عملية ليزك للعيون؟

[Un!QuE G!RL]

السلام عليكم ​

بنات ودي اسوي عملية ليزك حق عيني مليت من العدسات الطبيه والالتهابات والتوهق وجونا حدث ولا حرج استغفر الله مو مال عدسات ... المهم
ودي اسوي بس خايفه :/ منو سوت العمليه ابي تجاربكم وشنو الايجابيات وهل في سلبيات وشنو اهيه ؟؟ واقدر لما اسويها البس عدسات ملونه حق المناسبات مثلا ولا ما يصير عدسات ؟؟؟​

ابي تجاربكم عفيه :/​

 

[فلبينية عبدة]

رفع

 

[هنـــد]

اي سويها بدون تردد بعد صلاة استخاره عند الدكتور سامي الربيعه

كلها ايجابيات ماكو سلبيه

اي عادي انا سويتها شهر 6

شهر 8 سافرت ولبست عدسات لوول مو زين افضل بعد 6 اشهر

 

[عيون الينابيع]

انا سويتها من شهر 9 اللي طاف بمستشفى السلام
صراحة ارتحت مع انه الدكتور قاللي عيونج حساسة بس انا جازفت وسويتا
على فكرة مستشفى السلام اللحين عندهم عرض على الليزك

 

[وردة سلفر]

اختي توها مسويتها من اسبوعين بدار الشفا عند دكتور (محمد وجيه) يمدحووونه وايد واهو كله مسافر مو
دايما بالكويت كثر ماهو شاطر .

قال حق اختي ان العملية اللي تناسبها اسمها اب ليزك واهي احسن من الليزك .. وهذي يسوونها لي يلبسون عدسات
من اكثر من 6 سنين . فماتنفع وياهم الليزك العادية .

والفرق بين الليزك والاب ليزك حسب كلامه (الي يسوي ليزك مايقدر يقرا الكتاب الا من بعد ، اما الاب ليزك لا عادي حتى
من قريب يقدر يقرا) .

طبعا الخيار مو لج ..اهو يحدد الانسب .


المهم :

العملية خذت حق كل عين ربع ساعه .

بعد العملية على طول في ألم خفيف مزعج على قولتها . بس مع المسكنات والحبوب يروح

ثاني يوم صار الوضع حلوو وتقدر تشوف بس في ضباب عالرؤية ، طبعا
لان تو صارلها يوم .

اليوم الرابع اهي اوكي ماشاءالله وتشوف عدل .


وتكاليف العملية مع الفحوصات مع الادوية كلها 450


وانا ماخذه موعد تاريخ 13 حق الفحوصات وان شاءالله ناوية اسوي .

 

[Un!QuE G!RL]

وااي تشوقت
انا سمعت انه 5 دقايق حق كل عين ؟ وانزين ما تعور العمليه ؟؟؟​

 

[!! شوق !!]

احم انا توني صارلي اسبوع مسويتها .. احدث تجربه للان

سويتها عند دكتور محمد وجيه بدار الشفا .. دكتور عجييييييييييييب وجدا ممتاز انصح فيه بقوه ..
طبعا في ثلاث عمليات .. ليزر .. ليزك .. الترا ليزر ..
وبحسب الفحص الدكتور يحدد لج ..
انا سويت ليزك .. ومثلج انا تاذيت من العدسات لاني اكررررررره النظاره وخاصه اني منقبه ماحب البسها برا البيت وتعرفين الجوو شلون يتعب بالصيف مع العدسات ..
امممم .. صراحه انا كنت خايفه واذيت الدكتور بس الشهاده لله كان جدا صبور معاي وباله طويل ..
ماطولت العينتين خذت عشر دقايق ربع ساعه ..
بعدها تلبسين نظاره لمده يومين .. بالبيت
تالي تقطينها بالبيت بس برا تلبسينها عن الشمس ..
الالم ماكوو بس حرقه اول 3 ساعات .. وتروح مع القطرات
بعدين مافيج الا العافيه تشوفين واضح وماكوو الم ..
اممممممم بعد شنو بعد اسبوعين تحطين كحل وبعد شهر تلبسين عدسات ملونه
اول يوم ماتغسلين عيونج .. وثاني يوم عادي وصلاتج سجود وركوع عادي ..
بعد شنوو عندج استفسار وانا حاضره

السعر مع فتح الملف والفحص .. 420
والادويه تقريبا اقل من 20

انا كنصيحه من اخت اقوولج توكلي على الله

 

[أم و حلوة]

بالسلامة حبيبتي

 

[نـ(المطيري)ـازكـ]

ودي اسويها بس متردده

انا شفتها شلون يسوونها بجويل تخررررررررعت

يبطلون العين ويحطون شي .. فترددت اسويها ..

