اللي تقدر تفيدني بهالموضوع بليز تدش

[غارقة بأحزانها]

يلا بنات ردو علي​

 

[عجمانيه]

حبيبتي بالنسبه للشرع والله ما اقدر اقول لج

اما بالنسبه لتعاملج وياه بصراحه فيه شوي من الغلط بس ماتنلامين لانج معصبه ومتضايقه

اول شي كان من المفروض انج تكونين هاديه وتتحملين اللي يقوله ادري الحين صار اللي صار بس للمرات القادمه حاولي تهدين لان الرياييل اذا حد وقف بويههم وعاندهم يزيدون...

لو انا منج جان سمعته للاخر وفالنهايه اقول له :: ان شاء الله عيوني انا بحاول قد ما اقدر ارضيك واريحك واه شي اشوفك مستانس بس انت بعد ابيك تريحني عالاقل بشي بسيط... حاول تتغير وانا بعد بحاول اتغير وان شاء الله تصير حياتنا حلوه....

والله صدقيني هالكلام بيدخل قلبه وبيسويلج اللي تبينه وعقب ترومين تتفاهمين وياه عالدوام والطباخ ... ترا الريال يباله دلع ومسايس مايباله عناد وتحدي... ساليني مجربه

والسموووووووحه طولت عليج ويمكن غثيتج بالنصايح

 

[عاشقة-الكفيل]

واهو مو مجبور يقعد ويا وحده ماتطبخله نو تتمنين عليه عالطباخ ؟؟ وبعدين يقولون اتزوج علي ولله في بنات راضين بريحة الريل تطبلخه وتخمله وتعطر هدومه وفوقهم بوسه ودلع وانتي تقولين مو مجبوره اطبخلك ؟؟؟؟
عيل اذا حط فوق راسج شريجه بيقولج انا مو مجبور اتزوج وحده ماتطبخ وفي وحده مستعده توفرلي كلشي ابيه

 

[غارقة بأحزانها]

واهو مو مجبور يقعد ويا وحده ماتطبخله نو تتمنين عليه عالطباخ ؟؟ وبعدين يقولون اتزوج علي ولله في بنات راضين بريحة الريل تطبلخه وتخمله وتعطر هدومه وفوقهم بوسه ودلع وانتي تقولين مو مجبوره اطبخلك ؟؟؟؟
عيل اذا حط فوق راسج شريجه بيقولج انا مو مجبور اتزوج وحده ماتطبخ وفي وحده مستعده توفرلي كلشي ابيه

عيب عليج هالكلام
انا اظن سؤالي واضح
شنو راي الشرع بالموضوع مو رايج انتي
صج في بنات اللهم ياكافي ما غير تقعد تنغز عالزواج الثاني وتطلعج انتي النسرة
حبيبتي اهو يبوس ايده ويه وظهر لان ماخذني وانا مو مقصرة عليه بشي ولو حضرتج قريتي الموضوع عدل جان عرفتي ان هذي مو اخلاقي وان انا اطبخله واهو اللي مقصر معاي
وانا لما قتله هالكلام لاني كنت معصبة
واهو مقدر هالشي واهو اللي راضاني بعد
وبعدين لو كل واحد بيطلق زوجته او يتزوج عليها عشان ما تطبخله ابشرج ثلاث ارباع الكويت بيوتها خربانه
منو الحين اللي تطبخ الا على مزاجها اذا اشتهت يعني كل اللي اعرفهم يااما ساكنين ببيت الحموله او تييب الغدا يوميا من امها او الخدامه اللي تطبخ
انا اتكلم عالصغار من جيلي مو عن سنة الطفحة
واللي بيتزوج يتزوج عاللي تطول لسانها على زوجها لا وببيت اهلها وجدام الخدامة عشان حضرتها ما تعرف تمسك اعصابها لانها مو واثقة بنفسها وخافت زوجها يطالع لقطة بالتي في​

 

[غارقة بأحزانها]

حبيبتي بالنسبه للشرع والله ما اقدر اقول لج

اما بالنسبه لتعاملج وياه بصراحه فيه شوي من الغلط بس ماتنلامين لانج معصبه ومتضايقه

اول شي كان من المفروض انج تكونين هاديه وتتحملين اللي يقوله ادري الحين صار اللي صار بس للمرات القادمه حاولي تهدين لان الرياييل اذا حد وقف بويههم وعاندهم يزيدون...

