والله تعبت من الوحام ومااقدر اتحمل

[ســـمـــاســـم]

السلااااام ..

بدخل ع طووول بالموضوع بنات انا حامل وهذا اول حمل لي بس من دخلت الاسبوع السابع وانا حالتي حاله والله تعبت حيل مو شوي موقادره ارتاح حتى المغذي ماقعد ينفع معاي الوحام ذبحني بس ارجع وكلا لايعه جبدي بنات حيل للدرجه والله ماانام واذا غفيت قعدت من اللوعه احس اختنق خلاص واستغفرالله كرهت اللي فبطني وانا للحين ماولدته الحين انا بشهري الثالث وانا تقريبا صارلي شهر فبيت اهلي واحس مقصره مع زوجي حيل موشوي لاني مااقدر اروح لشقتي عند امي احسن وفوق هذا عندي دااوم فالكليه وااقدر اوقف قيدي لان في مواد ماخذتها ماتبطل مره ثانيه هذا اخر كورس لها ولا اقدر اكل تخيلو يمر اليوم كله على نص توسته وعصير منغا مااقدر ونسيت اقول بعد فيني مراره انا كنت رايحه بعالجه وطلعت حامل فكلش وربي مومرتاحه وانا الحمدالله محتسبه الاجر من الله


بس تكفون بنات انا ابي اللي تعرف شي يخفف هاللوعه تنصحني فيه وربي لادعيلها من كل قلبي وانا جربت كل شي الموز الليمون ... الخ

 

[دلوعة مبارك]

حيااااااااااااتي جربي بسكوت ماري انا بنت خالي كانت جذية ......

 

[ســـمـــاســـم]

انا جربت بسكوت مالح ونفس الشي الا لاعت جبدي بزوود ع العمووم مشكوره ياقلبي

 

[جوليانا الحلوه]

الله يعينج انا بنتي كنت جذي واول حماله لي لدرجه جاني جفاف كنت كل يوم مغذي ذكرتيني فيما مضي بس تحملي واصبري لين يخلص الشهر الثالث بعدها تدخلين الرابع وتصيرين طبيعيه انا كنت اخذ تحميله شرجيه عشان اللوعه ونفعتني بس والله ما اتذكر شنو اسمها بس كنت ماخذتها بمستشفي دار الشفا و الله يهون عليج تري كله اجر وان شاء الله ان ولدتي وشفتي البيبي راح تنسين كل شي و الله كريم

 

[ســـمـــاســـم]

الله يعينج انا بنتي كنت جذي واول حماله لي لدرجه جاني جفاف كنت كل يوم مغذي ذكرتيني فيما مضي بس تحملي واصبري لين يخلص الشهر الثالث بعدها تدخلين الرابع وتصيرين طبيعيه انا كنت اخذ تحميله شرجيه عشان اللوعه ونفعتني بس والله ما اتذكر شنو اسمها بس كنت ماخذتها بمستشفي دار الشفا و الله يهون عليج تري كله اجر وان شاء الله ان ولدتي وشفتي البيبي راح تنسين كل شي و الله كريم

ياحياتي مشكوووره ياريت تقولين لي اسمعها ياقلبي حاولي تتذكرين ويعني شلون اروح صيدلية دار الشفا واسئلهم لان وربي مااقدر اتحمل اكثر والحين بتلوع جبودكم اكيد بس اتفل حيل لاعه جبدي من هالحاله

 

[brat]

جربتي علج بصري؟

 

[Miss Chanel]

طيب ليه ماتخذين حبوب اللوعه ؟؟
واكلي بسوكته مالحه اول ماتقعدين يقولون تخفف اللوعه
مرى اخوي جذي تقول حطيت البسكوته عند راسي واذا قعدت اكلتها
الله يعينج

 

[فوفو..]

الله يتمم لك ويرفعك بالعافيه...

