تكفو بسرعه شورو ا علييي

[أم توتو]

السلام عليكم ورحمه الله وبركاته

خواتي ابي اشوركم بشي واتمنى تردون علي بسرعه لان الوقت مايسمح
انا الله يسلمكم حماي اليوم دق على ريلي وقال له انك معزوم اليوم الخميس على عشاء تمايم بنته

وقال له انت والاهل بس زوجته مادقت

المهم انا قلت يمكن بيناتهم الاخوان :gathering: بس بدون حريمهم لان وحدة من حريم حمويني تصير اخت صاحبه العزيمه فايمكن مافي احد عاد حماتي تقولي انها لا قايله حق مرت حماي الكبير وحماتي الثانيه من يوم الثلاثاء وانا شنو موقعي بالله <<<<اخر من يعلم مثلا :rgewrg::flower:
انا انصدمت من تصرفها صراحه يعني جوال وعندي والبيت يم البيت بعد شارع
حماتي تقول تعالي مادام اخوي قال حق ريلج انت والاهل بس انا احس لما اروح تنهان كرامتي

شرايكم اروح ولالا نصحوني تكفون

 

[Adorable]

بس خلاص كافي .. دام اخوه قاله مع الاهل روحي احتراما لزوجج لو قلتيله ابيها اتدق عليي يعني جذي مع احترامي لج تقلليل من قيمته جدام نفسه و اخوانه
انا لما ابي اعزم اخلي ريلي يدق على اخوانه انا ما ادق اعزم احد

 

[انا لحبيبي .]

لا حبيبتي عادي ،، مدام حكالو مع الاهل عادي

اذا ما رحتي رح تصير مشكله .. رح يسألو ليش ما اجت فلانه

رح يحكي ما حد اتصل عليها

رح يحكولو احنا حكينا مع الاهل ،، مافي داعي تكبر المواضيع

روحي واتوكلي على الله

​

 

[أم توتو]

مشكوره حبيبتي ماقصرتي بس اهي دقت عالباقي شخصيا وقبله بيوم افرض الواحد مامستعد مثلا او معزومه

 

[أنهار الورد]

ماعليه حبيبتي روحي بناء على عزيمة حماج يمكن نست ولا شئ منعها ويمكن بروحتج تقدرج اكثر

 

[ايمان_مشرف]

:3lm1:

لا روحي ... بس لا تاكلين .. واذا اكلتي لا تغسلين

اقصد خليج اووول المغادرييييين !!

 

[أم توتو]

مشكورين على مروركم بس لوما حماتي ماقالت لي جان انا احين مادري شالسالفه

بس احنا بالسعوديه ماعندنا ان الريال يعزم الحريم زوجته اهي اللي تعزم وتدق وتاكد على العزيمه

لو موصيه اختها تقولي يمكن لان اختها ساكنه قبالي بس مومطرشتلي ريلها يكلم اخوة

افرض ريلها مستحي منها عشان مادقت علي قام ورقعها قال حق ريلي ,لما اروح شلون بيصير شكلي
مشكورين

 

[أم توتو]

Re: رد: تكفو بسرعه شورو ا علييي

:3lm1:

لا روحي ... بس لا تاكلين .. واذا اكلتي لا تغسلين

اقصد خليج اووول المغادرييييين !!

ههههههههههههههههه ماروح احسن

 

[قاهره عذالي]

والله مدري كيفج
انا لو مكانج ما اروح
بس دام حماتج قالت تعالي
خلاص تعالي
بس احذري من حرمة هالحمى
يجوز ترا ما قالت لج على ابو خلاص زوجها دق عى زوجج
او يمكن عشان الكل يدري ان في تمايم
يعني ظني ظن الخخير

 

[انا لحبيبي .]

رد: Re: تكفو بسرعه شورو ا علييي

مشكوره حبيبتي ماقصرتي بس اهي دقت عالباقي شخصيا وقبله بيوم افرض الواحد مامستعد مثلا او معزومه

والله بيني وبينك هو شي بقــهر ، لانه الواحد بحكي وانا ليش لأ ؟؟ ليش دقت ع الكل وانا لأ؟

ماعندي كــرامه ؟ بعرف هالشي خطر ببالك ومقهوره ،، ممكن احكيلك احسني الظن بس القصه

واضحه انه هي ما اتصلت ولا نسيت

بس روحي واقعدي ضيفه لا اكتر ولا اقل ، وكلمي الناس وافتحي مواضيع مع الناس ما بس تكلميها يعني تجاهليها

وان شاء الله يعدي الموضوع ع خير

 