لو انا منج جان سمعته للاخر وفالنهايه اقول له :: ان شاء الله عيوني انا بحاول قد ما اقدر ارضيك واريحك واه شي اشوفك مستانس بس انت بعد ابيك تريحني عالاقل بشي بسيط... حاول تتغير وانا بعد بحاول اتغير وان شاء الله تصير حياتنا حلوه....

والله صدقيني هالكلام بيدخل قلبه وبيسويلج اللي تبينه وعقب ترومين تتفاهمين وياه عالدوام والطباخ ... ترا الريال يباله دلع ومسايس مايباله عناد وتحدي... ساليني مجربه

والسموووووووحه طولت عليج ويمكن غثيتج بالنصايح

حبيبتي والله مشكورة عالنصايح الحلوة
ترى ياحبيبتي انا اطبخ وانا اللي احن عليه شنو تبي وشنو تبي تاكل اهو يتكلم عن بعض المواقف اللي يصير مالي خلق فيها يعني احيانا
وانا ما اعانده ولا شي بس الموضوع ومافيه ان انا كنت ابي شي صعب بالنسبه له فقرر ان يطلب مني شي صعب عشان اتنازل
انا طلبت طلعة اسبوعية واهو سوا هالفلم
عموما انا وياه صغار انا ابيه وابي قربه واهو يبي الربع والجواخير اصلا لا الكل يهمه ولاشي

بس انا طرحت الموضوع عشان اعرف هل كلامي صح من وجهة نظر الشرع او لا

 

[nwir72]

حبيبتي يا رب اكون فدتج ودعيلي دعوة من قلبج يا قمررررر
تفضلي

http://www.islamqa.com/ar/ref/119740

 

[اوراق التوت]

حبيبتي قبل لاتكوني موظفة انتي زوجة والزوجة دورها تراعي بيتها واولادها وزوجها
وانتي مجبورة تطبخين وتربين اطفالك اعذريني بس كلامك غير مقبول وبكذا تخليه ينفر منك انتي ممكن تجيبة بالمسايسة الرجال مثل الطفلالكلمة الطيبة والحلوة تلعب به ياريت تحاولي تصلحين اللي خربتيه وممكن تاخدين اجازة فترة وتقابلي بيتك وزوجك ربي يصلح احوالك واحوال المسلمين

 

[غارقة بأحزانها]

حبيبتي يا رب اكون فدتج ودعيلي دعوة من قلبج يا قمررررر
تفضلي

http://www.islamqa.com/ar/ref/119740

مشكوووورة حبيبتي ما قصرتي
حق البنات اللي ما قرو الفتوى فهي واجبة
يعني من واجب المرأة انها تطبخ لزوجها

ولا تعتقدون يابنات اني وحدة متمردة واعاند زوجي
بس الواحد يعصب
ولما يعصب يقول كلام ماله داعي
انا من تزوجته وانا اطبخله وانظف وكل شي بس مع اليهال احتجت خدامه
ومو اهي اللي تطبخ لاني مراعية ان اهو تلوع جبده
بس هم الواحد لازم يرحم ويقدر وانا لما شفته مو مقدر اللي انا اسويه ويبيني اترك الدوام
ينيت :eh_s(22):
مشكورين كلكم​

 

[غارقة بأحزانها]