 

[_زينه_]

ماعندي فكره

الله يسهل عليج

 

[yaamye]

انت نفس حالتي ياقلبي جربت كل شي مافاد بس التحميله عجيييييييييييبه وهذا اسمها من دار الشفاء primperan
,وانشاء الله كلها فتره وتعدي

 

[اختكم بالله]

الله يعينج انا جذي والله اتعب حيل بس ان شالله فتره وتعدي الله يثبته ان شالله

 

[فاقده ابوهاااا]

عادي حبيبتي تري كله أجر انا ام عيال وتعودت وكاني حامل الحين وربج يسهل لنا بس مو قادره علي نساتي لدرجه ان بس بجي طول الليل وازف بهالريل المسكين ومقصره معاه ومافي حل خذيت ليمون وبسكوت مالح ماكو فايده بس تري النساة نعمه وحكمه من ربج لا تفكرين تاخذين حبوب تخفف النسات لان كل شي ربج يسويه له حكمه وهدف ما عليج الا تتصبرين وحاولي تغيرين جو انا كل اسبوع لازم اغير جو مع ريلي علشان لا تتحطم نفسيتي اكثر وربي يأجرج ان شاء الله ويتمم عليج

 

[أم عبود 2011]

اللي ما حبيته بموضوعج شلون تقولين كرهت اللي في بطني ؟ البيبي شكوووووووووووووو عيل ليش حملتي فيه
كلنا حاشتنا هالحالة ويمكن أصعب منج والحمد لله تعديناها هذا كله ضريبة الأمومة عيل شلون الجنة تحت أقدام الأمهات ؟
البيبي ماله ذنب تقولين كرهتيه قبل لا ينولد شدعوة الطب تطور وفي ألف طريقة وطريقة تعالجين حالج فيها وتجارب البنات بالمنتدى وايد حلوة وراح تنفعج لأنها صج انفعتني
تعوذي من إبليس واستغفري ربج وباجر تفرحين بشوفته بصحة وعافية بحضنج بس طولي بالج وكله بأجره
وفعلا استفيدي من تجارب البنات

 

[هيبة ملك]

لاتقولين كرهت اللي فبطني مايجوز

الله يتمم لج كلها كم أسبوع ويخف

خذي حبوب اللوعة

 

[مواصله]

بييييه الله يعينج ذكرتيني بنفسي بحمالي فبنتي من الوحام ضعفت 7كيلو وانا بالاساس ضعيفه حتي الماي مايوصل بطني

الدكتوره صرفت لي حبوب لترجيع بس ماستفدت الا يمكن10%

تحملي،،بس توصلين الرابع تخف النساة وعلي اجر ان شاءالله ادعي الله يهونها ويسهلها عليج

 

[نبض حبيبها]

عن تجربة
طماطة مقصصة وملح وشوية زيت زيتون وخبز المخابز الخفيف
بإذن الله تخفف اللوعة
وكلها أسبوعين ويصير الوضع طبيعي ​

 

[احلى ـآ وحده]

ياويلي عنج وربي حاسه فيج لان صارت معاي بحمالي الاول تعبت بس الاستاذه كانو متعاطفين معاي لان كنت اوريهم تقارير الدكاتره

وفي حبوب للوعه تاخذها رفيجتي من مستشفى السلام حيل تمدحهم اهم 15 حبه بـ 30 دينار ..


والله يسهل عليج حملج .. ويرزقج الذريه الصالحه

 

[Dan Dan 88]

الله يعينج
اصعب فتره

عندج الخيار، ليمون، بسكوت مالح ، حليب بارد ، فلفل اخضر، تفاح

 

[بيبي فيس2008]

حبوب اسمها اوندا تهبل انا حملي بولدي كنت بموت من الوحام كنت نفس الخرجه مااقدر ارفع راسي كل طايحه لدرجه كنت ارجع دم وربي شاهد يمه شي موطبيعي شفت الموت وبنتي دكتورتي صرفتلي هالحبوب اوندا تكسرين الحبة بالنص وحدة الصبح والكسرة الثانيه بالليل وربي ارتحت عليهم من فضل ربي مابي منج الا الدعاء والله يقومج بالسلامه وتقر عينج بشوفتج ضناج

 

[كوتيه مغتربه00]

انا كنت معاناه
اول شي لاتاكلي شي اول ماتقومي اعلكي علكه بس خمس دقايق وارمياها
بعد كذا اشربي عصير اللي انتي تحبين فراوله مثلا بس يكووون با ااارد
وبعد نص ساعه تريقي عادي بس يكون خفيف
وجربي بطاطس ليز ملح وخل يخفف كثير من لوعه الوحم
ولاتخلين نفسك تجوعي ابد ابد اكلي بين وقت ووقت اشيا خفيفه
كثري سوااااائل بارده
واهم شي غيري جو قد ماتقدرين
وبس---------------------الله يعينج يارب