 

[وردة سلفر]

شوق صح وجيييييييه اينن

بس اختي سوت العينين اب ليزك مادري الترا ليزر خخخخخخ

المهم مو الليزك العادي عشان جذي كل عين خذت ربع ساعه

ويمكن من جذي كان في عوار بسيط بعينها اول يوم .


واي صح تلبسين نظارة شمسية بالبيت عن الليتات وبرا عن الشمس

ويستحسن اول جم يوم ماتطلعين بالشمس .. يعني اذا تداومين

سويها يوم الخميس عشان الجمعة والسبت ماتطلعين .

وهو بعد الفحوصات اللي قبل العملية يراويج الجدول مال ايام

العمليات وانتي تختارين اللي يناسبج .


وبعد نسيت اقولج ، اختي بالعملية حطلها عدسة
تحفظ عينها وبعد 3 ايام راحت وشالها وصار كل شي تماااام .

انتي سوالج جذي شوق ؟

 

[!! شوق !!]

لا حبيبتي انا ماحطلي عدسات .. اختج مسويه التراليزك..

اي نسيت اقولج بالنسبه للدوام .. يعطيج اسبوعين طبيه ..
وقبل العمليه بيومين ماتحطين كحل ولا ماسكرا .. عشان لايترك بقايا ..
اي بعد .. ترا ماتحسين بالم كلش .. بوقت العمليه نفسها والدكتور بيقعد يسولف معاج عادي جدا ..
اي استفسار معين حاظره

 

[منار البربرية]

انا سويتها من شهر 9 اللي طاف بمستشفى السلام
صراحة ارتحت مع انه الدكتور قاللي عيونج حساسة بس انا جازفت وسويتا
على فكرة مستشفى السلام اللحين عندهم عرض على الليزك

امانه انتي وينج عني عند اي دكتور الحمدان ؟؟

 

[منار البربرية]

لا حبيبتي انا ماحطلي عدسات .. اختج مسويه التراليزك..

اي نسيت اقولج بالنسبه للدوام .. يعطيج اسبوعين طبيه ..
وقبل العمليه بيومين ماتحطين كحل ولا ماسكرا .. عشان لايترك بقايا ..
اي بعد .. ترا ماتحسين بالم كلش .. بوقت العمليه نفسها والدكتور بيقعد يسولف معاج عادي جدا ..
اي استفسار معين حاظره

طيب اذا عندك دوام ومايصير تغيب خاصه اللي بالجامعه شلون ؟؟؟

 

[Xtina]

توكلي ع الله وسوي العملية
اهيا تعور بس اول يوم وثاني تصيرين اوكي بس الرؤية ضبابية
وبعدين تشوفين طبيعي مثل قبل بس لا تغسلين عيونج اول يوم
وسويها بالسلام اسعارهم حلوة

 

[منار البربرية]

توكلي ع الله وسوي العملية
اهيا تعور بس اول يوم وثاني تصيرين اوكي بس الرؤية ضبابية
وبعدين تشوفين طبيعي مثل قبل بس لا تغسلين عيونج اول يوم
وسويها بالسلام اسعارهم حلوة

نبي السعر والنتيجه حلوه اختي ههههه طيب فديني انا ابي اسويها وخايفه لان عندي جامعه واختبارات ؟؟

 

[Ga6waah83]

انصحج فيها وبقووووووه لا تترددين وتوكلي على الله
وماكو شي يخوف كلش كلش
وديري بالج هذي عين لا تعطينها حق اي دكتور

انا انصحج في مبارك العجمي وعبدالله المنصوووور صج اسعارهم اشوي اغلى بس اضمن هذي عين مو لعبه
انا سويت عند عبدالله المنصور السنه اللي طافت
ورفيجتي مسويه عن مبارك العجمي وكنت معاها فعلا هالدكتورين عجيييبييييين ​

 

[kramilah]

انا ابي اسوي لان حيييييييل محتاااااجه العمليه تعبت وربببببي كل مااروح لازم عدسااات
بس ابي وحده جربت بمستشفى حكومي لان الخاص صعب علي اللي عندها تجربه تقووولي..


وبالتووفيق حبيبتي..

 

[منار البربرية]

رفعت الموضوع ولا احد فادني لووول خوش دقره ههه

ابي السلام بنوتات عروض شهر ابريل عاجبتي

 

[مهاوي~]

حياتي توكلي على الله

انا صارلي 8 شهور مسويتها

ومرتااحة الحمدلله

عند د. سلطان المطيري عجييييييييييييييييب وشاااطر
سعرها 450 كله مع فتح الملف

واختي وبنات خالاتي مسوين عنده

حدي انصحج فيه

 

[Un!QuE G!RL]

وااااي بسوييي خلااااص مشكوورين بنات وايد فدتوني وشجعتوني

ومنو تعرف دكتور عبدالمطلب بهبهاني ؟؟ يقولون شاطر ​