حبيبتي قبل لاتكوني موظفة انتي زوجة والزوجة دورها تراعي بيتها واولادها وزوجها
وانتي مجبورة تطبخين وتربين اطفالك اعذريني بس كلامك غير مقبول وبكذا تخليه ينفر منك انتي ممكن تجيبة بالمسايسة الرجال مثل الطفلالكلمة الطيبة والحلوة تلعب به ياريت تحاولي تصلحين اللي خربتيه وممكن تاخدين اجازة فترة وتقابلي بيتك وزوجك ربي يصلح احوالك واحوال المسلمين

انا ما خربت شي والسالفة اخلصت بيومها وانا اسلوبي مو مستفز ابدا اهو اللي استفزني والسالفة صصارلها اسبضصوع واهو نساها بس انا حبيت اعرف
وانا قايله من البداية سواء طلع الحكم واجب او تطوع انا راح اطبخ عشان خاطره
ومابي احد يعلمني شلون اتعامل مع زوجي
لاني على يقين اني مو مقصرة
وكل وحدة تتزاعل مع زوجها وتقول كلام مو حلو وتخورها بالحجي
هذي الحياة وبعدين ترجع المياه لمجاريها
والحمدلله انا وزوجي نحترم بعض وماصار شي
وانا صح اكره الدوام بس ماينفع اتركه لاسباب وايد وهم ما اقدر اخذ اجازة لاني مدرسة
واكرر انا مو مقصرة بس نوع زوجي ما يحب اقوله انت مقصر عشان جذي طلع هالسوالف

 

[الينبوعة]

حبيبتي انتي مجبورة طبعا تطبخين وتكعدين في البيت اذا رزوجك طلب هذا الشي شرعا ما يجوز لج تسوين شي بدون رضى زوجج وهو الي يقولة صح كلامة بس هو مجبور يصرف عليج وعلى بيتة واعيالة

بس حبيبتي كلامة صحيح الخدامة مو مجبور يجبها الج لا انتي ام البيت زلام توفرين كل هاي الاشياء هو ليش متزوج لعد؟​

 

[صمت المرافئ]

الله يهديه ويسخره لج
وين المرة اللي تطبخ الحين
والله حبيبتي كلنا نشتغل ونرد من الدوام مكروفات
تعبانات مهدود حيلنا
ويننا ووين الطباخ
والله الخدامة اهي اللي تطبخ وتنظف وكل شي تسويه
وبدل الخدامة ثنتين وثلاث
آنا أشوف الحياة وايد تغيرت عن أيام أمهاتنا ويداتنا
زين منا بعطلة نهاية الاسبوع نطبخ لرياييلنا اللي يحبونه
والمفروض الريال يراعي المرة
ويقدر مساهمتها في البيت والمصرف
الله يهديه ويعينج والله يلوم اللي يلومج
​

 

[مناير ...!]

ترى انا مو مجبورة اطبخ انا هني عشان تتمتع فيني واييب لك عيال واربيهم مو عشان اصير خدامه
انت ملزوم توفرلي خدامه تساعدني واذا ما تسمح ظروفك المادية اسوي بس اعتبرها صدقة احتسب فيها الاجر

لاغلطانه
مجبوره حبيبتي

 

[غارقة بأحزانها]

حبيبتي انتي مجبورة طبعا تطبخين وتكعدين في البيت اذا رزوجك طلب هذا الشي شرعا ما يجوز لج تسوين شي بدون رضى زوجج وهو الي يقولة صح كلامة بس هو مجبور يصرف عليج وعلى بيتة واعيالة ​

بس حبيبتي كلامة صحيح الخدامة مو مجبور يجبها الج لا انتي ام البيت زلام توفرين كل هاي الاشياء هو ليش متزوج لعد؟​

