انا اضيع حياتي مع ريال !

[كتكات احمر]

مممم ماعليج منهم

هذي اللي تقول هالحجي هي اول وحده خاطرها تتزوج

يتمنعن وهن الراغبات

:krkrkr::rerrerek:

 

[كتكوته و اموره]

الريال تحدي اذا عرفتي جوانب ضعفة و قوتة خلاص ملكتييه بس مشكلتنا ما فينا صبر و انا عيبي الصبر عندي مييييح بس احاول اكبر دماغي
نصيحتي لكل مقبلة على الزواج من خبرتي و معاركي الزوجية :

1- وضحي لزوجج معاشج لج فقط لا غير و لاتقولينلة يمعت و حسابي كذا لا لا لا امورج المالية سر زوجج بالذات لازم ما يدري عنة
2- لا تلزقين فيه ترى ما راح يطير
3-لاتسوين ليله كحلية و ليله حمرا و ليله فسفورية راح يقول بقلبة هذي فاضية حدها و مجابلتني دراعة طول اليوم و كشه قايمة و توها تفكر تتسنع حق جم ساعة بس !!!!! اذا مو 5 دقايق
4- من نقطة 3 نستنتج ان خلي كشختج لنفسج راح تستانسين و هالشي بيشوفة زوجج و راح ينعجب فيج اكثر من الليالي الملونة و خليج عفوية حاظرة في كل زمان و مكان

هذي اهم الاشياء اللي ابالي حاليا

 

[كتكات احمر]

انا جذي ! ​

خن اشرحلج تفكيرنا​

انا بين اهلي ..
معززة مكرمة داري لي
متى ما بغيت انام انام
متى ما بغبيت اقوم اقوم
متى ما بغيت اكل اكل
متى ما بغيت اطلع اطلع ​

مو معناته ان مسيبة .. و مو متربية !​

اهلـي واثقين فيني .. فـ مو قاعدة افشّلهم !​

اهتم بعمري .. اعيش حياتي مثل ما انا ابي​

ادرس اخلص ابني لي مستقبل و اتعب
و لا اشتغلت .. معاشي لي بروحي محد يشاركني فيه
لــو احرقه ! ​

يعني .. اهم شي !
ان ارضي عمري .. طبعا بعد ارضاء ربّي !​

الزواج قيــد !
خنقة ..​

جيلنا مستقل independed ​

ماله داعي زوج ..
أو مو ضروري ..​

أول كان اساسي .. الحين كماليات ​

يا يا .. ما يا .. عادي مراح احرق عمري !​

ثـاني شي .. المسؤوليّة !​

جد يعني انا مراح اعيش الا مرّة وحدة بس !​

فـي اشياء .. تسستاهل انّي اعيش شانها اكثر من زوج ​

تحاتين
كلا .. نام .. شرب .. صلّى .. صام .. راح .. رد
منو يكلّم .. وين يروح .. منو ربعه .. شيطالع .. شيسوي
مشّط حواجبه !!!!!​

عاجبته .. مو عاجبته !​

خير ان شـاء اللـه
تبيني اسخّر عمري كلّـه عشان ارضي واحد ! ​

و فوق هذا ما تدرين شيطلع لج
زين
شين
ملسون
بخيل
اللي هو !​

حتى لـو اخلاق !
still هالمسؤوليّة موجودة !​

فـ خن اصفق هالباب مرّة وحدة !​

لا عاد كل شي بكوم و اهله بكــوم
امه , ابوه , خواته , خوانه , خالاته , عمّاته
بنات خالاته و خواله و بنات عماته و عمامه !​

ربعه .. دوامه .. دوانيته ​

ما تدرين شسستمهم ! ​

هم صــراحة !​

و تعالي حق العيال ​

اوكي اليهال حلوين و اموت عليهم
و الامومه حلوة .. ما اختلفنا ​

بس ياربّي هم
لازقين باخلاقج
بناشبونج عالروحه و الييه ​

و لـو ذبحتي عمرج عشانهم ما يعجبهم !​

و فوق هذا .. تتحاسبين ان ما خليتيهم يصلّــون ​

يعني اوكي بعلمهم بوقف على روسهم ..
بس ما اضمن ! ​

و الزمن يخرّع ... مو مال تييبين يهال و تبتلشين فيهم !​

الدنيــا تلاهي .. و اليهال منطلقين
ما يبون احد يقضبهم ​

و انتي بس مغير محاتاة !​

تقريبـــا هذي نظرتي للزواج ​

مع ان امي و ابوي و اهلي مو جذي ​

بـس هالجيل ! ( جيلي )
ينخاف منّه .. سوالف مو طبيعية اسمعها
يوميا ! ​

فـ الزبدة ​

باب ايلي منه الريح
اصفقه و استريح !​

تقولين جدّامج عمر .. شبتضيعينه فيه ​

بخلّيــه حق ربّي ثم نفسي و طموحي !​

:ggdw::ggdw::ggdw:

والله وياج بكل كلمة بس يظل الزوج والعيال حاجة مهمة بس مو الاهم
وبعدين لا تنسين (( هالواحد )) الي راح ترضينه بيدخلج الجنة
قال الرسول( من صلت فرضها وصامت شهرها وحفظت فرجها واطاعت زوجها قيل لها ادخلي الجنة من اي ابواب الجنة شئت) صح ولا انا غلطانة ؟؟؟

 

[كتكات احمر]

احنا نبي نرضي الزوج عشان نرضي الله ثم ندخل الجنة يعني مو عشان سواد عيونه قاعدين نطيعه !!

