:eh_s(17):
:eh_s(17):
:eh_s(17):
:eh_s(17):
:eh_s(17):
سلام عليكم حبايبي :eh_s(22):
انا بكتب لكم تجربي في ازاله شعر الويه بالليزر في هالعيادتين و الفرق بين الاثنين حسب تجربتي ,, و انا اسوي ليزر حق منطقه الشوارب و الحنج بالتحديد و مو صووب الخدود كلش :eh_s(22):
المواعيد ::
مال الله : ليزر الويه مو لازم موعد ,, تقدرين ادرعمين على طوول و اذا في دور تنطرين نص ساعة حق كل زبونة يايه قبلج ,,,,
بوشهري : لازم قبلها تحجزين موعد بالفووون و يكون تاريخ الموعد حسب الـ schedule اذا في زحمة او لأ ,,,
الملف +الاسعار ::
مال الله: اتسوين الليزر بدون ملف,,, و اسعارهم ثابته طوول الجلسات 20 دينار حق كل جلسه
بوشهري : فتح الملف مجاني ,, سعر اول جلستين 20 دينار و عقب يطيح السعر و يصير 15 دينار طوول الجلسات ,,
خبراء الليزر:
مال الله :: عندهم بس وحده و الشغل كله عليها ,,,
بوشهري :: عندهم 3 و اذا سويتي عند وحده اتصير اهي اللي اتسويلج الليزر على طوول ,,
نوعية جهاز الليزر::
مال الله : ليزر عادي ..صوت الجهاز عالي و يخرع ,,الصوت العادي ما تسمعينه لازم صراااخ
بوشهري:: ليزر بالهوا البارد.. له ليت ملون +صوته مسموع بس مو عالي حيــل يعني اذا كلمتج تسمعينها بوضوح,,,
الشغل::
مال الله :: اتييج السستر و تاخذج داخل غرفة الليزر و تنسدحين عالسرير تعطيج شاش مبلل بماي اتحطينه فوق اسنانج,,, و تعطيج شاش اتحطينه على عيوونج و تلبسين نظارة جنها مالت السباحه و اتشيل الشعر بمووس ,,, و عقب تدخل خبيرة الليزر و اتحطلج ثلج عالمنطقة و لما تخدر المنطقة من برودة الثلج تشتغل عليها بالليزر,, و اتحسين بـ عوار قوي + تشمين ريحة شي يحترق قووية طالعة,,, و عقب اتسوي نفس الطريقة للمكان اللي عقبه ,, يعني تمشي حبه حبه على كل مكان عشان اتأكد انها سوته عدل,,, و لما اتخلص اتروحين بيتكم بالسلامة J ,,,
بوشهري:: خبيرة الليزر نفسها تاخذج للمكان و تنسدحين عالسرير و اتحط لج شاش مبلل على عيونج و تلبسين نظارة جنها مالت السباحة ,, بس اتخلي الشعر على حطته ما اتشيله بموس على قولتها اتشووف اماكن توزع الشعر عدل ,, و تشتغل عالويه على طووول فـ لما اتشغله اتحسين بلسعااات خفيفة جنها تقرص +تشمين ريحه شي يحترق بس اتكون الريحة خفيفة ,, و كل ما خلصت مكان اتروح مكان ثاني اتعيد عليه ,, و اتركز حيــــل عـ الاماكن الدقيقة مثل زوايا الشفايف و اعلى مكان بالشنب عند زوايا الخشم ,,و لما اتخلص اتحط كريم بيثادين (جنه اسمه جذي) ,,, و اتروحين البيت بالسلامة J ,,
النتيجة ::
مال الله :: بعد اسبوعين بالضبط يطلع الشعر بس لازم تسحبينه بايدج عشان يطيح ,,,
بوشهري :: خلال 10 ايام لي اسبوعين يطلع الشعر و اذا مسحتي عالويه يطيح الشعر برووحه ,,,
زبدة الحجي ::
للأمانة انا مسوية ليزر من زماان و منهم سنة عند مال الله كلينك و خف اللون بشرتي بمنطقة الشنب و عند الحنج ,, بس كانت جذور الشعر تظل على قوتها يعني لازم كل شهر جلسة ,, و انا الحمدلله ما عندي مشاكل هرمونية و لا اخذ علاجات طبيه ,,, و الحين حولت على بوشهري كلينك توه صارلي جلسة ,, و حدي ارتحت معاهم و انشرح قلبي منهم لانه الخبيرة تعطيج ويه و تسمع رايج و تعطيج نصايح ,, بس اللي فـ مال الله كلينك اتيي سستر اتزهب لها كل شي و اهي تدخل و اتسوي شغلها و تطلع ,,,
و هذي تجربتي الشخصيه بالليزر ,, اتمنى انها تفيدكم :eh_s(15): و اللي عجبها الموضوع لا تنسى التقييم و الدعاء لي انه الله يرزقني بالعمرة :eh_s(17):
:eh_s(17):
:eh_s(17):
:eh_s(17):
:eh_s(17):
:eh_s(17):
