خبرتكم يامتزوجات بلييييييييييييييييييييييييز

[عروسه النهر]

مرحبا​

بنات عندي سؤالين
انا دورتي منتظمه تجيني كل تاريخ 3 وفي اخر دوره اتأخرت علي 6 أيام يعني ياتني تاريخ 8
الحين لوانتظمت المفروض تجيني تاريخ 3 والا 8 ؟؟
سوري سؤالي عبيط بس ابي اعرف بليز​

وعندي سؤال ثاني
انا اعاني من هوا وغازات واشتريت رشاد بس ماعرف طريقه استخدامه
هل لازم استخدمه وقت الدوره والا عادي بأي يوم لان دورتي اليوم خلصت وانا لهيت ولاعرفت طريقته ولااكلته ولاشي ,ساعدوني لاني مفتشله حيييييييل من الاصوات اللي تطلع
وانصحوني شاكل وقت الدوره مع اني ابتعد عن الحوامض والاشيا البارده وعندي سؤال ثالث هل المانجو المفروض مانشربه وقت الدوره؟لاني ماخليت عصير مانجو ماشربته وقتها هع​

 

[*peace*]

اولا دورتج المفروض تحسبين من اخر يوم نزلت عليج الدوره مالج شغل بالتاريخ القديم

والرشاد لازم تاخذينه اول ثلاث ايام الدوره بس لانه يسوي نزيف تكرمين تلهمينه الصبح مع حبه سوده

مع حليب دافي وترى يخفف عوار البطن ويريح انا ماستغنى عنه

 

[عروسه النهر]

مشكوره حبيبتي بس انا سالت لان دوم تجيني تاريخ 3 واوقات تخرف معاي وتنزل تاريخ 4 والشهر اللي بعده تعتدل وتصير زي قبل يوم 3 فقلت مدري يمكن ترجع زي التاريخ الاول هههههه
ويمه يمه ليش نزيف عاد قصدج تنزل الدم كله؟ وعادي اشربه مع زنجبيل والا باباونج بدل الحليب؟لاني مااشرب حليب
ويعني شنو تلهمينه مع حبه سودا ؟كيف الطريقه ماعرف اطبخهم والا كيف لان الرشاد صاير صغااار لونه بني اغليه والا اشلون

 

[*peace*]

اها مادري حبيبتي والله انتي تعرفين لنفسج

الرشاد تخلطينه مع حبه سوده لاتغلينه ولاشي بس نقيه شوفي يمكن اكو قطع خشب ولاوصخ

وتقدرين تحطين حلبه بعد معاه بس شويه بس انا متزوجه وماحط لانها تخلي ريحة الجسم ويع

تلهمينه يعني تاكلينه تحطينه بايدج وتحذفينه بحلجج خخخخخ وشربي فوقه الحليب او الجاي

او البابونج عادي كيفج انا مرات مستعجله اشرب ماي من الفلتر

مايسوي نزيف لاتخافين قصدي ينزل الدم تكرمين كميات كبيره عادي

وماله

اقولج الكلام المعروف اللي اهو تدفي لاتسبحين اول يومين عالاقل لبسي بنطلون طويل

لاتشربين بارد وبيبسي وبرد وليمون واشياء يخ ولزاقيه مثل الباميه

واخر يومين دوره تبخري يطلع الهوا ويخفف الاصوات مع اني اعقتد ان الاصوات والهوا اللي فيج

لانج ماتنفستي عدل لو انج متنفسه جان ماصار فيج جذي بس انتي اهتمي وترى شي يكمل شي

من اكل وادويه وتدفي لعل وعسى تطيبين لول

موفقه

 

[عروسه النهر]

مشكوره حبيبتي بس الرشاد ني اشلون اكله ههههههه والحبه السوده دي شنو بعد ههههه
واخاف اتبخر انا لسه بنت اخاف يصير فيني شي

 

[زوجة عزيز]

ااه من هالدوره بس انا 7 شهور ماياتني للاسف حبيبتي ما اعرف احسب لها ان شاء الله البنات مابيقصرون

 

[عروسه النهر]

مشكوره حبيبتي وان شالله تنزل عليج هالشهر ولاتهملين نفسج روحي للطبيب ينظمها لج
موفقه اختي

 

[غرشة عود]

نفس ماقالت بيس واخر 3 ايام تكبي بكبو هوا يطلع كل الهواء الي فيج واهم شي ما تجوعيم ونشربي دارسين وزعتر وكمون

والرشاد يفضل تعجنينه مع تمر ودهنه وتاكلينه

 

[عروسه النهر]

مشكوره حبيبتي
بس الحين خلصت دورتي واسمع اصوات فهل ينفع اكلهم بعد الدوره ؟.
واذا جاتني الدوره الجايه اكلهم لمده 3 ايام الاولى بس ؟
سوري بتعبج معاي بس وربي معاناتي موطبيعيه عداااااااب مع هالاصوات فشله فششششششششله

 

[ام شووووق]

اب لعيونج

 

[*peace*]

لايبه دام انتي بنت مادري لاتتبخرين مادري اذا يصير ولا لا

الرشاد ني اي شعلى بالج تقلينه خخخخ اهو جذي وروحي العطار قوليله ابي حبه سوده اللي

اهيا حبة البركه ودام انج بنت خلطي شوية حله هم معاهم زينه للدوره

وسلامتج

 

[*peace*]

مشكوره حبيبتي
بس الحين خلصت دورتي واسمع اصوات فهل ينفع اكلهم بعد الدوره ؟.
واذا جاتني الدوره الجايه اكلهم لمده 3 ايام الاولى بس ؟
سوري بتعبج معاي بس وربي معاناتي موطبيعيه عداااااااب مع هالاصوات فشله فششششششششله

انتي شلون بنتج وتطلع منج كل هالاصوات!!!!!

لا حبيبتي لازم تهتمين حدج خرباه لول

الادويه اخذيهم اول ايام الدوره فقط لاتاخذينهم بالايام العاديه مايصير

 

[عروسه النهر]

تسلمين ياقلبي ماقصرتين
ويسلمو عالرفع

 

[عروسه النهر]

انتي شلون بنتج وتطلع منج كل هالاصوات!!!!!

لا حبيبتي لازم تهتمين حدج خرباه لول

الادويه اخذيهم اول ايام الدوره فقط لاتاخذينهم بالايام العاديه مايصير

لاااا لاتخوفيني حرام عليج ههههههههههههه
بسألج الخراب يأثر عالحمل والا عادي مايأثر؟؟
لاني مااهتم زين وقت دورتي انا صج مااكل حوامض ولااشيا بارده بس اكره الاكل مااتغدى زين زواجي قرب الله يعين

 

[المديـ بنت ـنة]

الله يعينك

اب لعيونك

 

[عروسه النهر]

مشكوره ياقلبي رفع الله قدرج ان شالله

 

[أميرة زوجي أنا]

صلو على النبي للرفع

 

[هيا البرقاوي]

اللهم صلي وسلم عليه

 

[ضايعه بينهم]

والكمون والينسون يطرد الغازات حتى المهبليه
علييييييييييييييييييييييييييييييييييييييييييج بالمره والفلفل السود مع الشوربه والايدام
ولاتتبخرين ايام الدوره بمعمول انتبهي يلعب بحسبت الحرمه
واللرشاد ماراح تستفيدين منه الا ايام الدوره مع تمره مهروسه عشان ينزل الوسخ والسدد اي الدم الفاسد
موفقه ولاتنسني من الدعاء

 

[قلبي سلومي]

نفس ماقالو البنات