 

[زينبو]

طبيعي نتأثر بالمواقف والمشاكل اللي تصير سواء فينا او من حوالينا

انا مالوم من تقول ويع الرياييل ومابي اتزوج

الزينين موجودين لكن صارو نادرين.. والحظ عوي ولله الحمد

 

[أم حورية]

لوووول اغلب الردود تذم الريال والهدف هو العكس
ونسينا احنا بعد فينا عيوب والزوجة اللي تصبر وتربي لها اجر عظيم وكلنا بشر واحنا مو معضومين من الخطأ

عموما خوش موضوع ويمكن يفيد مع البعض

من العيوب االي فيني ان وااااايد اتحلطم جتي عيووز وهالشي يضايق وايد ناس

ومن صفاته

كريم

حنون

مخلص

ممممم ما يصير اذكر عيوبه ؟ لووووول اتغشمر

 

[leeny]

عيبي حتى هو يقول لامي مافيها عيب الا العصبيه ادري قلتي تبين عيب غيره بس والله مافيني مسويته يا دهينه لاتنكتين بكلللل شي وهم شقول بس حمدلله الحين مالج امل تطري لي حسنه وحده منه لاني من قبل امس فبيت اهلي مع بنتي واول مره جد يعصبني جذي بس لان الحق معاي 100٪ والغلط راكبه من فوق لي تحت والسالفه تمس كرامتي قلت قصة حياتي بس منقهره لوووووول

 

[...الجوهرهـ...]

انا عندي قناعه انه حياتج مع زوجج كلها تعتمد عليج بالدرجه الاولى
[font=&quot]شخصيتج , تربيتج , ردة فعلج , ثقافتج , عيوبج وحسناتج , ثقتج بنفسج وفيه , .....الخ[/font]


[font=&quot]اذا دلعج انتي وصلتيه لـ هالمرحله وانتي خليته يعيشج ملكه[/font]
[font=&quot]اذا خانج انتي تتحملين النص وتراجعين نفسج بدون ما تشوفين نفسج الملاك اللي ما يغلط [/font]




صح لسانك ..اختصرتي الي بقوله

 

[غدووور الكويت]

ان شاء الله

الطيبون للطيبات والخبيثون للخبيثات ,,,,,,,,,,,,,


وموهم الوحده تختار صح << تختار الرجل الصح

ما تختار بس مجرد زواج وبهرجه وحركات


زواج بدون رجال صح = فشل


الرجل الصح يخلي زواجج صح


خخخخخخخ يحليلي اتفلسف

انت صاااجه وكلامج مو فلسفه لازم الوحده اتدقق بالاختيار ومااا تستعيل علشان خواتها تزوجوا وصديقاتها
أهم شي بالزواج اختيار الشخص اللي يخاف ربه لأنه اللي يخاف ربه اذا كرهج بيوم ما راح يضرج لأنه يخاف ربه وبعدين لازم السؤال عن أخلاقه مو تسألون اللي يصيرون له لاااا لازم تسألون اللي حوالينه بالدوام وبالمسجد وبالديوانيه اللي يروح لها وفي نقطه مهمه وانا الحين أطبقها مع أي شخص يتقدم حق بنتي وهي إني أسأل عن الام ومدي التزامها وحسن اخلاقها لأنه هالأم اهي اللي ربت هالولد وأكيد تأثيرها يبين عليه ومدى ترابط الاسره اللي بتتقدم لج لأنه الاسره المفككه سهل عندها اتخرب علاقه ولدها بزوجته وطبعا بعد التدقيق بالاختيار لازم الوحده لمن تتزوج اتعود الريال من الملجه انه يتحمل المسؤليه وتعزز نفسها واهلها وما تبين نقاط ضعفها عنده أو عند اهلها علشان لا يستغل هالشي في حياته وياها وبالنهايه ما عليج من كلام الناس وادعي ربج اييبلج النصيب الزين ترى شي حلو انه يكون عندج بيت ومملكه انت الملكة فيها

 

[Miss U]

والله لو شنو تسوين الرياييل الحين xxxxxxx

لاعت جبدي منهم كرهتم يماااااااااااء

ليش متحاملين على الرياييل ؟؟ اكيد له مزايا وحسنات مو معقوله XXXXX وعايش للحين !

لا لا عاد مووو كل الرجال مو زينين بالعكس واااااجد رجال محترمين وزينين ولا تنسون ان الرجال منهم الابو والاخو والولد وفي واحد دايم منسي واللي اهو الجد :eh_s(16):

صح لسانج وايد رياييل محترمين وزينين وحتى الجد لول

شوفي كلامج صح اذا الريال يخون ف الغلط مو بس عليه و على مرته بعد ,, المرة مو ملاااك و واايد حريم ينكرون جوانب النقص فيهم و اتقولج انها مو مقصرة معاه و تشب اصابعه العشر له وانه الكل يمدح فيها و بسنعها و و و و الخ ,,, لا حبيبتي وين قاعدين ؟ الريال اذا مو ناقصه شي في البيت عمره ما يطالع بره ,,,

و سبحان الله المرة اللي ريلها يخونها اتكون جوانب النقص واضحه و معروفة للكل ,,,, يعني ريلها ما يخونها مني و الطريج ,,,

انا عن نفسي ,احب الزواج :d ,,, و ناطرة عريس الغفلة

ايييه والله صاجه وحده اعرفها الكل يدري انها عوبه ومنحشه ريلها بلسانها اللي ينقط عسل >>لا تصدقين عاد لول
حتى اهله ما اسلمو منها بس اهيا تقول انها سنعه ولو يلف الدنيا كلها ما يلاقي وحده تسوى ظفرها ! :krkrkr: وريلها مو بس يخونها الا يقول يبي يستقر لول مسكين ما ادري اهوا شنو الحين !

حبيبتي الله يرزقج الزوج الصالح اللي مايشوف غيرج بالدنيا انشالله ويشهق باسمج من الحب :eh_s(7):

صح ماقلت عيوبي-مشكله واجد عيوبي-1-الكسل صار زايد فيني خاصه من عرفت هالمنتدى وجابلته(ادمان)2-كله مالي خلق اطبخ وقليل ما اطبخ كله الخدامه تطبخ وزوجي ايس مني بهالسالفه3-اتسرع مرات بالحكم ع الاشياء 4- اعصب بسرعه خاصه ع عيالي ولااا بعد صراخ عليهم جدام ابوهم-استغفرالله احاول اصير رقيقه جدامه بس ما اقدر لا غثوني عيالي طلعت الحقيقه المره 5- كله اعاند زوجي ع بو جيده وآخذ حقي بسس بالآخير اللي براسه مسويه------والله واجد العيوب بس حاليا مايحضرني شي ثاني---وزوجي صفاته الزينه 1-حنون2-كريم3-طيب4-دمه خفيف5-صبور6-باله طويل7-يسامح بسرعه8-مايحب احد يزعل منه----والعيوب طبعا عنده وااااجد بس الستر زين هههه والله فيه عيوب عنده محدددد يتحملها اتوقع غيري بالدنيا بس الله كريم الحياه لازم تسير -- ادري قرقت واجد

عادي خذي راحتج سولفي كثر ما تبين حياج
واهم شي دام انج شايفه عيوبج وعارفه مزايا ريلج يعني الحمدالله اكو توازن وقادره تشوفين انه لو صارت مشكله بعيد الشر ممكن تكونين غلطانه او تتحملين شوي من المشكله
الله يسخر لج زوجج ويبعد عنكم المشاكل انشالله

مشكووووووورة

العفو !

