان وصدقيني باجر لاكبروا ربع
وحاولي قد ماتقدرين تطلعينه تخلينه بنادي او دوره

 

[فوق الثريا محلي]

الله يهديهم ان شاء الله كسر خاطري حاولي تفهمين هو ليش دومه مغلوب انتبهي ترى زمن اغبر الواحد صار يخاف من الاخوان

 

[نكهةالبرتقال]

نصيحة - لا تساحلينهم و لا تعطينهم هدايا لأن ما كو فايدة - بياخذون الهدية يومين و يردون يطقونه باليوم الثالث
مادري شقولك
بس بحكم ان فبيت اهلي وايد نعاني من هالشي

انا ماعندي ولد - و ادعيلي بالذرية


طريقة اخواني ينادون الطاق و يخلون المطقوق ياخذ حقه


يمكن ما تنفع معاك الطريقة


الطريقة الوحيدة اللي تنفع ان الأبو يمسك الولد الغلطان و يلوته من أذونه و يقوله اذا مديت ايدك على ولدي انا اللي راح امد ايدي عليك


بس من غير ما يشوف ولدك - و بالطقاق خل يزعل حماك و مرته - الحق حق - لو ولدهم مطقوق جان شفتي شسوون بولدك


و لا تحاتين ولدك

ان شاالله تطلع شخصيته قوية و تشوفينه من احسن الناس
يقول المثل الضربة التي لا تقتلني تزيدني قوة


و باجر بيكبر و يصير جسمه نفسهم و بياخذ حقه منهم


اذا انطق او انتفل عليه علميه يرد و ينحاش بسرعة بكل قوته بس اهم شي يرد

وعقبها خل ينحاش -

و طمنينا عليك

خليني اقولك - واحد من اخواني كان شوي جبان و اهو صغير و كله ينطق - الحين لما كبر صار جدا عدواني و ياخذ مو بس حقه

ياخذ اضعاف اضعاف حقه اذا احد ظلمه - يعني صار فيه رد فعل عكسي - و خصوصا حق اعياله - بس يصارخ و يتخانق على اقل شي - يخاف يصير عياله الاهانات اللي كانت تصير فيه


لا تخافين عليه مارده بصير ريال ان شالله

 

[نكهةالبرتقال]

خل على يوم ابوه يروح يزف اليهال جدام ولهدج عشان تردله كرامته اشوي وثقته بنفسه ويوقفهم عند حدهم .. لان اذا استمر على هالحال وخصوصا مسكين ان يحط بقلبه ومايقولكم بيأثر على شخصيته سلبي وماتدرين يقصون عليه ولا شيخلونه يسوي بعد الله يحفظه ويخليلج اياه من كل شر ان شالله

نصيحة


خل زوجك تصير عنده جسارة شوي و يدافع عن ولده و حتى لو اضطر يطق ولد اخوه


و بالطقاق خل يزعل حماك و زوجته الحق حق


و ما ينفع المساحل و الهدايا - بياخذون الهدية و عقب 24 ساعة بطقونه

هذول من الناس اللي تخاف و ما تستحي