أمي رافضة زواجي بدون سبب

[الرروح44]

مرحبا أخواتي أخباركم . حبيت استشيركم والله يابنات تعبت نفسيا وجسديا ومن كل النواحي انا مشكلتي انا شاب من الاهل يتقدم لخطبتي من ثمان سنواااااااااااااات تتخيلون وشاب على خلق ودين انا يتيمة الاب وعندي اخوان شباب موافقين على الشاب ويقولون ماعلية كلام بس المشكلة عند امي ورفضهااااا غير المبرر يعني بدون اسباب وتصر على رايهاااااااااا بشدة وكل ما يفتح الموضوع يتغير شكلهاااا وتحس بلوعة واسهال عزكم الله ما ادري كيف اقنعها حاولت بكل الطرق ومحدتم ما كلمهاا عن الموضوع والله يا أخواتي احترت وانا لا اريد الارتباط بغيرة واخر مرة وافقت بس قالت لاخواني زوجوهاا بس انا ما بحضر فترددو وانا في حيرة من امري ماذا أفعل ياأخوتي والله تعبت نفسيا دعواتكم لاتنسوني الله لا يحط وحدة بهذا الموقف .

 

[شـمـوخ آنـثـى]

يشرفني اني اكوون اول من ترد ع موضوعج حبيبتي..


حياتي لازم تحاجين امج اكثر من مره وتعرفين شنو سبب رفضها للشاب..

دام انها عارفه ان رجال صالح واهم شي ان اخوانج يعرفوونه عدل..

 

[نفهمها صح]

امممممممممممم
خوالج وين
اذا عندج احد منهم وامج تحترمه كلميه
ويمكن متبي تفارقج
قوليلها في احد غيره ترشحينه لي يالله
والله يوفقج يارب
بعض الامهات الله يهديهم يتعنتوون ليه مدري

 

[ޢޢޢإيمانޢޢޢะۣۨ>]

يا حبيبتي
الظاهر نفسيتها تتعب لما تفكر إنج بتفارقينها
قولي لها لازم أروح لنصيبي قبل لا يمر العمر
وفهميها إنج ما راح تبتعدين عنها وبتظلين قريبه​

 

[الرروح44]

يشرفني ردكم أخواتي بس والله كل حد رمسها خالي عمي ولد عمي عمتي كل حد بس الشغلة عناد الله المستعاااااااااااااان

 

[منورة الكويتية]

اكيد رفضها مو مني والطريج واصرارها ع الرفض وراه سبب قوي وتشوف شي يمكن انتي مو شايفته
قعدي معاها وحاولي تعرفين السبب عشان لو ماصار من نصيبج تكونين راضيه ومقتنعه
والله يرزقج بالي تمنين

 

[الرروح44]

قعدت عندها وتفاهمنا وقالتلي ان الولد مافية عيب بس هي ماتحب امة ومعاندة فيها يعني عناد شوفي بتقدرين تاخذين بنتي والله لا شغل مذلة وانا والولد مالنا ذنب بهذا الشي الله المستعااااااااااااااااااااااااااااان

 

[ReeM ^ Style]

الله يعينج يا الروح
الظاهر سالفة عناد
فانتي اللي عليج تقنعينها مره ومرتين وثالث
يعني اذا انتي تبين الشخص ادعي ربج
وتصدقي وادعي ان الله يلين راس امج
والله يجمعكم ان كان هالشخص خير لج بالدنيا والاخرى

 

[الرروح44]

شكراااااااااااااااااااااااااا أخواتي العزيزااااااااااااااااااااااااااااااااااااااااااااااات دعوااااااااااااااااااااااااااااتكم يزاكم الله خير

 

[الرروح44]

" ربي لما انزلت لي من خير فقير "

 

[[ نور عيني ]]

*
آلله يكتبه من نصيبج يـ رب يآ كريم ..
حبيبتي شتسوين بعد .. مآلج الا الصبر ..
واذا مآ تم آلنصيب .. خلآص وآفقي على غيره ..
يمكن آمج مآتبي لج آلشر .. مآتحب آمه مثلاً من سآلفه قديمه ومآتبي تقطج عليهم ..
وصدقيني آمج تبي لج آلخير مو قصدهآ توقف نصيبج ..
وآنتي آستخيري ربج !
حيآتي موفقه يـ رب ..

 

[بنت الاحلام]

الموضوع وراه سر كبير اقعدي مع امج وشوفي لو توافق ع احد ثاني ولا بس هالشاب

وشنو يقرب لكم بالضبط ؟

اخاف يكون اخوج بالرضاعه او شي

 

[الرروح44]

لا لا أخوي ولا شي والغريبة انة من فترة خطبني وااااحد ولا نعرف عنة شي والاغرب وافقت وحتشرت يوم انا رفضت والله لا نعرفة ولا نعرف اهلة ولاشي ولا ان الولد زين والله لا احس امي فية شي معموللها عمل من ناحية هذا الشاب والله اعلم رفض غير طبيعي .

 

[قطوووة]

فاتحي معاها الموضوع واستخيري

 

[الرروح44]

استخرت والحمدلله وكل ما افتح الموضوع تيها حالة وتزعل بس انا مصره على هذا الشاب والله كريم

 

[دلوعة أبوهآ]

" ربي لما انزلت لي من خير فقير "

( ربي إني لما أنزلت إلّي من خير فقير ) ..

.. حبيت اعدل الآيه ..

والله يفرج همك

 

[نحوله العسوله]

اللله يعينج يارب بس بسألج انتي وحيدة امج

 

[الرروح44]

يزاج الله خير

 

[الرروح44]

أنا وحيدة امي هااااااااااااااااااااي المشكلة

 

[نحوله العسوله]

نصيحه كلميها وقولييها انج موافقه حطيها امام الامر الواقع ...ولا تنسين تصلين استخاره
والله يوفقج يارب