عيوبي شكاكه وايد وغيوره وايد وصفاته الزينه انه يساعدني بشغل البيت

احترم الريال اللي يساعد زوجته بشغل البيت احسه حنون ويحس فيج ويهتم وانشالله يكون زوجج جذيه والشك والغيره انا اشوف انها احيانا ممكن تخرب عليج وايد شغلات حلوة بحايتج
ومشكوره على المشاركه :eh_s(7):

.


الصراحه مآ ينلامون البنات من الي يشوفونه و يقرونه
يا خآين يا يجذب يا مآكو شخصيه يا يا يا يا .......................... آلخ
الرياييل الي قد الكلمه و يعتمد عليهم و ينحطون ع الجرح يبرى
بهالزمن ينعدون على الاصابع .. (=

عمومآ / الوحده ليه يالها النصيب و طق الباب مآكو قوة تمنعه
هاذي بس رغبه و يتمنون انهآ تتحقق ..
بس النصيب محد يوقفه و ان شاء الله يكون نصيب الكل حلو ..

.

اللهم امين انشالله يكون نصيب الآنسات حلو
وهم قلتي نقطه حلوة انه الريال يا خاين يا جذاب يا ...يا .... الخ صح
زين هم هالشي ممكن ينطبق على البنات نفسهم يعني هم اهيا فيها عيوب
والانسان لما يتزوج لازم يتقبل الطرف الثاني بحسناته و عيوبه ويحاول يصلح العيب اللي فيه
يعني البنت لازم تشوف عيوبها وعيوب الريال مو بس عيوبه اهو
وصح كلامج النصيب لما ايي ماكو شي يرده او يوفقه
وشكرا عزيزتي :eh_s(7):

نكج حيل يعجبني لول

 

[Miss U]

وانا همن خايفه من الزواج على الرغم من اني وصلت لسن لازم اتزوج فيه << رايي الشخصي

لكن متفائله الحمد الله بالرغم من اللي اسمعه و اشوفه عن الرياييل بعيوني

لاني اشوف ابوي واشلون تعامله مع امي وهمن اخوي و تعامله مع مرته وريل اختي و معاملته لها الحمد الله فيهم الصفات الزينه واهم شي ماكو خيانه ومدام انا اشوف نماذج زينه جدام عيني فهذا معناته انه في وايد رياييل زينيين

والله كريم يا رب وادعو لي ان ربي يتمم علي ان شا الله

الله يتمم عليج ويرزقج الزوج الصالح اللي تتمنينه
وحلو انج تشوفين الشي الحلو وتتفاءلين انج تحصلين شي مثله واكيد اكو رياييل زينيين لاتخافين ولا تحاتين والله يرزقج واحد فيهم انشالله :eh_s(7):

هذا كلامي ان في حريم بهالقسم بس تشتكي وتتحلطم وتتذمر وتذم بهالريال وتطلع عذاريب الدنيا فيه انا اقول مثل مافي الشين في الزين ومثل مافي الريال الخاين في الريال المخلص العاشق الولهان يعني لو خليت خربت وليش دوم الريال اهو الخاين وعيوب الدنيا فيه ليش مو الزوجه نفسها معيوبه

صح هذا اللي اقوله ليش دايما الريال مو زين والمرا زينه ؟ اكيد اكو مرا مو زينه حدت ريلها انه يشوف برا بس المشكله ما تشوف عيوبها لو شافتها وحاولت تفهم ريلها جان عاشت مرتاحه
وشكرا لمشاركتج :eh_s(7):

قلتي كلام وايد عجبني ووايد مقتنعة فيه من عمر الي اهوا الزواج او الزوج يعتمد عالمرة بتصرفاتها بشكل عام
بالمختصر المفيد لكل فعل ردة فعل تساويه او تزيد عنه او تنقص عاااااد هني يعتمد عالزوجة يعني في وحدة طبعها غيورة ومو حاسة على نفسها فتلاقينها لو بالغلط التفت وطاحت عينه بعين وحدة قلبت الطلعة نكد وصراخ وهني شتقول تقول زوجي عيونه زايغة مع ان بالحقيقة اهيا بالغت وكبرت السالفة وخلقت من لا شيء شيء لكن مو حاسة بنفسها وهذي المشكلة اغلب المتزوجات مو شايفة عيوبها وتعلق الغلط عالريال لان جذي اسهل واريح من انها تدور عيوبها وتعدلها ونست قول الرحمن(ان الله لا يغير ما بقوم حتى يغيروا ما بانفسهم)
عيوبي
التسرع وقاعدة احاول اعدله. الحساسية والحمدلله وايد خفت عندي. الاهتمام المبالغ فيه ببيتي بطريقة اني تعبت نفسي وتركت الخدم والسبب ابي اهتم بزوجي وولدي بشكل كبيييييير والحمدلله الامور ماشية والله لا يوقفها لوووووول
ماي هسبند. حنون. حريص. يخاف من عقاب الله

ساعات من كثر ما تكون المرا مقتنعه انها سنعه وماكو منها وما فيها عيب واحد وريلها اهوا اللي عينه زايغه والعصبي واللي ما يتفاهم و .. و .. و... والاهم انها نست نفسها ف شنو يصير ؟
تخلق لنفسها مشكله من ولا شي وتكبرها براسها و تفتح عيون ريلها وبعدين تقول انا مو مقصره
واهيا اساسا اللي فتحت على نفسها باب:eh_s(10):
وانشالله امورج دوم ماشيه وحياتج تصير احسن ومثل ما تبين والله يخلي لج زوجج وولدج وتشوفينه معرس انشالله :eh_s(7):

