- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
اولا تنظفين الدياي زين وتفركينه بكركم وبعده اغسله واحطه مع نص كوب ماي على النار 5 دقايق علشان تروح الزفره وبعدها اصفيها من الماي
اما الجريش انقيه من الوصخ وانهنه بالجوله بجدر كبير لما يتغير لونه بعدها اغسله بماي وانقعه نص ساعه تقريبا
اخذ راس بصل واحمسه بشويه زيت واحط عليه الديايه واقلبهم
بعدها احط طماطتين مهروسين و4 حبات هيل وعود دراسين وليمون اسود عدل واقلبهم مع اضافه بهارات المجبوس
احط نص علبه معجون طماط وعليهم ماي يغلي وسكري الجدر وخلي الديايه تطبخ ساعه الاربع اوحسب حجم ديايتج ولاتنسين الملح
:eh_s(15)::eh_s(15)::eh_s(15):
البطاط انا اقشره واملحه واقليه بشويه زيت مع فلفل اسود ورشه دراسين وكركم ولما يحمر اقطه بالجدر مع الديايه اخر ربع ساعه قبل لاتستوي الديايه
بعد ماتستوي الديايه اشيلها من المروق مع البطاط واحطها بصينيه فرن مدهونه وارش عليها دارسين وشويه زيت واحمرها بالفرن
اللحين نيي للجريش المنهنه
اخذ الجريش هم اسويله حمسه بصل واقط عليه الجريش واقلبهم وبعدها احط مايه او مروق الدياي بعد مااصفيه من البهارات بس اخلي الليمون الاسود معاهم واخليهم ينجبس مثل مجبوس الدياي
لما يتشرب مايه الدياي ويستوي احطه على نار هاديه وتحته حديده اوصاجه يتسكر زين واحط فوقه شويه زيت اوسمنه:ggdw:
وقدميه بصحن مع الدياي والبطاط المحمر وتلذذي بالطعم العجيب الخنين:eh_s(22):
عافيه
التعديل الأخير:
