قوه بنات
يفترض اني انام الحين لكن طرا علي بالي موضوع و ادري ماراح انام الا عقب ما انزله
الموضوع يتني فكرته من عقب موضوع بولنديه و شقتها اهيا وريلها ويا الزهيويه و حطيت روحي مكانها ما تخيلت الوضع صراحه :eh_s(2):
ما علينا
هالموضوع بكون شويه معلومات عن الفوبيا + كل وحده تشوف شنو نوع الفوبيا اللي عندها " اذا وجدت "
+ مواقفكم مع الفوبيااول شي شنو اهيا الفوبيا ؟؟
هي نوع خاص من أمراض نوبات الهلع والذعر الشديد ويعرف مرض الخوف غير الطبيعي أو الفوبيا على أنه خوف كامن مزمن وغير مبرر (غير منطقي) من شيء أو مكان أو سلوك معين يؤدي لقيام المريض
بمحاولات واضحة للهروب من موقف، لمواجهة الشيء أو الظرف الذي يعتبره المريض خطرا على حياته.
وتكون أنواع الفوبيا كثيرة وعديدة ولكن أكثرها شيوعا ما يلي:
1- الخوف من المساحات الخالية أو الخلاء الواسع الفسيحAgorophibia
2- الخوف من الأماكن والمناطق المرتفعة Acrophobia
3-الخوف من القطط Ailurophobia
4- الخوف من مشاهدة الأزهار والورود Anthophobia
5- الخوف من الإنسان وبشكل خاص من الرجال Anthrophobia
6- الخوف من الماء Aquaphobia
7- الخوف من البرق Astraphobia
8- الخوف من الجراثيم والبكتيريا Bacteriophobia
9- الخوف من الرعد Bronophobia
10- الخوف من المناطق المغلقة Claustrophobia
11- الخوف من الكلاب Cynophobia
12- الخوف من الشياطين والجن والأرواح الشريرة Demonophobia
13- الخوف من الخيل Equinophobia
14- الخوف من الزواحف ( أفاعي، عقارب، صراصير، سحالي، الخ) Herpetophobia
15- الخوف من أي شيء يمكن أن يلوث جسم أو ثياب الإنسان أو يلوث (روح) الإنسان. Mysophobia
16- الخوف من الأرقام Numero phobia
17- الخوف من الظلام بما يلي في ذلك الغرف المعتمة حتى في وضح النهار.
18- الخوف من الأفاعي بشكل خاص وليس بقية الزواحف Ophidio phobia
19- الخوف من النار pyro phobia
20- الخوف من الحيوانات بأنواعها zoo phobia
انا اللي فيني الاخيره ااااخ من الاخيره :eh_s(2):
الخوف من الحيوانات بانواعها حيوانات حشرات طائره و زاحفه :eh_s(2):
قبل ادري اني اخاف بس يعني مستبعده ان خوفي يكون " فوبيا " يعني خوف عادي لكن الحين مو مستبعده كلش ان اللي فيني فوبيا
خل اقولكم جم موقف صارولي ...
1) كنا ف بيت يدتي بالصاله قاعدين كلنا .. ما اشوف الا شي يمشي على ريلي عاد مادري شنو انا بس شفت كائن حي يمشي على ريلي
قمت اصارخ و اطق فخوذي هسترت .. اليهال اللي قاعدين اخترعوا قاموا يبجون امي خالاتي يدتي يوني شفيج اسم الله عليج شفيج بس خلاص ماكو شي و انا مو بوعيي بس قاعده اصارخ :eh_s(2):
و لا شنو طلع اللي يمشي تعرفون النمل الكبار اللي عنده جناح عبو مادري ايعبو مادري شسمه
هذي طلعت تمشي علي .. طبعا استلموني طنازه انتي مشرحه جثه و تخافين من نمله :eh_s(2):
قتلهم اولا الجثه ما شرحتها اهيا مشرحه و خالصه و ثانيا الجثه ميته ماراح تمشي علي :krkrkr:
2) كنا بالشاليه قاعدين نتعشى بسلام و امان و انا ماسكه بيبسي بإيد و فطيره بالايد الثانيه .. و فراشه قاعده تحوس عاد انا مستقويه مالي شغل فيها مايت صوبي .. ولا بنت خالي تقولي امبيه ترا الفراشه على راسج
جذي بمنتهى البرود
انا والله صرت جذي
قمت من مكاني و اصارخ من قمه راسي الحين ابي اوخرها و بيدي البيبسي و الفطيره و بدون وعي حذفت الفطيره يمين و البيبسي يسار و طاح صوب خالي انكب على ريله :dddds:
وانا لي الحين بنوبه الصراخ و ريل خالتي موجود امبيه فشله و الكل بس صلي عالنبي ماكو شي شفيج
و طبعا لازم الختمه ف بجيه
3) هم كنا بالشاليه و قاعدين عالبلكونه برا في دري صغير ينزل عالتراب و احنا كلنا كلنا فوق عالكراسي و يا خالاتي و رياييلهم .. و لا في جلب صغير ياي من بعيد عالتراب يركض و عادي مالي شغل فيه ما يا صوبي .. شوي ولا يقولون او او او او و صار صراخ انا الصعده مو صوبي ما شفت بس قالوا جذي والله ما احس بروحي قمت صعدت عالكرسي و اصارخ جني مينونه اللي صاحب الجلب كان بعيد عنه والله من صرختي يا ركض قام يتعذر :eh_s(2):
4) كنا بالسياره ويا امي وانا قاعده جدام شوي و لا اسمع دوووم شي طق الجامه على سرعتنا و على حظي هالشي ما طق الا قبالي بالظبط الحين انا اشوف شي متعلق عالجامه مادري هذا قرطاس ولا حشره .. جان اقول حق امي امبيه هذي ببشيره دعمت الجامه و ما ماتت لكنها تنازع لول !! عاد الحمدالله اني كنت مسكره الجامه لانها لو يايه داشه صوبي جان 100% سوينا حادث .. يوم وصلنا ولا امي الحين بتسوي فيني دقه .. قالتلي ترا هذي مو برا السياره كاهيا داخل .. والله انا صرت جذي
هسترت هسترت امي تقولي بس بس اتغشمر معاج بس ماكو شي و انا مغيبه و رحت نطيت ورا نزلت من الباب اللي ورا امبيه مو صج :eh_s(2):
و طبعا كل مره يصير يقعدون يتحلطمون اهيا و ابوي انتي لو يطلع لج شي وانتي تسوقين شبتسوين و لي طلع لج بالجامعه بتفضحينا تسوين جذي
امبيه والله والله ماحس بروحي شي لا ارادي يصير افصل مو بوعيي والله و عقب نوبه الصراخ ابجي لا اراديا بعد :eh_s(2):
تهقون وصلت مرحله الفوبيا و لا بعد :eh_s(1):
_ _ _
و انا مواقفي دبلات الدبلات من اللي حطيتهم اذا ذكرت بعد اكملهم
يالله دوركم كل وحده تشوف شنو فوبيتها + مواقف صارتلها من هالفوبيا