صج الزمن صار يخرع مرات اقول ياريت اكون بزمن امي وابوي احسن وبراءه

حبيبتي تأكدي اذا خليت خربت والشين والزين موجود بكل مكان وانتي تحطين اسس حياتج
وشلون راح تكون اذا تنازلتي عن اساسيات من البدايه انتي خسرانه لانج ما راح تحصلينها
واذا انتي تعلقتي بقشور واشياء مالها داعي وعاندتي وتهاوشتي ف هم انتي الخسرانه
لازم تعرفين متى تشدين و متى ترخين
متى تصرين على رايج و متى تتنازلين
متى تعاندين ومتى ما ينفع العناد
كل الاشياء بإيدج وهم زمنا هذا حلو بس لازم تعرفين شلون تعيشينه :eh_s(7):

انا كمتزوجه اقول الزواج مشروع فاشل

و عن تجربه زواجي الاول كان عن طريق الاهل و فشل
و زواجي الثاني كان عن حب و فشل

الرياييل قبل الزواج يحطون لج الشمس بيد و القمر بيد و بعد الزواج غييييير خلاص اللى يبيها صارت تحت ايده اشحقه بعد يتعب نفسه بالكلام الحلو و الهدايا و الطلعات و السفر


ياريت الزمن يرجع علشان اقعد عزوبيه و مااحتاج اى ريال بحياتي ماوراهم غير الضيم و المشاكل و علي فكره من كثر ماادلعه و اهتم فيه امي قامت تقولي كااافي خلاص على بالج راح يبين بعينه و صح كلامها :eh_s(2):

الله يعينج حبيبتي ويسخر لج ريلج انشالله لو ما بين بعينه يكفي ربج شايف واجرج عنده انشالله:eh_s(7):

انا عن نفسى نقاقه ..
وزوجى فيه ثلاث صفات احبها ( كريم / متفهم / صريح )

وييييه عاد اهما اطفارتهم النق و الحنه انشالله تفتكين من هالعيب او تخففين منه اشويه
بس اشوا ريلج متفهم يعني فيه توازن بينج و بينه الله لا يغير عليكم :eh_s(7):

مممممممممم احب النقاشات صراحه p:

انا اقولج شوفي البنت اللي توها يعني من (18-23)

واغلب اللي بتكلم عنهم الحين يكونون ( جامعيات - الاولويه عندها نجاحها ومستقبل وظيفي مميز)

فيصير عندها شوي تقديس لنفسها .. وتحس ان الرجل شي غبي ويبحث عن الجنس فقط!

فهني تبدي تقارن بين ازواج اللي يصيرون لها بغض النظر اذا ازواجهم حسناتهم اكثر من سيئاتهم!

لا تشوف السيئات .. وتنتقد ..

متى ما راح جنون العظمه من عقلها وحست انها انسانه عاديه وان التخصص اللي خلصته غيرها الف واحد ووحده خلصوه .. وانها مو مسويه شي جديد بالكوره الارضيه!

هني يبدي مخها الاصلي يشتغل .. وتبدي تشوف حسنات كل ازواج اللي يصيرون لها وتغض النظر عن السيئات لان بتقول " صح ماكو انسان كامل!"

غير طبعا لما تكون تعدت ال25 وكل خطاطيبها انرفضوا بحكم انها بتصير " السوبر وومن الناجحه"

هني تبدي تقارن بينها وبين كل اللي تعرفهم .. وبدور الزوااج وبتكتب " بموضوع الخطاب العاهات اللي راح يجونها بعد! هههههه "

عيوبي :-

1 - ما اعصب بسرعه بس اذا عصبت " أجرح " وبسرعه انسى السالفه وارضى
2- مرات اسولف عن الاشياء اللي ادري اهو ينقهر منها بس اتعمد اسولف عشان اخليه يصحى
3 - امثل و اكابر ببعض الاحيان .. ولو اني مو فنانه نفسه بالتمثيل

حسناته :-

1- يحبني حيييل بس اكرهه لما يمثل ويكابر
2- يفكر فيني وايد بدون لا يقولي بس انا احس بهالشي
3- يغاار بشكل جنوني .. بس حلو


ادري قرقت وااااايد وسوووري بس احب المناقشاااات :d​

عادي حبيبتي خذي راحتج بالسوالف لو ما شالج الموضوع عيوني لج افا عليج
المهم انها بالنهايه راح يشتغل مخها وتدري انه كل انسان له عيوب
وهم لا زم تدري على شهاداتها ودراستها وطموحها ترى هم اهيا لها عيوب وكل الناس لهم عيوب

اهم شي انتو الاثنين تمثلون على بعض تكابرون وانتو فاهمين بعض لول

انشالله كل يوم يحبج اكثر عن اليوم اللي قبله والله يسخركم لبعض:eh_s(7):

 

[Miss U]

اسمحي لي اضيف الي مابعد تزوجت وتقول مابي اتزوج غالبا يكون ابيها كان نموذج سيئ كزوج فصار عندها عقده أو عندها مشكلة وهي تعتقد ان مشكلتها تمنعها من الزواج مثل وحده تجيها الدورة شهرين وتطهر اسبوع اسبوعين فهي خافت ان لوتزوجت مايقبلها فاختصرت الطريق وقررت ماتزوج
والي عندها تخوف من الفشل سهل اقناعهم بالعكس
وطبعا الزواج مو بالصوره الي يصورونها البنات بس الي كتبوا مشاكلهم يشكلون نسبه من المتزوجات والي مرتاحه بحياتها شتكتب! ولاتنسين انا مجتمع يخاف من العين مايبينون سعادتهم روحي قسم الحمل متروس روحي قسم السياحه في وطني والاقسام السياحيه الثانيه طلعات ووناسه مع ازواجهم اكتبي موضوع عن قمصان النوم والليالي الرومنسيه ينترس اقل شي مشاهدات والي كارهه زوجها وصابره للعيال لاتكشخ ولا تدور وناسته

فيه أزواج علل وحقرين يستاهلون الرمي بالرصاص
وبعد في نسوان علل وبنات ابليس بس الرجال مايكتب ويشكي