[زوجة عزيز]

انا من رايي انه ما اتروحين لان اهي المفروض اللي تدق عليج وتعزمج انا يوم ملجتي امي دقت على بنات عمي ومادقت على زوجة عمي ولا عزمتها وانا ما ادري واهي الله يرحمها مايات لان امي ماقدرتها ولا عزمتها عااد تالي الناس تموا يلومون امي لين امي راحت لها ويات معاها حبيبة قلبي الزم ماعليج كرامتج واذا سئلتج مره ثانيه ليش ماييتي قولي لها انها ما اتصلت فيج

 

[أم توتو]

اصلا حتي حماتي مستغربه كل ساع داقه علي مادقت فلانه شلون تبوني اروح الكل مستغرب صراحه وانا حيل طيبه معاهم بالذات هذي مرت حماي بس ماقول الا الله يهديها ويغفرلها ومادري ماودي اسيء الظن قاعده احسن الظن على قد ماقدر اليوم الحجي بفلوس بكرة يصير ببلاش

 

[قاهره عذالي]

اي والله يا زوجة عزيز
الواحد ماله الا كرامته

 

[قاهره عذالي]

رد: Re: تكفو بسرعه شورو ا علييي

اصلا حتي حماتي مستغربه كل ساع داقه علي مادقت فلانه شلون تبوني اروح الكل مستغرب صراحه وانا حيل طيبه معاهم بالذات هذي مرت حماي بس ماقول الا الله يهديها ويغفرلها ومادري ماودي اسيء الظن قاعده احسن الظن على قد ماقدر اليوم الحجي بفلوس بكرة يصير ببلاش

ترا حريم الححمى
عقارب طين
اسئليني عنهم
شكثر كنت طيبه معاهم
لو يبون عيوني عطيت
بس اللي طلعت غيرانه واللي تكرهني وكارهه وجودي وبوجهي تضحك لي

والله اقسم بالله تقولين شرايك
عاد يوم زعلت وطلبت الطلاق وهم مالهم شغل
طلعت بلاويهن وخياسهن وبين الطيب من الردي

 

[ام فواازي]

انا عن نفسي مااروح بالله داقه عالكل عازمتهم وانا مسكبتني ؟؟؟؟؟ شقصدها من هالحركه؟
سوري لو مو عازمه احد جان رحت على عزيمة رجلها
وانتي كيفج

 

[خشف العذارى]

لا حياتي ما فيها شي روحي ما تحتاجين عزيمة هذيل حمولتج مو غريبين عشان تشرهين عليهم

 

[حجيه هيونه]

والله ماودي احرشج بس انا شخصيا لو مايدقون علي ماروح

بس مادري شنو اطباعكم اذا عادي تجون على عزيمه الرياييل روحي

 

[ضايعة بدنيتي]

شصار معاج

 

[أم توتو]

شصار معاج

والله شصار بعد مارحت رحت مع اميمتي الكونيش الدمام واستانست وولا دقت ولا اسالت المهم عالساعه عشر بالليل جان تدق وتقولي وينج ماجيتي قلت لها ولله محد قالي قالت زوجي قال حق اخوه انت والاهل
قلت لها انا ماجي على عزيمه الرجال قالت هذا عوايدنا احنا ياهل الرياض نقول لارجالنا انت والاهل وانتوا ياهل الشرقيه مادري عن طبايعكم لازم الحرمه تكلم بنفسها قلت لها انتي القل داري عن العزيمه الا انا قالت انا موصيه حماتي انها تقولج <<< لاحظوا حطتها براس زوجها اول بعدين براس حماتي

المهم صار كلا م واجد عشان تقنعني قلت لها عالعموم حصل خير انا مازعلت بس حز بخاطري قالت ابي ارسل لج سواق ياخذج وحلفت مسكينه بس قلت لها وين مشوار قالت للحين الذبيحه ماوصلت تعالي والله حاولت فيني والله لوما اني ماني بعيده جان رحت بس مشوار

المهم انا مابي ولا احب احد ياخذ مني موقف ولا احب ازعل اي احد على طول من احد يقولي كلمه بسرعه ارضى بس اللي ابيه انهم يعملولي حساب وبس لا اكثر لانها كانت دايما لو يصير عندها احد بيجيها تدق انا اهذا اللي خلاني اخذ موقف منها وبس اسفه كنت طالعه ومارديت عليكم ومشكورين يا اعز خوات سامحوني اذا ازعجتكم بمشاكلي :fun:

 

[عنودهـ ~]

ربي يعطيج على قد نيتج
وبالتوفيق حبيبتي