انا ادري حبيبتي اني ما اقدر اشتغل بدون رضاه ولا جان ما عصبت ولا خفت ان يجبرني
وبالنسبه لموضوع الخدامه بلى اكيد مجبور لان ما خذاني عشان يكرفني عيل اقعد ببيت اهلي احسن
واهو لو يبي الطباخ وشغله كله زاهب جان قعد عند امه
واهو متزوج عشان يكون اسرة واطفال ويدخل دنيا ويتمتع بالحلال
وبعدين صح الزوجة تطبخ وتربي الاطفال وممكن تنظف بس
ما يجبرها وتصير هذي قضية حياته
حبيبتي اقري السنه وتعرفين
ما كان في خدم ؟؟
كان في بس مومتوفر للكل والحين بالعكس اغلب الناس يقدرون يجيبون خادمه واكثر بعد
ولو الخادمه مو شي اساسي جان القاضي ما يحكم للمطلقة بخادمه؟؟

 

[غارقة بأحزانها]

الله يهديه ويسخره لج

وين المرة اللي تطبخ الحين
والله حبيبتي كلنا نشتغل ونرد من الدوام مكروفات
تعبانات مهدود حيلنا
ويننا ووين الطباخ
والله الخدامة اهي اللي تطبخ وتنظف وكل شي تسويه
وبدل الخدامة ثنتين وثلاث
آنا أشوف الحياة وايد تغيرت عن أيام أمهاتنا ويداتنا
زين منا بعطلة نهاية الاسبوع نطبخ لرياييلنا اللي يحبونه
والمفروض الريال يراعي المرة
ويقدر مساهمتها في البيت والمصرف
الله يهديه ويعينج والله يلوم اللي يلومج​

مشكورة حبيبتي
والله هذا الكلام اللي يطيب الخاطر
والناس اللي تقدر ​

 

[غارقة بأحزانها]

لاغلطانه
مجبوره حبيبتي

مجبورة ولا مو مجبورة راح اطبخ
وانا قريت وايد بهالموضوع
واغلب الائمة نفو الوجوب
بس اللي قالو واجب
اشترطو ماجرت به العادة
يعني الحين بالزمن هذا مافيه وحدة تطبخ نادر الاعتماد كله عالخدم
وانا قاعدة اطبخ من باب طاعة الزوج وحسن التبعل
وبنات انتو ليش تدورون الهواش انا سألت لاني شاكة بالموضوع وطلبت راي الشرع
انتو شكلكم معصبين اكثر من زوجي:krkrkr:​

 

[خشف العذارى]

وااااي شلون قلب السالفة عليج هع هع
الله يعينج علية

 

[al-musk]

انتي ماغلطتي وهو مفروض يستوعب ان الحياة مو عناد وند لند ولازم واحد يطلع الثاني غلطان

 

[غارقة بأحزانها]

وااااي شلون قلب السالفة عليج هع هع
الله يعينج علية

اي والله شفتي؟؟
الحين مو ريلي السالفة
بنات المنتدى اللي هبو فيني
مع اني وضحت ان انا كنت معصبة وقلت هالحجي لاني محترة
ومو قصدي امن عليه
بس حاربوني وبشدة:eh_s(2):

 

[غارقة بأحزانها]

وااااي شلون قلب السالفة عليج هع هع
الله يعينج علية

انتي ماغلطتي وهو مفروض يستوعب ان الحياة مو عناد وند لند ولازم واحد يطلع الثاني غلطان

مشكورة يالمسك وصح كلامج فديت اللي يفهمني انا

 

[غارقة بأحزانها]

مشكورين بنات
بس عشان تعرفون ان الرياييل مو كفو احد يقدرهم ويسويلهم شي لان مايبين بعينهم

اليوم انا ماخذة اجازة من الدوام وسويت هذاك البرياني اللي كلمة لذيذ شوية عليه
ولما كلاه
قتله ها شلونه لذيذ صح جان يقول عادي
:eh_s(14): شالسالفة شنو اللي فيه مو حلو
بط جبدي
قتله انت كل جذي طبخي وطبخي واخر شي تدقر
:eh_s(16):
لا وبعد يقارن بين طباخي وطباخ امه

والله البرياني كان حلو:eh_s(22):
اخر شي
جان اقول حق نفسي وانا اطالعه يعطيني العافية
جان يضحك ويقول ماقلنا شي يعطيج العافية

:eh_s(9):​