مره شفت طارق الحبيب كلموه 5 متصلات كل وحده تشكي من زوجها والي يسمعهم يقول مساكين سئلهم نفس الاسئله ويجاوبون بصدق وحلل مشكلتهم بناء على اجاباتهم وطلع أزواجهم مثاليين كازواج وقال الدكتور بالحرف لو انا بنت فكرت أخطفه منش<صدمه ان الوحده زوجها مثالي بس ماتفهمه او ماتعرف تعيش معه

احس اني طولت عليش سوري

اجاوبش

عيوبي واااجد منها أتحلطم واجد ينطبق علي (لا خذ حقه ولا انقطع نقه)
ومن مميزاته

صبور
كريم
سنافي

مشكوره عالموضوع

اهوا صح اكو ناس تخاف من العين ف ما تقول الاشياء الزينه
بس اذا اهيا ماتبي تقول الزين انا اقول لاتقول الشين بعد وتعقد غيرها واهيا عايشه حياتها ومستانسه ما احب هالنوعيه اللي لاصار الحجي ذم ما يقصرون بس اذا مدح وسوالف زينه تقعد ساكته احس اهيا الحسوده وتخاف الناس تحسدها لانه على بالها الناس مثلها !
وعادي حبيبتي ما طولتي ولا شي الموضوع موضوعج

والله يخلي لج زوجج السنافي >> ترى عاجبتها كلمة سنافي و الا تقولها لول

انا عمري ماذميته !

واشجع الزواج وبقوة !

ياللا قلدووووووني

ايييييه انا معاج ما ذميته ولا اقدر اذمه لول قلبي ما يطاوعني
ويلا انا معاج اشجع الزواج بقوه
واشكرج على المؤازرة الصراحه:eh_s(7): لول

يعني الاهمال
واني كنت كله مالي خلق
هالاشياء خلصت بس العصبيه
مستحيل اتخلص
اما عن ريلي فهو كريم وحنون وطيب

ماكو مستحيل انشالله تفتكين من العصبيه انتي بس فكري انها مو من الانوثه تكونين عصبيه
وشوي شوي تفتكين >> شرايج بالفكره لول
الله يخلي لج ريلج وانشالله تصيرين انتي مثل ماتبين :eh_s(7):

مممم ماعليج منهم

هذي اللي تقول هالحجي هي اول وحده خاطرها تتزوج

يتمنعن وهن الراغبات

لووووووووووووووول الصراحه ما انكر انه وايد مرو علي جذيه
بس هم اكو بنات صج ما تبي وصج شاله الفكره نهائيا بسبة تجارب غيرها مو تجاربها !

انا جذي !

خن اشرحلج تفكيرنا

انا بين اهلي ..
معززة مكرمة داري لي
متى ما بغيت انام انام
متى ما بغبيت اقوم اقوم
متى ما بغيت اكل اكل
متى ما بغيت اطلع اطلع

مو معناته ان مسيبة .. و مو متربية !

اهلـي واثقين فيني .. فـ مو قاعدة افشّلهم !

اهتم بعمري .. اعيش حياتي مثل ما انا ابي

ادرس اخلص ابني لي مستقبل و اتعب
و لا اشتغلت .. معاشي لي بروحي محد يشاركني فيه
لــو احرقه !

يعني .. اهم شي !
ان ارضي عمري .. طبعا بعد ارضاء ربّي !

الزواج قيــد !
خنقة ..

جيلنا مستقل independed

ماله داعي زوج ..
أو مو ضروري ..

أول كان اساسي .. الحين كماليات

يا يا .. ما يا .. عادي مراح احرق عمري !

ثـاني شي .. المسؤوليّة !

جد يعني انا مراح اعيش الا مرّة وحدة بس !

فـي اشياء .. تسستاهل انّي اعيش شانها اكثر من زوج

تحاتين
كلا .. نام .. شرب .. صلّى .. صام .. راح .. رد
منو يكلّم .. وين يروح .. منو ربعه .. شيطالع .. شيسوي
مشّط حواجبه !!!!!

عاجبته .. مو عاجبته !

خير ان شـاء اللـه
تبيني اسخّر عمري كلّـه عشان ارضي واحد !

و فوق هذا ما تدرين شيطلع لج
زين
شين
ملسون
بخيل
اللي هو !

حتى لـو اخلاق !
still هالمسؤوليّة موجودة !

فـ خن اصفق هالباب مرّة وحدة !

لا عاد كل شي بكوم و اهله بكــوم
امه , ابوه , خواته , خوانه , خالاته , عمّاته
بنات خالاته و خواله و بنات عماته و عمامه !

ربعه .. دوامه .. دوانيته

ما تدرين شسستمهم !

هم صــراحة !

و تعالي حق العيال

اوكي اليهال حلوين و اموت عليهم
و الامومه حلوة .. ما اختلفنا

بس ياربّي هم
لازقين باخلاقج
بناشبونج عالروحه و الييه

و لـو ذبحتي عمرج عشانهم ما يعجبهم !

و فوق هذا .. تتحاسبين ان ما خليتيهم يصلّــون

يعني اوكي بعلمهم بوقف على روسهم ..
بس ما اضمن !

و الزمن يخرّع ... مو مال تييبين يهال و تبتلشين فيهم !

الدنيــا تلاهي .. و اليهال منطلقين
ما يبون احد يقضبهم

و انتي بس مغير محاتاة !



تقريبـــا هذي نظرتي للزواج

مع ان امي و ابوي و اهلي مو جذي

بـس هالجيل ! ( جيلي )
ينخاف منّه .. سوالف مو طبيعية اسمعها
يوميا !



فـ الزبدة

باب ايلي منه الريح
اصفقه و استريح !

تقولين جدّامج عمر .. شبتضيعينه فيه

بخلّيــه حق ربّي ثم نفسي و طموحي !




