عندي مشكلة وأبي حل

[نفل وخزامى]

السلام عليكم​

مشكلتي بزوجي ولا مرة قالي حتى لو بالمجاملة أنتى كشخة أو شالزين أو يعطيج العافية على الترتيب والنظافة مع اني واللة مو مقصرة بشي لا بالبيت والا بالعيال دايم مرتبة وأهتم بنفسي بشي مو طبيعي واذا أهو لبس أو حلق دايم أمدحة وأبدي أعجابي فيه
قولولي شسوى صارلي خمس سنين بصمت:eh_s(11):​

 

[Tejan]

يا حياااااااااتي كسرتي خاطري

ليش ناطرة 5 سنين !!

انتي مدحي نفسج جدامة بكل بساطه

انا اجابل المنظرة و اتمقل بعمري و اطالع نفسي حركات اعجاب ..
حده يحتر و يقولي خلاص حلوة بسج غرور خخخخ

و على الطالعة و النازله اقوله "حدي محلوة صح ؟" << خخخخخ
و الله الريال وااااايد يتأثر بالرسائل الخفيه << كلام كبير

اييي و لما ادخل الشقه انا معاه اخذ نفس عمييييييييييييييق و اقول واااي يا حلات ريحتي و ريحت شقتي

توله على ريحت بيتنا صح ؟؟ << الاخ ينصدم وقتها و يبهت من ثقتي الزايدة و يقول اي اي اكيد

و انتي عطيه مدح بالقطارة مو طول الوقت رافعته بالسما خليه يدور جدامك ساعة يبي منج كلمة

 

[غرقانة بالحزن]

مرات مشاكلكم حدها ؟؟؟؟؟؟؟؟؟؟؟؟؟؟
علبالي عندك مشكلة ومن العنوان خابتنا
وانتي تبين تتدلعين

 

[Cander]

يمكن اهو طبعة جذي

مايقصد انج مو عاجبتة بس اهو طبعة جذي

 

[دنيا الهم]

مع Tejan

 

[Tutti-Frutti]

يمكن طبعه جذي ما يتكلم وما يمدح
وايد رياييل جذي

 

[زود الغلا]

رايي من راي تيجان لالالالالالالالالالالالالا تمدحينة واجد ....عاد تصدقين انا مع زوجي العكس اهو كله يمدحني المسكين وانا مو بالي شي يعني كله يقولي دلعيني سمعيني كلام حلو اهو رومانسي وانا العكس بس صدقين مو شرط انك مو عاجبته اهو طبعه كذي يعني يرروح عن باله المدح ....واذا شرى خامات ياخذ رايي وبالعطور وبتحليقة شعرة وقفلة وانا اذا سالني اجاوبة بس تبين من نفسي لا ...ليش مادري .

 

[اصيله بنت البدو]

قوليليه كل المديح اللي تجيج فلانه انهبلت على ثوبي على شعري على كل شي
وحتى ولو بعرس قولي وحده خطبتلي لولده وماتدري اني متزوجها ولو بالكذب

 

[الريشة]

فيه رياييل وايد ما يتكلمون و لا يعبرون عن مشاعرهم و عايشين بصمت و هذا عادي.
تلاقينه مل من الكلام بالدوام و مع ربعه و لما يرجع البيت يبي ياخذ فترة راحة.
انتي بالبداية سولفي معاه عن المواضيع اللي تعجبه مثلاً يحب الكرة تابعي الكرة و ناقشيه بالموضوع ليمن بالتدريج يتعود على التعبير عن رايه.
و صارحيه بإنك تحبين المدح و تبين تسمعينه يمدحك ...
و غيري من شكلك كل فترة ، يمكن انتي تكررين نفس الستايل و هالشيء ما يلفت نظره.
شوفي شنو يحب و سويه

 

[ملاك الكويتيه]

قوليليه كل المديح اللي تجيج فلانه انهبلت على ثوبي على شعري على كل شي
وحتى ولو بعرس قولي وحده خطبتلي لولده وماتدري اني متزوجها ولو بالكذب

راي من رايها...دايما قوليله واااي كأني القمر اينن وعاد تدلعي عليه لان في رياييل نحيسين يخافون يمدحون المره واهي تشوف نفسها عليه مايدري ان هذا غريزه في الزوجه

 

[ياليل مااطولك]

الرجل يريد من المراه المعامله الحسنه عند الحوار في اي مشكله عائليه والنقاش بدون رفع صوت اذا تعاملت المراه هذا التعامل كان الرجل لها نعم الزوج هكذا الحياه الزوجيه حتا الزوجه السليطه السان في الحوار ليريدها الزوج لانكي لوا تكشختي ولبستي فانه يتذكر ردودك عن الحوار هكذا الرجال يريدون من يفهم طبيعتهم وقد تكون الاسباب انه ليقول لكي كلام جميل لنكي لم تعوديه من البدايه فعتاد على هذا

 

[دلوعة أبوهآ]

انتي مدحي نفسك قدامه ..
وتدلعي ..


ويمكن زوجك طبعه كذا مايحب يتكلم وكتوم ..

 

[.حــنــان.]

غرقانه بالحزن << اي مشكله و مشكله عوووووووووده بعد
ان ريلج حبيبج ما يمدح فيج ولا يقول حتى كلمه شكرا .. الا مصيبه بالنسبه للبعض
يمكن انتي عندج شي عادي بس في ناس يتاثؤون من هالكلام

حبيبتي نفل و خزامي ... انا راي من راي تيجان
و حاولي تكلمينه قوليله ليش ما تعلق علي ولا تجاملني حتى ولا تقول اي كلمه حلوه
و صج في وايد رياييل ما يعرفون يعبرون .. -.-"

 

[Tom ♥ Jerry]

.

آنتي لمآ يسويلج شي على طول قوليله مشكور ..
بعد عمري / تسلم ايدك / مآ قصرت / يعطيك العافيه .. آلخ

رآح تلقينه مع الآيآم يتعود على هالشي
و رآح يصير مثلج على طول يقولج هالكلآم (=
بس يبيله صبر شوي

 

[Tulips]

عادي كلهم جذي حبيبتي

 

[المتميزة@80]

في رياييل ما يعبرون بالكلام

يعني يعبر بابتسامه , بقعدته بالبيت , باي شي غير الكلام ,

يكون هذا طبع فيه مو معناته مايحبج او موعاجبته عرفتي

 

[لوووووووولي]

الرجل له طريقة مختلفة في التعبير عن مشاعره او اي شي داخله و اذا هو ما مقصر معك بشي معناها انه يحبك و يقدرك و شاكر لك

 

[daana]

الصراحه راحه قعدي معاه وقولي له يابوفلان انا مو عاجبتك ليش ماتمدحني انا محتاجه كلمه منك لو بسنه حسنه
وليش ساكته او تعودي عليه جذي ولا تمدحينه