​

ليش تفكرين جذيه ؟؟
مولازم انتي تعيشين التجربه وتالي تحكمين ؟
يعني مثلا شلون احكم على طبخه او اكله اذا ما ذقتها ؟ امم اكيد راح اسأل الناس
واكو ناس اعجبتهم ف راح يقولون لج لذيذه احلى شي اكلته بحياتي
وناس بتقول لاااا وييع الله يزيد النعمه كلش ما عجبتني
وناس راح تقولج عادي طعمها جدا عادي
ف أنتي شلون تحكمين عليها ؟ لازم تذوقينها وتعرفين طعمها يمكن تعجبج يمكن لا يمكن
تقولين وييه بس هذا طعمها الناس كلهم مستخفين عليها على شنو ؟؟ >> تفكر بالبينك بيري
على كثر ما استخفوا عليها وطوابير و اخر شي طعم اقل من عادي وما عجبني بعد لول !
بس صج

الزواج او الريال او العيال اصلا بحياتج كلها مو مطلوب تكون مثاليه !
ممكن انتي تربين عيالج صح بس تالي تغره الدنيا او يطلع له رفيج مو زين او .. او .. الخ
ويتغير ويصير مو زين هل معنى هذا الغلط منج ؟
لا انتي اللي عليج سويتيه و هم الزواج وعلاقتج مع ريلج انتي عليج تسوين المطلوب و بس لا ادوسين على نفسج عشانه بس هم لا تشوفين نفسج عليه
التوازن اهوا الاساس دام كل شي بعلاقتكم متوازن راح تعيشين احلى حياة بإذن الله

وحبيبتي لا يقولون لج جيل قبل وجيل الحين الزين والشين من عمر الدنيا موجود
واللي يبي يعيش صح يعيش واللي يبي الخراب يلقاه
انا و انتي من نفس الجيل على فكره بس الفرق انا اشوف الحياه من زاويه
وانتي تشوفينها من زاويه ثانيه

انشالله تعيشين حياتج مثل ما تبينها وتحققين طموحج كله وتشوفين الحياه والجيل هذا بحسناته وعيوبه :eh_s(7):

 

[" ام حمود "]

آممممم اصابعج مو سوى اول شيء .. مو كل الرييايل موزينين بالعكس في والله ينحطون ع الجرح يبرى وايد زينين ومحترمين مو كلهم بعضهم
وفي ريياييل وييييع تكرهين شي اسسمه " ريال " من سوالفه والاشياء الوصخه اللي فيهم هذولي عاد تكرهين شي اسمه ريال ودج ماتتزوجين اقعد في بيت ابوي معززه مكرمه ولاا اقعد عند واحد مايستحي مغازلجي ومو كفوو مايتحمل المسؤوليه
..

 

[Miss U]

مممم الريياييل ابهالزمن صاروا حظ يعني تلقين وحدة ملكة جمال دلع واناقة وانوثة بس زوجها يخوووونها اي ترى صج
وساعات وحدة بسيطة وجمالها محدود وعادية جدا ولبسها عادي وتلقينها حتى شكلها ماتهتم فيه وريلها يموت فيها فالمسالة مسالة حظ واقتناع بالي عنده عرفتي


واذا على عيوبي

ساعات احس ان مافيني صبر يعني ماعندي طولة بال خصوصا عقب ماولدت بنتي
مممم وساعات اتنرفز اذا الشي اللي طلبته منه مايسويه خصوصا اذا كان شي تافهه مثل ركب لمبات شيل تكرمون الخمام
لوووول

امممم صح اقتناع وهم ذكاء واسلوب تعامل وشخصيه و .. و ... يعني مو بس جمال ممكن الحلوة تكون شخصيتها مو حلوه او اسلوبها في التعامل مو حلو او .. او .. .. الخ
بس العاديه فهمت ريلها وعرفت شلون تتعامل معاه

الله يوفقج بحياتج ويخلي لج بنتج وابوها :eh_s(7):و وتشوفينها عروس قاعده بالكوشه يم ريلها وتبجين وتقولين بنتي كبرت بصير يده لول

Isabella كلامج كله عين العقل وصح .. بس راح يجي يوم وخططج المستقبليه يمكن تصير ويمكن ما تصير !

مو معقوله بتعيشين حق نفسج طول عمرج .. رفيجاتج وبنات خالتج اللي كل يوم عندج بيجي يوم بيروحون عنج وبتمين بروحج

اشياء وايد راح تتغير .. حتى اللي حوالينج .. حتى سوالفهم بعد ما تزوجوا كل وحده بتقول شصار معاها ان كان مسأله ( عيال - تربيه) حتى المواضيع اللي متعودين عليها راح اتغير حتى ولو كانوا اقرب ناس لج ..

هني راح تحسين ان انتي شنو فرقج عنهم ؟

وترى لا تحطون ان الزوج او الزواج بشكل عام ان " تنسين كل خططج المستقبليه وطموحاتج وقعدي بالبيت وطبخي والبسي ملابس تنكريه"!

لا مو شرط .. اغلب الناجحات تلقينهم متزوجين ..

وبس بالاخير احترم وجهة نظرج

هم انا أأيدج الزواج مو اني الغي نفسي وحياتي وطموحاتي وكل شي عشان سي السيد !
اللي يبيني يبيني بطموحي بعيوبي بكل شي زين و مو زين فيني مثل ما انا رضيت فيه وبكل شي فيه
وشاكره لج :eh_s(7):

هالفكره مآ يت من فرآغ ،

من كثر مآ عشنـآ و شفنـآ زيجآت فآشله سببهآ الزوج ،

مآ انقول اللوم كله ع الريآل ،

بس شي ريآييل مآ يتعآشرون ،

جهله ، و مآ عندهم ثقآفه ، و ع بآلهم المرأه مجرد جآريه ،

مآ يقدرهآ ، مآ يحترمهآ ، مآ يعطيهآ أي حب ،

مجرد مكينة تفريخ ،

الريـآل في مجتمعنآ الخليجي ، محفظ 3 أشيـآء

1) الشرع حلل 4 . .
2) محفظ حديث المرأه لسجدت لزوجهآ . .
3) محفظ " الرجآل قوآمون على النسآء "


عموماً ، الزوآج سنة الحيـآه ،

و الريآل أقدر أغير أطبآعه بذكآئي و حنكتي و دهآئي

و أقدر أحول الزوآج من جحيم لـ جنـه . .
،

و بالنهآيه

الطيبون للطيبآت و الخبيثون للخبيثآت ،

و الحرمه الذكيه ، هي الي تقدر اتخلي زوآجهآ نآجح أو فآشل . .

الموضوع محتآج ذكآء + صبر + تضحيه . .

هذا المطلوب انا حياتي 50 لي و50 للريال انا بشخصيتي بأفكاري بذكائي اقدر اغير كل شي
وانا مو قاعده اقول هالشي من فراغ لا عن تجربه والريال اللي يشوفني جاريه باجر انا اخليه يخدمني لا واهوا يضحك بعد لول >> شرايج فيني

الله يرزقج ويرزق كل العزابيات الزوج الصالح يارب

واااااااااااااااي بنات اغلب الردود تحبيييييييييييييييييييط ملاحظه هالشي بموضوعي الاخير وهم هالموضوع تفاءلو بنات

لا حبيبتي انا متفاءله ماكو شي يحبطني لول
انا شفت بنات وايد الحمدلله حياتهم حلوه والله يتمم عليهم
وهم اشوف واااايد رياييل ماشيين سيده وماعندهم خرابيط
مو اذا خليت خربت ! :eh_s(7):

MISS U
فلة شمعة منورة
انا مؤيدة لج 1000% كلامج صحيح

احنا نبي نرضي الزوج عشان نرضي الله ثم ندخل الجنة يعني مو عشان سواد عيونه قاعدين نطيعه !!

ايه والله عشان الجنه وعشان انا هم اعيش حياتي مو اهوا يعيش وانا لا مثل ما انا اكمله اهوا يكملني وشكرا لمرورج هم انتي فله شمعه منوره :eh_s(7):>> بس هم انقهرت لما فاز المصري قطامش على شنو بفهم لووول اعبر عن شعوري

الريال تحدي اذا عرفتي جوانب ضعفة و قوتة خلاص ملكتييه بس مشكلتنا ما فينا صبر و انا عيبي الصبر عندي مييييح بس احاول اكبر دماغي
نصيحتي لكل مقبلة على الزواج من خبرتي و معاركي الزوجية :

1- وضحي لزوجج معاشج لج فقط لا غير و لاتقولينلة يمعت و حسابي كذا لا لا لا امورج المالية سر زوجج بالذات لازم ما يدري عنة
2- لا تلزقين فيه ترى ما راح يطير
3-لاتسوين ليله كحلية و ليله حمرا و ليله فسفورية راح يقول بقلبة هذي فاضية حدها و مجابلتني دراعة طول اليوم و كشه قايمة و توها تفكر تتسنع حق جم ساعة بس !!!!! اذا مو 5 دقايق
4- من نقطة 3 نستنتج ان خلي كشختج لنفسج راح تستانسين و هالشي بيشوفة زوجج و راح ينعجب فيج اكثر من الليالي الملونة و خليج عفوية حاظرة في كل زمان و مكان

هذي اهم الاشياء اللي ابالي حاليا

حلوه الفكره انه الريال تحدي :eh_s(10): وصاجه اللي تعرف مفاتيح ريلها اهيا الربحانه دايما
ونصايحج حلوه واحلاهم الصراحه 3 لوول :krkrkr:انا أأيد هالنصيحه بقوة لول
ومو بس كشختج دايما لنفسج هم لما تبيين تطلعين خلي لج يوم لوناستج ودلعج حتى لو ما راح تطلعين خلي لج يوم بالاسبوع لج انتي بروحج اتسوين اللي تبينه لو من بداية الزواج سويتي هالشي
راح يتعود وبالمستقبل مع العيال راح يكون عندج يوم كامل حقج تستانسين فيه كيفج نظامج جذيه

وانشالله ماكو معارك زوجيه وريلج ما يشوف بالدنيا غيرج يارب:eh_s(7):

طبيعي نتأثر بالمواقف والمشاكل اللي تصير سواء فينا او من حوالينا

انا مالوم من تقول ويع الرياييل ومابي اتزوج

الزينين موجودين لكن صارو نادرين.. والحظ عوي ولله الحمد

صح حبيبتي طبيعي نتأثر بس اللي مو طبيعي اني اوقف حياتي لانه فلانه وفلانه وفلانه يقولون الزواج مو شي
ولانه فلانه وفلانه وفلانه ازواجهم يخونونهم
وفلانه ريلها ما يدلعها
وفلانه ريلها يطقها :eh_s(1):
وفلانه ريلها بخيل
لان فلانه غير عن فلانه .. وريل فلانه غير عن زوج فلانه

يعني باختصار انا ما ابني افكاري وحياتي على تجارب وقناعات غيري
ممكن اتعلم وادير بالي وانتبه بس مو اخذ موقف واقول ستوب ما ابي !

وانشاءلله حظج يتعدل وربي يسخر لج ريلج اذا متزوجه و يرزقج الزوج الصالح اذا مو متزوجه>> وعدي جم مره قلت فلانه بـ هالرد ولج هديه لول

 

[Miss U]

لوووول اغلب الردود تذم الريال والهدف هو العكس
ونسينا احنا بعد فينا عيوب والزوجة اللي تصبر وتربي لها اجر عظيم وكلنا بشر واحنا مو معضومين من الخطأ

عموما خوش موضوع ويمكن يفيد مع البعض

من العيوب االي فيني ان وااااايد اتحلطم جتي عيووز وهالشي يضايق وايد ناس

ومن صفاته

كريم

حنون

مخلص

ممممم ما يصير اذكر عيوبه ؟ لووووول اتغشمر

ايه والله شفتي وايد يذمونهم بعض الرياييل مساكين >> خافت وحطت خط لول
وفي حريم لازم تشوف نفسها انها مو دايما صح وسنعه عشان تقدر تعدل حياتها وبيتها وزوجها

يلا مسموح لج تذكرين عيب واحد لووول
واللله يسخر لج زوجج انشالله ويبعد عنكم عيال الحرام :eh_s(7):

عيبي حتى هو يقول لامي مافيها عيب الا العصبيه ادري قلتي تبين عيب غيره بس والله مافيني مسويته يا دهينه لاتنكتين بكلللل شي وهم شقول بس حمدلله الحين مالج امل تطري لي حسنه وحده منه لاني من قبل امس فبيت اهلي مع بنتي واول مره جد يعصبني جذي بس لان الحق معاي 100٪ والغلط راكبه من فوق لي تحت والسالفه تمس كرامتي قلت قصة حياتي بس منقهره لوووووول

عادي فضفضي خذي راحتج والله يهدي سرج ويسخرلج ريلج وتنحل مشكلتج معاه ويخلي لج بنتج انشالله :eh_s(7):
وانشالله يبيين بعينه اللي تسوينه ويعترف بغلطته وما يشوف نفسه الملاك اللي ما يغلط

انا عندي قناعه انه حياتج مع زوجج كلها تعتمد عليج بالدرجه الاولى
[FONT=&quot]شخصيتج , تربيتج , ردة فعلج , ثقافتج , عيوبج وحسناتج , ثقتج بنفسج وفيه , .....الخ[/FONT]


[FONT=&quot]اذا دلعج انتي وصلتيه لـ هالمرحله وانتي خليته يعيشج ملكه[/FONT]
[FONT=&quot]اذا خانج انتي تتحملين النص وتراجعين نفسج بدون ما تشوفين نفسج الملاك اللي ما يغلط [/FONT]




صح لسانك ..اختصرتي الي بقوله

صح بدنج مشكورة لمرورج اختي :eh_s(7)::eh_s(7):

انت صاااجه وكلامج مو فلسفه لازم الوحده اتدقق بالاختيار ومااا تستعيل علشان خواتها تزوجوا وصديقاتها
أهم شي بالزواج اختيار الشخص اللي يخاف ربه لأنه اللي يخاف ربه اذا كرهج بيوم ما راح يضرج لأنه يخاف ربه وبعدين لازم السؤال عن أخلاقه مو تسألون اللي يصيرون له لاااا لازم تسألون اللي حوالينه بالدوام وبالمسجد وبالديوانيه اللي يروح لها وفي نقطه مهمه وانا الحين أطبقها مع أي شخص يتقدم حق بنتي وهي إني أسأل عن الام ومدي التزامها وحسن اخلاقها لأنه هالأم اهي اللي ربت هالولد وأكيد تأثيرها يبين عليه ومدى ترابط الاسره اللي بتتقدم لج لأنه الاسره المفككه سهل عندها اتخرب علاقه ولدها بزوجته وطبعا بعد التدقيق بالاختيار لازم الوحده لمن تتزوج اتعود الريال من الملجه انه يتحمل المسؤليه وتعزز نفسها واهلها وما تبين نقاط ضعفها عنده أو عند اهلها علشان لا يستغل هالشي في حياته وياها وبالنهايه ما عليج من كلام الناس وادعي ربج اييبلج النصيب الزين ترى شي حلو انه يكون عندج بيت ومملكه انت الملكة فيها

صح الام شي مهم واساسي بس هم فيه امهات مو كفو انهم يكونون امهات ! بس عيالهم ماشاالله عليهم احسن الناس
وفيه امهات تربي وتتعب وتكبر واخر شي ايي ولد حرام ويخرب ولدها ويضيع تربيتها وسنين عمرها

واكيد انا معاج اساس علاقة المرا بريلها من الملجه او بداية الزواج اللي اساسه صح هم اللي يستمر ويكمل مع الصعوبات ويتجاوزها والله يرزقج الزوج الصالح لبنتج اللي يقدرها ويحطها بعيونه ويخليها اميرة زمانها انشاءالله :eh_s(7):
وشاكره مرورج:eh_s(7):

آممممم اصابعج مو سوى اول شيء .. مو كل الرييايل موزينين بالعكس في والله ينحطون ع الجرح يبرى وايد زينين ومحترمين مو كلهم بعضهم
وفي ريياييل وييييع تكرهين شي اسسمه " ريال " من سوالفه والاشياء الوصخه اللي فيهم هذولي عاد تكرهين شي اسمه ريال ودج ماتتزوجين اقعد في بيت ابوي معززه مكرمه ولاا اقعد عند واحد مايستحي مغازلجي ومو كفوو مايتحمل المسؤوليه
..

ايييه والله صاجه والله يبعد عنا الرياييل اللي مو زينين ويرزق كل البنات الرياييل اللي يستاهلون واللي يقدرونهم ويحافظون عليهم شكرا لمرورج :eh_s(7)::eh_s(7):

 

[ام دلال ومنال]

اصابع الايد مو سوا يعني اذا في رياجيل موزينين هم في حريم موزينين

 

[مسك وطيب]

يا حريم اتقن الله ولاتكفرن العشير ,,,

الدنيا للحين بخير والاصابع ماهي سوى مو كل الرياجيل خونه وجذابين

وعن نفسي اصارحج واقولج عيبي سرعة الانفعال والعصبيه واذا عصبت اقط خيط وخيط مدري شقول

وهوووو ... صبوووووووووووووور خاصة اذا عصبت وحنون وقلبه طيب ويسامح عسى الله يخليه لي يارب

 

[*مرامي*]

عيبي اني ابسرعه احمق ونفسيه (صارلي سنتين تقريبا يمكن من الحمال لاني ولدت ورديت حملت على طول )

كله مميزات فديته
صبووووور
حنوووووون
متعاون وياي

الله لا يغير علينا
وان شاء الله اتعدل نفسيتي وارجع مثل الاول

 

[عشق رسامه :$]

خخخخخخخخخخخخخ

 

[pusy cat]

الطيبون للطيبات والخبيثون للخبيثات

المره والرجال كلهم يكملون بعض ومحد يستغني عن الثاني

اهم شي تعرف المره اشلون اتعامل مع زوجها وتكسبه وتطيعه وماتعانده وانشالله راح يحطها فوق راسها

انا عن نفسي زوجي زين والحمدلله ممكن تصير مشاكل وهذا شي طبيعي يصير بين الاخت واختها البنت وامها الصديقه وصديقتها

مادري ليش لما تصير مشكله بين الزوج وزوجته تقوم القيامه

عادي كل خلاف وله حل ولازم الوحده اتنازل شوي وتصير هينه لينه لان الرجال مايحب القويه اللي تناطحه

الله خلق حوا حق آدم لانها كل شي يحتاجه وعشان تستمر الحياة*